شركات التغذيه منو احسن فيهم وجم نزلنى (الجزء الثانى وبالصور)

[om MaRyooM]

ام كشة


بالعااافية حبيبتي شكله حلو اليوم الاكل

وغرية يعطونج عصاير
اذكر بدايت كير قالولي العصاير انسيها لأن وايد سكريات .. والحين بلوفات نفس الشي بعد

 

[Om_Ksha]

ام مريوم

والله دينا و ليننا اكلهم وايد حلوو اشووه و العصير كاتبين انه مافيه سكر عاد مايندرا

و السناك اليوم خطييير ريد فيلفت و بالنص كريمه يممممم

 

[عيون سارة]

ام كشه تقريبا اكلج نفس اكلي
بديتي رياضه

 

[s_m_r_al]

مرحباً بنات شلونكم

بنات اقسم بالله العظيم بقول لكم شي والله العظيم وانا مسؤله عن كلامي قدام ربي قبل خلقه

اول شي انا متابعه حيل حق الموضوع وملساء الله يهبللل وحيل استفدت منه وصراحه من كثر موضيعكم تشجعت واشتركت بكنترول كالوري طبعا الفضل يرجع لي حياه زوجي اللي شوقني صورها

صؤاحه تقسمهم بالله اكل لذيذ وفرش العصاير والسلطات والاكل راهي حيل حيل

خلص اشتراكي قلت يله خل اغير الشركه على قولتكم ما امل

رحت اشتركت بلينا ودينا اول يوم كان ٥-٥. طبعا اول يوم

رحت انا واختي وانا عند الرسبيشن قلت ماكو خصم قالت اذا جبتو ٣ يصير خصم
ولا في بنت قاعده جنب اختي تسجل المنيو قلت مرحباً حبيبتي اول مره قالت اي قلت شرايج معانا ويسون لنا خصم ٣ نستفيد كلنا قالت لا شكرًا مسوية لي خصم 

طبعا انصدمت قلت شلون خصم وهي اول مره تشترك اكلم اللي بالاستقبال قامت تضيع الموضوع قالت اختي من اولها قلت يبه مشي
المهم قاعده ادفع ولا تطلع اخصائيه التأليه وتكلم بنات الاستقبال اي اعملو إلها خصم كويس ارايبتي 

ياسلاااااااام يعني ناس وناس طبعا قلت لاختي بلاش فضايح يله مشينا

الموضوع عديناه مع انه نصب يعني عشان تعرفها خصمم وحنا لا ليش. فوق هذا ٢٠٠ بس اشوف وجهه الاخصائيه مع الاكل والميزان العادي ميزان الدهون ١٥ دينار غير ٢٠٠ شدعوه


المهم جا الاكل والله العظيم وراس امي بكل كلمه صادقه السلطات مو فرش وررررربي بعض الخس اطرافه بني وفوق هذا العصاير علب واذبحوني عصير تفاح ليش عسى ماشرر

ولا السناك حق الفواكه يحطون عصير وفيه يمكن نتفه فواكه والله اليوم جاني المنجا في لذعه غريبه قطيته
ولا الخبز صغير مو مشكله بس المشكله اللحين مخليته برا عشان بكره اهو ريوق وربي قمت الصبح صخررررره والله والله

والحمص بعد فيه لذعه وربي اختي جنبي ماتدري تقول ويع في ريحه شنو هذا طالعته واضحك قلت الحمص انصدمت

صراحه وربي يا بنات ما أنصحكم فيه كلش نصيحه لوجهه الله

كنترول كالوري وبسسسسسسسسسسس

وترى دقيت عليهم وقلت لهم كل ملاحظاتي يقولون لي معقولا ههههههههه قعدت اضحك قلت ليش بجذب عليج الحمدلله ياربي

كنترول ١٨٩ واقسم بالله مو خساره ولا دينار يكفي كل يوم سناك الفواكه يملي العين يحطون لي كل شي والغداء يجننن والسلطات وربي اخليه يومين الخس مايذوب
وفوق هذا ميزان الدهون ضمن الكشف

بس على قولة اختي تجربه عشان مانعيده انا كتبت تجربتي حقكم يا خواتي عشان اللي ماجرب لا يجرب واللي جررربت وعجبها الله يتمم عليها

وموفقين كلكم *

 

[Om_Ksha]

^^^^


اهلييين انا مشتركه بدينا و لينا و في كلامج اشياء صادفتها نفس العصير و يحطون فيه نتفففه فواكه و يكتبون فول و يايبيلي فاصوليا خضرا :/ بس امشييه وياهم و التبوله ما احسها نظيفه بس انا اكل كلشي هههههههه

بس للامانه والله اكلهم لذيذ و المره اليايه بجرب كالوري كنترول او اذا نرلت وايد بتم مع لينا و دينا

 

[Om_Ksha]

عيون سازه

اي انا امشي بالممشا ساعه كليوم او يوم و ترك

 

[om MaRyooM]

انا قتلكم هالاخصائية اللي كنت عندها المصرية ماعجبتني ولوعت جبدي ..

اكتشفت اليوم على موعدي انها كانت معطيتني طول هالاسبوعين 1400 !!!!!!!!! لييييييش انشالله

يما احترييييت !! وتفاجأت .. غلطانة وحاطتلي 1400 وغيرتها رحت عند عروب اللبنانية تهبل وتشرح النفس

غيرتلي الحسبه حطتلي 1100 وقالتلي بتنزلين اكثر انشالله

لأن باسبوعين الحين نازلة بس كيلوين

 

[om MaRyooM]

smral

كلامج عدل كالوري كنترول واايد نظيف .. تهبل هالشركة وانا وايد نزلت معاهم
بس اكلهم ماصخ يعني وايد صحي لوووول

ومشكورة على نقل التجربة

 

[دلوعة-زوجها]

صباح الخير
انا مشتركة مع لينا و دينا بس ما شفت اللي قالته عنه smral

 

[s_m_r_al]

صباح النور والله يا دلوعه انا ماكذبت بشي ويمكن انتي ماجربتي غيرهم عشان كذا ما فرقتي بس والله العظيم اني صادقه وشيكي علي الخس وشوفي اطرافه او خليه لي بكره وشوفي اطراف والطماط اللي بالسلطات كله ذايب والله العظيم تري انا ما اتبلي علي احد واذا انتي مرتاحه معاهم واكلهم زين الله يهنيج وتنزيلين الوزن اللي تبينه بصحه وعافيه ..

 

[Om_Ksha]

هاي بنات

غداي امس جكن بتر و سلطه يونانيه عجييب

و صارلي يومين ما اتعشا مالي نفس

 

[!! شوق !!]

كالوري كنترول يهبل تعاملهم توب

وحرصهم على ملاحظاتج هم ممتاز .. بس نويت اغير لانه 3 شهور معاهم و موذاك النزول معني 1000 كالوري بس وامشي
ولانه مليت من المنيو يبيلي اغير

حطيت موعد عند دايت كير 4/6
مني لذاك الوقت قاعده اخذ من بوتيكهم الغدا وصمونه الريوق
والعشا روب فواكه او اعشاب

 

[baskota mal7a]

بنات بغيت اسألكم لما تسخنون الاكل تخلونه بالقوطي نفسه مع الغطا؟
ولا طلعونه وتسخنونه ؟؟​

 

[om MaRyooM]

بسكوتة


انا اذا مستعيلة وميتة يوع مثل مااهوا احطه لوول

بس الطريقة الصحية انج تطلعين الاكل وتحطينه بصحن .. والافضل طبعا تسخنينه بالفرن مو ميكروويف لأن كله اشعاعات

 

[om MaRyooM]

بقى اسبوعين على اشتراكي ومحتارة اجدد مع لوفات ولا اروح هيلث كومباني او كالوري كنترول

صج حييرة

 

[om MaRyooM]

ام كشة

بالعافية عليج ياقبي

تعالي ... اللبن اهما حاطيلج وياه ولا انتي تحطين من عندج ؟
ورحتي موعدج ولا بعد ؟؟


انا نازلة 2كيلو باسبوعين بس لأن الدورة يايتني المفروظ كيلو او نص كيلو زيادة

 

[s_m_r_al]

ام مريوم جربي كنترول وربي يجنن اكله ونظيف دايت كير مأجربتهه بس البنات يمدحونه بس عن تجربتي كنترول وبسسسسسسسسسسس

 

[om MaRyooM]

smarl

مجربته من سنة ونص .. حلو ونظيييف وبسرعه نزلت عليه بس محتارة والله

ودايت كير طبعا لايعلى عليه بس نزولي معاهم جدا بطيء !

 

[om MaRyooM]

غدااي اليوم

تكا دياي وبطاط

يهببببببببببل وايد عجبني



والحلو
ككاو تشيز كيك .. لذيذ الحمدلله

 

[Om_Ksha]

هلا ام مريوووم

انا باجر موعدي و الله يستر نزلت بس كيلو و السبه الدوره !! و اللبن اهمه ايبونه و همن العصير


غداي اليوم لزانيا شوي ثقيله و سلطه تاكو بس لذيذه