ساعدوني بالتاااسع تعبت انقذوني الله يوفقكم

[sosowaty]

السلام عليكم بنات انا وايد وايد احاتي

باقيلي عشان اخلص التاسع 6 ايام و لحد الحين مو مفتوووحه و لا ساااانتي

انا اخاف يكون الرحم سمكه سميك و اولد قيصريه <<< يارب اولد طبيعي

بالمرا الرحم مسكر بالمرا شسوي تعبت مع اني امشي واااايد وااااايد

طمنوني مع العلم اني بجر

 

[غـرامـي أنـت]

يوووه الله يعينج نفسي انا بولادتي ببنتي

خلصت التاسع دخلت العاشر ١٠ ايام

ولا فتح ولاسانتي حتئ طلق ماكان فيه

بس عطوني طلق صناعي وسوت لي تحريض لمدة ٣ ايام ورئ بعض

يالله ولدت ،،

الله يسهل لج أنـ شاءالله وتولدين بالسلامه

 

[sosowaty]

بس قالولي التحريض مو زين للبجر

 

[_زينه_]

اشربي حلبه و عندج الخروع قفشتين مع اي عصير


والله يسهل عليج

 

[sosowaty]

منعتني دكتورة الطواري من الخروع اتقول مو زين اذا رحمج مسكر لان راح يسبب لج الطلق

و انتي رحمج مسكر وراح يتعب البيبي

 

[ام عفراء]

دام رحمج مسكر لا تشربين اشياء يمكن تضرج ماتنفعج

عليج بالدعااء والصدقة

والله يسهل عليج الولادة

ويرزقج الطفل المعافى

 

[مدّهره !]

يااارب يسهل علللليج وتولدين طبيعي إن شااء الله ^^

 

[Canon~]

ان شاءالله تولدين طبيعي

 

[البنت المحترمه]

ياقلبي لاتحاتين البكر دايما تطول انا نفس حالتك خلصت شهري والنفسيه صفرررر وسوت لي تحريض ورديت البيت وعوار وافرازات ورديت لدكتوره بعد اسبوع سوت لي تحريض ووقت الولاده سوولي تحريض كم مره تعذبت لحد ماجبت بطلق صناعي اللهم لك الحمد بس انتي يمكن معاك شمم تبخري بحلتيته بس لاتكثرين كسره صغييييييييييييييييييييييييييييييييييييره

 

[*ضيفة*]

ادعي ربنا وان شاء الله ميسرة
ما احد يقدر يساعدك غير رب العالمين

 

[ام عبد العزيز م]

كتري الاستغفار وانتي تمشين

 

[زين ودلال]

شربي حلبه

الله يسهل عليج ان شاء الله

 

[مضاد حيوي]

حبيبتي الله يهون عليج
انا آخر ولادة كنت جذي كانت الدكتورة تفحصني و تقولي رحمج مسسسككككر
حده و تخرعني و بعدين قمت ادعي ربي و استغفر على طول و اشرب ماي زمزم
و بعدين استخرت ربي و شربت خروع و الحمدلله ألف حمد و شكر يارب
يتني العوار و رحت المستشفى و الله سهل علي ،، اصلا حزتها راح يتبطل الرحم
و الله يسهل عليج ولادتج و على جميع الحوامل .. يارب

 

[غرام القمة]

الله يهون عليج

 

[اخت خالتهم]

خوفتيني .. اخاف اصير نفسج
انتي اكيد كنتي تاخذين مثبتات
ويقولون المثبتتات تخلي الرحم سميك وايد
ويأخر الولاده
الله يسهل عليج سوسـو

 

[Meeesh]

اخت خالتهم مو شرط المثبتات تأخر الولاده! انا بولدي كنت اخذ مثبتات وولدت اول يوم بالتاسع
وهالمره اخذت وولدت نص التاسع
يعني مالها شغل المثبتات
الله يسهل عليج ترى الطلق يجي فجأه ويفتح الرحم ادعي وان شاءالله تولدين بالسلامه

 

[قَلبڪْ صًخرْ]

بعد عمري ياسوسو
عسى ربي يهون عليج وتولدين طبيعي
قبل ماتخلصين تاسع
وترزقج الولاده السهله ياااارب العالمين


ولاتشربين شي دام رحم مسكر
مالج الا رب العالمين تدعين
ويدعون لج الايواد

 

[اخت خالتهم]

مدام جذي عيل التاخير من الله
وامي بعد ماتنصح ان الوحده تشرب
بس خلي الاشياء البارده
وشربي اشياء دااافيه تزيد حرارة الجسم

 

[غلاه الروح]

الله يسهل عليج وتقومين بالسلامة انتي والبيبي لاتشربين ولاتبخرين بأي شئ إذا تبين الطلق يزيد من تجربتي آكلي الرطب والله أنا كنت اكل منه لدرجه أنهم شكوا فيني أني شاربه خروع بس الي يسكر الحوض تري الكالسيوم المفروض من التاسع نقطعه الله يسهل علي كل حامل.

 

[أم معاذ الكندري]

فديتج سوسو حاسه بمعاناتج قلب
ربي يسهل عليج وعلينا
مالج ولنا غير الدعاء فديتج
ربي يرزقج الولاده السهله الطبيعيه وتفرحين في شوفت كتكوتج