ساكنه في بيت حموله ؟ تعالي قوليلنا شلون فطوركم برمضان و شنو طبختي :)

[امانينا]

عساكم من عواده:edbf4317b9:
والله احلى شي برمضان لمة الاهل
والفناتك بالطبخ سبحان الله كل شي له طعم غير برمضان
وفرصة كل وحده تطلع شطارتها جدام حمولتها

 

[دمعاتي تونسني]

انا استغرب من البنات الا يذمون اكل اهل الزوج ومايساعدون الخاله الا هي بمثابة امها وحلوه اللمه وهم حلو تنزلين معاج جم طبق والله بتستانس خالتج وهم زوجج ولاتقولين بيذمون او مايمدحون الابيمدح مو لازم قدامج وانتي لاسويتي اوساعدتي خالتج احتسبي الاجر وكمااااتدين تدان
الله يهدينا حنا الحريم مايعجبنا العجب

 

[senioreta n7oola]

عاد أنا ما استحي هههههههه
بحيل الله هذه بتكون ثالث رمضان
افطر عندهم
كنت بالاول اسوي شوربة عدس
بس للاسف ماكنت اضبطها
حييل تكون ثقييلة !
تالي هونت ..
وبعدين ثاني رمضان قعدت اجيب
حلو وفطاير .. لان كنت حامل
واتعب حيييل ونساتي النوووووم
يعني اقعد حده حده

عاد هالمره لاااااااااااااااااا
لازم اسوي حلووو ��
بشتري كل سوالف الحلووو
وهالفناتق وبسوي الحلو وخلاص
مسختها ترى

 

[دلووعه حبيبيي]

انا طبخي حلو وكله طازج بس قلت لازوجي لا زم ننزل ناكل تحت مع اهلك. قال لا واشوي أخير قال أوكي. لان اكلهم الخدمه اللي تطبخ وموشي بس لازم وان شالله راح انزل اطبخ. برمضان معنا حريم حمولتي ولاوحده تطبخ بس تتآكل وتمشي

 

[دنيتي تهواك]

البنات اللي ما يعيبها اكل اهل الزوج تتلوع وتنزعج مثل مايقولون. منهم

شدعوووه ما تلوعتي من ولدهم وطفرتي منه ولا عشان يلبي طلابتج


حرام تكلمون عالنعمه او تتضايق من ام ريلهاا الدنيا دواره بيجي يوم ومرت ولدج بتعاملج بنفس ألطريقه

وعلى فكره الانسان الطيب لابد لابد يجئ يوم ويحبه الشخص اللي أساء اليه


نصيحه يا أخواتي احترمن النعمه وأهل أزواجكم بكره بتصيرين ام وأظن فاهمين وش قصدي

 

[white**angel]

هذا ثاني رمضان معاهم الله يعووده كل سنه انشالله
العام كنت مملوجه وفطوري كلا بيت اهلي لانه ماعندهم يمعة فطووور من الساعه 9 تبدي يمعتنا يعني نتسحر مع بعض ليييي صلاة الفير حدااا وناااسه ضحك وغشمره وناكل اكل فاليوم اللي ادري في يمعتهم ماااا اكل وايد عالفطور

واخلي امي تسويلي طبق حلوو واودي معاي لانه ماكنت اعرف اطبخ وعشان لا اتفشل مسكينه امي تسويلي

 

[الغضى]

الحمدلله ويا حمولتي اتفطر
انزل من شقتي اللي تشتهي الانفس
كل شي أسوي
يوميا طبقين غير الخفايف
وخالتي تموت ع طبخي الحمدلله
وع طول اخذ من المنتدى
واخذ وصفات من خواتي اي شي جديد
أسووووويه واحتسب الأجر
والله يبلغنا رمضان لافاقدين ولا مفقودين

 

[الغضى]

اي أتفطر واشرب جاي لين العشا
اصعد أصلي واكشخ وانزل استقبل ويا خالتي
وبعدين ازور اهلي
وأيام بعد الفطور اصعد بس ما انزل يوميا
لا حسب مرات مايشوفوني من فطور لي فطور
ومرات اتفطر عند امي جذيه
والسحور بشقتي انا وريلي وعيالي
ياحلو رمضان
مبارك عليكم الشهر حبايبي

 

[اتعبتني الدنيا]

اول شي مبارك عليكم الشهر
وينعاد عليكم
صدقوني صج رمضان الوحده تتعب من
الصيام ومن حنة عيالها بس ،،،دايماً
تذكري انج لمن تطبخين وتوكلين الناس
سواء اهلج اوحمولتج هذا يعتبر
((مشروووع إفطار صائم))
واحتسبي الاجر عند رب العباد
وان التعب والحر >>>>ادري ولله الحمد كلنا مطابخنا مكيييفه
كله راااح يخفف عنج شدة القبر وعذاب الاخره
وحرها الله يبعدنا عن العذاب
والله اللي تخلي تفكيرها جذي رااح تشتغل وتطبخ
برمضان واهي مستانسه ..وثابت اجركم ان شاءالله
اما بالنسبه لي وتجربتي برمضان مثل
ماقلت لكم دايماً تفكيري ان الطبخ ماراح ينقص
مني شي بالعكس راااح اكبر بعين
زوجي وخالتي يعني اقعد بكير واضغط
ع نفسي حتى لوسهرانه وانزل المطبخ ابلش بصنف
صنف الين قبل الفطور بشوي نجهز السفره نتفطر ونصلي ونتابع شوي التلفزيون
والشاي والقهوه والحلو بعدين كل واحد يروووح
للمكان اللي يبيه
وبس،،،،