ساعدوني في تحديد مصيري ومصيري عيالي يا رب وفقهم في حياتهم

[_Pure_]

لازم تقعدين معاه لو راح القمر معااااه

 

[fdeet_shosho]

الله يعينج ويفرج همج يارب استخيري حبيبتي
من رايي لاتخلين زوجج بعيد عنج بهالطريقة راح تتحملين تربيه عيالج بروحج وترا هالمسئوليه صعبه جدا وخاصة اذا عندج صبيان يبيلهم رجال يربيهم مافكرتى اذا استمرضوا ولا صار شي الله لايقوله منو بيوقف وياج راح تتحملين كل المسئولية وهالشي صعب بصراحه ويهد الحيل
ادرى الغربه صعبه بس شتسوين اشغلى نفسج وحاولى تتوظفين بالديرة اللى انتى فيها ولاتضيعين عيالج وتشتتينهم وتغربينهم عن ديرتهم بس لانج تفكرين بنفسج - تزوجتى خليجي هذا نصيبج من رب العالمين ارضي فيه وتاقلمى دام حاطه براسج انج مو مرتاحه بتظلين نفسيا مو متقبله فكره تعيشين برا الكويت
فكرى بعيالج لما يكبرون ويبون يتوظفون حالهم حال ربعهم اللى درسوا وياهم وقرايبكم بالاخير يعتبرون خليجيين ويختلفون بالميزات عن الكويتي راح يحسون بالقهر ! ليش تسوين فيهم جذي
بالاخير زوجج يمكن اول الفتره يجي كل شهر وعقب تزيد المده ويمكن يتزوج ويخليج هنى ويا عيالج ويعيش حياته هناك ويستقر وذيك الحزة مافى مجال تصلحين ولا شي
والله اعرف قصه وحدة مثل حالتج وكانوا بالاول زيارات كل شهر وعقب صارت بالعطل الصيفية بالاخير الرجال كره المره ومايبيها وراح يخطب يبي يتزوج لانه الزواج استقرار
والله يوفقج يارب وماندرى شنو ضروفج بعد الواحد يسوى اللى يرتاح عليه

 

[Jalayel]

رأيي من رأي الاغلبية ! تمي مع زوجك

 

[ظل الياسميـن]

ما ادري

استخيري

 

[رواضي قطر]

الله يعينك البنات ممااقصرو وياك

 

[عاشقة هواك]

خل يظحي ويقعد وياج مايصير تمون بعيد عن بعض وانتي ماسالتي لي متى راح تمون على هل الوضع

اي انا وياها حاولي فيه واذا ما يقدر خلاص شنو تسوين بعد روحي عيشي معاه برا

 

[*ريما*]

صعبة حيل
روحي عيشي معاه احسن

 

[ScarletteO'Hara]

مو معقولة حبيبتي بعد سنين من الزواج و الخلفة تقررين انج خلاص ما تقدرين تستمرين بديرة ريلج
وينج قبل ما عيالج يكبرون؟
لا حياتي خلاص المفروض الحين تكونين مستقرة مع ريلج
و ريلج الحمدلله خليجي و مهما كان في بين المجتمع الكويتي و المجتمعات الخليجية اختلافات
تظل اختلافات تافهة لان احنا نشترك مع بعض بوايد عادات و تقاليد
شوفي ما دام ماكو شي رابطج بالكويت الصراحة الزم ما عليج ريلج
و اهل ريلج مادامج مو ساكنة معاهم تقدرين تحطين حدود ما يتعدونها
هذا الزواج استقرار ما بين الزوج و الزوجة
و لما يكبرون عيالج ترى صعب وايد انج تقدرين تتحكمين بتصرفاتهم خصوصا اذا كان عندج صبيان
العيال محتاجين ابوهم
كلش مو عملي انج تكونين بديرة و ريلج بديرة ثانية
و اذا على اشتياقج للكويت
ترى مو صعبة كل فترة و فترة تييون الكويت
اهو شي تكونين يم ريلج

 

[المستغفرة 74]

انا من رايي انج تستخيرين
واكيد لما تعيشين مع زوجج وعيالج افضل بواجد
لان ممكن تفتحين على نفسج ابواب انتي بغنى عنها
الرجال ما ينترك بروحة ديري بالج حبيبتي
وخليج مع زوجج بديرة عيالج والله يكون بعونج

 

[جوري 2007]

الريال صعب يقعد بروحه

حريمهم وياهم وهم يطالعون بره هالدور بديرة ثانيه

الله يعينج

 

[عاشقه رويشد]

مآ أنصحجْ تخطيـن هالخطوه . .

مستقبل عيآلجْ ، أحسـن لهم في بلآد أبوهمْ ،

بالكويتْ ، بيكون وضعهم مختلف اشويْ ، كون انهم بيتعآملون معآملة [ الغير كويتين ] . .

فكريْ بوضعهم القآنونيْ ، قبل لآ تنقليـن ،

و كيف زوجج يكون بعيد عنج ؟

لآ يآ الغآليـه ، تمي و يآ زوجج ،

و كوني صدآقآت اهنآك ، و انشغلي بحيآتج و عيآلج و درآستهم ،

ادخلي دورآت ، و انشغلي

و مآ عليج من أهلـه . .

صح انا وياها

 

[زوجة عزيز]

الله يعينج

 

[om deaj]

يا انج تقعدين بديرة زوجج
او
انه ايي يعيش معاكم بالكويت
و تذكري شغله ترا مستقبل عيالج بديرتهم مو بالكويت و الله يوفقج حبوبه

:ggdw:

 

[حبوبة الجميع]

حبيبتي نصيحتي لج اتكونين قريبه من ريلج مادري شلون اشوفها اشلون المره واليهال بديره والزوج بديره اشحقه متزوجه عيل المراه ويا ريلها وين مايكون معليه حبيبتي سامحيني بس مايصير احسن شيء تروحين ويا ريلج بديرته
واذا على اهله طاااااااف ماعليج منهم سكني بشقه بروحج وخليج رسميه وياهم
والله يسهل عليج يارب

 

[ام سليمان 2008]

صراحة كانه تتكلمين عني
سمعيني وانا اختج مصلحة عيالج يكونون بديرتهم يم اهلهم وناسهم
لان ماراح يتمون يهال راح يكبرون ومحتاجين ابوهم
والحمدلله عرفت انه عندج بيت مستقل فيه بروحج خلي علاقتج ويه اهل ريلج برسمية وحدود واهلج وديرتج موجودين بكل عطلة تعالي شوفيهم وغيرو جو بس اخذيها نصيحة مني قعدي مع ريلج احسن
انا من سنتين رجعت الكويت لان عندي ظروف ودخلت اليهال مدارس بالكويت وريلي كل اسبوعين ايي الكويت بصراحة تعبنه هو يبي عياله وهم يبونه وباخر فترة صارو بعيدين عنه وحتى هو بعد
وان شاء الله الحين انا حامل بس اولد راح ارجع لان جربت لقيت مصلحة عيالي ويه ابوهم
وبالنسبة لاهل ريلي علاقتي فيهم كل خير كل وقتي مع ريلي وعيالي والحمدلله على كل حال
واذا تحتاجين اي شي انا اختج لان حاسة فيج لاني مريت بنفس ظروفج:eh_s(7):
مع السلامة​