سجلي حضورج لحضة كيف عرفتي انك حااااامل

[ابدا يالغالي مانساك]

بسم الله الرحمن الرحيم

السلام عليكم يا حلووووات وكيف الاحوال

انا حبيت اشارك بهذا الموضوع..

الموضوع راح يكون عن كيف ومتى عرفتي انك حامل ، وهل كنتي تنتظرين هالشي او لا؟ كيف كانت ردة فعل ابو الشباب؟

:eh_s(10)::eh_s(10):​

 

[ابدا يالغالي مانساك]

" أفضل الذكر لا إله إلا الله وأفضل الدعاء الحمد لله "

 

[فتون777]

كان احلى يوم بعمري
انا تميت سنتين بدون حمل
عالجت ويئست وتركت العلاج
والله ماراح تصدقون كنت كل شهر احلل تحليل منزلي والله العظيم ثلاث مرات قبل لاتطلع النتيجه تنزل الدوره
واخر مره اختي جابت تحليل وقالتلي تكفين حللي عشاني سويت التحليل وما طالعت في النتيجه وشرفت الدوره. قمه الاحباط
خلاص ماصرت احلل ولا احسب مواعيد الدوره
ومره كنت نايمه عند اهلي
وابوي قال لامي بنتك شكلها حامل بس ماقالولي
وكنا سهرانين انا واخواتي
ولايسألوني متى كانت اخر دوره وانا مو قادره اتذكر
بس اتذكرت اننا كنا معزومين يوم ما شرفت الدوره
حسبوها طلع شهرين
والله يابنات
ماكنت مفكره في الحمل ابدا
بس مره كنت اتوضئ وزوجي شاف بطني قالي بطنك منفوخه شوي شكلك حامل قلت ايه عشان الدوره جايه
المهم وبعدين اخواتي قالو خل يطلع الصبح ونشتري تحليل
وراحت علينا نومه لين العصر جا زوجي ورحت بيتي وقلتله كنت بسوي تحليل حمل
وسويته فبيتي
كان زوجي يتغدى
انا رحت الحمام وسويته وخليته مقلوب ماقدرت اشوفه مدري ليه جسمي كان يرجف
وناديت زوجي قلتله انتا شوف انا مو قادره
دخل الحمام وشاف وقالي لا خط واحد وسكر الباب
انا اتسمرت مكاني
شويه خرج قالي مبروووووووك حامل انا كنت واقفه والله رجولي ماشالتني وجلست وبكييييت بصوت عالي
واببه فلم هندي
بس بعدين قلتله ليه تقولي موحامل قال ما ابيك تنصدمين
بس كانت فرحه عمري ما انساها

 

[ابدا يالغالي مانساك]

خل اعرض تجربتي
انا تميت سنه واشهر جذيه ماحملت ولله الحمد
كاااان كل شي سليم
عااااد رفيجتي مره من المرررررررات كاان توه دورتي بداية الشهر يعني
قااااالت جم باقي لدوررررررتج
ضحكت عليه قلت اوووووووووه انتي وين دورتي توهاااااا طبعا
عاد قالت انااا احسج حااااااامل
قلت ان شالله يارب
ومابحط بالي قلت اسكر الموضوع ولا افكر فيه
وجتني كل اعراض الحمل وجذب نفسي
وحللت ولله الحمد حاااااااامل كانت لحضه ماتونصف ابجي او اضحك
وطبعا كنت بروحي
وطرشت لزوجي صورة التحليل
خخخخخخخخخخخخخخ
هو يقول شنو هذا قلت شنو ماتعرف ممسكين مصدووووم
عاد دق علي ورحت حللت
والحمدلله علي كل حااااال سقطت وربي يعوضني ان شالله ويرزق الجميع

 

[خمريه حلوه]

هلا حبايبي حبيت اشاركم بلموضوووع........
انا من تزوجت قعدت اربع سنين علاج ورى علاج ولحد ماتعبت انا وزوجي لان زوجي يعاني من مشكله مع العلم ان الدكاتره كلهم اللي رحنالهم افقدونا الامل بالحمل ان حالت زوجي ماينفع الحمل الطبيعي معاه يعني بالعربي قالولي الدكاتره انسي انج تحملين طبيعي المهم بعد مامليت انا ورزجي كل شهر انطر الدوره ونحسبلها ويه وبعض وكل شهر طوف خمس واحيان عشر ايام ومشالله لو احسبلكم طوال الاربع سنين كم مستشفي احلل في حمل وكم تحليل شريت تنصدمون المهم بعدها قلت خلاااااص لا للعلاج ولا الادويه انا زوجي بالمره وخلينا امرنا بيد الخالق عز وجل ولا قمت احسب الدوره ولا انطرهاا كلش يوم من الايام انا كنت ساكنه بيت اهل زوجي وكنت ابي نطلع نسكن بره وكنت ادوره شقه ولويه الاثاث والصبغ والمشتريات وانا صار موعد الدوره وطاف وانا مطنشه وكل مايقولي زوجي ها شصار علي لدوره اقول يوو باجر تنزل بنات تاخرت 20يوم وكنت متهاوشه ويعد ماعصبت قمت بالساعه ادش الحمام كرمكم الله 10 مرات استغربت وينزل علي مثل افراز ابيض لزج حيل انا ستغربت هالشي حيل خصوصا اني اربع اسنين واعرف ضام الدوره عندي صارت الساعه2بليل كنت متوتره حيل قلت حق زوجي نروح نحلل قالي لايبه ليش نقط فلوس ندري مو حامل قتله ادري خلنا نروح نستانس س جذيه عبط قالي يالله والله يابنات مانسي اللحظه هذيك وصلنا المستشفي دار الشفاء وحللت قتله امش نتعشى ونرد قال شرايج مانرد ندري مافي حمل قتله لا بعد دفعنه فلوس ردينا المستشفي بعد ساعه وانا زوجي عارفين وخالصين انه الحمل ماااافي ولا السستر تقووووووووولي ........مبروك حامل قتلهاا شنووو هيه هنديه قتلهاا لا ماما شوف انا اسم عدل دوري عدل هذا مو مال انا جان نقول لا ماما مبروك انتي حامل هذا ما انتي زوجي تنصدم وقعد علي الكرسي من الصدمه وانا صرخت صرخه وجمعت علي كل الناس واقولهم لا شلون انا حامل مستحيل وتخيلوماقدرت اوق علي ريولي وزوجي شالني من الفرحه تخيلو من كثر ماهو فرحان شالني مايبيني امش لين السياره بس والله مانسي هذيك اللحظه والحمدالله علي كل حال واجهضت وسفه علي الاطاله بس صج مانسي اليوم

 

[( عْشِقُ . . )]

احلى خبر وربي ..
صار لي متزوجه ثلاث سنين وهذا اول حمل لي الحمد لله .
اول شي كنت رايحه باجازه مع الاهل للكويت وكنا بالشيليهات وكنت حاسه بأني وقت السباحه اتعب والبنات اذا لعبوا وياي والا حاشوا بطني يعورني واحس بشعور غريب .
المهم اول مارديت قلت للحبيب جيب لي التست وطلعت حامل ماصدقت وربي .
لدرجة اني قلت له جيب تست ثاني نوع ثآني وهم طلعت نتيجة ايجابيه وطرنا من الفرحه .
الله يثبته ويرزقني بالولد والا البنيه الصالحه .
موضوع رائع .

 

[الـزين و الجـود]

انا عاد حملت بسرعه وماكنت ابي )؛
حمدالله على كل حااال
كنت مستبعده اني حااااااااامل ايام العرس نزلت علي الدوره وكان يسأل تنزل 7 كل شهر وانا اقول ايه منحرجه بسكر الموضوع المهم بعد شهر هو نبهني ترى اليوم 10 ومتشقق وانا >> مافهمت واذا 10 ماشرفت !!!! عاد انا هني تنحت وقمت احسب شلوون !! انا منتظمه عندي !!
بعدين قلت له بعد العرس يتغير موعدها وتصير لخبطه بالهرمونات >> انا احاتي ..
وادق على اختي وانا اقول لها قالت لخبطت هرمونااات انطري 10 وحللي
وبعدها قام يسأل كل يوم .. نزلت!! اذا بالدوام يدز مسج شرفت ولا لا !!
عاد انا مانطرت قلت له بروح انام عند اهلي وقطني رحت طرشت سايقنا يجيب لي تحليل منزلي >> كنت مستبعده اني حاامل قالو سويه الصبح اضبط سويته الصبح ولا الصدمه حامل !!
قلت اكيد جهاز خربان ومومضبوط
ولا جهازي يدق ولا ريلي يقول مانزلت يارب ماتنزل <؛ كسرت فيه قلت نزلت ارتااح <؛ نطرت العصر واروح عيااده خااصه اسوي تحليل حمل وقالت حاااامل مدام مبروك ..
هني قعدت ابجي مادري احساس غريب مستانسه وخاايفه
بس احسااس حلووو <؛

ان شاء الله الله يرزق المحرومين ويحسوون هالاحساس​

 

[هذا مزاجي]

انا متزوجه صارلي 4 سنين وماحملت
كل شهر ادويه وعلاجاات وهم وغم
بس اجلس فتره واوقف العلاج لاني تعبت حييل
وسبحان الله سافرت مره وقبل لا اسافر كنت
احس بالام الدوره وموعدها باقي عليه اسبووع
وكان طريق سفرنا كله مطبات ولما وصلنا الشقه
بعد السفر حسيت بالم حييييييل قوي نفس الدوره
بس اقوى ونزل مني افرازات بنيه قلت اوووووووووووف
شتبي هذي متقدمه اسبوووع وانطرها تنزل بس مانزلت
وطول المده كنت حييل تعبانه والام الدوره فظيعه مااقدر اوصفها لكم
وكنت بالفتره هذي عند اهلي وكان عندنا عزيمه ولما راحو الضيوف
فجأه صابني صدااع من قوته بغيت انجن نمت على طوول ولما شافوني
اهلي استغربو التعب اللي فيني ونومتي بالطريقه هذي
قالتلي اختي الكبيره لما قعدت من النوم, الاعراض اللي فيج كلها اعراض حمل
قلت لااااا انا متعوده كل دوره يجيني خمول ونووم ولا حظت اهلي غيييير
متأملين اني حامل وانا مطنشه لما طاف موعد الدوره بيومين
واطلع الصيدليه اشتري تحليل من غير محد يدري
واسويه الفجر الا سبحان الله مااقدر اوصف لكم شعوري لما
شفت خطين كانت الساعه 6 الفجر
واروووووووح اسوي ازعاااج بالبيت واقعدهم كلهم كانو حيييييييل
مبسوطين
وطبعا زوجي قبل اسبوع لما نزلت علي الافرازات البنيه قلتله جتني
الدوره لانه على بالي انها بتنزل
ولما قلتله ماصدق مو مستوعب كللللللللللش
وماصدق الا لما شفنا كيس الجنين والحمدلله رب العالمين
والحين بالثامن الله يسهل
ويرزق كل محررومه ياقادر ياكريم
موضووع روووعه ياغناتي
وعسى الله يعوضج ويرزقج بالحمل السليم المعافى

 

[H&M love]

والله قصصكم تونس
عيل انا كنت متهاوشة مع زوجي و نايمه و مابي اداوم محاظراتي و كان الكورس صيفي
قعدت من النوم جان تييلي فكرة اني احلل منزلي
لاني شاريته من دبي و ابي استخدمه
ماطاف عالدورة ولا يوم انا دورتي ٣٢ يوم
حللت ٢٨ طفاقة طبعا مو حاطة في بالي اني حامل
يوم طلعت النتيحة صارت الدنيا سودة و قمت ابجي
خايفه لا تتكرر سالفه اجهاضي

و سكت اول ما شرف بوالشباب جان اعطيه الصورة و انا منفسه يعني زعلانه
اهو من الفرحة بجى
للعلم كان لي سنه و شهر من زواجي
بس ريلي مطفوق يحب اليهال
و رحنا حللنا بدار الشفا حزتها اختي كانت قاعدة تطلق و متعسرة بولادتها
المهم قالت السستر مبروك حامل
صعدت عند غرفة الولادة ناطرة دكتورة ليلى
اول ما ولدت اختي اطلعت
جان تقولي الفال لج جان اقولها توتي محلله و حامل
قالت لي تعالي بعد اسبوعين نشوف جيس البيبي

و بس الحين حامل بالرابع

ادري وايد هذرت

 

[^_^ Coco Chanel]

الله يهنيكم يارب للحين مو حامل
بس بعض القصص افلام صراحه هههههه
ياارب يتمم على الجميع

 

[تبطي عظم!]

انا حملت علطول بعد عرسي كنت رايحه العمره وانا ماصارلي 20 يوم متزوجه وكنت عارفه ان موعد الدوره

باول يوم راح اسافر فيه العمره وكنت احس بالام الدوره واستحيت من زوجي واهله حاجزين للعمره شلوون

وانا بتجيني الدوره لما قلت حق زوجي قالي ارفعيها ورحت الصيدليه وشريت حبوب رفع الدوره وكليتهم اسبوع

وانا اكلهم كنت بعد احس باعراض الدوره ونوم مو طبيعي بس ماشكيت اني حامل لان ماعرف اعراض الحمل

المهم تركت الحبوب نطرت يوم مانزلت يومين هم مانزلت ثلاثه مانزلت وانا عادي المهم خلصت اجازتي وباشرت عمل

واول ماداومت مالي خلق وفيني النوم وقالولي البنات اني حامل ههه عاد ضحكت وقلت لا احس باعراض الدوره قالولي

حامل روحي حللي وحللت بالبيت وطلعلي خط خفيف وقالتلي امي مو حمل وطاف المهم بعدها من باجر البنات بالدوام ينطروني

ها بشري قلت لهم طلعلي خط. خفيف قالولي مبرووك حمل المهم طلعت من الدوام ورحت المستشفى علطول وحللت بعد سااعه

طلعت النتيجه مبروك مدام حاامل حدي ايتاانست لان زوجي من اول يوم عرسي يحن ع الحمال هههههههه المهم دزيت له مسج

ودق مستاانس وبس الحين انا بدخل التاسع والله يسهل علي يارب وعلى كل حامل ويرزق كل محرومه بالذريه الصاالحه ~*

 

[miss_whitemocha]

انا قصتي فلم هندي مو مستوعبة للحين شلون حملت..بقولكم القصة و اعذروني شوي على جرأتي..
أول شي تبويضي نهائيا ماكان منتظم..و زوجي عسى ربي يشافيه و يعافيه فيه ضعف جنسي شديد والإنتصاب شبه معدوم..وما كان الجماع صحيح و كنت أعاني لأني كنت أحاول كثر ما أقدر إن السائل المنوي ينزل داخل رحمي عشان أحمل..طبعا أول شهر كنت منحرجة منه و ما كنت متجرأة أسوي أي شي وكان القذف خارجي بحكم ضعفه..بس ثاني شهر كنت واصلة مرحلة اليأس خلاص و قلت بسوي اللي أقدر عليه المهم أحمل..بس رغم اللي كنت أسويه كنت أحس مستحيل يصير حمل بهالطريقة.. و بعد مرات معدودة من الجماع صار فيني يأس شديد..وكنت ناوية أكلم زوجي يروح يعالج و انا بعد أنظم التبويض..
ومر الشهر الثاني من زواجي وانا ناطرة الدورة تشرف..خصوصا إنه كل أعراضها بانت معاي..عوار بالبطن و الصدر و الظهر و النفسية معفوسة..لما أمي تسألني هاااا اشصار معاج أقولها انسي الموضوع انا مستحيل أحمل جذي على هالطريقة..
تأخرت الدورة علي 10 أيام و كنت راهية على عمري لا سويت فحص ولاهم يحزنون و أصلا متعودة على تأخيرها و ساعات ما كانت تنزل أصل من كثر ما كانت متلخبطة..
يومها كنت مارة الصيدلية بشتري بندول نايت و ما أدري والله العظيم شنو اللي خلاني أقول أبي تحليل حمل..
رديت البيت و حللت..وتركت التحليل بالحمام عزكم الله و طلعت حتى ما كان هامني أشوف النتيجة..ورديت دخلت الحمام مرة ثانية و تذكرت إني قاطة التحليل على جنب..رحت شفته والا صدمة حياتي أو فرحة حياتي كلها بالأصح..طلعتلي علامة + !!!!!!!
قمت أبجي و أشهق من البجي مو مصدقة..شلون!!! شلون حملت؟؟؟؟ ياربي شلووووووووووون؟؟؟!!!!!! مستحيل أكيد التحليل غلط..
وألبس ملابسي وأدق سيارتي سلف الساعة 11 بالليل و طيران على أقرب صيدلية,, وأشتري تحليلين..و رديت سويت التحليلين.. حتى البول عزكم الله خلص أتغصب عشان أبول.. و هم تطلع النتيجة إني حامل.. والله خريت من البجي..عيوني ورمت..ويهي احتقن مو مصدقة..ربي لك الحمد والمنة..
ربي عالم شكثر أمووووووووووووت عاليهال و متلهفة أبي ضنا..الحمدلله ما قصر معاي..عطاني من خيره و جبر بخاطري..
عسى ربي يتمم علي حملي..ويرزقني أحلى بنوتة في الدنيا..
وياااااااااااارب يرزق كل محرومة من الخلفة إنشالله..
وسلامتكم و تعيشون..​

 

[Model Look]

انا حملت بعد شهرين من عرسي

كان ودي احمل وماودي علشان ودي اخلص دراستي بالاول خصوصا انا اخر سنه جامعه وما ادرس بالكويت بس اكتشفت خيره لانه اخلص وسيدا اولد ان شالله

المهم قبل اسبوعين من الدوره اختي حلمت فيني وتفسيره احمل بعد ماتولد وولدت بالثامن جنه تقولي حملي بسرعه

وانا قبل اسبوعين يوم كامل فاقده التوازن موقادره اتحرك لدرجه وانا اصلي اصير مايله

واليوم اللي وراه دوخه

المهم بعدين انعزمت على عروس وخايفه ارقص من الاعراض

قبل عشر ايام من الدوره حللت طلعلي خط خفيف قلت لامي قالتلي يالمطفوقه مو الحين تحللين قلت لها يايتني اعراض حمل

قالت لي خل يطوف موعدها يومين قلت لها باجر معزومه على عرس ارقص ولا لا قالتلي خففي رقص

المهم تأخرت يومين وهم مهزومه على عرس >> موسم عروس

حللت يومها طلعلي الخط الثاني واضح اوضح من المره اللي قبلها استانست وصورته ووريته خالتي بنفس البيت تقولي مبروووك وتلمني وانا اقول صج ولا مو صج

رحت الطبيب حللت قالتلي حامل مبروك انا وريلي نطالع بعض ونضحك

رحت الدكتوره اشوفه بالسونار ضحكت وانا اشوفه نتفه وريلي شافه نضحك انا وياه

اتوقع الدكتوره تقول شفيهم الحمدلله والشكر خخخ

وبس الله يتمم حملي يااارب واشوف البيبي بحظني
*

 

[اميرة زوجي]

انا تزوجت وبعد اسبوعين حللت طلعت حامل
زوجي انبسط كتيررررر و اخد حلويات وحلى اهله واهلي بس انا الصراحة ما كنت حابة والحمدالله على كل شي
هلا ابني عمرو سنة وسبع اشهر الله يخليلي ياه

 

[حنان1983]

لحظات خاصه جدا ما يقدر اى احد يحسها غير صاحبها ............ يمكن تكون اجمل لحظات فى الحياه
وانا بنيه قبل لا اتزوج كانت دورتي ضعيفه حيل وتيى شهر واتنين لا وقبل عرسي بشهرين روحت للدكتوره عشان الدوره كانت متاخره 3 اشهر ومتعبتنى قالتلى كلام كله احباط ويأس وانى صعب احمل وفينى تكيسات
المهم امى واخواتي ما خلونى اتعالج ولا اخذ شى لانى بنيه وبعد ما تزوجت بشهرين روحت اتابع وقالولى عندج تكيس اتعالجت كم شهر بدون لا اقول حق احد بس امى والحمد لله الله جبر بخاطرى من وسع وعطانى توم بنات الله يخليهم لى ما تعرفون لحظه ما حللت بول عزكم الله وشفت النتيجة بس سجدت على الارض وابكى وابكى واشكر ربي
والحمد لله بعد ما ولدت ما خذيت موانع وحملت وبناتى خمس شهور بس ما كنت اتوقع صراحه بس عرفت بعدين ان الحمل والولاده يخفف التكيسات ويبت بنوته صغيره تشابهنى حيل وحطيت لولب 4 سنوات وشلته بعد 8 اشهر مع العلاج بالكلوميد و انا حامل الحين ولله الحمد وبس كنت بالمختبر ودريت انى حامل مسكت نفسى لما نزلت سيارتي وصرت ابكى واكلم نفسى وانا اسوق والناس تتطلعلى شلون تكلم حالها وتبكى وتضحك نفس الوقت
الله يخليى اولادنا جميعا ولا يحرم احد ابدا من نعمه الانجاب قولوا آمبن

 

[مس يونيك]

سبحان الله ادعوووووووولي بناااااااااااااااات

 

[عطر الدوحه]

انا سالفتي سالفه ==>> لي عووووووووووودهـ

 

[زين ودلال]

انا اول شهر من تزوجت ماحملت وماكنت مفكره بهالشي يعني كلش ماكان على بالي وماعرف هالسوالف مااااااااعرف ولا شييييييييييي وحتى ريلي

المهم ثاني شهر كنا طالعين رايحين السينماااااا 360 وكانت اخر صاله يعني درب وانا امشي حسيت عوار بظهري حيييييييييييل ومغص جان اقول حق ريلي امبيييييييييه شكلها بتنزل علي الدوره الحييييييييين @@

دشيت الحمام تكرمون ماكو شي طلعت..جان اقوله بسرررررعه خنروح الجمعيه بشتري (اولويز) ورحنا الجمعيه وشريت

وهالاولويز ماااااااااافتحته وطلعت حامل الحمدالله

طبعا من باجرمانزلت وانطر اللي عقبه هم مانزلت حدي خفت المهم كنت بالمعهد جان اقولهم واي بطني يعورني وظهري وهذي موراضيه تنزل والكوتكس معاي بالجنطه طبعا خخخخخخخخخ حدي غشيمه

جان يقولون لي البنات يمكن حامل !!! انا انصدمت حااامل!!!!!!!!!!!! جذيه بسهوله !!!! يعني عادي احمل الحين امبيه قعدوا يضحكووووووووووون انحرجت خخخخخخخخخخخ

طلعت شريت تحليل وسويته طلع خطيييييييييييييييييييين امبييه ماصدقت دقيت على امي بشرتها واختي

وريلي لما رد البيت اووووووووووول مره يطقني على بطني !!!!!!! جان اقوله لااااااااااا شفيك جان يقولي انتي اللي شفيج قلتله بطني يعورني وانا حدي غامته الضحكه

المهم رحت انسدحت عالقنفه وحدي تعباااااااانه جان يقولي شفيج شكلج تعبانه

عاد انا بكل برووووووووووووود حامل !! خخخخخخخخخخخخخخ
جان يقولي شنو؟؟ لاصج والله !!

قلتله اي والله..جان يقول ماشاء الله لا اله الله الحمدالله يااااارب

طبعا هذي قصة بجري حبيبتي الله يخليها لي يارب

 

[زين ودلال]

بس انا حسيت بفرحه بحملي الثاني (اللي اجهضته)

وهالحمله مادري ليش!! حدي استانسسسسسسسسسسست وماصدقت

يمكن لان مثل ماقلت لكم ابجري ماكنت اعرف شييييييييي وصار حملي فجأه

بس هالحمله كنت انطرهاااا نطرهااااااااا والحمدالله ياااااااارب الله من علي بالحمل

الفال حق كل البنات اللي يبون الحمل ان شاء الله

 

[ضحاوي الديره]

انا كنت اكل مانع وانا بجر لمدة سنه وخليت المانع قلت اكيد ماراح احمل وراح يعطيني مناعه
وسبحان الله خليت المانع وبعده بجم يوم نزلت الدوره وكانت اخر دوره اشووووفها
تأخرت دورتي حييييييييييييييل يمكن شهر كامل وكنت خايفه حدي اكون حامل بصراحه كنت مابي
لان توني ماخلصت دراستي وكليتي صعببببه حيل
وشهر كامل كل يوم والثاني احلل وماكو حمل
كنت استاااااانس حدي لي طلع خط واحد واقول الحمدلله مو حامل
ليمن جا اليوم اللي طلعلي فيه خطيييييييييين !!!!
شعوووري : جنه احد كات بويهي ماي باااارد صدمه تتنييييح ومادري شسالفه
ظليت يومين ابجي اقول مابيه مابيه استغفر الله
ليمن عقلت ورد لي عقلي وحمدت ربي على نعمته
ريلي كان حددددددده مستانس ومو مصدق خصوصا انه ماكان يدري بسالفة المانع وكان عباله ان حمالي راح يكون صعب كان شاك انه فيه مشكله او انا فيني شي
*