شسالفه القسم ؟؟

[فتاة الكوخ]

لااله الاانت سبحانك اني كنت من الظالمين

 

[MiSsY HottY]

واي بنات يتني البجيه قريت ردودكم المنتدى كنت مشتركه فيه من 2008 ومنها لين 2009 و2010 2011 و 2012 اول ما داومت كنت ادش منتدى لما افضى وانا اسمع اغاني فيروز واقرا قصص بنات وردود مشاكل اجتماعيه والحياه الزوجيه ولما تزوجت قعدت ادور تجهيزات عرسي همن بالمنتدى وحتى نفنوفي حصلته من هالمنتدى يا الله سبحان الله ولما حملت دشيت قسم ولاده وحمل عشان اقرا واستفيد بس ما كنت مشاركه لنه حسيت منتدى برد توني ولدت اول هالسنه جد هالمنتدى في احلى ايام عمري جريدتي وكتابي وقصص اللي كنت اقراها واشوف مشاكل الناس تهون علي مشاكلي ونعومه ذاكرتج وذاكره جوك احلى جو انصاريه قمر أورجيد ويام يام ذاكره بنات وايد جواهر الخ الخ وبنات وايد جد ايام وتمشي الحياه مراحل كله مرحله فيها ذكرى يارب يكون الياي احلى يارب ويارب تحسن خواتمنا انا الشي الوحيد اللي ندمت عليه اني ما تعرفت على احد من بنات المنتدى ورافجتهم كنت خايفه صراحه وكان عندي جم رفيجه باعتني من بعد عشرة عمر ولو اني كنت أشارك كثر ما كنت اقرا جان اللحين انا من كبار شخصيات كويتيات يارب يرد المنتدى نفس قبل يارب وسالفة الابليكيشن حلوه مسوينها منتديات ثانيه ان شاء الله الاداره تشوف وتطبق​

 

[I TRY]

انا كنت من المتابعين من قبل بس بعدين سجلت
المنتدى جته فترررة تسكرر ’’’قعد مده طوووويله مرره لدرجة فقدت الامل انه يفتح مره ثانيه
ومن بعدها صار هادي للاسف اتوقع البنات ملو من الانتظار وانشغلوا على قولتكم بالانستغرام والتويتر

 

[DALALEY]

اييييييييييييه قلبتي المواجع صارلي سنه مادخلته و امس لما دخلت شفت كل شي تغير
حتى البنات القدم مادري وين راحو ضاق خلقي بصراحه

 

[حبيبي مالكني]

صاجه انا خفت دشاتي وايد
لهيت بالنستغرام وغيره من السوشل ميديا
مثل مايقولون لكل شي وقته

 

[بسمه قطر]

الحين الناس اذا تكلمو قالو ويييي شخباري سوالف منتديات الحين الكل على تويتر وانستقرام وشوي بالفيس بوك راحت موضه المنتديات

 

[MiSsY HottY]

upppppppppppppppppppppppp

 

[نـعـومـه]

missy


واي انتي نفسي انا دخلته عزوبيه وكنت اشارك وعقبها ملجت وتزوجت وانا اشارك بالمنتدى ادش قسم عرايس وتجهيز وعقبها قسم الحياه الزوجيه وعقبها دشيت تجمعات الحوامل يعني مراحل حياتي كلها بالمنتدى كنت اشارك شبه يومي سنين فصعبه علي فجأه اترك المنتدى مع ان صار صخه بس هم صعبه علي فجأه اتركه وانا يوميا من سنين ادش حتى كنت اقول حق روحي يا ترا بكبر وبييب عيال راح اكون بهالمنتدى ولا خلاص انساه

حتى لو الكل ترك هالمنتدى بيظل ذكرى حلوه وايد اشغلني

 

[نـعـومـه]

هاا في احد صامد


احس المنتدى صار صخه وموحش��

بس اتذكر ايام اول احن له

 

[اقماري]

مع حبي واحترامي للأداره الحبيبه الا انها مو موجوده بتاتآ<<


تخيلي انا مسجله بنك ثاني ابي انزل فيه موضوع مختلف صارلي شهرين مسجله للحين ماقبلو نكي ولا تفعل من الاداره<<

كل مادخل فيه يطلعلي انه الاداره للحين ما قبلتني.

معقول ولا احد !!!!

 

[أم حسوون]

السلام عليكم
عموما على كل المساوئ اللي نشوفها حاليا أعتقد أن لو أحد أهتم وأنا أتكلم هني عن الاداره ، راح يرجع أحسن من قبل خصوصا أن له محبين كثر .

 

[MiSsY HottY]

نعومه اناااااااااا صعب اهد هالمنتدى كل يوم ادش اتصفح مع انه نايم بس قضيت فيه احلى ايام عمري تذكرين لوكات المشاهير شنو وناسههههههههههههههههههههه كان هالقسم ماكو احد اللحين بحححححححححح

 

[نـعـومـه]

نعومه اناااااااااا صعب اهد هالمنتدى كل يوم ادش اتصفح مع انه نايم بس قضيت فيه احلى ايام عمري تذكرين لوكات المشاهير شنو وناسههههههههههههههههههههه كان هالقسم ماكو احد اللحين بحححححححححح

أي لوكات المشاهير أذكره يونس

 

[نـعـومـه]

الحين دخل السناب يعني كملت هههههه المنتدى نايم نايم

 

[keka89]

كل شي وتنتهي هبته وموضته والمنتدى مات تقريبا
بس انستقرام وتويتر اهم الي خربو على المنتدى الكل هاب فيهم
بس هم المنتدى يتم مفيد وفيه مواضيع حلوه لانها تكون نضام شررح طويل
انا صراحه ادشه واان بدوام بس من ضيقه الخلق لانه ماقدر ادش انستقام هني

 

[طموحه بزياده]

انا هبيت بتويتر وادمنته 2012 و2013

والحين مليت منه وقطعته نهائيا

وحتا الانستقرام بعد ادمنته والحين مليت منه


نبي المنتدی يرد نفس اول

 

[keka89]

وييي

 

[keka89]

انستقرام ماينمل منه لانه متجدد وفيه بلاوي سوده مصيبه صابتهم كل وحده احلى من الثانيه هلفوتوشوب خلاهن كلهن ملكات جمال

 

[Pinky -cat]

انا ختفيت فترة ورديت ولا نفس المواضيع قلت معقولة اخاف معلق عندي وطلع للاسف مو معلق وهاذا الواقع

 

[Pinky -cat]

دوام الحال من المحال ، وحتى اذا طلع برنامج ثاني المنتدى غير تسولفين تكتبين وامور ثانية وايد