ساكنة بايجار ولا عندج بيت ؟؟ تعالي قوليلنا

[FiDalGa]

الله يفرجها على الكل ونرتاح ببيوتنا

انا ساكنه بايجار صاحب البيت بدور واحنا بالدور الثاني وااااايد مرتاحه اهم ناس محترمين وهاديين وانا ماعندي عيال يعني الشقه كبيرة علي بس مادري ليش احلم باليوم اللي يطلع لنا البيت واسكن فيه

 

[ام غدوورة]

انا غيييييير ؟؟؟؟؟؟؟؟؟؟؟؟؟؟؟؟؟؟؟؟؟؟؟
ساكنه بشقه ايجار حلوه والحمدالله مرتاحه
بس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اذا ربحت مليون الدانه بشتري بيت
او انطر استلم بيت شعبي

 

[غالية زمانها]

انا صارلي الحين ساكنه 7 شهور بشقتي الجديده .. الحمدلله واسعه وراهيه .. واهل البيت ساكنين تحت وانا فوق والحمدلله ماشفت منهم شي .. واحلى مافي شقتي مدخلي بروح .. بس هم الواحد مايرتاح الا لما يسكن بيته وملكه يالله تو الناس على البيت !!

 

[PuPa^^SWeeT]

الله يعيينا بناات
شنو انواع المشاكل اللي اتوجهكم بالايجارات

يعني انا مشكلتي بالايجار هذا السنترال كله يخترب

و مثل ماقلت اللي فوقنا يطامروون ليل نهاار و سهاارية و ترقع بيبان لي الفير

​

 

[غلاي امي وزوجي]

ساكنه اجار بعبدالله مبارك

وراعي البيت عسل ينحط على الجرح يبرى اما مرته حيه من تحت تبن ما تسمع عندي شي الا داقه على مرت اخوي تقولها لانها رفيجة بس لو ادري ان صاحبة البيت رفيجة مرة اخوي ما سكنت عليها

والي فوقي معذبين بنتهم 24 ساعه تبجي وصوتها عالي و ولدي طقة سلف ما يسمع صوت بجي الا بجى معاها

والله يفرجها علينا يا رب

 

[غلاي امي وزوجي]

الله يعيينا بناات
شنو انواع المشاكل اللي اتوجهكم بالايجارات

يعني انا مشكلتي بالايجار هذا السنترال كله يخترب

و مثل ماقلت اللي فوقنا يطامروون ليل نهاار و سهاارية و ترقع بيبان لي الفير

​

والله نفس الحال

سكنت يمكن 3 شقق والسبب هالسنترال الي دايما خرباان وصاحبين الشقق مو راضين نحط وحدااات

والشقه هذ ما صارلي 3 شهووور وامس بشغل السنترال مو راضي يشتغل <<<بدت المعاناه

 

[ام هالدنيا]

انا الحمدالله مو ساكنة بايجار ساكنة عند اهل ريلي لي شقة كبيرة الحمداللة اربع غرف ومطبخ وحمامين وصالة بس مو مرتاح مع اهل زوجي يسالوني بطلع والداخلة ووين رايحة وليش وشنو ومافي طلعت وريلي دجاجة الماما والبابا ودلوع الماما والبابا وما عندة شخصية وهو اصغر اخوانة وبابي عليهم وبوجهم وحمواني ماشاءاللة باباهم بروح مثل الموجرين يطلع ويدخلون ولا احد يدري عنهم








بس استحمل لين يطلع لي بيت بروحي والحمدالله قرب دورنا باقي سنتين

 

[abla 7elwa]

رد : ساكنة بايجار ولا عندج بيت ؟؟ تعالي قوليلنا

انا غييير عنكم زوجى اخذ السبعبن وزادهم وشرا بيت قديم عدلنا اللى نقدر علييه وصج راحه واستقلاليه بس المنطقه قديمه والبيت خراباته كثيييره بس الحمد اللله على كل حااال احسن من الايجار

 

[PuPa^^SWeeT]

رد: رد : ساكنة بايجار ولا عندج بيت ؟؟ تعالي قوليلنا

تقضبين بيت خربان ولا شقة ايجار عندي

شقة ايجار كل شي يخترب و يخيس

ولو بعدل بتحسف ماراح استفيد منه ليي طردنا منه

احنا قبل هالشقة كنا ساكنين شقة ثانية قبل صغييرة و اتلوع الجبد

قالنا انتو اجروو وانا ارتبها

لوووول قص علينا قط كل شي علينا

شنسوي عدلنا فيها يالله حصلنا مكان

و فووق هذا مانتبهنا لحمامنا

تخيلو حمام معاريس متر و نص اب متر ونص ؟؟؟؟؟؟؟؟؟؟؟؟؟؟؟؟؟؟؟؟؟؟؟

اقعد عالبيدييه ريوولي بالدش لوووووووووووووووووووووووووول

ولووعة المكاان وصخ

يالله يتنظف

وفوووق هذا ( اهو اللي طردناااا لووووووول ) قالنا طلعوو ابي اسكن ولدي

​

 

[Q8_QT]

الحال من بعضوا آنا ساكنة بعد بشقة اجار بقرطبة والشقة لابقة لاهي كبيرة وايد ولا نتفة ملمومة 3 غرف وحمامين وصالة بس صاحب البيت حده مليق تخيلوا معطينه موقف واحد والثاني مع ان فاضي بس مناشب ريلي عليه آل ايه حق الزوار ولا حق مدرس ولده :rgewrg: ومسكين ريلي يصفط بعيد ويمشي بالشمس لي الشقة والسنترال سالفته سالفة اذا شغلناه متنه برررررررد ولي طفيناه صار حررررر والمشكلة مانقدر انقصره مايتقصر مادري ليش ؟ :bbbiu: الله يعينه ان شاءالله ويطلع لنا بيت

 

[غلاي امي وزوجي]

والله الاجااارات هم بهم

 

[ام الوردة]

انا بإيجاااااااااار والله يعيييييييييييييييييييييييين يارب

 

[انوثة من حرير]

رد : ساكنة بايجار ولا عندج بيت ؟؟ تعالي قوليلنا

انا غير بشقة عند حمولتي وندفع اجار بس الشقة ضيجة وداخلة طالعة عليهم الله يعين ودي اطلع بس زوجي مو راضي وصابرة ننطر الاسكان متى ينزل طلبنا سالفة طويلة طلب 2003مادري وين يقطونا

 

[سفرجل]

انا ساكنه بالايجار والله لو تجمعون المبلغ يطلع لكم مبلغ تقدرون تشترون بيت
والله بدل الاجار مايكفي
الله يعينا ان شاءالله ويطلع لنا بيت باقرب وقت

 

[cheese cake 84]

اناااا شوي بفرررق عنكم لا اجار ولا شي ابو زوجي شاري حق كل واحد من عياله بيت بجنوب السره دورين الحمدالله مرتاااااااااااااااااااااحه دورين وحوووش وحديقه وعلى رااحتي ادخل واطلع كلللللل هذا شفته بالحلم ولمن قعدت قعدت على صوت الحارس يبي الاجار لووووووووووووووول الله يرزقنا بالبيت ونرتاح ياااارب:yaaaaaarb:

 

[PuPa^^SWeeT]

اناااا شوي بفرررق عنكم لا اجار ولا شي ابو زوجي شاري حق كل واحد من عياله بيت بجنوب السره دورين الحمدالله مرتاااااااااااااااااااااحه دورين وحوووش وحديقه وعلى رااحتي ادخل واطلع كلللللل هذا شفته بالحلم ولمن قعدت قعدت على صوت الحارس يبي الاجار لووووووووووووووول الله يرزقنا بالبيت ونرتاح ياااارب:yaaaaaarb:

لووووووووووووووووووووووول

صدقت انا

قاعدة اقوول ياحظهااا

يسلمووووو فرفشتي موضووعي باكشنج اللطيف

:eh_s(9)::eh_s(9):​

 

[PuPa^^SWeeT]

اب اب اب

 

[زهرة الينبوع]

بنات ما تدرون متى يطلع تخصص2003

ملينا من الاجرات والشقه مهما كان مو مثل البيت او البيت الملك الي تهدمين وتوسعين


غير السنترال الي كل شوي خربان والمواقف الي مسكرة عليج كل شوي

 

[خبيرة اعشاب]

الحمد لله انا عندي بيت مو ايجار

عسى الله يرزقكم ان شاء الله

 

[زعنوفه]

رد : ساكنة بايجار ولا عندج بيت ؟؟ تعالي قوليلنا

شلونج قطوره حبيبتي؟؟؟ اخيرا صادفتج بالمنتدى !!!!!

والله حبيبتي انا ساكنه اجار وطلع طلب البيت بس قطونا بمدينة صباح يعني حدود الكويت ... شيودينا؟؟؟ وايد بعيد ما اخذنا الطلب .. والله يستر ما يندرى وين بيقطونا؟؟؟؟ قدمنا على مدينه جابر بس خلصو ؟؟؟؟ الله يعينا ويرزقنا وياكم ​