شركات التغذيه منو احسن فيهم وجم نزلنى (الجزء الثانى وبالصور)

[حياة زوجي]

حياه زوجي الف الف مبروووووووك وان شاء الله توصلين لي الوزن اللي تبينه بصحه وعافيه يا رب
حدي استانست لج
وزين سويتي غيري بالمنيو عشان لا تملين

ومبين ما شاء الله منيوهم حلو ومتنوع عليج بالف عافيه

فنار شلونج حبيبتي .. دام عندج اشتراك خلصيه لا تشتركين وتكودين الاشتراكات حسافه

امس كان عشاي ماساه بدق عليهم اليوم اقولهم لا يكررونه وموعدي معاهم السبت مزهبتلها لسته شطولها ههههه

انزل صور وجباتي ان شاء الله بعدين لاني بطلع الحين

حياتى مشكووووووووووووووووره والفال لج تبشرينا
المشكله بشركه دايت فرش انها جديده وفيها ملاحضات وايد واكلهم ما يناسبنى
بس والله شادين حيلهم ويهمهم ملاحضات وآراء الناس
بس انا تعودت على نمط معين من الاكل ما اقدر اجازف
ويالله متشوقين نشوف الصور
ولينا ودينا بصراحه مبدعين اكلهم روعه

 

[!! شوق !!]

بنات انا باجر باذن الله موعدي مع كالوري كنترول

شرايكم فيها .. اهي الي عروضها نسابت ميزانيتي :$

امممممممم وكم تنصحوني اخذ كالوري او اهي اللي تحدد ..

واللي جربها كم نزل عليها


عفيه مو تحقرون عساكم تضعفون بصحه وعافيه

 

[فنار الكويت]

meondiet ولكم حبيبتي صح كلامج وهذا اللي بيصير

شوق : راح ترتاحين على الشركة تطمني اكلهم حلو ونظيف ومادري جم طولج ووزنج عشان نعرف جم كالوري تحتاجين
انا من اول ماشتركت عندهم وبكل الشركات اخذ 1100 كالوري لأني ماانزل على الـ 1200 كالوري
​

 

[بشوفتك ارتاح]

بنات مافي عروض من شركات تغذيه بدايه سنه جديده ؟؟

 

[فنار الكويت]

بنات مافي عروض من شركات تغذيه بدايه سنه جديده ؟؟

الظاهر ماتقرون الصفحات السابقة
هلث كومبني مسوي عرض تشتركين شهر يعطونج اسبوع فري
​

 

[بشوفتك ارتاح]

اي قريتها بس غالي ابي ارحض من جذي ؟؟

 

[قطوووة]

انا سويت مساج بمعهد كوين بحولي ورقمهم 22657787
10 جلسات 50 دينار اتسويلج نص ساعه مساج ونص ساعه حراري تحط جسمج بجهاز مع كريمات التنحيف ولمن اتخلصين تعطيج حبه وجاي اعشاب يسد الشهيه بس انا ماكنت اخذهم خفت ​

مشكؤؤؤؤؤؤؤؤؤؤؤؤؤؤره يعطيج العافية .. ؤسعرهم حيل زين ..
ؤالجاي ماني محتاجته حمدالله انا للحيني مسيطرة عالدايت ؤلؤ اني ساعات اشطح بس محافظة ع ؤزني ..

بنات انا باجر باذن الله موعدي مع كالوري كنترول

شرايكم فيها .. اهي الي عروضها نسابت ميزانيتي :$

امممممممم وكم تنصحوني اخذ كالوري او اهي اللي تحدد ..

واللي جربها كم نزل عليها


عفيه مو تحقرون عساكم تضعفون بصحه وعافيه

من ارؤع تجاربي ..ؤلؤ بجدد دايركت بجدد عندهم
مؤخسارة فيهم الفلؤس الاكل ألذ شي كان معاهم ......

 

[قطوووة]

بشؤفتك ارتاح

اذا غالي اختاري ؤجبتين مؤ اشتراك كامل يطلع فرق بالسعر

اؤ اختاري بدؤن ؤيك انت

 

[بلوبري]

تسلمين الصراحه حياتي زوجي مميزه دايما في مواضيعج
من الجزء الاول و انا اتابع بس ما قدرت ارد كنت عندي ظروف شي
خاطري بنات اشنراك في رجيم سنتر شرايكم فيه ؟؟؟
انطركم ردكم بنااات ........

 

[بشوفتك ارتاح]

مشكوره قطوه

 

[meondiet]

حياه زوجي ... عليج بالعافيه وملاحظاتج بمحلها بالنسبه للشركه ... مفكره اذا بشترك مره ثانيه بشترك بدينا ولينا لان ما شاء الله صور الاكل تفتح النفس وكلها اشياء يديده وهم ودي كومباني بس بالاول خل اشوف شكثر انزل


ريوقي :

ساندويش الحبش المدخن

الساندويشه عباره عن خس وجبن وتيركي مع صلصه لذيذه

السناك :

بان كيك مع قطع الشكولاته

شربتها مع قهوة

الغدا :

سلطه اورينتال

فيليه السمك المحمص بالفرن مو زين ومو شين


الحلو :

بودنج التمر



العشا :

فتوش

ما عجبني انهم حاطين الخبز فوق السلطه وصاير رطب فشلته قبل لا اصور بكلمهم يشيلونه ويحطونه بره

شوربه مالجتوني

ساندويشات الخس .. التيمت كلوب ساندويش

والسناك الاخير :

قطع اناناس فرش

 

[meondiet]

تسلمين الصراحه حياتي زوجي مميزه دايما في مواضيعج
من الجزء الاول و انا اتابع بس ما قدرت ارد كنت عندي ظروف شي
خاطري بنات اشنراك في رجيم سنتر شرايكم فيه ؟؟؟
انطركم ردكم بنااات ........

للاسف ما جربته بس سمعت انهم يعطون ادويه وحبوب مع الرجيم

 

[جـــواهر]

مساء الخير رشيقات بخصوص اللي تسال عن رجيم سنتر

انا هذا ثاني اسبوع لي معاهم مشتركه بالوجبااات

ومايعطون حبوب او ادويه رجيم بس فيتامينات عشان الشعر

وكل اسبوع مراجعه


مجوعيني حييييييل لاني محتاااجه انزل من وزني واااااااجد

 

[جـــواهر]

بنات بسالكم بجم الميزان الالكتروني ؟

 

[فنار الكويت]

بلوبري انصحج اشتركي بالشركات اللي ذكرناها اضمن
كالوري كنترول
هلث كومبني
دايت كير
دايت سنتر
لوفات
دينا ولينا حياة زوجي بعد تمدحهم وانا وحياة زوجي مجربين كل هالشركات بس دينا ولينا ماجربته بصراحه بس يمدحون اكلهم​

 

[فنار الكويت]

بنات بسالكم بجم الميزان الالكتروني ؟

مري يوريكا والغانم اشكال واسعار
ليش الالكتروني احسن لاتشيشوني على الالكتروني لان خاطري اشتري واحد شكله يكون اوضح بالارقام

 

[قطوووة]

تؤني ماخذه ميزان من يؤريكا ب 7 ؤشي عليهم خصؤمات

 

[كنووز]

شكرااا عالموضووع الممتاااز

 

[كنووز]

سؤال مهممممممممممم بليز الكل يجاوب في احد نزل اكثر من 30 كيلو مع الشركات؟ اذا في خلال كم شهر؟ ومع اي شركاااااات؟
ويعطيكم الف عافية

 

[حياة زوجي]

صباح الخير طبعا لغيت السلطات وشوفو معاى شنو حطيت بدال السلطات
تفضلو المنيو





كيش مكس الجبنه

سلطه فواكهه

بوب كورن بدال السلطه

كبه باللبن

لندن ايكلير

بدال السلطه فطاير

راب اللحم الشرقى