شرووووط تعجييييزيه .. تكفووون ابيكم معااااي :(

[فقـدتـك حيــل !]

رد : شرووووط تعجييييزيه .. تكفووون ابيكم معااااي

اللي هذا أوله ؟ ينعاف تاليه ..
الله الغني عنه ،

هذا رايي !

 

[مجنونة بس عاقلة]

على قولة ام ضروي هذا اوله ينعاف تاليه

 

[الأميرة جوري]

رد : شرووووط تعجييييزيه .. تكفووون ابيكم معااااي

استخيري

 

[نـور الكويت]

حبيبتي هذا كلاااااااام بعد الزوااااااج يتغير

بس اهم شي استخير ربج ولجئي له ..

وعسى الله يكتب الي فيه الخير

 

[لقيت روحي..!]

رد : شرووووط تعجييييزيه .. تكفووون ابيكم معااااي

واااااي عليه..

 

[a9ealah]

رد : شرووووط تعجييييزيه .. تكفووون ابيكم معااااي

الله يعينج

 

[جروح خالده]

رد : شرووووط تعجييييزيه .. تكفووون ابيكم معااااي

كملي دراستج وبيجيج نصيبج وش تبين فيه هذي ؟؟


عقب 6 سنين زواج \\ مايحب الزوات والطلعات من الحين بيعيشج بضيم

 

[~{GooShTa}~]

رد : شرووووط تعجييييزيه .. تكفووون ابيكم معااااي

امبيه من صجه هذا ! شكو يحدد عقب 6 سنين يبي يهال ؟
و مثل ما قالت وحده من الخوات بيستفيد من فلوس الزوجيه و بدل الايجار على حسابج ! رياييل اخر زمن

 

[ملكه افكاري]

رد : شرووووط تعجييييزيه .. تكفووون ابيكم معااااي

الريال قالي شرووطه .. وشوفو شروطه التعجيييييييييزيه

1- مايبيني اييبله عيال الا بعد تقريبا 6 سنين !!!!
>>هالشرط مستحيل لا وافقين عليه لان ممكن يكونماييب عيال ويحط عذر انه متفق معاج

2- مايبي اكثر من 4 عيااال !!
>>احس يبي يقولج لاتفكيرين اني ما اييب عيال بس انا ما اب اليهال >>اجك بكلامه والله اعلم
3- يقولي انه موشرط يسفرني كل صيف ممكن اخيس سنتين بدون سفر .. !!!
هالشرط عادي
4- يقول ان حالته الماديه ميسووره وبيقعدني عندهم بالبيت بشقه صغيره
عادي باجر تساعدينه ويساعدج وتتعدل الميزانيه
5- يقووولي انا بعطيج من معاشي 150 بالكثير .. وباجي الفلوس لي ولماجلة البيت .. ودبري روووحج !!!!
>>عادي 150 مو اعانتج 100 حلويين بس اذا في مناسبه اكيد راح تاخذين اكثر منه
شنو يعني ماروح الصالون ما اكشخ .. وعلى فكره انا للحين طالبه بالتطبيقي

6- والريال بيملج علي لمدة سنتين .. بيقحطني عنده سنتين على ما يتخرج من التطبيقي
ماادري
7- والاكبر من جذي يقول انه ما يحب الزوارات ولا الطلعات .. اللهم ديوانيتهم بالبيت لا اكثر .. ومايقعد فيها وايد بعد .. يعني مجابلني معظم الاسبوع .. ومايبينا نطلع الا جم مرتين بالكثير

8- وفي شغله اهو يبي اعرف اطبخ .. ونا ماعرف بالطباخ وايد ومتورطه

استخيري الله الله يكتب الي فيه الخير

 

[~*~الملكة~*~]

اختي مبين من شروطه انه مجبور على هالزواج

استخيري

 

[!! شوق !!]

احسه مابي هالزواج ويبي الرفض يكون من طرفج انتي ..
استخيري .. والله يكتبلج الخيره حبيبتي ..

 

['Basma']

اللي عاجبج فيه بس انه مزيون؟

لا يصير تفكيرج سطحي لانه واضح انه حاط هالشروط الصعبة عشان يبيج ترفضينه، شكله مجبور على الزواج

 

[..الشيخه حلاها..]

رد : شرووووط تعجييييزيه .. تكفووون ابيكم معااااي

استخيري و فكري الف مره بعدين الزين للمرهمو للرجال لان الرجال مو بجماله بفعاله و رجولته و الحمد لله و الشكر اللي اعرفه ان البنت هي اللي تشرط مو الرجال

 

[شـو shoo]

رد : شرووووط تعجييييزيه .. تكفووون ابيكم معااااي

شنو اليهااال بعد 6 سنييين ومافي اكثر من 4 !!!!!!!!

ارفضييييية حتى بدوون استخارة

 

[$سويدية$]

رد : شرووووط تعجييييزيه .. تكفووون ابيكم معااااي

حبيبتي اقري اول عن موانع الحمل وشوفي البلاوي
شو جابرج ترتبطين بواحد مثل هذا؟؟؟؟؟؟؟؟
اي شكل اي جسم شو يسوى بدون اخلاق

 

[yam_yam]

رد : شرووووط تعجييييزيه .. تكفووون ابيكم معااااي

استخيري و اذا ربج سهل الامور تزوجيه
بس لاتنغرين بالشكل ترا الجمال مو كل شي

 

[بولندية]

الجمال مو كل شي حبيبتي

و صج شروطه تعجيزية وتوج صغيرة

 

[صغيرة على الحب]

كلام

و بعدين لما تزوجون يتغير الحجي صدقيني و لما تكسبينه و احبج كل اللي تبينه بصير و تتفاهمون

بس ارد و اقول نفس راي البنات سوي استخارة عشان تقتنعين و اولا و اخيرا الراي رايج اذا انتي مو مرتاحة لا تجبرين نفسج عليه في غيره

و الله يوفقج حبيبتي

 

[ملح و سكر]

انا اشوف انه بس حجى فيه ...يمكن يبى يوريج انه يخوف ...بس هذا مثل اللى ينقال عنه ..ام ناصر لسان طويل والحيل قاصر

 

[Om_Ksha]

مادري ليش حسيته بخيل !!