ساعدوووووووني

[milkey way]

مرحبا بناات شلونكم شخباركم؟ وانا بعد ميلكي استانس من ردودج وحبج لمساعدتنا وتفيديننا,بشري جربتي اب سلم والا بعد؟؟؟ و لالي انا بنادي كيرفز ,صارلي بالضبط 50 يوم عندهم.. وماكو والله امس خذيتلي عشا من لو فات لبنة وحلوم واليوم ريوقي متاخر بسب ضغط الدوام بيض مفيوح وشابورة والغدا عيش اسمر مع كباب والحين قبل ساعه خذيتلي عصير اناناس وبروح النادي الحين,,وبشوف باخذبس همن لبنه حلوم حق العشا مابي لحم او دجاج ..لا تخربطون بالويك اند بنات

هلا حبيبتي اشدعوه يازهره احنا خوات دنيا وكل وحده فينا تشيل اختها ، بالنسبه لي انا ما خربطت الا يوم اليمعه واكلت ماكدونالدز هف علي بس أكلت هابي ميل هههههه .:33_1185028183:

ويه اب سليم بصراحه خفت منه انا كل شي عندي يهون الا عوار الراس وقل النوم ما اقدر عليهم .:cxxxp:

 

[milkey way]

مرحبا بنات شلونكم,,شخباركم؟ لالي لا تفقدين الامل,يعني جربتي حبوب اب سلم وماسوتلج شي؟ميلكي شلونج ..والله بس نحتاج نقوي ارادتنا ان شالله نضعف يارب انا اللي زدته قاعدها احاول انزله ,,والله كريم

انشالله يازهره كلنا نضعف ونوصل للوزن المطلووووب ​

 

[LaLi chocolate]

مرحبا بنات شلونكم,,شخباركم؟ لالي لا تفقدين الامل,يعني جربتي حبوب اب سلم وماسوتلج شي؟ميلكي شلونج ..والله بس نحتاج نقوي ارادتنا ان شالله نضعف يارب انا اللي زدته قاعدها احاول انزله ,,والله كريم

حبيبتي زهره ما اقص عليج اول جم يوم حسيت اني شبعانه وما اشتهي بعدين لا عادي قمت اكل جني مو

توني ماكله الحبه تدرين انا ما خليت حبوب ما كليتهم بس الحين مليت اليوم عقب الدوام رحت شفت النادي حده عادي

وما يسوى الاشتراك ب70 بس شنو اسوي يمي وباجر ابلش معاهم وانشاءالله يارب اضعف واستمر يارب بعطي روحي

مهله شهر اذا ما نزلت ما باذني ماى راح اسوي العمليه مع ان ريلي مو راضي بس قاعده اقنعه وانشاءالله يوافق .

 

[LaLi chocolate]

صباح الورد حبيبتي شخبارج ، لين اقول المتن خيبه فعلا وانا صاجه استغفر الله يفشل ويلوع الجبد وفوق هذا تشوفين اللي دار مدارج كل اشوي بالنازل انا مااتوقع ان ريجيم عادي اللي يسوي جذي مو معقوله كاني اكبر مثال جدامج ليش مو ضعفت حول الأربعين كيلو واشوي اشوي وانا ازيد وأزيد وأزيد لين رجعت وكل المحاولات اللي قاعده اسويها باءت بالفشل .:jumpon:

أنا ازيد منج مفكرة بالتدبيس لكن الوالد الله يسلمه مو راضي يقولي روحي سويها علشان ازورج بالصليبخات الله العملية ماتموت بعد اذا كان هذا يومي هذا اللي الله كاتبه لي لكن انا اخاف من المضاعفات اللي تصير عقب العملية وبيني وبينج ماعندي الشجاعه الكافية اللي تخليني اتجرأ وأسويها ، واذا على الحبوب مضرتها أكثر من منفعتها والله لاحظي نفسج من نهدينهم تردين مثل الأول وازيد ، انزين انا مرت علي ظروف تصعب على الكافر وخلتني اصير جذي غصبن علي لكن انتي اشفيج حاولي يمكن بالنسبه لحالتي الأكل اهو المتنفس الوحيد كان علشان اطلع من الحاله النفسية اللي انحطيت فيها ما قول الا حسبي الله على الظالم اللي كان السبب . :eh_s(14):

مالنا الا الصبر ياحبي والدعاء ان الله يخفف عنا قادر ياكريم .:33_1185028183:

والله ميلكي اشكثر من اهلنا مسوين هالعمليه وماشاءالله صارو عواده وزنهم والله كانو فوق 120 انا مليت

اسوي رجيم وينزل وزني مره ثانيه ارد الوزن دبلات والله نفسيتي وايد تعبانه .بس لا لا (واي اشفيها تحولت )

لازم يصير عندنا حافز ونستمر وانشجع بعض بنات الاكل ما ينفع (اخاف صج ) علمي روحج ترا ميلكي والله ينيت

الله يعينا عاد انا عكسج اذا زعلت او كنت متضايجه ما احب اكل لازم ما نخليها حجه والله يسر امورج يا ميلكي ا

الحلوه :33_1185028183:

 

[_zahra]

مرحبا بناات شلونكم,,مازلت مستمرة اروح نادي كيرفز واكل مو رجيم اكل بيت بس قليل اليوم عشا كنت يوعانه وايد خذيتلي 1سندوتش فلافل بسس

 

[milkey way]

صباح الورد ​

 

[_zahra]

اهلا ميلكي شلونج ؟ شخباارج

 

[_zahra]

مرحبا بنات شلونكم,, الله يسهل علي الصياام حدي يوعاانه وانا امس متعشية ساعه 8 وبس وقفت اكل وضغط الدوام مو طبيعي فاكيد ماحد يتوقع حالتي

 

[milkey way]

مراحب شخباركم بنات ،،، اشفيكم هدووووء سوري غطيت عنكم من غير ما اقولكم اني كنت مسافره وامس رجعت بعد لوية الامتحانات والتدريس كنت محتاجه للراحه فزرقت جم يوم دبي .

 

[milkey way]

بنات شخباركم ؟؟؟؟ وينكم ؟؟؟ هدوووووء شسالفة ​

 

[LaLi chocolate]

هلا ميلكي اشلونج شخبارج والله اختفينا من الحر وعمايله :eh_s(3): حمدالله على السلامه وانشاءالله استانستي

واشلون الرجيم انا للحين صامده بس راح اخرب يوم السبت رفيجتي عازمتني ريوق :ceaf32e183: يمي يمي

 

[_zahra]

مرحبا بناات شلونكم شخباركم وحمدالله عالسلامة ميلكي شلون كانت السفرة؟
انا بخير بس هالاسبوع ما رحت النادي عشان ------- وبس حسيت هالاسبوع احتجت حلو اكثرمن الايام العاادية ,,وما قست بعد لي 15 الشهر ان شالله بالنادي

 

[milkey way]

هلا ميلكي اشلونج شخبارج والله اختفينا من الحر وعمايله :eh_s(3): حمدالله على السلامه وانشاءالله استانستي

واشلون الرجيم انا للحين صامده بس راح اخرب يوم السبت رفيجتي عازمتني ريوق :ceaf32e183: يمي يمي

اهلين الله يسلمج بعد قلبي والله فقدتكم اقول ياربي شسالفة وينكم مختفين ؟؟؟؟؟ والله الريجيم زين وشين لما سافرت صج كنت اكل بس والله اتحرك وايد وامشي وايد على الاقل في حرق للسعرات ؟

تخيلي اليوم معزومه على عرس طبعا عيزت وانا افتر ادورلي بدله كلهم لوعه وقررت اني اخيط ابيه رحت البروفة الله لا يوريج اللوعه والله مو بدله دراعه وقلت للخياط خلها عندك اشوفلها صرفة عقب .

واضطريت اني اخذلي وحده ثانيه يازيني قبل امشي وانقي على مزاجي ولا يهمني القياس ولا هذي ضيجه ولا هذي قصيره .

 

[milkey way]

مرحبا بناات شلونكم شخباركم وحمدالله عالسلامة ميلكي شلون كانت السفرة؟
انا بخير بس هالاسبوع ما رحت النادي عشان ------- وبس حسيت هالاسبوع احتجت حلو اكثرمن الايام العاادية ,,وما قست بعد لي 15 الشهر ان شالله بالنادي

اهلين حبيبتي والله خوش سفره الحمدالله استانسنا فيها ، اي بعد تدرين لابد من الحلو مالنا غناة عنه ، يلا انشالله تكونين نازلة .​

 

[_zahra]

انشالله ميلكي وطمنينا علي لوكج بالعرس ان شالله تطلعين مثل ما تبين

 

[milkey way]

انشالله ميلكي وطمنينا علي لوكج بالعرس ان شالله تطلعين مثل ما تبين

اهلين شخبارج ؟؟؟ ابشرج الحمدالله طلع شكلي وايد حلوووو لا والبدلة خاشة المتن كله الحمدالله صج بالنسبة للميك اب رحت صالون بلاش اللي بالشويخ والله شغلهم وايد حلوووو سويت تسريحه ناعمه والميك اب خفيف بس اشوه ان طلعني بصورة حلوه طبعا عقب التنرفز اللي صارلي قلت بروح العرس وبقعد بمكاني ماني متحركة بس لا والله عقب اغنية اغنيتين طلعت اللي فيني بالرقص واستانسنا وايد .​

 

[milkey way]

بنات شخباركم ، صارلي جم يوم احاول ادخل المنتدى وكله معلق معي ، ماقلتوووو شنو اخر اخبار الريجيم لالي جوكليت وينج ؟؟؟؟؟ وشمس من زمان غاطه .

 

[milkey way]

up up

​

 

[LaLi chocolate]

هلا والله ميلكي اشلونج الحمدالله انج طلعتي اوكي وعلى قولتهم الغالب آلب انا ما ابي اضيق خلقكم واحبطكم بس


من يوم السبت وانا بلعه مو قادره اصك حلجي ضايق خلقي والله ببجي مليت شنو اسوي يارب ساعدني ساعدني


والنادى صايرلي 5 ايام مو رايحه شنو اسوي ؟؟؟؟؟؟؟؟؟؟؟؟

 

[milkey way]

اهلين شخبارج ؟؟؟
ويه اذا على البلعه كلنا ياحبي جذي ، انا من رجعت من السفر وانا جنب هايشه اكل بدون شعور وبشكل مو طبيعي والله قررت خلاص اني اروح حق دكتور نفساني يعالج السمنه .:eh_s(2):

بدق باجر انشالله على مركز سما للإستشارات النفسية عندهم دكتور يعالج السمنه وبشوف شنو الخلل اللي فيني اللي ما يخليني اصد عن الاكل واي اذا سويت ريجيم الحمدالله استخف واصير جني مينونه .:016:

والحين موعد الغدا والحين موعد العشا والحين موعد السناك هو هو ليش شسالفه كل هذا يوع ولا حرمان ابيه الا ابداع في ابداع .:eh_s(10):

مو قلتلج من البداية المفروض يعالجون حالتنا النفسية بالبداية قبل كل شي .:rgewrg: