شركات التغذيه منو احسن فيهم وجم نزلنى (الجزء الثانى وبالصور)

[منال القلب]

وااي مرغريتا انا نفس حالتج والله.. تخيلي صايرة كسولة ومالي خلق اتحرك من اليوع احس 24 ساعة افكر بالاكل..
وانا صارلي وياهم 8 ايام واااي تصدقين تحسفين اني اشتركت ودي اقطع الاشتراك.. اول واخر مرة اشترك.. الصراحة انا عندي عزيمة وارادة بس مادري شفيني من بديت البرنامج وانا احس باليوع .. تخيلي انا الي ماحب الريوق صرت انطر الريوق مناطر
واااي والغدا والعشا نفس الشي..

 

[مارغريتا]

بالعكس انا كلش مو متحسفه

لان شكثر اشيا استفدت منها

اول شي قدرت اقلل كمية الاكل قبل كنت اسوي ريجيم اول يومين بعدين ماقدر اقاوم
ماقط مشيت ع ريجيم واستمريت عليه بدون خرابيط

ثاني شي اكلي صار صحي فاكهه ، عصير ، حليب ، مشوي ، لو فات ، سلطات، شوربه،
اول كنت ماعرف الا الشبس المقلي والبرجر والوجبات
غير الككاوات والخرابيط بس وجبه وحده اللي كنت اكلها باليوم الغدا وكااانت دسمه حدددها واكل كمية كبيررره

ثالث شي واهو الاهم انا من عمري ماعرف اكل الا وانا اشرب ومشروبي البيبسي واللبن اللبن ينفخ والبيبسي مو مفيد بس الحين حتى الماي يا اشرب قبل الاكل او بعده


وبعدين دايت سنتر ينوعون الاكل والاكل لذيذ مايخلون شي بنفسج
وتعلمت اقاوم

بس لان تونا بادين نحس بهالاعراض انا وياج بس كلش مو متحسفه انا حدي ابي اضعف

 

[!! شوق !!]

بنات منوو جربت كالوري جنه اسمها جذي !!

اسعارها حلوه مبين اكلهم لذيذ شفت موضوع الاخت قطوه وكم نزلتوا عليه ؟؟

وجربتوا تشركون برمضان وجم اسعارهم ؟؟
عدنا عرس ولازم لازم اطلع بنيو لوك

 

[قطوووة]

هلا وغلا


¨°•√♥ يومياتي مع .. كالوري كنترول ♥√•°¨



هذا موضوعي


حيل حيل مرتاحة مع كالوري كنترول ..

كنت محتارة مابين هلث كمبني وكالوري كنترول

شفت ان الانسب لي .. وحجزت موعد واشتركت ..

الاكل حلو .. مشبع .. منوع


والحين صارلي 13 يوم وياهم


واحس جسمي بدا ينلم .. واكلي حتى صرت اشبع

اخر 3 ايام ماكنت اتعشى احس اني شبعااااااااااااااااانه

والحمدالله

 

[do0ora]

حياة زوجي ماتشوفون شر والله يشافيها

ومشكورين بنات عالردود

 

[منال القلب]

بنات خلاص هونت مابي الغي اشتراكي بس شجعوني.. لما اشوف تشجيع اتحفز اكثر


لا للسمنة نعم للرشاقة

 

[بشوفتك ارتاح]

اليوم رحت اشتركت بدايت سنتر ب150 حق رمضان …
بس لمن دشيت على اخصائية تحببببطت حييييل عكس اخصائية دينار اند ليناز كانت حيل تحفزني وتقولي بتقدرييين تنزلييين الكيلوات … اما هاذي سيده احباط قالت لي يبيلج 8 اشهر ؛( والله طلعت وانا متحبطه حييييل !!!!!
دعواتكم متحبطه اليوم حيييييل يارب نزل وزني بصحة وعاافيييه

 

[قطوووة]

بنات لاتخلون احد يسيطر ع تفكييركم

قولي انا بنظم اكلي .. وراح اضعف

خليكم ايجابييين

 

[غالية غاليها]

الحمد لله عسلامه حياه زوجي ماتشوف الوالده شر
واللي تبي تلغي الاشتراك بذبحها كملو مابديتوه خخلوكم حاسمين
انا صراحه لو اقعد سنه اهم شب اضعف
انا بالنسبه لي احس بتحسن بكل شي معدتي ماعاد تعورني والاكل مافي دهن والحمدلله اهم شي اكل صحي

بس بسأل بنات الزنجبيل والجاي الاخخضر فيهم سعرات حراريه؟

 

[انوار87]

ماتشوفوون شر حياه زوجيي الله يشافيها يا رب ويخليها لكم

 

[حلوه وبس]

حياة زوجي حمدلله عالسلامة يالغالية نورت الديرة

و سلامة الوالدة ان شالله اجر وعافيه والله يخليها لكم


انا الحمدلله مرتاحه مع اكل دايت سنتر وهذاخامس يوم والاكل لذيذ و في بعض الاطباق ممكن ما اطلبهم مرة ثانيه لكن بشكل عام الاكل لذيذ وراهي يشبع صراحه والحمدلله التزمت وما اخربط وموعدي الاربعا وان شالله اكون نازله

نبي الهمة بنات مانبي نحبط بعض و ان شالله نضعف بصحه وسلامه

 

[فنار الكويت]

مرحبا علي بنات العزيمة والحماس والصبر
واللي ودها ترجع فلوسها أقولها للأسف إني إرادتج ضعيفه حيل دخلي المنتدي وانتي بتتشجعين ومافي وحده ماشيه علي اكل الشركات اميه بالميه لازم يكون في غش ولو بسيط ولوما الغش اصلا بنموت يعني تقدرين تغشين بقفشة جبن نص بيضه جم زيتونة وصدقيني عقب ماتاكلين وتغشين بتتحسفين وبتلتزمين باجي اليوم وهانت كلها اسبوع ورمضان ومادري انتي مكمله بالشركة برمضان بدايت كير
واللي بدت صح تكمل صح والله ياحلو الوحده لما تيوع ولما تحسين بيوع معناته جسمج قاعد يفقد وزن والمفروض تستانسين وتتشجعين ومعدتج باليوع قاعدة تصغر فحسافه امشي صح خلاص كافي متن واذا مامشيتو علي الشركات وحرمتو نفسكم عمركم ماراح تضعفون عيل اقولكم شي انا صارلي اكثر من شهر وزني متنح وموراضي يتحرك مع اني ملتزمة بنسبة ٨٠٪ والحلو فيني امشي ساعه وبالحر بعد ومايأست وراح اوقف برمضان وطبعا راح ازيد بالوزن وعقب رمضان بكمل وحاطه في بالي اوصل لهدفي شهر ١٢انشالله وعلي الراحه انزل
قلتلكم الرجيم يبيله صبر وعزيمه واذا مو متوفر هالشيين عمركم ماراح تنزلون صدقوني

اللي تسأل عن الجاي الأخضر والزنجبيل يقولون وايد زين وحطي معاه سكر رجيم ومافي كالوري لان جاي

ودمتم بود ورشاقه​

 

[فنار الكويت]

اليوم رحت اشتركت بدايت سنتر ب150 حق رمضان …
بس لمن دشيت على اخصائية تحببببطت حييييل عكس اخصائية دينار اند ليناز كانت حيل تحفزني وتقولي بتقدرييين تنزلييين الكيلوات … اما هاذي سيده احباط قالت لي يبيلج 8 اشهر ؛( والله طلعت وانا متحبطه حييييل !!!!!
دعواتكم متحبطه اليوم حيييييل يارب نزل وزني بصحة وعاافيييه

علي اي أساس الأخصائيه حددت لج جم شهر
يعني حطي في بالج اذا التزمتي اميه بالاميه كل اسبوع كيلو تنزلين واذا وزنج بالتسعين وطالع بتنزلين اكثر من خمسه كيلو بالشهر الي سبعه كيلو لاتنحبطين هالاخصائية ماتعرف ومن كيفها تقول لأن اهي موعارفه طبيعة جسمج المفروض ماتحدد انتي امشي صح بالاكل والتزمي وبتوصلين لهدفج بإذن الله بس لاتنسين الرياضه المشي يساعد ممكن اعرف جم وزنج ومنو اخصائيتج سبحان الله انا مارتاح حق اخصائيات دايت سنتر
​

 

[منال القلب]

تسلمون بنات على الزف الي خذيته منكم

امبي صج صج حسيت اني اقتنعت من بعد كلامكم

الصراحة اليوم طلعت بلوزة ولبستها وحسيت ان لازم اضعف علشان البسها

خلاص بكمل اشتراكلي كله وانا الحين محدة متشجعة ماقصرتوا بنات تسلمون والله

نعم للرشاقة .......... وبس

 

[Crispeya]

السلام عليكم بنااات شلوونكم أنا اليوم إشتركت مع دايت كير حق شهر رمضان و المنيو حلو و متنوع وايد عجبني

بس عندي تعليق بسيط بالنسبه للي يتأزمون إنهم لازم يضعفون خمسه كيلو على كلام الاخصائيه ترى أهمه ما يعلمون الغيب مثلا فلا تتحبطوون و بعديين كل واحد على طبيعة جسمه و على حسب جم نازله من قبل فمو معناته إنه أهمه بالاعلانات حاطينلج من 5 إلى 7 كيلو يعني أكيد راح تضعفوونهم لا تحطوون ببالكم جذي إنتو حطوا هدفكم إنكم تضعفون بصحه و عافهه سوا كيلو اثنين ثلاثه حتى لو نص كيلو نعمه و قولوا الحمدالله و ترى الصبر مفتاح الفرج

بالنسبه لدايت كير أنا أول مرة معاهم وإن شاء الله أضعف على وجباتهم يا رب
تجاربي السابقه :
أول شركه مع هيلث كومباني 2007 الأكل كان حلو بغض النظر عن بعض الأطباق و الحلو عجييب لكن السلطااات تملل لأنه ما عندهم تنوع بالصلصات مجرد ( زيت زيتون و ليمون ) !! بس ضعفت عندهم اول شهر 5 كيلو و ثاني شهر كيلو
تجربتي الثانية كانت بعد ولادتي الأولى 2009 مع لينا و دينا الأكل الله يزييد النعمه و النظافه صفر صفر صفر ضعفت 3 كيلو
تجربتي الثالثه هالسنه مع لو فات الأكل حلو بغض النظر عن بعض الوجبات الحلو هم أوكي بس كمياته قليله مو راهيه نفس هيلث كومباني بس مو مقياس يمكن لأنه سعراتي شويه بحكم إني بالاربعين فمو أكيد أنزل وايد عشان جذي قللتلي السعرات السلطات حلوه و في تنوع بالصلصات كانت بعد ولادتي الثانية مباشره يعني بنص الاربعين أول شهر نزلت كيلوين و ثاني شهر نزلت كيلوين و الحمدالله

بعدها عملت تخفيف و ريجيمات من عندي و نزلت الحمدالله و ألحين مشتركه بدايت سنتر لأول مرة هذا بسبب راي الأغلبيه اللي أجمعت إنها ألذ كل إشتركت برمضان بهدف إني ما أزييد و أتمنى إني أنزل حتى لو نص كيلو و عقب إن شاء الله بستمر لين أوصل لوزني المثالي و شكرا دمتم سالمين

 

[منال القلب]

كرسبية الله يوفقج وتوصلين حق الوزن الي تبينه آمين

 

[كيكه محروقه]

والله حيل عجبني الموضوع ان شاء الله بعد رمضان بشترك فيه وانا الحين مسويه رجيم النقاط الي بعد الرمضان علشان اخفف
شكلي بشترك هيلث كومبني ولا دايت سنتر
الله يوفقكم ويضعفكم بصحه وعافيه
واختي حياة زوجي الله يقوم الوالده ان شاء الله بالسلامه ويعطيها الصحه والعافيه

 

[مارغريتا]

مادري انا ما اظن اغير دايت سنتر حدي ارتحت عليه

ونوعي اذا ارتحت على شي ما اغيره

فيه عند دايت سنتر العرض بو ٦٠٠ حق ٣ اشهر + ١٠ ايام
وزيارات للاخصائيه

بس انا بعرض ١٥٠ والاكل حلو حدده

مادري اذا ٢٠٠ شلون


امس كان عشاي ثنتين شاورما دياي صغار مو حجم الشاورما العادي

كليت انا وحده وقسمت لريلي من الثانيه

والشوربه طعمها عجيب بس حسافه فيها فلفل وانا اكره الفلفل ما كملتها

بس شبعانه حدي

ان شالله يارب انزل


انا احاتي رمضان شبسوي لاني ساكنه مع حمولتي وع الفطور كلنا نتيمع

فشله اخذ اكلي معاي وصعبه ما اكل خالتي بتحن علي بعد انا جنتها الوحيده

شتسون برمضان خاصه اللي نفس وضعي

 

[ام حمد 85]

صباح الخير على احلى قروب بنات اشلونكم كلكم ان شاء الله بخير وحياة بشري عن الوالده ان شاء الله صارت احسن

 

[Crispeya]

صبحكم الله بالخير
حبيبتي مارغريتا عادي أنا نفس وضعج ساكنه عند حمولتي و بأخذ وجباتي تحت ما فيها شي ... و خالتي أنا حسبت بنتها ما راح استحي منها .. يعني عادي انتي دافعه فلوس و مشتركه وجبات و شاده حيلج علشان تضعفين ما فيها شي و قولي حق خالتج هالحجي خو ما فيها زعل أكييد بتمنالج الخيير و بالفشله لا والله مو فشله اذا انتي عاده رووحج وحده من أهل البيت ما فيها فشيله ...