شركات التغذيه منو احسن فيهم وجم نزلنى (الجزء الثانى وبالصور)

[sheraZia_Q8]

باجر اول وجبه لي مع كالوري كنترول

 

[sheraZia_Q8]

كااااااااااااااااااااااك عنيد xD والله هالايفون يالف كلمات من عنده الله يخسه

 

[sheraZia_Q8]

اب اب

 

[Mystique]

عنيّد

عساج ابخير فقدناج :eh_s(7):

انا كنت مشتركه مع دايت كير مده طويله حوالي 5 او 6 اشهور بالبدايه نزولي حلو بعدين طبيعي صار بطيئ و انا مليت

اللحين انا متبعه رجيمات المطوع بس الوجبه الرئيسيه تكون من دايت كير

ادق عليهم و يوصلون لي غدا لثلاث ايام و بعض المرات اطلب حلو معاهم او ريوق اذا اشتهيت وايد ارخص علي من الأشتراك و مرتاحه و الحمدالله نزولي صار اوكي :eh_s(15):

اللي تبي تجرب هالطريقه ماراح تمل لأن مو بس تختارون من اللي موجود في المنيو عندهم بعد اطباق رئيسيه يوميه تقدرون تسألون عنها daily specials
بس تقولون لهم تبون الاطباق فرش

 

[q8**girl]

قووه شلونكم بنااات ..

عنييد : ولكم بااك نور الموضوع :* .. وبعد عمري اختج اكسرت خاطري يارب تضعف وتضعفين بصحه وعافيه يارب :eh_s(7):

___________________________________________________________


مثل ماقتلكم هذيييك المره كنت حاطه موعد بدايت سنتر وكالوري كنترول بنفس الحزه واستخرت وماشفت نفسي الي عند كالوري كنترول .. دخلت وشوي لطعوني الرسبشن وبديت اسب نفسي واتحلطم بيني وبين نفسي ياغبيه ليش مارحتي دايت سنتر انتي عارفتهم ومجربتهم لوووووووووول علي ماخلصت دخلت علي الاخصائيه قاستلي وزني وطولي والدهون ..طبعا الدهون حيل مرتفعه .. المهم قعدت اسولف معاها وخذيت وعطيت امانه حسيتها فاهمه تتكلم بثقه وكلام مقنع استانست حييل منها عكس دايت سنتر بسررعه بسررعه ماكنت اخذ واعطي
وصلنا للمنيو عطتني اياه وقالت روحي استريحي برا نقي طبعا يننتها كل شي ما اكل كل ما تسالني شي ما اكله اخر شي قالتلي انتي شنو متغديه اليوم هههههههه قتلها ولا شيي قالت لا شنو بتغدين قتلها مادري ليلحين قالت كل شي ماتحبين اول مره اصادفني جذي

المهم طلعت برا وبديت انقي جان ارد اسب نفسي لوووووووول ماكان الاكل عاجبني الصراحه المنيو مو منوع كللللش او محدود بس الي احبون سمج ربيان لحم بيستانسون بس انا احب الدياي ونباتيه اكثر رحت ودخلتلها قتلها الصراحه مو عارفه اختار وتحبطت وايد ماعندكم قائمه بديله ؟ ( دايت سنتر عندهم قائمه بدييله حق الاكل ) قالت لا وشرحتلي ليش واقتنعت بس قتلها اللحين موكل شي عاجبنيييي شسوويييييييي قامت اطلعلي اكل لوووول واطالع منيو النباتيين وفي اشياء اخترت من العشا وخلتها غدا ولووويه عفسست المنيو مالهم لووول اخر شي اشوف ويها احس شوي وتبجي جان اتقولي بديييت اخاف .. قتلها ليش قالت شكله موعاجبييييك وانا خايفه تاكلي برا البوكس قتلها ان شاء الله لا .. طبعا انا اشتركت اسبوعين بس قلت اجرب







وصلني البوكس قبل امس ..






للامااانه






لذيييييييييييييييذذذ لذيييييييييذ لذيييييييذ كلللش ماتوقعته جذي ومعاملتها حلووه وايد الاكل احلا من دايت سنتر بواااااايد اليوم 3 يوم الله يتمم علي عاد يارب انزل ... اذا نزلت بكمل شهر معاهم بعدها بغير عشان ما امل من الاكل وانوع




وسوي قرقت وااايد بس قلت بقولكم بتفصيييل الممل :eh_s(8):

 

[قطوووة]

Mystique

حلوة طريقتج تشترين وجبه من برا موو من الشركة .. حاولت اطبقها وخذيت لي جم طبق من مركز سلطان لـ دايت كير ..
بس انا اعرف نفسي ..... اخاف اخربط ههههههههههه

q8**girl

الحمدالله شي طيب وبداية تبشر بالخير

خليج معانا اول بأول وعافية

 

[عنيّد]

Mystique + q8**girl
عااااااااش من شاااااااااااااااااافكم :eh_s(1)::ggdw::eh_s(17)::eh_s(17):


q8**girl ،، اي بعد بعد حمسوني اكثر على كالوري كنتروووووول ذاب قلبي الله يسامحكم
زين ناطرييييينج تقوليلنا النتيجه ، وتكفييييييييييين الله يخليج لا تخربطين عشان تكون النتيجه دقيقه

Mystique ،، عساج ماتفقدين غالي ياااارب :eh_s(7):
هممممممم انا لما كنت اسوي رجيم المطوع مرات اكل من دايت سنتر الي بالجمعيه بالذات الريوووق
وطريقتج حلوه واقتصاديه وفيها كسر للروتين بس الخوف من التبربس

كااااااااااااااااااااااك عنيد xD والله هالايفون يالف كلمات من عنده الله يخسه

ههههههههههههه ادري ادري مو منج

الله يتمم عليكم بنات ^ـ^

 

[sheraZia_Q8]

اليوم اول يوم لي مع كالوري كنترول
حاطه لي الاخصائيه 1200 سعره
وسوري بنات وزني مابي اقوله الا عقب ما انزل :eh_s(7):

الريوق :
كلوب ساندويش دجاج + عصير خوخ >>> خليتهم لباجر ريوق


الغدا :
سباغيتي شاورما لحم عادي جدا :eh_s(1):
وسلطه باستا فارفالينا ما حبيتها نهائيا :eh_s(2): ما كملتها


السناك :
بسبوسه + سلطه فواكه >>> للحين ما كليتهم .. اذوقهم واعطيكم خبر


العشا :
ساندويش دجاج بخبز فرنسي + شوربه جزر >>> بليل اعطيكم خبر عن الطعم

 

[قطوووة]

عااااافية .. انا اذكر البسبوسة عذاااااب
سخنيها شوي بالمايكرو يف بس لا تاكلينها ع طول هههههههههههه احترقت منها ههههههههههههههههه

وشووربة الجزر حلوة وفرش

عافية ..

 

[sheraZia_Q8]

قطوه يريتني قاريه كلامج مبجر
من طفاقتي كليت البسبوسه واهيا باااااااارد يا ربي ما تنعض لوووول
بس حلوه عموما

 

[عنيّد]

شيرااااازيه ،، عواااااافي

بس شكو ماكله السناك الحين ، من راكض وراج ؟

قوليلي اشلون مقسمه وقت وجباتج ؟ :eh_s(10):

 

[قطوووة]

عافية حبيبة قلبي

 

[عنيّد]

مساء الخير ^_^

نزلت موضوع منفصل عن وجباتي ، بس بحط لكم هووون نسخه من الصور
والتفاصيل الاوليه تلقونها بالموضوع الاصلي ، مابي اسوي زحمه من هذرتي هون :eh_s(22):

يومياتنا بالصور أنا واختي مع شركة لوفات Lofat

يالله اشعليييييييييه هالموضوع بتكون صوره دبل ، بسنا صور ياحسين بسنا بسنا ;D

الله يعيني ع التصوير والتصغير والتحميل ، عاد مو بعد كل هذا تعطونا طاف وماتشجعونا
شكرا ;D

.
.


يالله بسم الله نبدأ ..


طبعاً سألتهم متى يوصل الاكل وقالي حسب منطقتنا المفروض يوصل 7.30 الصبح
يعني كالعاده ريوق اول يوم يكون لليوم الثاني وهــــكزاااا

" مي سوري ع التصوير الـ مش ولا بد ، بس كامرتي متنحه ، وماغير كاميرا الموبايل "

اليوم #1 ... 9/9/2011


وجبـــاتي

الريوق : اومليت بالصاج "نص" + عصير منجا + روب بالفواكه " بدل الشوربه ، اكلته بعد الريوق بساعه وشي"

حليوه ، بس يتراوالي لو كاملة المكونات بتطلع احلى ، بس انا ماحب الطماط والزيتون ;$

سناك #1 : سلطة فواكه

الغدا : مجبوس دياي + دقوس + روب وخيار

عجبنـــــي ، شوفوا الكميه بالصحن ماشالله راهيه

سناك #2 : كيكة ليزي كيك الشهيره ;$ "نص"

صج نتفه بس كانت بالدارك جوكلت يعني تغثثثثث مع اني مو من ربعه ;$


العشا : صمونة دياي وموزاريلا "نص" + سلطة روكا

حليوه

~~~~~~~~~~~~~~~~~~


وجبــات اختــــي

الريوق : توست فرنسي + عسل + حليب

ريوق #2 "اشتراك الجونيورز يحطولهم وجبتين عشان المدرسه" : صاج لبنه

سناك #1 : موزه

الغدا : بطاط بالبشاميل + سلطة ناجوز

سناك #2 + العشا : نفسي ^_^ + سلطة نيو ستايل + شوربة خضار

اختي كل الأكل كان عاجبها


.
.


الحمدلله ع النعمه
مشيت ساعه الصبح بالهواء الطلق + شربت ماي

​

 

[sheraZia_Q8]

عنيد الله يسلمج الاخصائيه ما علمتني شلون اقسم اكلي @@!

بس انا ما كليت ريوق خليته لثاني يوم
ناويه اكله على ال 10

الغدا على ال1 ونص

السناك
من ال 3 ونص لي 5 اقسمهم على هالفتره
العشا
7 ونص

صح ولا غلط ؟؟

 

[عنيّد]

شيرازيه ،، قسميهم باللي يريحج بس اهم شي يكون الوقت بين وجباتج ع الاقل ساعتين
والعشا لا يزيد عن ٨ونص


يعني انا ترتيبي بالاكل ، الريوق الساعه ٩ ، السناك الاول ١٢ ، الغدا ٣ ، السناك الثاني ٥ ونص ست ، العشا ثمان

 

[جوري الكويت]

كالري كنتروول

 

[قطوووة]

حلو ترتيبج عنيد ..


انا بديت مشوار جديد مع هلث كمبني



بسم الله الرحمن الرحيم .. منيو اول يوم

الريوق

حبيت العجينه خفيفه حدها
فطيرة زعتر حجممها زين مو كبيرة ولا صغيرة

السناك الاول .. الحمدالله اني احب الفاكهه عموما .. بس مع الجوع تصير ألذ

الغدا .. سلطة زهره تتبيلتها حلوة بس حسيتها شووي ناشفة ..
والسوفليه غني وحلو





العشا كان رهيب ..
برجر + جم حبة بطاط مخبوز بالفرن حيل خفيف + السناك اللي هو كان براونييييييييييييز غرامي + سناك من برا البوكس من دايت كير كنت ماخذته من جم يوم

كليت البرجر اول شي بعدين بوقت كليت سناك مال دايت كير ..

بس ماكليت الحلو كله مع انه لذيييييييييييييييييييييييييييييذ
حاولت امسك نفسي والحمدالله اني ماقضيت عليه كليت نصه بس
لان 300 كالوري مو شوية بالنسبة لوحدة تاخذ 1000 كالوري باليوم


شعارنا الالتزاااااااام ثم الالتزااااااااااام ثم الالتزااااااااااااااااام نحو الرشاقة









عشان جذي خليت البراونيز ماكليتها ..


اي وكان في حليب كي دي دي خالي دسم 250 مل .. ماشربته ..
+ سلطة العشا .. ماكليتها ..

حسيت اني اكتفيت

وهذا أول يوم كان حلو

الحمدالله :yaaaaaarb:







◥◥ يومياتي مع .. هيلث كمبني Health Company◤◤

 

[فنار الكويت]

COLOR="SeaGreen"]

بالعافيه عليكم بنات وانشالله كلكم. تنزلون بصحه وعافيه
فاقده حياة زوجي وينها محد يدري عنها طمنونا عليها انشالله مافيها شي
عنيد ماجربتي القهوه الخضرا حاليا او سابقا
اشتراك كالوري. كنترول جم لمدة اسبوعين شكلي عقب كل شهر بهيلث كومبني اشترك اسبوعين كالوري كنترول وعقب ارجع حق هيلث كومبني وهكذا
التصوير التصوير التصوير وعقب اسبوع بإذن الله ابلش معاكم هيلث مومبني​

[/COLOR]

 

[قطوووة]

فنار

كالوري كنترول اسبوعين بـ 99
20 يوم بـ 139

 

[sheraZia_Q8]

عنيد ترتيبج حلو شكلي بمشي عليه
فنار اي والله فقدناها @@! انا عبالي مسافره عسى مانع خير يا رب