شرايج بهالبنت للزواج ؟

[آدمنت قربككِ]

لاء انا معااج
بقول الصج ومااحط بذمتي
البنت ماتصلح للريال ولا تناسبه
يعني البنت موعارفه الي تسويه غلط بغلط ؟!
ويعطيج العاافيه بس حسافه لو موضوعج بالمناقشات الجاده احلى =)

 

[catwiti]

رفيجتي تعرف وحده مسكينه تزوجت وقعدة تجهز حق عرسها ولما بقا يوميين عالعرس يا اخووها وقالها نبي نطلقج منه الولد الولد مو زييين يقوول ياني رفيجي وقالي انه الريال مو زيين وعنده سواالف الله يستر علييه وليلحيين يخربط من هالحجي يقول لو تايب جان سترت عليه بس الولد مو زين الغرييب انه لما يسئلون عن الولد كلمممممممن كان يقوووول الولد زيين وخوش ريال يمكن حته الي يعرف خرابيطه يقول زين يخافون يقلون الصج من جذي بغت تتوهق البنت بالريال يعني لازم الصج ينقال اذا كان شي جايد

 

[جلكسيه اس 3]

بنات انا رديت على الناس
وقلت لهم اهي رفيجتي وطبيعي بمدحها حبوبه وطيبه وحليوه
انا خفت من ربي يعاقبني لو قطعت نصيبها يمكن الله كاتب لها خيره
لان كل اللي كانت تسويه سببه الفراغ العاطفي
ان شاءالله تلقاه بالزوج والعيال وتنسى هالطريج

زين اتسوين
و يارب ان شاء الله يكون بميزان حسناتج

 

[تفديني روحه]

و ليه تفضحين البنت و بعده ماصار شي كلها كلام و خطبه

ياما بنات شفناهم بالكوشه و الله ساتر عليهم

ياما بنات طاهرات و انخطبو ولا صار شي لاعرس ولا يحزنون
يمكن يهونون و يشوفون ثانية

قولي لهم اجابه دبلمماسية قولي ما اعرفها حق المعرفه علاقتي فيها سطحية
و خلاص يبون يسالون يتاكدون
اذا اصرو قولي ماادري اسالو غيري

و هذي بطريقة مباشره انها مو زينه و بس

 

[fulla 7elwa]

لا حرام عليج قطع الاعناق و لا قطع الارزاق
يمكن تكون توبه لهالبنت
المفروض انج تسترين عليها مو تفضحينها
جان ع الاقل قلتي والله انا معرفتي سطحيه فيها و سلام ما سلام بس مو تقطعين بنصيبها
على فكره اغلب البنات عندهم سوالف
الله يتوب على عباده شدعوا تقطعين بنصيبها

 

[ღ كحلاء العين ღ]

،*

آممم ببسـآطـه مآ رآح آذگر عيوبهآ آبدآ و آشهر فيـهـآ لآ وعنـد منـو عند نآس يبون يخطبونهآ …

يعنيے هآلنآس بيقولون لنآس ثآنيين وبتتشوهـ سمعتهآآ !

و بآلتآليے لآ تزوجت و لآ ترگت خرآبيطهآ !

آنآ لو سآلونـيے يعتمـد عآلبنت نفسهآ آن شفتـهـآ خوش بنت و بس هذآ عيبهآآ و هو عيب گبير …

بس بذگـر حسنآتهآ مآ رآح آقول فيـهآ و فيهآ !

وآلله يهديهم ويستـر عليـهم …

و آلستـر زين خصوصآ فـيے آمر آلزوآج …

و آلله يهـديے آلبنآت ويتووب عليهـم …
​

 

[انا احلى]

@@

"
..
ليــش آوقــف نصيبــهـآآ ..~

آقـول لـهم خـوش بنــت وآذا آنغـش فيــهـآ

بقـول مــآكنت ادري وحـآلي حـآلكـ هع خخخخخخخخخخخ

:krkrkr:

,

 

[bal8es]

ما راح ايب طاري خرابيطها مو معقوله ما فيها شي يعني ما تصلي ما تصوم بس يمكن حبوبه وحرجه اطلع لي منفذ من السؤال بطريقه ذكيه مثال اي والله فلانه حبوبه وغشمرجيه واجتماعيه ولبقة بالكلام
وان سألوني تصلي عادي على ضحكه اقول ما ادري ما صدفتها وقت صلاة
بعد اكيد ما راح تسالني يعني تكلم شباب ولا لأ

 

[•Brown•Sugar•]

حلو تفاعلكم للموضوع
يسلموو