شركات التغذيه منو احسن فيهم وجم نزلتى

[حياة زوجي]

وانا معاكم وبشجعكم على دايت كير احس اخذ المركز الاول من ناحيه نظافه وطعم الاكل
عليكم بميه عافيه عسا الله يهدينا وما نخربط لوووووووووول

 

[secret sauce]

اليوم اول يوم لي بدايت كير اشتركت فقط اسبوعين بجرب بس والله اخذوا مني حق اسبوعين وايد 150 دينار الملف والاشتراك طبعا المنيو كان جدا مغري وشكله عجيب واليوم الريوق كان فول لاباس بطعمه والسناك كاسترد بالفواكه والغدا كان حلو سمج وعيش وسلطه مشروم بس الكميه اخيه نتفه بس حلوه اتشبع اذا قزرتيها بالماي بس بنات اشتركت من غير ماشوف الاخصائيه لانه ما كان في مواعيد بس قالوا لي راح اندخل ملفج على الدكتوره تحدد السعرات وتتصل فيج بس ماتصلوا الظاهر اتلصوا لماكنت نايمه بس اتضح لي ان حساب السعرات الي يابوه لي 1500 سعره حراريه تهقون انزل على هالعدد والا اتصل فيهم واكلم الاخصائيه تقلل السعرات شي ثاني يابنات صدمتوني الي قالوا انزلوا بس كيلوا احس حيل شويه :flower:انا يبيلي 25 كيلو علشان اضعف على جذيه جم بقعد مع الدايت كير الحين وزني 74 ونص وطولي 150 تهقون اقط لو 15 كيلو خلال شهرين لاني لازم انزل خلال هالشهرين لاني ناويه اسوي شفط وشد عند دكتوره شرين اول 6 وهيه قالت لي ضعفي بالاول احسن وبعدين تعالي لاني حيل بطوطه اذيتكم بالهذره بس والله ابي تتجيه لاني صايره فيله:eh_s(16):

 

[حياة زوجي]

شوفى ترا دايت كير ممتاز بس هالله هالله بالمشى لازم تمشين
وصدقينى ينزل وزنج معاهم
بس على فكره 1500 وايد خليهم يعطونج 1200 سعره بالبدايه احسن
وانا نفسج ابى اضعف علشان بسوى جسمى عند الدكتور ماجد تقى وقالى اقل شى خلى وزنج 70
وناطرين هالوزن ينزل الله كريم

 

[~!@FOFY~!@]

قوووه

انا قبل اشبوع مشتركه بكلوري كنتروول واكلهم نظيف وصحي فوق هذا ارخص شرركه
وينززل الووزن اعرف وحده مشتركه بدايت كير تقول عنه غالي بس ماايضعف واكلهم دسم

مادري انتوا شرايكم

 

[secret sauce]

شوفى ترا دايت كير ممتاز بس هالله هالله بالمشى لازم تمشين
وصدقينى ينزل وزنج معاهم
بس على فكره 1500 وايد خليهم يعطونج 1200 سعره بالبدايه احسن
وانا نفسج ابى اضعف علشان بسوى جسمى عند الدكتور ماجد تقى وقالى اقل شى خلى وزنج 70
وناطرين هالوزن ينزل الله كريم

اي والله حياة لازم ادق عليهم باجر علشان اقلل السعرات انشالله نضعف بسرعه بس والله نصيحه سويي عملينج عند مره انا ناويه اسويها عند شرين باذن الله حيل ارتحت معاها والاحسن انها تقول الصج يعني ماتحتاجين تسوين هالموضع وانه بس يبيله شوية رياضه تقولج انا غيرت تفكيري بكم شغله كت ناويه اسويهم

 

[secret sauce]

قوووه

انا قبل اشبوع مشتركه بكلوري كنتروول واكلهم نظيف وصحي فوق هذا ارخص شرركه
وينززل الووزن اعرف وحده مشتركه بدايت كير تقول عنه غالي بس ماايضعف واكلهم دسم

مادري انتوا شرايكم

هلا فوفي مادري البنات يمدحون دايت كير وانا لي يومين معاه ما اقدر احكم وصج غالي حيل اانا حق اسبوعين اخذوا مني 150 بما فيه فتح الملف

 

[فنار الكويت]

بالعكس دايت كير اكلهم مو دسم

 

[Q8tya_GirL]

انا لي اليوم ثالث مع الدايت كير اكلهم وايد حلوو وانا اشوفه مو دسم عادي
وجربت هيلث كومباني هم حلوو بس الدايت كير احلي والذ اكلهم

 

[~!@FOFY~!@]

بنات الي اشتركوا بكلوري كنتروول نبي راايكم عنه وشلون كان النزوول ؟؟

 

[~!@FOFY~!@]

بنات وينكم ؟؟؟

 

[Q8tya_GirL]

الصراحه انا ماجربته وما اعرف عنه شي بس ان شاءالله البنات يفيدونج

بس جم بالشهر؟ ومكانهم وييين...؟؟

 

[~!@FOFY~!@]

انا اشتركت 175 بشهر مع ريقوق وغدا وسناك وعشا

 

[حياة زوجي]

كلورى كنترول ممتاز اشتركت فيه العام
بس نسيت جم نزلت وياهم

 

[وردة النرجس]

قوه بنات

اكلمكم من الخيران أمس وصلنا

عاد موقفة الوجبات هالجم يوم

والله بالخير ماكو ريجيم ولا بطيخ طبعا أحس قاعده أخربط بس قاعده أمشي

بس هم أرد أقول يلا كلها جم يوم ومايأثر بعدين أرد على الوجبات والرياضة مره ثانيه

 

[حياة زوجي]

انا عكسج يا ورده النرجس :eh_s(21):
لانه وزنى نزل مستانسه وااااااااااااااايد
فمن جذيه مابى اخربط وبلتزم بالبوكس :rerrerek:
بس مليت من كثر ما خربط وندمت
وبصراحه زوجى مستانس على جسمى يقول ((( صايره كيوت)))
وانا اللى عندى يطالع الله يهديد وينعجب فينى على طول لووووووووووووووول
والله ذبحونا هالرياييل كل شى يبون :rgewrg:
يالله شدى حيلج ونبى اخبار حلوه عنج ولا تخربطين وايد
ورانا رشاقه ولبس وصحه حلوه وعافيه
بنات عسا الله يتم عيلينا هالرشاقه
وبشركم انا الحين وزنى 73 يارب اودع السبعينات وادش الستين
وينكم بنات نبى مشاركاتكم
دزاااااااااااااااااااااينر اختفت وينها :eh_s(10):​

 

[وردة النرجس]

هلا والله حياة زوجي

اى والله امي قاعده تكلمني اليوم تقولي ديري بالج لا تخربطين حرام نزلي بعد وصلي 60 بعدين حافظي

ابشرج الحمدلله انا دشيت بالستينات وإنشالله أظل فيهم وماأودعهم لوووووووووووول

بس تدرين يعني حاسة أن قريب الدورة وصايره ماأقاوم الحلو

وإنشالله بمسك نفسي اليوم على مانرجع باجر والخميس ترد وجباتي

بس والله يا حياة زوجي الضعف حلو وليما تضعفين صج صج تحسين كأنج ملكتي العالم وأحلى شي ليما الناس تقولج ظعفانة تدرين بالحفلة ذيك اليوم وايد ناس ماعرفوني عبالهم مسويه عملية لأن الكل قام يطالعني ويسألني شنو سويتي ؟؟

والحمدلله الله يثبتنا ويبعد عن شر الحساد والعيون تدرين نظرات الناس والأهل البعاد ماترحم امبيه والله كانوا بحفلة الإستقبال مايشيلون عيونهم عنا

خصوصا ليما أرقص وأتحرك

 

[حياة زوجي]

عسا الله يحفظج يا ورده النرجس
والله كلامج حلو وفعلا رفعتى من معنوياتى
وانا انشاء الله بستمر لين احس جسمي يطلع وااااااااااااااااو
وموعدى مع الاخصائيه يوم السبت وراح اقول لكم جم نزلت

 

[حياة زوجي]

وينكم بنات موعدى باجر
ماكو مشاركات
شخباركم ورده النرجس ودزاينرر اكرر النداء
فوفو نويرا وباقى البنات اختفو

 

[اتكيت]

بنات اشلون دايت كير اطلب منهم

لازم اروحلهم اشلون الطريقه ياريت تفيدوني ووين مكانهم

 

[حياة زوجي]

حبيبتى مكانهم بالديره
بس اتصلى عليهم اول واخذى موعد وممكن تسألين عن الاسعار
وبصراحه انا عندى دايت كير المركز الاول عندى
وطبعا الناس اذواق واحترم اذواق غيرى
وهذا رقم دايت كير 22470008
موفقه حبوبه