ساعدوني في تحديد مصيري ومصيري عيالي يا رب وفقهم في حياتهم

[ريوومة 1982]

انا مع البنات غلط تخلين زوجج بديره و انتي بديرة استقري هناك و كل شهر زوري الكويت

 

[قـہۈه فـرنسيـہ™]

الله يكووون بعونج ... بس سؤال ..؟ توج تستوعبين انج ما تقدرين تعيشين برآآ ديرتج ؟

كان من البدايه اختصرتيها الله يهداج ...


أنا من رايي خليييج مع زووجج أبوو عيالج ...أو عالأقل هووو يستقر معاج هني ويدور له وظيفه لو بالخفجي

 

[معطال الحب]

شاكره لكم ردودكم والله اني حاسة بضياااااااع ما ودي اغثكم بس انا ما اقدر اندمج مع مجتمعهم ولا اعرف فيه شي ولا انظمتهم يا رب فرج لي همي بنات انا ما اقدر ما اقدر اتاقلم لي جم سنه بس ابجي ابي ديرتي وناسي واهلي ومجتمعي مو قادره افهموني ما اقدر صاكه فيني الدنيا سوري ع المغثة والمود الكئيب بس هذا الي اعيشة وقالي زوجي مالنا الا هالحل

 

[over love]

اذا أنتى بديره واهو بديره وين الأستقرار ؟ شلزمة هالزواج اصلا ؟

بيتج وديرتج مع ريلج ياحبيبتى لاتخلينه بروحه أنتى ماتدرين يمكن اهله يستغلون هالنقطه ويزوجونه وتصير الحره حرتين !

عيالج وريلج مستقبلهم بديرتهم وأنتى معاهم ماعليج من أهله ومشاكلهم أهم شي زوجج زين معاج

 

[Q8NONA]

بقولج شي واحد تري تربيه عيالج بروحج بتهد حيلج صدقيني قعدي مع زوجج وربو عيالكم مع بعض وخليه يشيل المسئوليه معاج فيه واايد حريم متغربين عن ديرتهم بس عايشين مع عيالهم وازواجهم ويدخلون عيالهم المدارس بنفس الديره الي اهم فيها
لا تصعبين الامور
واذا على اهلج وديرتج تقدرين تشوفين اهلج وتقعدين بديرتج بالاجازات وماشاءالله الاجازات الدراسيه بالاشهر وهذا غير اجازه نص السنه
شيلى من تفكيرج انج بتقعدين مع عيالج بديره وزوجج بديره تري والله بتتعبين لا تخلين فجوه بينج وبين زوجج وراح تتطور الامور ويصير هجر
والله يسهل امورج يارب

 

[دلع العتبان]

الله يعينج

 

[ليدي]

انا مع البنات كلهم قالولج خليج بديرة زوجج
ولا تندمين بعدين ولا تمشين ورا هواج رضحي علشان مستقبل عيالج وزوجج
وصدقيني باجر بتحمدين ربج انج ظليتي معاهم

 

[dream_q8]

كتبت رد اشطوله وانمسح:

 

[معطال الحب]

قهوه فرنسية انا تزوجته وانا صغيره وصار لي سنين بس ابجي واهو يوديني بستمرار وعلقني اكثر

 

[معطال الحب]

دريمد ان شاء الله صح كتابتي انتي متزوجه سعودي وعايشة بالسعودية ردي علي الله يوفقج

 

[ياليل مااطولك]

المثل يقول بعيد عن العين بعيد عن القلب --------وقال تعالى وجعل بينكم موده ورحمه ----اين الموده في البعد ---------فااتوقع صعب كل واحد ببلد ----وانتي زوري اهلك زيارات معقوله كل شهر اجلسي عندهم اسبوع --واذا على تدريس الاولاد كل بلد فيها مدارس دخليه مدارس اهليه صح تهتم بتدريسه

 

[Vaniela]

ما انصحج تبتعدين عنه .. الريال ما ينتخلى بروووحه وعلى قولتج اهله حارين يعني لرحتى فضى لهم الجو و صارت لهم حجه يزوجونه وعقب تعالي دوري عليه .. والعيال يبي لهم ابو يربيهم مب مساله بسيطه ..

و بعدين الزواج استقرار و سكن بينج وبينه ..
واذا على الديره الي انتي فيهااا اتوقع غيري من نفسج دوري لج ربع فيها اشغلي وقتج روحي نوادي اي شي ..
اما اذا ساكنه بقريه اتوقع تخلقين لج مجتمع غير مجتمع اهله وعيشي فيه ..
حاولي تتاقلمين شوفي حريم السفرا و الي يشتغلون بالسفارات حياتهم كلها برااا و يتزوجون ويعيلون ويربون عيالهم اكيد الغربه شينه بس مب تذبح توصل لدرجة انج ماتقدرين اتعيشين ..
اتوقع البدايه تكون منج انتي .. لا تقولين اكتئاب و ما اقدر لالالالا انتي تقدرين تعيشين هناك وتقدرين تستمتعين لا تصيرين عاطفيه زياده عن اللزوم كيفي وضعج معاااه و خلج يمه ..
الشي يعتمد عليج اذا انتي شاريه بيتج وعيالج وريلج والحياة معاه تمي واذا لا روحي الكويت ..
واهم شي استخيري ربج لانه اهو الي بيختار لج الخير ..
ولا تخربين بيتج

 

[Vaniela]

و نسيت اقولج اشغلي وقتج طووول اليوم عشان هالاحاسيس تروح عنج .. انا اعتقد انج فاضيه ماتشتغلين ولا تروحين ولا اتين << هاي كله يسبب الاكتئاب


والله يوفقج يارب

 

[قلبي عبدالله]

البنات ماقصروا

الخطوه اللي بتقبلي عليها غلط وكلها سلبيات الاب لما يكون موجود يحكم لعيال في الطلعه والدخله يعني خيرتهم يكبرون ويمرون بفتره مراهقه وهي من اصعب الفترات

وهذي الديره ديرتج انتي مو ديرة عيالج فكري بمستقبلهم علاوة على ذلك حمولتك ممكن تكون هذي ورقه رابحه بالنسبه لهم ويفروا مخ ريلج لاتستبعدي هالشي لانه صعب الريال يبعد عن مرته شهر كامل يعني راح يكون سهل الترويض بالنسبه لهم والله يكون بعونك ويوفقك

 

[Tom ♥ Jerry]

.،


حياتي و الله عسى الله يعينج !
شوفي انا كلش مآ آفضل آنه المره تعيش بـ مكان بعيد عن الريال !
مآ آخوفج بس بصراحه الحين الزمن يخرف
و الفتن آكثرت خصوصا هالفتره ! .،
و ابليس ليلحين مآ مآت ّ
وآنتي مآ رآح تبعدين عنه اسبوع أو اسبوعين !
انتي بتبعدين طول فتره دراسه عيالج
تدرين شنو يعني .، يعني بالآشهر و آكثر مآ رآح تشوفين زوجج !

آنتي من الأول ليش رضيتي تتزوجين وآحد غير عن ديرتج
هاذي مشكله وآيد كبيره و لازم تفكرين عدل الله يهديج
عمومآ الحين الي صار صار .، اختاري و فكري عدل و شاوري عيالج و زوجج
يا كلكم تقعدون بالكويت أو كلكم تقعدون ويا ريلج .،

اذا آهله مسببين لج مشاكل وآيد .، مآلج شغل فيهم
قوليله خل يوفرلج مسكن بعيد عنهم عشان ترتاحين منهم و خلاص !


ترا الريال مآ ينهد بروحه ديري بآلج
لا تخلين ريلج بروحه ؛)

و هاذا رايي و الراي الأول و الأخير آكيد لج و لزوجج
و لا تنسين الآستخاره استخيري حبيبتي
و انا وآيد اؤيدج بـ سالفه الوظيفه .، اشتغلي حبيبتي
منهآ فآيده معنوية و مآديه و منهآ تشغلين وقتج و يكون عندج شي تسوينه
مو حلو المره تقعد بالبيت لا شغل و لا مشغله !

 

[miss-toota]

انا اشووف انج انتي تبي تغيرين مصير عيالج وزوجج بسبب يخصج انتي بس

بالنهاايه ماراح يكون احد يمج غير زوجج وعيالج ... وحرام تبعدين العيال عن ابووهم

وخلاص بعد هذي حياتج وهذا نصيبج انتي من البدايه لما وافقتي على الزواج اكيد تدرين عن كل هالاشياء

انج بتعيشين برا الكويت ... مادري شقولج بس انتي ادرى بمصلحه عيالج ومصلحتج انتي نفسج

تقدرين تبعدين عن زوجج وتعيشين انتي وعيالج بشقه بروحكم وبين فتره وفتره اهو يمرج الصراحه مافي اي استقرار

فكري عدل واستخيري ... وانشاءالله تلاقين حل يناسب الكل

 

[بحر الذكريات]

تعوذي من الشيطان دام زوجج مو مقصر بشي ولا تعودينه على فراقجوخلي عيالج يدرسون بديرة ابوهم احسن لج ولهم والله يعينج يارب

 

[معطال الحب]

شاكره لكم ردودكم الله
يختار الخيره

 

[dream_q8]

السلام عليكم
والله ما راح اكلمج الا كأخت حاسه فيج(متزوجه سعودي:eh_s(21)
اذا سويت اللي في بالج بيجيج يوم تقولين ياليتني عايشه معاه بجهنم مو بره الكويت
هذا استقرار ومسؤليه وانت راح تكونين الاب والام وهو الضيف بس:eh_s(4):
وانت اللي بتودين المستشفى اخر الليل وبتفرفرين على طلبات المدارس وانتي الي بتمشينهم ووووووو
وكل ما كلمج بتكون نفسيه منهاره من المسؤليه وبتحطين حيلج فيه ونفس الشئ لما بيزوركم يعني علاقتكم بتصير متوتره وهذا شيئ طبيعي لوضعكم
ولا يروح عن بالج انه احتمال كبير يجي يوم ويقول جاب اتزوج انا ما اقدر اصبر وانا رجل لي احتياجاتي ووووووو:rgewrg:,وانتي موناقصج شيء وسويت اللي تبينه:eh_s(2):
(والله لو الرجل ذهب وطيب وحنون بس )الرجل اناني بطبعه وراح يحملج نتيجه هذا القرار
(والله زوج اختي راح دوره عسكريه سنه بره ما فيها ذاك الكرف يعني دوام خفيف رجع ماله خلق لمسؤليه والاطفال ومجابل بيته والله كان ينضرب فيه المثل في اهتمامه ببيته وحنيته عليه )
وعاد حزتها بتقولين برجع ديرتك بس الهم بيصير ثلاث هموم هم غربتج وهم تأقلم عيالج وهم زوجج اللي عايش من غير مسؤليه وطالع داخل على كيفه وفجأة مسؤول عن عائله!!!!!!!!
وبيني وبينج الاطفال مالهم اا ديرتهم يتربون فيها وتحت عين ابوهم:eh_s(4):
بالنسبه لاهل زوجج خليج قويه وحطيلج حدود معاهم وفهمي زوجج هالكلام وانتي سويلج مجتمع خاص فيج ولا ترتبطين بأهل زوجج ,كوني صداقات( مثلا امهات اصدقاء عيالج):rerrerek:وصدقيني مع تربيه الاطفال والمدارس والمسؤوليه ماراح تلقين وقت لنفسج فما بالج لاهلج
وبعدين طلي علينا في ملتقى المغتربات ندردش ونوسع صدور بعض:eh_s(7):

 

[أو عبوش]

يالغاليه



خليج بنفس ديره زوجج



صعبه هو بمكان وانتي بمكان باجر يتزوج وماتدرين اصلا



ادعي ان الله يمسح على قلبج ويخلي الاستقرار والسكينه في قلبج
انتي متشتته

الدراسه حق عيالج هني وهناك واحد

والخليج واحد
وقريب من بعض لو بالشهرين 3 تجون تريحون بالكويت ماكو مشكله لين تتعودين



واجري مكاان بعييييد حيل عن اهله اذا حيل مزعجينج