شرايج بهالبنت للزواج ؟

[Beauty is Me]

بتشهدين زور

ولا تقولين الصج


طبعا تقولين الحق

قولي البنت والولد مو مناسبين لبعض


وبسسسسسسس

 

[جوانا2010]

اقول ماادري
لانه حرام اوقف نصيبها يمكن بهاالوقت تكون طايشه بس بعد الزواج تعقل........

 

[أم سليمان دشتي]

بيني وبينج انا انحطيت بهالموقف

شوفي حبوبة انا البنت الي سالوني عنها اهيا خوش بنت وحبوبة وحتى بتنصدمين اذا قلتلج خلوقة وتصلي وتخاف الله

اهيا مشكلتها الفراغ العاطفي والي ملته عن طريق المكالمات مع الشباب وبس!! مو سوالفها مواعد وطلعات وروحات

لا كانت بس تليفون وبس !! وانا ما اعطيها عذر لان هالشيء غلط وحرام !!

انا لما سالوني قلتلهم الصج مدحت بالبنت اخلاق واحترام ولبس سنع ..

بس ما قلتلهم عن خرابيطها يمكن لاني كنت واثقة انها بتتعدل

وسبحان الله مجرد ما خطبوها صلت استخارة والبنت كسرت خطها الي الشباب يعرفونه وبدت صفحة يديدة مع زوجها

طبعا الله وفقها بزوج صالح تقي ملتزم مشاها على طريق الهداية ( والله الهادي ولله الحمد)

والحمدلله صار عندها الحين بنت وولد وعايشة مرتاحة وسعيدة الله يتمملها يارب


شوفي حياتي انتي قدري هالشيء بحكم انج قريبة منها هالبنت شلون اخلاقها

وانتي تتوقعين انها فترة طيش وينون وموضة اللهم يا كافي ولا اهيا الخيانة بدمها !!

وان شاء الله ربي يهديها ويوفقها ياااارب

ومشكورة فديتج عالموضوع

 

[Vdieta]

من ستر مسلم في الدنيا سترهـ الله يومـ القيامهـ

اب اب

 

[انوار87]

صراحه انا بقولهم اهيا صج رفيجتي بس انا ماحب اتدخل بهالمواضيع ف روحوا سالوا احد ثاني
اهوا صح مايصير نخش على الناس بس مايندرى يمكن تتعدل بعد الزواج حرام يعني اوقف نصيبها

 

[I`m Yours]

يمكن البنت من داخلها حابه تتغير ولاجان ماوافقت على الزواج وقولي لهم ما ادري ما شفت عليها شي عشان ما يحطون اللوم عليج واكيد الزواج راح يغيرها​

 

[ورع البدو]

شوفي يا عمري

ان قلتي للناس انها مو زينه وراعية شباب وانتي قريبه منها يعني راح يقولون انتي مثلها
لأن الصاحب سااااحب يعني كل وحده اذا يبي أحد يعرفها لازم يشوف الصحبه والشله اللي هي معاها

واذا قلتي زينه ومافيها شيء راح تكونين شهدتي شهادة زوووووور وهذا عقابه عند الله عظيم وراح يدعون عليج الناس
ومو شرط اذا تزوجت تتوب ,, الفاسده فاسده قبل الزواج وبعده

واذا قلتي مدري يكون افضل وأحسن حل
حتى لو قالوا انتي قريبه منها ؟؟ قولي أنا ما أحب أتدخل بسوالف الخطاب ولا احب اذكر احد لا بخير ولا بشر
وجذي تكونين افتكيتي من شهادة الزور ودعاوي الناس وسترتي ع البنت وما فضحتيها

 

[مجنونة اوزان]

؟؟؟؟؟؟؟؟؟؟؟؟؟؟؟؟؟؟
حيــل محــيّر

 

[ورع البدو]

يمممممممممممه صج الحريم مالهم أمان :rgewrg:

أستغرب من البنات اللي يقولون استري عليها وجذبي على الناس :bbbiu:

الناس طيبين شنو ذنبهم ياخذون وحده راعية سوابق ماهمها لا شرفها ولا سمعتها ! :bbbiu:

ترضونها لأخوانكم؟؟!!!


والله لو وحده تقص علي وتقول لي هالبنت زينه وآخذها لأخوي واكتشف بعدين انها صايعه تدرون شسوي ؟؟ ما اخلي احد ما أقوله فلانه جذبت علينا والبنت صايعه وطلقناها ويمكن اذا شفت اخوي بعد منقهر وتعقد من الزواج امسك البنت اللي جذبت علي واكفخها تكفيخ :rgewrg::rgewrg::rgewrg:

 

[عرش الأنوثه]

قوه بناات





ودي اخذ رايكم بشغله
ناقشتها مع اختي وبنات خالاتي وما اتفقنا ع راي واحد


لو انتي تعرفين وحده واهي البنت عندها خرابيط وسوالف شباب
واهي شوي قريبه منج

ويو ناس خطبوها وسألووو عنهااااااا .... ووصلولج
وسألوج اهل الريال: ( يا فلانه شرايج بهالبنت ؟ سمعنا انج قريبه منها)


شنوووو تردين ؟


تقوليلهم الصج ؟
ولا تجذبين ع شان يمشي نصيبها ؟
ولا تقولين مادري؟





اناا اخترت اقول الصج بس احس اني وقفت نصيبها
وهم بنفس الوقت ما اقدر اجذب واخلي الريال يتزوجها
واهو مغشوش ويصير بذمتي
لو باجر عرف عن سوالفها أوطلقها بيقول كله من (فلانه-انا) اللي قالت انها خوش وحده مثلا

واختي قالت اجذب واقول انها خوش بنت

وبنات خالاتي يقولون (نقولهم ماندري) بس موجواب مقنع خصوصا
انج قريبه من هالبنت وتعرفين كل شي عنها والناس كلها تدري انكم قراب

قل خيراً أو اصمت لوول
لا حبيبتي بنات خالاتج اهما الصح

 

[miss_whitemocha]

صارلي هالموقف مرة من المرات..سألتني وحدة عن بنت كانت تدرس معاي بالجامعة تبيها حق أخوها..وهالبنت كانت مسوية بلاوي بحياتها..
قتلها خوش بنت و ما شفت عليها شي..وتم النصيب..تعالوا شوفوها الحين..من عقب التنورة لي فوق الركب والشعر اللي كل يوم صبغة غير..تحجبت ذاك الحجاب السنع واللبس المحترم وقايمة في بيتها من أحسن ما يكون و ريلها يموت عليها..
الله يتمم عليها و يستر على بناتنا.
​

 

[عرش الأنوثه]

يمكن البنت من داخلها حابه تتغير ولاجان ماوافقت على الزواج وقولي لهم ما ادري ما شفت عليها شي عشان ما يحطون اللوم عليج واكيد الزواج راح يغيرها​

برافوووووووووو عليج وانا استغرب من البنات والحريم عامة اللي يمانعون بهالشغله ويخربون ع بعض صج اكو ناس ناقصها العقل والدين

 

[Model Look]

حبيبتي انا كنت اعرف بنت لساااااان طويل بس للامانه ماعندها حرابيط

قالولي عنها قلت زينه وامي قالت انا اعرف امها ذهبه

بس انا مسكت رفيجتي قلت لها ترا لسانها طويل

لانه اهم بينعتونها لناس

حرااام ماقدرت اسكت

البنت تزوجت الحين الله يستر عليها واشوه مو من طرفي ولا احد يعرفني من اهلهم

لانه احس مسؤليه وبياخذوون من كلامج

حرام اغشهم

 

[Om Ghanem 75]

ولد خالتي يوم يه يبي يتزوج أخته لقتله عن طريق رفيجتها اللي تصير بنت عم العروس .. و هات يا مدح فيها و كل ما سئلوا قالوا لا خوووش بنية و أخلاق و يوم خطبوها وافقت ان تلبس عباية و ما تحط مكياج الخ المهم اسكنوا في بيت أهل زوجها و طاحت عليها خالتها تحاجي واحد و يوم واجهوها ما أنكرت و قالت انها بس تتسلى لأن ولد خالتي لاهي عنها بالدوام !!!!! فتطلقوا و بينهم بنت ... و بعد الطلاق بنت عم البنية قالت حق بنت خالتي ان البنية كانت تحاجي قبل و قالت انه خلاص بتوب و بتتغير و هي ما بغت توقف نصيبها !!

فالبنات المغازلجية هن ياخذون من اللي على شاكلتهم لا يبلشون عيال الاوادم فيهم !!

بالنسبة لي ما أفضحها و أقول سواد ويها بس إذا اسألوني أقول والله لو أنا موكانكم أشوف وحدة ثانية ما أخذ هذي لأخوي و الله يستر على الجميع ..

 

[وسـن]

بقولهم مـادري ,,

 

[ملوكة الامورة]

اناا بقول
مادري عنها روحوااا اسالوا غيري

 

[مشتــآقـه]

والله صج تحتاارين
لانه يقولون الستر احسن بس همن مااتبين تظلمين الرجااال اذا البنت مو زييينه ويمكن مااتتغير

انا اعرف نفسج وحده جذي وبعلم الله اني مو نفسها كلش الله يهديها

ويووم سألوني عنها قلت الله يستر عليها انشالله بس ماتصلح لكم

وبس


الله يهدييها ويهدي جميع المسلمات يارب

 

[عويتقة]

تدري انا شبقول بقول للريال او اهله توكلو على الله والله يتمم لكم على خير البنت زينة و استر على البنية لأنها في طريق خطأ واحسن حل هو الزواج والله يستر علينا كلنا يااا حق

 

[عالمي انا غير]

انا اطلع نفسي من الموضوع واقولهم مااعرفها عدل لان حرام يمكن البنت تتعدل مع الوقت وان ان قلت الصج بوقف نصيبها وناس بعدين محد يخطبها

 

[شقآوه أنثى]

شوفي حبيبتي بسراحه الغش شي مو حلو ويمكن تتحاسبين ع الشي هذا

بس بما اج قريبه منها حاولي انج تغيريها وتبعدينها عن هالطريج

بس لو شفتيها ما تغيرت مو يسير تغشين الناس وتجذبين قولي السج .... وصدقني لو قلتي السج ما راح تقطعين نصيبها اهي البنت نفسها الي قاطعه نصيب نفسها ورزقها بسوالفها


موفقه يَ الغلا​