شركات التغذيه منو احسن فيهم وجم نزلنى (الجزء الثانى وبالصور)

[popcorna]

السلام عليكم
شلونكم بنات
انا اشتركت بشركه كالوري كنترول اول مره اجربها بالعاده كله دايت كير بس قلت اغير و ان شاءالله يطلع الاكل حلو
و ان شاء الله نضعف بصحه و عافيه

 

[منال القلب]

بوب كورنا: وعليكم السلام هلا فيج حبيبتي، متى راح تبدا الوجبات توصل؟ وياريت تتواصلين ويانا وتقولين رايج عن خدمتهم واكلهم.. ويااارب تضعفين بالوزن الي انتي تبينه...

 

[فنار الكويت]

بنات حسافة هيلث كومبني مسوي خصومات 160 دينار الإشتراك استفيدو واشتركو كذا شهر توفرون 40 دينار بالشهر و80 دينار بالشهرين حسافة مايطوف ولو تحسبونها يطلع عليكم اليوم الوجبات مع السناك 5 دنانير وشي
وأكلهم وايد حلو بصراحة انا اشتركت وبخلي الإشتراك عقب رمضان أنا كل مايسوون خصم اشترك 3 اشهر وأوفر 120 دينار بالثلاث أشهر وإذا كل شهر 200 دينار محنا خالصين ووايد غالي علينا
حبيت تستفيدون بنات واخر يوم الخصومات يوم 29/7 الخميس
انتهزو الفرصة وحلوياتهم وايد حلو وياريت تقرون تجاربنا وتجارب حياة زوجي بهيلث كومبني عشان تستفيدون
ودمتم بود
​

 

[مارغريتا]

كرسبيا ماظن اقدر اقاوم الفطور لا تفطرت معاهم
خاف اخربط !


صج دقيت عليهم اليوم عن شوربة امس لذيذه بس كلها فلفل
فقلت لهم يشيلون الفلفل وسالتهم عن رمضان بتفطر على تمر
قالت لي تاكلين ٣ تمرات وتشيلين الفاكهه اللي بالبوكس

واااي مو صج اتذكر قبل شلون كنت اكل الفاكهه والحلو والوجبات
اتوقع كنت اكثر من ١٨٠٠ كالوري باليوم !

 

[مارغريتا]

صج بالنسبه للجاي الاخضر ممنوع بالشكر اخصائيتي قالت لي اول مره انه ممنوع
اصلا طعمه يخترب مع الشكر

 

[منال القلب]

فنار حبيبتي مشكورة وااايد وااايد

انا الصراحة راح يخلص اشتراكي في دايت كير 13 رمضان

وكنت أبي اجدد عندهم لمدة شهر وبدفع 200

على الاقل ادفع 160 احسن من 200

بس من كلامج حبيت فكرة هيلث كومبني..

لكنه اذا بشترك من 14 رمضان ولمدة شهر عندهم يعني راح يحوشني نص رمضان ونص بعد رمضان

هل برمضان تكون وجبتي >> فطور - سحور - وغبقة؟ شلون نظامهم؟

وجم فتح الملف حق الي تسجل عندهم أول مرة؟

ومكانهم مستشفى هادي عدل؟ يعني داخل المستشفى مكانهم؟

 

[بنت العديليه الشقرديه]

السلاام عليكممم شلوونكم بناااات بس بغيت استفسر هيلث كومباني فرع الهادي يعني داخل المستشفى ولا وين بالضبط لان خذيتلي موعد مناااك وشكرا مقدما

 

[فنار الكويت]

مرحبا بنات
منال القلب اللي اعرفه ان هيلث كومبني مسوي خصومات للأيام العادية بس برمضان السعر ب ٢٠٠دينار وبياخذون نسبة ٢٠٪ للأعمال الخيرية
انا اقترح عليج تشتركين اسبوعين بأي شركة او بشركة هيلث كومبني لمدة اسبوعين واشتراك هلث كومبني اللي عليه خصم ابتدي في من ثاني يوم العيد احسن وبيعجبج هيلث كومبني انا اكثر من ٨ اشتراكات معاهم يعني ثمان اشهر
ومكانهم بمستشفي الهادي الطابق الارضي ورقم التليفون ٢٥٣٢٣٦٠٩ ودمتم بود​

 

[فنار الكويت]

بنت العديلية فعلا فرع الهادي داخل المستشفي وفي فرع بالمنطقه الحره وفي فرع بالفحيحيل

 

[فنار الكويت]

١٦٠ شامل فتح الملف لأني اول مره اشتركت ماخذو مني فتح ملف بصراحه حركه سخيفه من الشركات فتح ملف ب٢٥ كفاية الواحد يدفع ٢٠٠وهم فتح ملف. بنات احسبو الاشتراكات صح ترى وايد ٢٢٥فتح ملف واشتراك يعني يطلع فرق بالسعر ٦٥دينار وهيلث كومبني ب١٦٠ دينار بس بالايام العادية برمضان سبق وقلت ب٢٠٠الاشتراك علشان لا تتوهقون وتقولون ماندري​

 

[بنت العديليه الشقرديه]

فناار العرض ساري لما 29 ما فهمت شلون برمضان ميتين يعني انا قلت بشترك بالعرض وابلش برمضاان ان شاء الله ولا ما يصير

 

[فنار الكويت]

صج بالنسبه للجاي الاخضر ممنوع بالشكر اخصائيتي قالت لي اول مره انه ممنوع
اصلا طعمه يخترب مع الشكر

ما احب طعم الجاي الأخضر بدون سكر رجيم واحط شوية نعناع وعندج الجاي الابيض وايد حلو اسمه سلادا تلقينه بمركز سلطان بس ديرو بالكم لأن. في بالفاكهة لا تتخربطون وشوفو العلبه عدل انا توهقت واخذت بالفاكهة

 

[فنار الكويت]

فناار العرض ساري لما 29 ما فهمت شلون برمضان ميتين يعني انا قلت بشترك بالعرض وابلش برمضاان ان شاء الله ولا ما يصير

دقي تأكدي لأن حسب اللي فهمته من الشركة ان رمضان ب 200 تأكدي وقوليلنا انا اشتركت ب160وانشالله ببلش عقب العيد قوليلهم ابي اشتراك 160حق رمضان شوفي شنو ردهم

 

[قطوووة]

انا دقيت ع هيلث كمبني ع اساس اشترك معاهم من 3 يوم عيد او رابع

لان حاليا انا مع كالوري كنترول ومرتاحة معاهم لي اسبوعين الحين وباجي اسبوعين رمضان داش باشتراكي

قلت اجدد عقب العيد

جان تقول لا مايصير :/ الوجبات راح توصلج بعد يومين من الاشتراك ... مادري انا والا بس انتوا قالو لكم هالحجي ؟؟؟؟:eh_s(2):

لان لو كان جذي بكشت فيهم وبجدد مع كالوري كنترول نفس اشتراكي الحالي .. 139 دينار 5 ايام بالاسبوع .. 3 وجبات + 2 سناك ..


وكالوري كنترول بدون فتح ملف ولا اي شي ..تعالي بس معاج تحليل الدم واختاري اشتراكج ووجباتج ..

 

[فنار الكويت]

قطوووه انا مافهمت قصدج عقب يومين الوجبات بأي شركة

وأي شركة تشتركين معاهم اييبولج الوجبات عقبها بيومين وانتي ٥ايام بالأسبوع ماعتقد راح تنزلين بالوزن اتوقع نظامج تثبيت لأني ناوية عقب ما اوصل الوزن اللي ابيه اشترك بدون ويك اند علشان اثبت وزني وفرق بين اشتراكج بدون ويك اند مع الاشتراك الكامل ٢١دينار بس فالواحد يشترك كامل وينتهز فرصة الخصومات ويكون الاشتراك ب ١٦٠وانتي الربحانه الواحد مو ملحق بصراحه. والوجبه تطلع عليج ٥وشي مع التوصيل انا بصراحه ورفيجاتي جذي نحسبها​

 

[فنار الكويت]

اللي تحصل خصومات تشترك لأن الشركات ماراح يسوون خصومات إلا بالعيد الوطني بإذن الله هذا اللي اعرفه بنات

 

[بنت العديليه الشقرديه]

ثااانكس فنووره باتتجر بدق واتاكد

 

[قطوووة]

فنار ..

انا حاليا مع كالوري كنترول .. حلو وبيخلص اشتراكي بعد اسبوعين من الان ..
ولما سمعت بعرض هيلث كمبني قلت اشترك الحين حق عقب العيد يبدون يوصلون لي وجباتي ..

قالت لي لا مايصير لما دقيت ع هيلث كمبني .. قالت ان اشتركتي نوصل لج الوجبات بعد يومين من الاشتراك !!

عشان جذي هونت لاني اساسا بعد مايوقف اشتراكي الحالي اللي مع كالوري كنترول ، ماني مجددته برمضان .. ( بكون توني مخلصة صيفي واقدر امسك نفسي برمضان )

بخليه ورا العيد ..لذلك بكمل رحلتي مع كالوري كنترول .. ان شاء الله .. :eh_s(17):

 

[منال القلب]

تسلمين حبيبتي منار..
وان شالله ارسي على شنو واسجل فيه

 

[حياة زوجي]

صباح الخير على احلا صديقات
اشلونكم وشخبار الرجيم اهم شى الاراده
اشكر كل بنت شاركت بالموضوع وانا غايبه وفيكم البركه
اليوم وصلت البيت علشان آخذ وجباتى وارجع المستشفى وما اقدر اشارك مثل اول لين نشاء الله تكون امى احسن
فلذلك انا كل يوم راح اصور لكم الوجبات من غير مشاركات لين الامور تتطور وتصير امى احسن راح ارجع معاكم وبقوه
وعساكم على القوه ودمتم سالمين





كرواسن جوكليت

فاكهه

سلطه الشيف

ستيك بالصلصه مع البطاط والخضار

اوبيرا

شوربه الذره

شاورما

روب بالفاكهه