سؤال صريـــح!! اطّـقــوون عيالكم ؟؟؟؟

[om MaRyooM]

السلاااااام






طبعا طفارتي طفارتي الطق


يخرب ومايصلح الياهل ..


ولما كنت اشوف اي وحدة من اهلنا تطق عيالها اتنرفز واتحلطم :eh_s(4):




بس بصرااااحة يا بنات


الحين صايرة ما أتمالك نفسي .. بنتي عمرها 3سنين تعااااند بشكل فظيع

ومتعبة لأبعد الحدود تبارك الرحمن صايرة اطقها احيانا وعقب اقعد ابجي اندم :eh_s(1):


مادري شسوي

مضااااااايقة من نفسي


احاول اتمالك اعصابي مااقدر


ماينفع معاها لا المساحل ولا الطق ولا شي




بصراحة ..

اطقون عيالكم ؟؟؟ ولا مستحيل ؟؟

بعرف في احد مثلي ولا انا مو طبيعية :eh_s(2):

 

[هدفي الفردوس]

ماعليج الطق يربي الشدة زييينه عشان ترتاحين بعدين

 

[om MaRyooM]

^^
^^


والله مادري


بس ماحب الطق اكرهه
ودايما اقرى بالكتب والمجلات ان اهو اسوء وافشل طريقة للتربية...بعمر بنتي اتكلم

 

[~*~الملكة~*~]

في احد مايطق عياله ... لاتصدقين ان مافي احد يطق عياله

طقيهم للتاديب مو طق مبرح لا بسيط

واتبعي معاها اسلوب الحرمان قوليلها اذا ماسويتي هالشغله ترا ماكو طلعه ولا ماكو لعبه

ولا تخلينه مجرد تهديد لا نفذيه قسي قلبج شوي لمصلحتها

 

[دلع86]

لا حرام عليج موزيين تتعقد والله

سوي نفسج زعلانه منها ولاتكلمينها قولي لها اذا سويتي جذي ماراح اكلمج وحقريها فتره راح تحس انها غلطانه وهالطريقه يبيلها فتره على ماتتعود عليها

 

[om MaRyooM]

مشكورين

 

[Melazlaza]

ام مريوم لا تطقينها مو عشان نفسيتها او عشان اسس التربية

لا
لان الطق بيزيد عنادها وبتتصعب الامور عليج

الحل العقاب القوي الي بخليها تتوب
اقولج عقابي وقيسي عليه

اذا علط الطفل بعمر بنتج وكان الغلط قوي ومتكرر كذا مرة وزفيتيها ومافي فايده الحل
عن نفسي اقول الي ما يسمع كلامي مابي اشوفه وبسكر الدار عليه
ومو بس كلام لا انفذ
عقب التنفيذ الطفل فهم ان انتي وقت الجد ماتغشمرين وبتنصدمين من الطاعة المفاجأة الي بتنزل عليها
هذا مثال
وانتي ادرى بطفلتج شنو الشي الي صج يزعلها او يخوفها او يسبب لها تهديد

الطق ايذاء جسدي
العقاب تقويم للسلوك

 

[BoxCouture]

بالضرووووووووووووووووووووووووووره القصوى ......​

وبصراحه على حسب الغلط للاسف:eh_s(2): استخدم هالاسلوب بس بالنادر وبالحالات إلي لازم الياهل يعرف ان سو شي غلط وكبير بعد

والطق ما يكون قوي بس بيكون مؤثر لان طول الوقت الواحد يدلع عياله ولما يشوف موقف غلط وممكن الياهل يتمادى فيه و بعدين من الاحسن ان الطق يكون بعد التهديد وبجذي عطيتيه انذار واكيد ما يكون عالويه ولا طق يأثر عليه نفسيا وجسديا ........... وضروري يعرف الياهل ليش انطق​

​

 

[om MaRyooM]

ماقصرتو والله افدتوني

 

[ريح قهوه]

انتي نفسي بنتي ٣ سنين وعنيده صايره وعصبيه ونفيسه تلبس بالعزره وتفصخ بالعزره وتغسل بالعزره ومزاجيه وتبي كل شي العيال كبرت تغيرت عن قبل ما اقدر اصيطر عليها بس والله مرات اطقها بس مو طق الطق يعني مثل عضه خفيفه قرصه خفيفه طقه على الايد لانها صج اتنرفزني واسوي هالشي غصبن عني بس صج اتحسف بس عقب اراضيها واستانس والله يعينى على عنادهم

 

[" ام حمود "]

بصرآحة آي ..
عندي ولدي الكبير عمره 4 سنين وبنوتي 3 سنين .. مااشاءالله عليهم لاتشوفينهم
والله توم وجيري طق بينهم وكل واحد ايي يشتكي من الثاني بعض مرات
ينرفزوني واقوم ودي اطقهم بعدين استغفر ربيء والله حتى كلام حلو وياهم
مايفيد ..
بعض مرات اقعد اجذب عليهم عشان لا يتهاوشون هم ماكو فايدة فيهم
يسسون اشياء تنرفز
انا اطق اي بس ع ايدينهم عشان لا يسسون جذي مره ثانيه
<< بس هم ماكو فايدة يكررون هالشيء
بس مااطقهم ع الويه لا كلش

 

[hano0oda]

اذا سوو شي غلط وكررو اكثر من مره واهم يدرون ان غلط ممكن بس مو الطق الطق لااا طقه خفيفه بايدهم ونظره حاده واقول ان هالشي غلط عن الشي الي سووه بس انا مااحب يكون عندي احد يعني مااحب احد يشوفني عشان محد يمد ايده عليهم يعني بينج وبينهم وهذا كلا حق مصلحتهم عشان يعرفون الصح من الغلط مره مرتين راح يتعدلون عن تجربه

 

[om MaRyooM]

ظميري قام بأنبني

لأن تذكرت نفسي جم مرة طقيتها حيل بعد عمري







مشكورين بنات
والله يعينا على التربية .. هالجيل غيييييير شكل @@

 

[بطبوطة سكرة]

صح كلامكم الطق ماينفع ويتعقد الياهل وفوق كل هذا يكرهج
بس اسم الله عليهم عيال هالوقت يطلعونج من طورج، الله يهديهم ويهدينا ويقدرنا نربيهم التربية الصالحة
اللهم افرغ علي صبرا

 

[love love]

صراحه كنت بس وقفت الحمدالله صار عقاب وحرمان ونقاش


لانه تعبت اطق وابجي دهر

 

[رفرف]

الحمدلله ما اطق .. اكلم واشرح واتفاهم واتناقش وهم اعاقب واكون حازمة وقت الجد
بس ماطق ولا أهين ولا أسب..
ولا ارضى ينهانون من اي احد لا انا ولا غيري والطق ترا اهانة
الطق اسهل طريقة .. وافشل طريقة للتربية

 

[miss swan]

انا بنتي كانت نفس بنتج
تدرين ليش
لانج يبتي بيبي يديد وخذى انتهباهج

عقب جربت اغير انا من نفسي ريلاااااااااااااكس
اخذي نفس كبير واي مشكله وعناد شوي شوي
حبيبتي لامايصير جذي بالحجي
ترى ازعل منج

وبالوقت اللي تكون هاديه عطيها جرعات حنان وحب
كل شوي لميها وبوسه ودلعيها بالكلام

شوفيها جان ماتغيرت​

 

[حبي الاول]

وانا اطقها بعد واي بنتي تكسر خاطري بس شسوي ماني قادره امسك نفسي

 

[om_3azoz]

الطق ماينفع انا ولدي شهر 4 يكمل 3 سنين ماكنت اطقه قبل كلش كلش

الحين بس ينرفزني وصاير قليل الادب يمد ايده ويسب اطقه اذا مد ايده واذا سب اطقه على حلجه بس ماكو فايده للاسف
من الدلع الزايد ,,

لا بالمساحل ولا بالطق ولا بالكلام الحلو ولا بالعقاب ولاشي
المشكله لمن انا اعاقبه اقوله ماكو لعبه يروح بيت عمي يروحون يشترون له لان اهما مدلعينه وانا كليتها

 

[نبراس الكرامة]

يبيلكم محاضرآت في التربية المبكرة و علم نفس توافق

قلتها أكثر من مرة

" العقاب يكون ع حسب شخصية الطفل "

بس ما في تطبيق :eh_s(4):