سؤال سريع...لو طفروج وظايقوج وقهروج وذلوج!!! تردين ؟؟

[om MaRyooM]

الســـــــــــــــــلام












حبايب قلبي من زمان عنكم .. شخباركم وشلونكم مع الجو البدييع




عندي سؤال





لو اهل زوجج وايد يقطون نغزات ماصخة


ويتعمدون يظايقونج


ويطفرونج


ويزعلونج


وانتي ساكتة

وساكتة


وبعد ساكتة


بس زادو الجيلة شوي عليج

وقمتي تسمعين حجي حتى من وراج يقولونه !


حجي يمس كرامتج


وشخصيتج


وتدخل بحياتج ..


لدرجة تشييش زوجج عليج ..


وانتي ياغافلين لكم الله

ومعروفة بطيبتج واصلج !! بس الناس اجناس واهما مو معترفين بهالشي . .



شتسوين ؟؟؟


تردين ؟؟؟؟ ولا تتمين ساكتة ؟؟؟؟؟؟؟


>>>>>>>>>>>ادري سؤالي وايد سريع لووووووول


بس ودي نتناقش عن هالشغلة . . انا من مؤيدي الصمت .. بس لكل شي حدود صح ؟:eh_s(10):

 

[hotchocolatee]

اختي موضوعج مو واضح يعني ..شنو يطفرونج فيه ..شكلج ..اسلوبج.. ما فهمت بس ع العموم الحقران يقطع المصران ابتسمي دايما وبيني لهم انج طنااااش بيزهقون

 

[ام عفاف الكويت]

صج الحقران يقطع المصران
بس همن الواحد يحتر
بس شنو تسوين
ناس ناقصه عقل
تحب القيل والقال
عيشي لعيالج وبيتج وريلج ان كان زين
يهون عليج كل شي

 

[om MaRyooM]

اختي موضوعج مو واضح يعني ..شنو يطفرونج فيه ..شكلج ..اسلوبج.. ما فهمت بس ع العموم الحقران يقطع المصران ابتسمي دايما وبيني لهم انج طنااااش بيزهقون

بكل شي . . خو اهل الزوج ينطرون الزلة عشان يعلقون


للتوضيح :


يعلقون على الطلعات والسفرات والمصاريف وشلون ولدهم يدلل مرته ويحبها ويحترمها ..

وشاكرة مرورج حياتي

 

[om MaRyooM]

أم عفاف


صاجة والله يالغالية ..

تسلمين على المرور الحلو

 

[qloopcom]

لا ما ارد بس اقول الله يسامحهم وفي ملائكه ترد عليهم .... وبالعكس احسن تاخذين حسناتهم وهم ياخذون سيائتج يعني انتي المستفيده ههههههههههههههه لا تزعلين عليهم بالعكس قولي الله يهديهم

 

[غلاتي غلا]

القافله تسير والكلاب تنبح صح!! << صح المثل ههههههه
ما اقصد اهل زوجي لا محشمومين اقصد لكل شخص يتكلم عنج ويضايقج ويطفرج خل يتكلم مني لباجر وكل ماسكتي منها اجر ومنها بيموت من الحره << اكسبيها من الصوبين
طنش تعش تنتعش على قوله اخوي

 

[~{GooShTa}~]

بكل شي . . خو اهل الزوج ينطرون الزلة عشان يعلقون


للتوضيح :


يعلقون على الطلعات والسفرات والمصاريف وشلون ولدهم يدلل مرته ويحبها ويحترمها ..

وشاكرة مرورج حياتي

و الله دامهم بيعلقون عالطلعات و السفرات و الدلع فهذا من الحره اللي ذابحتهم .. اذا قالوا هالحجي من وراي بطنش بس اذا انقال جدامي لا و الله برد عليهم رد اخليهم ينقهرون و يحترون زياده ..

 

[معلمة اولى م]

نصيحة اختي العزيزة طنشي و لا كانك سمعتي شي تعيشين بسلام و راحة و الاهم زوجك و بيتك و لا توضحين لزوجك أي شي عن كلامهم اسال الله لك التوفيق و السعادة .

 

[brettey]

رد : سؤال سريع...لو طفروج وظايقوج وقهروج وذلوج!!! تردين ؟؟

ما اعرف اسكت لان صار لي كذا موقف مع حماتي الكبيره وماسكت وقفتها عند حدها وهددت ان مايازت عني بفضحها عند حمولتها كان جزتها بينا خلافات
والحين علاقتنا زينه مع بعض
بس انا طبعي مع الحموله مع الاهل مع الي بالدوام اواجهه لو دريت ان وحده حاشه فيني و متكلمه عني بالشينه وانا مو ضارتها والي تنقز افشلها واقط عليها نقزه تفشل عشان تحرم
انا جربت السكوت وتعبت الصراحه فعشان جذي افضل المواجهه
انا حمولتي زينين الحمدلله بس حماتي ايام ماكان بيني وبينها خلافات والحين الحمدلله علاقتنا زينه

حبوبه لاتسكتين والله بتتعبين ان لم تكن ذئبا اكلتك الذئاب وانتي طفح الكيل عندج الله يعينج شلي حادج تسكتين وقفيهم عند حدهم عاد انتي حمولتج قطيعه غير نمونه الله يعينج ويكفيج شرهم

 

[.،:"$الـعـوبــــة$":،.]

أهلين أم مريومة ،، لا الجو البدييييييييع ؟؟ ماقدر أعبر عن شعوري صراحة ! خلني ساكتة أحسن والحمدلله على كل حال !
السؤال الثاني :
شوفي يالغالية ، الكلام اللي من وراي مايهمني ! والله لو أسمع بلاوي ومصايب ! تلقيني أضحك وأطنش !
لأني حييييييل واثقة من نفسي ومايهمني الكلام الي ينقال عني ولا يهمني من صدقه ومن كذبه !
أنا شخصيتي واااااضحة ماعندي لف ودوران ، والكل يعرفني !
أما الكلام اللي ينقال قدامي ،، أقدر أقولك وبكل بساطة ،، ماذكر إني طلعت من حوار كبير أو صغير وأنا الخسرانة !
ولا أذكر إن أحد حاول يظلمني، حتى والحق معاي ماأسكر عالوضوع إلا وأنا الظالمة والعوبة على قولتهم !
وبكل إختصار محد له شي عندي ! إن عطيت من طيبي وطيب أصلي وإلا لا يمكن أعطي لو على قص رقبتي .
وبس .:sfg:​

 

[hotchocolatee]

حياتي دام لبتغليق ع الطلغات والدخلات والمصاريف ..يعني غيره واضحه ...بس حصني نفسج بالاذكار ...وطنشي عدل مدل ..هذا الحريم التطنيش بس اهو دواهم ولا مايفيد فيه رد او غيره...بعدين ما يسوى تردينوتعطيش كلمه تجرح داام هذا اسلوبهم

 

[انا مو هني]

اذا بزياده راح ارد
والشي الثاني اخفف علاقتي فيهم حيل وتكون علاقتي معاهم جدا سطحيه
ازور واييب اي شي معاي
واقعد ساكتا حاجوني رديت ما حاجوني اسكت
واذا مصخوها وايد اكيد برد ماقدر اسكت حتا لو اقول عيب هالحجي انا مو اختكم
كل شي له حدود وامشي

 

[ربي يفرج لي]

رد : سؤال سريع...لو طفروج وظايقوج وقهروج وذلوج!!! تردين ؟؟

up up

 

[نورهـ]

بعض المواقف اكيد تستدعي انج تردين وبعضها لا والله طناش ابرك مو ضعف الا شحقه تعورين راسج بسخافات
دام الزوج معي عسل مالي ومال الناس

 

[النوري نور عيني]

لا تسكتين وان قطوا نقزات قطي ...مفتحين عينهم عليج ...فتحي عيونج عليهم..انتي سافرتي ما اظنهم ما سافروا ؟انتي شريتي حتى اهم يشترون محد عليه قاصر ..ليش التنحت ؟والي ما له لسان ياكله الخنفسان...

 

[hazel eyes]

اذا انا موجوده وريلي مو موجود اي ارد واقط مليوووون الف نغزه بس اذا من وراي نوو ما ارد عليهم واذا الموضوع زاد حيل عن حده ما اجابلهم خير شر الا بالمناسبات

 

[@ام ضاري@]

رد : سؤال سريع...لو طفروج وظايقوج وقهروج وذلوج!!! تردين ؟؟

ما اسكت خصوصن اذا صار الشي مايتحمل

وبذات انا اذا كنت معاهم حبوبه واسمع ها السولف لاوالله لشخل الام مسجات

وعطيهم واقول العين بالعين والسن بسن والبادي اظلم وانتو ناس بديتوو

ياتكفون شركم عني لاوالله اطلع وجهي المخفي عليكم ولا تقدرون تسكتوني

شنو شايفين مني

_shh_:


(( ها الكلام بصووووووب اللي قلته عسى الله يبعد عني ها السولف بيني وبين حمولتي ولا يفرقنا يارب وتمم علينا ))

 

[سموي ملكي]

بكل شي . . خو اهل الزوج ينطرون الزلة عشان يعلقون


للتوضيح :


يعلقون على الطلعات والسفرات والمصاريف وشلون ولدهم يدلل مرته ويحبها ويحترمها ..

وشاكرة مرورج حياتي

حبيبتي لاتعممين في اهل زوج كافين خيرهم شرهم ان جيتي ياهلا ومرحبا وان ماجيتي ماتشوفين شر



وعادي ان ماعلقوا اهل زوجج على سفراتج ودلال زوجج لج بيعلقون رفيجاتج بنات عمج جيرانكم


من راقب الناس وكلامهم مات هم صفي النيه وعيشي حياتج لنفسج بالاول ولعائلتج

 

[أنفاسي دخون]

وغلاتش طااااااااااااف ان كان الكلام من وراي اما قدامي واشكره لااااااا والله اوقف كل واحد عند حده بس بادب مو بوقاحه واذا كان تعليقهم على الطلعات والسفرات وخير زوجي علي فعسى الله يكثر خيره ويجيب لي ولعيالي ويزيده من فضله وما قالوا هالكلام الا من الحره والله يهدي الجميع