شسالفه القسم ؟؟

[شووووشن]

ياليت المشرفات يحذفون المواضيع الغبيه انا ما استغني عنه هالمنتدى

 

[ملاك الروح 1]

انا اتوقع ان خلاص المنتدى كانت له ايام و عدت الكل يستخدم تويتر و الانستغرام و الواتساب اكثر من اللاب توبات
للاسف ايام 2009 , 2010 . 2011 كانت افضل و احلى ايام للمنتدى كنت موجوده
بس اتمنى اتمنى اتمنى ان المنتدى يرد مثل قبل

 

[keka89]

ملاك الروح

بالاحلام يرد مثل قبل الا اذا تويتر وانستقرام والواتسب والفونات الحديثه انمنعت من البيع والتواصل في الكويت

 

[gala q8]

اللي صــار إن قبل فترة كانت في هوشه كبيره بالمنتدى فأغلب العضوات طلعوا ..
و غير المواضيع قلت المشاركات على قولتكم البرامج اليديده طلعت مثل الإنستقرام وغيرها من البرامج اليديده اللي الكل يقدر يتواصل معاها خاصه الإنستقرام صار اي موضوع تقدرين تطرحينه ويتم فيه الرد بسهوله مو مثل المنتديات تقعدين فتره عشان وحده ترد !
وفي ناس تنشغل لي رفيجات أنشغلوا بالدراسه و حياتهم الخاصه فما قاموا يدشون كلشش
وغير البنات اللي يدشون ما يلقون مواضيع تنرد عليها فيتركونها وتقل مشاركاتهم


بس انا عن نفسي لي الحين ادش المنتدى .. مو يوميا لكن على الأقل بالإسبوع مره وساعات الإسبوعين مره ..
ولي الحين أرد على المواضيع و لا بغيت شي طرحت موضوعي 3>


​

 

[Saraty_89]

اب اب اب

 

[gala q8]

أأأأب ,,

 

[الاهله]

أي والله يازينه ذيك السنوات كنت لما اكتب موضوع اتركه ساعه ارجع اشوف شكثر رادين علي ويهتمون وينصحون الحين تغير كل شي

 

[نـعـومـه]

شلونكم بنات



واخيرا أحد رد وقال اللي بالي ههههه


والله للحين أتمنى المنتدى يرد مثل قبل صج اعتبره فضيع مومنتدى وبس وأيام وذكريات

 

[refal]

ايام المنتدى كان بقمه النشاط الحين مع الانستغرام والسناب جات راحت موضته انا والله سنه يمكن مادشيت ااحين بديت ادش مره ثانيه ويظيق خلقي اقول ويييين ايام المنتدى صار عندي ارفيجات من هالمنتدى

 

[غلاتي غلا]

والله ي ليت الزمن يرجع لايام المنتدى

 

[بنك بااستا]

الانستغرام خرب

 

[حبيبة قلبي]

يتم المنتدى مرجع حق كل البنات

والعضوات اغلبهم مالهم خلق يدشون حتى بتجمع الحوامل اللي كنا نستفيد منها كلنا وتظل بالمنتدى الحين اصحاب التجمع يحولون على قروبات بالواتس اب

 

[الفجر البعيد 26]

أي والله كان المنتدى رووووعة قميضة بس المواضيع اللي فيه مفيدة انا دايما ادخل المنتدى واقرا خصوصا التجمعات في مختلف الاقسام فيها خبرات ومعلومات رائعة صج ما قصروا العضوات الله يذكرهم بالخير

 

[الراقيه 81]

ما اثر فيني الاستقرام ولا الاسناب لي الحين ادخل المنتدى كل يوم بس العضوات ما يدخلون كلش نفس قبل ياحلو ايامه قبل ٥ سنين ��

 

[نـعـومـه]

ما اثر فيني الاستقرام ولا الاسناب لي الحين ادخل المنتدى كل يوم بس العضوات ما يدخلون كلش نفس قبل ياحلو ايامه قبل 5 سنين ��

نفس رايي

 

[((البرنسيسا))]

المنتدى كانت أيامه حلوة لكن بعد ما طلعت برامج الإنستا والخ

الكل اختفا كنت أدخل وأطلع أكثر من مره
وفي كل مره المنتدى كان في حالة ركود

أتمنى يرجع مثل قبل

 

[سور المدينه]

انا مسجله من 2009 باكاونتي القديم وهم بذي ادش للاسف راحت هبة
كنت اموت في المنتدى وليلحين ادخل على المواضيع القديمه واشوف المواضيع واستفيد
وياليت يرجع مو لازم مثل قبل بس على الاقل يتحرك

 

[Pinky -cat]

هذاك اول كان عجيب بس راحت ايامة

 

[lebanon night]

بيقولو كل وقت وله أذانه
من 2008 الى 2012 كانت هبة المنتديات
وبعدين من 2013 طلع الانستجرام وسناب شات و تويتر وهلق البيرسكوب وانتشر بالكويت

المنتدى له طعمة مختلفة
كنت لما بدي أخد معلومة أو أسمع عن تجربة ادخل الاقسام
وحتى لما بدأت حط اعلانات توظيف كمان بالمنتدى
ولما فتحت مشروع صغير بال 2010 كمان هون


هل المنتدى كنت أقضي فيه بالساعات و الليالي
قراءة و مشاركة وتعليقات و غيرها
بس مع الأسف زمن المنتديات انتهى

بتذكر في 2011 كان في مقالبة مع مؤسسة المنتدى أنفال المسعود اسمها يمكن كانت جدا جدميلة

دوام الحال من المحال وأنا بتمنى لو ادارة المنتدى ترجع تنقيه من اعلانات سبام و المواضيع المكررة و السطحية
والبنات يضيفوا مواضيع شيقة متل أيام أول


المحتوى الجيد لا حدود له ونحن بحاجة لمحتوى جيد و موثوق

 

[نـعـومـه]

والله صح كلامكم بنات

المشكله موبس بالإدارة

المشكله خلاص الناس هدو المنتدى يعني مكان بدون ناس مايعمر مهما تعبو فيه وهذا اللي صار بالمنتدى