شاركينا يومياتج وكلنا نشجع بعض

[اسبــانيــة]

قوووه بنات

سويت هالتجمع علشان نشجع بعض ويكون مفتوح للكل ف متى ما بلشتي رجيم بتلقين الدعم هني

ويلا كل وحده تكتب وزنها والاهداف وشنو كلت

اعتبرووه نووت وسجلي يومياتج معانا وشنو خربطتي وشنو سويتي

معاكم اسبانيه والده ومرضعه وصارلي 35 يوم والده

طبعا الوزن من 65 الى 88 خلال الحمل

ف حابه انزل هالوزن مسببلي مشكله نفسيه وخصوصا ان ريلي متوقع ارد نفس قبل بالاربعين

الوزن:88

الهدف الاول :80

الهدف الثاني 70

الهدف الثالث 60

واتمنى كل اسبوع انزل 5 كيلو

ف علشان جذي بلشت بهالرجيم

http://www.q8yat.com/t1052737.html

اليوم الاول والثاني : برتقال
اليوم الثالث والرابع : لبن قليل الدسم
اليوم الخامس والسادس : انناس مع كيوي

ينزل 6 كيلو خلال 6 ايام

وعجبتني صاحبه الموضوع بارادتها

واليوم بلشت فيه وانشالله ينزل وزني لانه ثابت مو راضي ينزل

 

[اسبــانيــة]

عاد انشالله اقدر اكمله معاكم

 

[fatma A]

اهلين اسبانيه انا طولي 161 وزني 76.6 زدت وايد وايد

راح اكتب يومياتي علشان نتشجع انشالله

 

[fatma A]

توني قاعده من النوم كليت بيضتين مسلوقه وصمونه وحده فاضيه وجبن قريش

 

[اسبــانيــة]

حلووو وشنو ناويه يكون رجيمج

تخفيف بس؟؟

 

[ياسمينـه]

الله يقويج

انا وحده ضيعت علي فرصه قويييه كاان وزني 107.5

نزلت وصلت لي 80 تقريبا يعني ما كان باقي وايد على اوصل للوزن المطلوب

وتركت الرجيم بكبررره و انا اللحين حددي متحسفه على اللي سويته

حاليا وزني 115

الهدف الاول : 100
الهدف الثاني :85
الهدف الثالث : 75

 

[fatma A]

اي انشالله ببتدى برجيم التخفيف انشالله وانتي بتمشين رجيم معين ولا تخفيف

 

[ايمان الغساني]

هلا حبيباتي
انا اتبع رجيم الدكتور حسين دشتي اليوم الثالث لي
الحمدلله عندنا جروب فالواتس نشجع بعض للستمرار
وزني 80
هدفي اوصل ل55
لازم اخسر 25 كيلو ويارب اخسرهم بصحه وسلامه

 

[الضوء الخافت]

شلونكم بنات انا بعد حابة اشترك وياكم انا بعد هملت روحي وصرت اكل وايد بدون شعور لاني ارضع نط وزني من ٥٩ لين ٦١ بشهرين بس شهيتي وايد مفتوحة خصوصا علحلو ومو قادرة امسك روحي عن الاكل و حابة اشارك عشان اتشجع بس مو تبطلون بعدين انا لحين وزني ٦١ وابي يرجع ٥٨ وطولي ١٦١ سمنتي بكرشتي افكر اسوي جلسات مساج تايدوني ولا شنو واسفة علاطالة

 

[اسبــانيــة]

الله يقويج

انا وحده ضيعت علي فرصه قويييه كاان وزني 107.5

نزلت وصلت لي 80 تقريبا يعني ما كان باقي وايد على اوصل للوزن المطلوب

وتركت الرجيم بكبررره و انا اللحين حددي متحسفه على اللي سويته

حاليا وزني 115

الهدف الاول : 100
الهدف الثاني :85
الهدف الثالث : 75

ياسمييينه انا احتريت حرام عليج

يلا انشالله ترجع الاراده ومثل ما ضعفتي قبل تقدرين تردين تضعفين

 

[اسبــانيــة]

اي انشالله ببتدى برجيم التخفيف انشالله وانتي بتمشين رجيم معين ولا تخفيف

انا حاليا ماشيه عالرجيم اللي 6 كيلو ب 6 ايام

حاطته ب بدايه الموضوع

 

[اسبــانيــة]

شلونكم بنات انا بعد حابة اشترك وياكم انا بعد هملت روحي وصرت اكل وايد بدون شعور لاني ارضع نط وزني من 59 لين 61 بشهرين بس شهيتي وايد مفتوحة خصوصا علحلو ومو قادرة امسك روحي عن الاكل و حابة اشارك عشان اتشجع بس مو تبطلون بعدين انا لحين وزني 61 وابي يرجع 58 وطولي 161 سمنتي بكرشتي افكر اسوي جلسات مساج تايدوني ولا شنو واسفة علاطالة

جم كيلوو هينين الضوء الخافت
تقدرين باسبوع حتى اقل من اسبوع تضعفينهم

 

[اسبــانيــة]

هلا حبيباتي
انا اتبع رجيم الدكتور حسين دشتي اليوم الثالث لي
الحمدلله عندنا جروب فالواتس نشجع بعض للستمرار
وزني 80
هدفي اوصل ل55
لازم اخسر 25 كيلو ويارب اخسرهم بصحه وسلامه

ايوه يا ايمان ضعفيعلشان اتزوجين خخخخخخخ

حاولت ادخل قروب واتس اب بس ماصار ما ضافتني البنيه

ولازم كل اسبوع 5 كيلو تضعفين يعني لا تخربطين

ودام عديتي اول يوم ف هانت لان اصعب شي اول يوم

موفقييين بناااات:eh_s(9)::eh_s(9)::eh_s(9):

 

[اسبــانيــة]

احس اخر رد لي مخربط

يلا ماعليه اعذروني سهرانه ودايخه ودي انام بس بنتي مسهرتني اليوم

 

[اسبــانيــة]

اليوم خربطت شوي

كليت ورق عنب وشويه عيش

بس بحاول اعوض بعدين

 

[خطوتي لك]

السلام عليكم
اخباركم .. ؟
من زمان وانا ادور قروب اشترك فيه .. عشان ابدأ من جديد
كان وزني 103 وبعد رمضان نزلته لين 71،7
وبعدها انفتحت شهيتي ع الاخر ومو جايه انضبط
الحين وزني مدري كم بكره راح اوزن بس اكثر من 78
بكره راح اوزن واخبركم
الريجيم اللي راح اتبعه ريجيم المطرب ديميس روسوس 40 - 50 كيلو في شهرين
همتكم

 

[wojood22]

مساء الخير
مشالله. وايد فرحت لما شفت قروبكم
ودي اشترك معاكم

وزني ١٠٥ ويمكن اكثر بكره اتأكد طولي ١٥٦
سابقا عملت ريجيم تبع أخصائي تغذيه ونزلت الي ٨٠ بس بسبب غباءي رجعت وزني من جديد

وزني الحالي ١٠٥
طموحي الاول انشالله ١٠٠

 

[اسبــانيــة]

حياااكم الله يا خطوتي ووجود

انا اليوم خربطت صح

يمكن لان الرجيم اللي مبلشه فييه وااايد ايووع

قررت اشوفلي رجيم غييره لان واااااااايد ايووع

 

[خطوتي لك]

هلا بك زود
اسبانيه مو لازم تلتزمين بالريجيم بالحرف الواحد
يعني في حال الجوع اكلي تفاحه او سلطه ما راح يأثر
وزني اليوم 79،1
طولي 162
الريجيم ديميس روسوس
بالتوفيق

 

[خطوتي لك]

يومياتي امس
فطوري 10:15 ص : علبتين زبادي كامل الدسم
السناك 12 ظ : برتقاله
غداي 3 ع : 4 حبات صغيرة ومتوسطه كوسا مسلوقه بالماء فقط
عشاي 7:15 م : شرائح الاناناس 4 علب صغار مصفى من عصيرها ومغسوله جيدا بالماء
الرياضه : رقصه الزومبا 20 دقيقه + مشي سريع 30 دقيقه
الشاي : كوب ميراميه .. الماي : كميه كبيره
وبسس
بالتوفيق