شركات التغذيه منو احسن فيهم وجم نزلنى (الجزء الثانى وبالصور)

[foshia girl]

هلا فنااار

وي طلعت كوين دايت خدامه لووووووووووول وانا عبالي شركة يديده لوووول


لا ان شاء الله خير يارب .. بشوف شنو يصير واحتمال انزل يومياتي اهني بهالموضوع


لا في اخصائيه لبنانيه اسمها نوال حبوبه حيل ..

 

[قطوووة]

عنيد ..

دكتور ايلي .. كان جدا متمكن .. مايزف يزف .. بس يعاقب
جذي قالوا لي الناس الي مدحوه وفعلا صار ..
انصحج جدا فيه .. بس ان نويتي دقي قبل احسن


فوشيا
كوين دايت شركة من تأسيس عنيد :krkrkr: ..
مجرد اسم وهمي للي مستمرين رجيم منزلي ..

الله يتمم عليج





فنوور
ماعندي فكرة عن العشرج والله
بس مثل ماذكرت لج انا استمريت اسبوع اشرب جاي ابيض نوعية فاخرة
حسيت بطني شد والله .. عقب العشا كوب ..حسيت بفرق ..

جربيه هذا اسم المحل وموجود بالافنيوز .
tea gschwendner
بنات انصحكم جربوه .. طبعا يمكن عندهم اكثر من 300 نوع جاي ..

بالنسبة لي جربت هالنوعين ..مكتوبين بالفاتورة

كل واحد وسعره ..


وجربي رقم 532 مكتوب جذي ..
هذا الـ 100 غرام منه 5.800 دينار .. وترى راهي 100 غرام ..
شاريته بالعيد انا ترى وللحين في منه .. وان خلص برد اشتري منه

سوري التصوير من ايفوني مو واضح






بناااااااااااات
انا اعترف اني خرتها الاسبوع اللي طاف

يعني وجبة من ماك .. وشوية خرابيط وشبس
مع ان وزني ثابت مابين 59 و 58
بس انا الحين حطيت براسي 55
صح انه صعب حرق الدهون بالنسبة لجسمي لكن مو مستحيل

لقيت تشجيع من متابعيني خارج الشاشة الانترنتيه :eh_s(9): وهذا عطاني حماس
مع اني كنت راضية .. بس راح استمر ان شاء الله .. من باجر نو تخبيص باذن الله ..


معا لتجديد الارادة .. نعم نحو الرشاقه .. وراح اوصلج يالـ 55 :eh_s(22):


موعدنا الاحد القادم .. انا وعدتهم اني راح انزل لو كيلو خلال هالاسبوع ..

 

[foshia girl]

قطوووه

:krkrkr:


اثاري السالفه جذي وانا اللي عبالي شركه هههه ياحليلها عنيد كنت اتابعها من بعيد لي بعيد هالانسانه شنو دمها خفيف ماشالله ..

 

[قطوووة]

احم احم .. بما ان اليوم اخر يوم خربوطي ومن باجر الالتزام 100% باذن الله

شفت يوميات حياة زوجي وسلطة الجيرمن .. كانت رهيبة من كالوري كنترول .. جان اسويها

شوفو الرابط

German Potato Salad من ايد قطووووة .. ولا ألذ

 

[عنيّد]

لااااااا آآآآآسفه والله :krkrkr::krkrkr::krkrkr::krkrkr:

وااااي بموت ضحك هالحزه اتكركر بروحي :krkrkr::krkrkr::krkrkr:

foshia girl ،، ماعليه هارد لك

عشان مره ثانيه تتابعينا وماتقطعين

،

بنات انا امس "الاحد" كان يوم عصيب جداً علي ، صار عندي ظرف خربطني ابو التخربط والحمدلله الله سهل وعدا على خير وربي يتمم
لا تخافون ماهي مقدمات للتخربط والله ماخربطت

بس تريقت + تغديت + اكلت سناك وبس هذي كانت وجباتي
من التعب نمت ولما قمت قلت خلأمشي لأني مومشتهيه آكل ، رحت مشيت بس ماقدرت اكثر من ثلث ساعه بالي كان مشغول

عاد نمت بكير ، والحين قاعده جني عتوي مافيني نوم :eh_s(1):
و اليووووع مو قاااارصنييييييي الا مشلخنيييييييي :eh_s(4):

 

[قطوووة]

عنيد شرايج نخلي الوزن كل يوم احد ؟

 

[عنيّد]

قطوه ،، اشرايج مانطري الوزن

اليوم وانا اكتب لكم اشكثر نزلت بالاسبوع الي طاف ، ييت بكتب وزني ، بعدين طقيت بريك :eh_s(1):
قلت بصبر شوي بعدين بكتبه :eh_s(22):


بس عموماً ، انا موافقه ويناسبني هاليوم لأنه يكون بداية كل اسبوع عندي للرجيم
لكن انشالله مايطلعولج ربع التخربط الويك اندي ويعترضون ع اليوم

من الاسبوع الياي نبلش اذا كنتوا موافقون :eh_s(15):

 

[عنيّد]

يقولكم العُبد ترى الرجيم بفصل الشتا أحسن من الصيف
لأن الجسم يحرق أكثر .... بسبب البروده الجسم يتدفا وهالشي يحرق السعرات

يالله شدوا حيلكم واستغلووووا هالفصل الجمييييييل
:ggdw::eh_s(9):

 

[قطوووة]

^^
اي شفت اليوتيوب اللي يقول هالشي

بصراحه عجيب هالانسان

 

[عنيّد]

صباح الخير
:eh_s(7):

بنات رجاءً نبي حماس

قطوه شمسهرج ؟ :eh_s(1):

 

[حياة زوجي]

منيو اليوم مع كالورى كنترول




عصير فراوله

سندويش جبنه شيدر لايت

فاكهه

سلطه جبنه وجوز

بريانى لحم

كره جوكليت ترافل

شوربه الحريره

ستيك بروفنس وخضار سوتيه

 

[يوم أقبلت]

مرحبا حياة زوجي شلووونج انا من جزء الاول اتابع يومياتج تبارك الله ابي نصيحتج انا بشترك بدايت كير لان حيل اقرب لي بس غالي باخذ الي 155 وانا اسوي سلطه واجيب حليب شرايج حياة

 

[عنيّد]

حياة ،، عليج بستين الف عافيه ، الاكل اغراااء ^ـ^

 

[قطوووة]

كنت سهرانه ماكو شغل:d:d

حياج بالتجمع - يوم اقبلت -



صباح الخير جميعا ..

 

[عنيّد]

قطوه ،، صباح الخيرااات


اشتقت للبييييييييييييت <3

 

[قطوووة]

كلها ساعتين هانت:d

 

[يوم أقبلت]

هلا والله قطوه الله يحيج ابي دايت كير شرايج فيه

 

[قطوووة]

يوم اقبلت مثل ماذكرت لج
الاكل لذيذ جدا .. وانا اشتريه من ثلاجات مركز سلطان ..
بس ترى غالي مقارنه بغيرة وايد ترى

الشركات الثانية اسعارهم اشتراك كامل شامل فتح ملف وزيارات تبدا من 180 تقريبا لي 200 دينار
مثل كالوري كنترول ..لو فات ... فرش دايت ..لينا ودينا .. هيلث كمبني . وغيرها


بخصوص دايت كير ..
انتي جربيه وسوي نفسي .. الريوق والعشا اسويهم خفايف بالبيت
والغدا اخذ وجباته من مركز سلطان

اخذي 3 وجبات ل 3 ايام وشوفي احسن من ما تتدبسين وياهم .. وترى اوفر لج جذي

انا كل مااشتري3 او 4 وجبات + 3 ميني حلو الباكج الي مع بعض حسابي مابين 6 الى 8 دنانير ..

يعني نقول 40 وجبة غدا بيطلعون عليج مابين الـ 60 الى70 دينار
ماجلة الرجيم مالت الجمعية من جبن لايت وتوست وقهوة هالسوالف ماتكلفج وايد ..

وانتي حسبيها وشوفي اللي يناسبج ..

شويه انضباط وشوية ارادة ماكو شي صعب ولا مستحيل


تقريبا صارلي شهرين او زود شوي ماشية ع هالنظام .. مع ايام بريكات .. والحمدالله نزلت بروحي قريب الكيلوين

 

[فنار الكويت]

مساء الورد بنااااااااااات

تصدقين قطوه والله طريقتج احسن شي واشجعج تستمرين عليها انا اعرف وحده موظفه ووايد حريصه زادت جم كيلو مارضت تشترك مع امكانياتها المادية فوق الممتازة وقالت الشركة غالية وتاخذ وجباتها من الجمعية واضعفت
ودي اجرب يومين اسوي نفسج عقب 19 يوم بإذن الله بيخلص اشتراكي واحتمال اجرب نفسج لمدة اسبوع واشوف نفسي
كل مره اقول بسوي هالطريقة واتكيسل مع ان مركز سلطان يم الممشي انشالله خير
​

 

[قطوووة]

والله يافنار اتمنى اشوفج تعتمدين ع نفسج
دقي ع فرع كوين دايت القريب منج :d

ههههههههههههههههههههههههههههههههههههههههههههه

عموما جربي اسبوع واعتبريه اختبار ..
المسألة مو فلوس وبس .. المسألة انه نمط حياة صحي راح يشجعج تنزلين بروحج ويعزز ارادتج

ناطرين تجربتج وماااااااااااااااابي خرابيط من الحين اقولج