شرووووط تعجييييزيه .. تكفووون ابيكم معااااي :(

[بسوين]

رد : شرووووط تعجييييزيه .. تكفووون ابيكم معااااي

مالت عليه وعلى عضلاته
هذا اوله ينعاف تاليه

 

[انصاريه قمره]

ممممممم ما اقدر افيدج انت ادرى استخيري ما خاب من استخار

 

[فـدوه]

رد : شرووووط تعجييييزيه .. تكفووون ابيكم معااااي

رفضييييييه.... هذا شكله يبي يطفشج

حطي بالج

 

[عقــد منثور]

رد : شرووووط تعجييييزيه .. تكفووون ابيكم معااااي

جنة يتلكك ..!!!!

 

[BiiShOoO]

اذا هذا اوله ينعاف تاليه

صلي استخاره احسن

 

[((shoOoshoOo))]

شرووطه كلش موشي !
استخيري مليون مررررررررررررهـ

 

[LuLiTa]

رد: رد : شرووووط تعجييييزيه .. تكفووون ابيكم معااااي

هذا اللي اوله ينعاف تاليه !

ملجه سنتين و اول ياهل عقب 6 سنين ؟ يعني 8 سنين كامله اتكونين زوجه مع وقف التنفيذ,,, و اهووو يقعد ايمع بفلوس الزوجيه و بدل الايجار سنتين على افاج و عقب يدفعهم لج على ابوو انهم المهر,,,, لو ريال ثاني متقدم جاان ما اتمر عليكم سنه كامله الا و انتي في بيت ريلج و ولدج في حضنج !! ,,, الريال اذا متقدم و اهو ما يقدر على الزواج و مسؤولياته خل يقعد في بيت اهله احسن و لا يلعوز بناات الناس معاه ,,,و شدعوه عليه ما يسفرج ؟ تقدرون اتسافرون دبي و لا بحرين و لا عمره بالويك اند و ما تكلفكم 500 دينار اذا بدون تسوق ,,, بس هالريال حده قوي اهو اللي متقدم و يتشرط و يتأمر على ابوو انه مزيوون و من طرف الوالد عباله بتوافقوون عليه على طوول ,, و انتي مبين عليج متحطمه فيه بس حبوبه لا يغرج الشكل ترا هذا مبين حده بخيل و جعـــــص و مرتزق ,,

هذا شكله بااجر بيوهقج عقب السنتين و ما راح يسوي لا حفله ملجه و لا عرس و لا شهر عسل عشاان يوفر المصاريف ,, و بيقولج بيحط اعلان بالجريده <نفس اعلانات المعارض> عشان الناس تدري انكم تزوجتوو و يحقق شرط الاشهار بالزواج عن المخاسير ,,,,




حبوبه فكري عدل و حسبيها براسج ,,, و استخيري ,,

 

[Japanese]

اسمحيلي اقولج دام هاي اولها ينعاف تاليها

حبيبتي استخيري وايد وحطي بوسط عيونج هالكلام " لاتخلين اشياء مصيريه تتحدد بالزواج " اللي اوله نور اخره نور

لاتخلين الامور للظروف تمشيها!!! لاحد يقص عليج ويقولج بعد الزواج بيتغير!

هذا زواج وارتباط عمر مب رفجه كمن يوم .. باجر بيحن قلبج ع الضنى واشدراج بعد 6 سنوات بتكون عافيتج وصحتج

نفس احين ولا بعد سنه او سنتين؟

لالا استخيري وايد وفكري عـــدل

 

[بنت نعومه]

نصيحه لا لا لا لا توفقين
والكتاب مبين من عنوانه الله يوفقك حبيبتي ويرزقك الي احسن منه ان شاءالله

 

[fdeet_shosho]

الله يكتبلج اللى فيه الخير حبيبتى
بفهم اهوا بصفه شنو قاعد يتشرط ؟ ويحط شروط ؟
انتو اللى رايحين تخطبون ؟ ولا اهو اللى جايكم يخطب
اللى اعرفه البنت واهلها هم اللى يحطون الشروط
الله اعلم شلون طريقة زواجكم يمكن ابوه غاصبه لان كلامه كلام واحد يبي ينحشج لو قايل عيال عقب سنتين ممكن بس ست سنين شكو !
لايغرج الجمال والجسم

 

[جود22]

اذا هذا اوله ينعاف تاليه ..

يمه عقلج فيج وتعرفين خلاصج ..!!

الله يوفقج ان شاءالله

 

[احلى نززغه]

قوليله بااااااااااااااااااي من صجج ترا حده راااهي

 

[G!RLooNa]

شنو 6 سنين بدون يهال؟؟

بس هذا الشرط الغريب الباجي عادي

و يعطيج 150 من معاشه فوق معاشج؟؟ اذا راضي تشتغلين ال150 زينه علا راتبج بس اذا مايبيج تشتغلين ال150 يبلهم و يشرب مايهم

وانتي مومجبوره عالزواج علا فكره ؛)

 

[بندوله مصدعه]

محد فينا راح يعطيج حل صح
وكل وحده ووجهت نظرها
انتي اللي عليج اتسوينه انج تستخيرين
وخلي كل شي على ربج اهو اللي بيعرف اللي ينفعج ويضرج ياقلبي
وعسى الله يوفقج

 

[" أضـــــوى "]

عزي نفسج ورزي عمرج وحبي نفسج بالدرجه الاولى

ريال جاي يخطب ..يقووول هالكلام ..!!!!
صدمتيني صراحه .....!!1

عقب هالكلام اللي قاله وللحين ماتخذتي قرار ......!!!!


هذا لو الله لايقوله متقدم لي ..والله والله لو ماكو غيره ماخذيته ...




اهو طاق الباب واهو يحطلي شروووط ؟؟؟؟؟؟ خييييييييييييييييييييير

لا والله بدال العز والدلال والحشيمه ...ينحط لي شروووط تافهه وتدل على انه شخصيه معقده ومايمت للرجوله بصله

عالاقل يحترم ابوووج بدال حجي الحريم هاللي قاله

ديري بالللللللللللللج واحسني الاختيار

وحطي لنفسج اعتبار لانج اذا ارخصتي بهالشي لاتوقعين من الغريب اي احترام لج​

 

[Sweetq8]

انتي سطحيه حدج شنو مميزاته مزيون ومعضل شنو يستفيد من هالممزيات

اقول استخيري احسن أنا لو يتقدملي والله ما أخذه حشا شنو هالعيشه الي بعيشها

 

[أغلى حبيبه]

رد : شرووووط تعجييييزيه .. تكفووون ابيكم معااااي

كل شي يهون الا سالفت اليهال عقب 6 سنيييين

والملجه سنتييييين شدعوه عليه

يعني 8 سنييين بضيعين من عمرج بدون عيال ولا سمح الله طلع فيكم شي متى يمديكم تعالجون

خلص العمر وانتي لي الحين ماستانستي بعيالج

 

[ميـسـٍـٍآإآء..ღ]

رد : شرووووط تعجييييزيه .. تكفووون ابيكم معااااي

شووفي حبيبتي ..

اول شي داج عليكم ع ابو انه مزيون وعارف انج بتخقين عليه ..

بس انتي شعميه .., يعني مثلاا قولي

انا مايهمني السفرات قد مايهمني انا وانت مرتاحين بحياتنا ..

ثاني شي .. يقولج تعلمي الطبخ . قوليله شي معروف مو لازم تقوله . طبيعي المره تعرف تطبخ لريلها .. خليه يحس انشروطه مالها داعي

ثالث شي . . بخصوص المصروف , 150 عادي اهم شي يكون فيها بركه غيري معاهم 200 ووتخلص بيوومين

ورابع شي .. بخصوص عدد اليهال , اي انا معاك الحين المسؤوليه صعبه والعيشه هم صعبه .

عاد انتي استخيري وادعي ربج اذاا في خير لج يقدمه ..

 

[ميـسـٍـٍآإآء..ღ]

رد : شرووووط تعجييييزيه .. تكفووون ابيكم معااااي

داج = داش

 

[حياتي فراغ]

رد : شرووووط تعجييييزيه .. تكفووون ابيكم معااااي

بعد الزواج كل شي يتغير
و بصراحة ماشفت بكلامة شي تعجيزي
يعني 6 سنوات مايبي عيال هذا معناه ان بكمل دراسة
و ماكو سفر
عادي اللي يسمعج يقول ان اهل كويت من عمرهم صيف بباريس و صيف بجنيف ...
و الطلعات ... على الاقل الريال قالج مانطلع و نقعد بالبيت مع بعض يعني مو احسن من غيره اللي يقول للمره انثبري بالبيت و اهو هايت
و الطباخ كلنا طبخنا و بعد ياهل ولا اثنين الله يعافي الخدامة ..
و العيال صدقيني بعد سنه شدي حيلج و خليه يحبج وبتشوفينه اهو يطلب منج العيال ...


استهدي بالله الريال مافيه شي ...
واستخيري