شرووووط تعجييييزيه .. تكفووون ابيكم معااااي :(

[شاكليتيه]

يعطيكم العافيه حبيباتي زميلااااتي

حبااااايبي انا في واحد متقدملي قبل اسبوع تقريبا


الريال ابوه يعرف ابوي بالشركه .. وشافني مره ويا ابوي وعجبته


ومافيه الا العافيه ابوي سأل عنه وطلع خوش ريال وماعليه ولا شي وسيييده




السالفه ومافيهااااا


يوم قعد وياي بالرؤية الشرعية .. قاعد يقولي شلون صايره حياته وطبايعه وشنو وظيفته .. وعلى فكره اهو طالب وياي بالتطبيقي



المهم


الريال قالي شرووطه .. وشوفو شروطه التعجيييييييييزيه :


1- مايبيني اييبله عيال الا بعد تقريبا 6 سنين !!!! :eh_s(16):

2- مايبي اكثر من 4 عيااال !! :ioljnmlk:

3- يقولي انه موشرط يسفرني كل صيف ممكن اخيس سنتين بدون سفر .. !!! :eh_s(11):

4- يقول ان حالته الماديه ميسووره وبيقعدني عندهم بالبيت بشقه صغيره

5- يقووولي انا بعطيج من معاشي 150 بالكثير .. وباجي الفلوس لي ولماجلة البيت .. ودبري روووحج !!!!

شنو يعني ماروح الصالون ما اكشخ .. وعلى فكره انا للحين طالبه بالتطبيقي

6- والريال بيملج علي لمدة سنتين .. بيقحطني عنده سنتين على ما يتخرج من التطبيقي :flower:

7- والاكبر من جذي يقول انه ما يحب الزوارات ولا الطلعات .. اللهم ديوانيتهم بالبيت لا اكثر .. ومايقعد فيها وايد بعد .. يعني مجابلني معظم الاسبوع .. ومايبينا نطلع الا جم مرتين بالكثير

8- وفي شغله اهو يبي اعرف اطبخ .. ونا ماعرف بالطباخ وايد ومتورطه





الحين شالحل خوااااتي .. الريال اللي يميزه انا مزيووووووووووووووووووووووووون .. ومن ناحية الجسم معضل وشحلاته .. بس شروووطه وععععع



نصحوووني الحين شسوي :eh_s(11):

 

[فـرفـر]

شوفي كل شي يهوون
بس بصراحه سالفه الاعيال شكو يحكمج بعد 6 سنين
لاسمح الله يمكن يطلع فيكم عيب وماتقدرون تجيبون اعيال
علي الاقل اول جاهل يجي متي مايجي
وانا بصراحه ماحب الملجه الطويله اصلا حلاتها اشهر وبس
تكثر المشااكل
وعلي سالفه السفر والطلعات هذا مزهب الدوا قبل الفلعه مايندرا يمكن بدال مايساافر بالسنه مره يمكن مرتين
هالكلام بدري عليه
بس يبي يمشي لج مصروف 150
تقدرين بذكائج تسحبين منه اكثر
مثلا تقولين خلصوا
والطبخ محد طلع من بطن امه عالم
انتى حاولي تتعلمين الطبخ قبل الزواج وفي دورات صارت للشي هذا بعد
واخر شي استخيررررررري والله يوفقج حبوبه

 

[شاكليتيه]

رد : شرووووط تعجييييزيه .. تكفووون ابيكم معااااي

^^^^^

حبيبتي فديتج والله ماقصرتي


على فكره اهو قالي 150 لحياتج الشخصيه وغيرهم ماعندي .. يعني بيصرف بس على الماجله وحصته من الفلوس وانا مالي غير هال 150

وعلى طاري السفر اهو قالي ميسور ومايقدر ..


وعلى طاري اليهال قال اهو جذي يبي يربيهم بسنع بدال ما اولد ويتورط

 

[أموت برزة عقاله]

رد : شرووووط تعجييييزيه .. تكفووون ابيكم معااااي

يمكن مجرد دعابه ؟؟

صدقيني الريايل ساعات صج يقلوون مانبي يهال الحين وتو الناس ومن اييهم البيبي ويصير بيدهم يستخفون

انه اقول كل شروط تهون وممكن بعدين بسحرج وذكائج تخلينه يموت فيج وما يرفض لج طرب يعني السفر كل صيفيه موب لازم

بس على الاقل يطلعج احد الدول الخليجيه الحلوة تقضون العطله هناك ...

واذا على المصرووف موب من حقه يقول لج هالحجي لأن هاي واجبه

وانه رايي من راي الأخت حلات الخطووبة بالكثير 5 شهور ما تتعدى السنه بس على قولتج توه يدرس لين يتخرج

انتي بعد شاوري أمج وخذي رايها واستخيري

ونصيحه لج مني



لا تختارين الريال بناء على شكله وبس حتى لو مزيون وما ارتحتي له من ناحيه اسلوبه لا توافقين عليه

شفايده مزيون ويطلع بخيل ولا بيتوتي ولا ولا ولا


وموفقه يارب

 

[محرومة من الحب]

رد : شرووووط تعجييييزيه .. تكفووون ابيكم معااااي

8 شروط

ومزيون شسوي بحلاته انا هههههههههههههههههه

فججي شروطه بالاول

استخيري يا عمري وشوفي شيصير معاج

 

[الأمل الأبيض]

انا من راي الخوات


واهم شي استخيرررررررري

 

[لمى...]

مادري صج غريب المفروض انتي اللي تتشرطين مو اهو مادري صراحة شقولج

هالمواضيع المفروض مخليها على الفطرة بس اهو شكله يبي كل شي بالقلم والمسطرة

 

[ام الدرر]

حبيبتي شروطه احس كانه يقول مابي هالزواج او بيعطيج اعذار عشان ترفضين
استخيييييييييييييييييييييييييري
يقول الله تعالى(نَرْفَعُ دَرَجَاتٍ مّن نّشَآءُ وَفَوْقَ كُلّ ذِي عِلْمٍ عَلِيمٌ )
سبحانه هو علام الغيوب يشرح لج صدرك ويوريج الخير والخير فيما اختاره الله
عسى ربي ينور بصيرتج ويكتب لج الخير​

 

[لمسه حزن]

رد : شرووووط تعجييييزيه .. تكفووون ابيكم معااااي

حبيبتي

استخيري وان شاء الله

ربي يوفقج

نصيحه لاتحطين مبدا الفلوس

لختيار الزوج

وعلى الانجاب راح يتغير كل شي بعد الزواج

 

[noorq8]

عادي عندج واحد يعلقج سنتين بملجه ؟؟
يوم انه بيجمع على افاج خل يشتغل بدال مايملج ويجمع المهر من ورى الزوجيه وبدل الايجار.

 

[محرومة من الحب]

رد : شرووووط تعجييييزيه .. تكفووون ابيكم معااااي

^
^

هههههههههههههههههههههه اي والله

 

[المـــــها]

ما شاء الله عليه مفكر حتى بالسفر و الطلعات و مقسم المعاش تبارك الرحمن ؟؟
مادري إذا هو يبيج و شاريج يمكن بعدين يستغني عن كم شرط

انتي جيبي ورقة و حطي الإيجابيات عاليمين و السلبيات عاليسار و شوفي شنو اللي يغلب ؟؟؟
و الله يكتب لج اللي فيه الخير

 

[ام زاكي]

والله انا اقول الي يتكلم واجد مايسوي شي

 

[@ام ضاري@]

اذا هذا اوله ينعاف تاليه
استخيري حبيبتي لا توهقين باجر

 

[بنت.المطيري]

مادري بس الكتاب مبين من عنوانه وياكرهي للريال المزيون :/

يعلل ما يدلل لو شنو كنتي ملكة

وشكله مبين انه وايد اناني وهمه وناسته ومادري احس مبين انه عصبي ونظام اللي بمشي كلمتي


مادري مادري

محد فيننا تعلم الغيب استخيري

وشوفي وضعج وحطي مثل ماقالو البنات الايجابيات من هالزواج واللسلبيات وقيمي

ترا سلبيه وحده يمكن ماتقدرين تعيشين معاها والمفروض ان الزوج مايعيشج بوضع اقل من الوضع اللي عشتيه عند اهلج الا برضاج

غير هذا ،،اذا تقولين ميسور !! معناته علا كلامه بخيل


واللي اعرفه ومو متاكده منه ان كل الصفات تتغير ماعدا البخل !

 

[الشهد كله]

شوفي حبيبتي اللي يخطب ويقدم شروطه هذا ما منه فايدة

ومليون بالمية مجبور عالزواج

عشان جذيه قام يتشرط عل وعسى ترفضينه

ومن رايي ترفضينه بدون استخارة ولا حتى استشارة

كافي ال 6 سنين بدون يهال شنسوون تلعبون كوت مثلاً ؟؟؟؟؟؟؟؟؟؟؟؟​

 

[dectora 7elwa]

اول ياهل بعد 6سنين زواج !!!!!
متى بيربيه ولا متى بيربي اصغر واحدفيهم
بيقول حق الناس ان هذا شرطه
ولا اهله اللي بتجابلينهم بشقه صغيره بيظنون ان المشكله منج انتي وان تاخر الحمل بسبتج
عندي -وميسور بس مابي اسكن بره ولا اسافر كل سنه ولا اعطيج غير 150
البخل شلون صاير!!!!

 

[شانييل]

أقولها لج

أما تسنعينة ولا راح يسنعج


يعني قولي راحة وانا لي شروط وإهية كيت وكيت وكيت


وشلعي قلبه بالدلال والدلع والسنع
خليه يتنازل عن شروطه ويرضخ لج

وعلى فكرة الرياييل وايد يتكلمون واغلب الشي مايصير

 

[شمس 20]

انتي شكلج منغره بزينه وحبيته عشانه انه مزيون .. بس الزين غسال الايدين وانا اختج !!

فكري عددددل !!

 

[شيخة المعازيم]

رد : شرووووط تعجييييزيه .. تكفووون ابيكم معااااي

حبيبتي اولا
قولي له المنه علي اني موافقه عليك اوكي؟؟؟
مافيش شيء يا حلوش ويازينش وصغيره
وبعدين بقولش شغله ترى الجمال ما يدوم لحد اهم شيء ونا اختش الاخلاق
اوكي واللي هذا اوله ينعاف تاليه
بس فهميها عاد
ليش يومه انا اللي طلبت ايده ولا اهو؟؟؟
منو المفروض يحط شروط
صراحه شوفي انا انسانه سيده ولو انا بمكانش
بقوله الباب يوسع جمل ورني عرض مقفاك يالله برع
ايه والله بعد هذا اللي ناقص ​