شسوي مع مرة حماي والغدأ اللي ماتخلص سالفته

[*قطر بنت حمد*]

حبيبتي ليش ماتتفاهموون بالهداوه ؟ والله كل شي بالهداوه يصير ّ! لانج لو رحتي وقلت لي خدامتي مابتطبخ لج ومادري شنو بيصير بينج وبينها مشاكل وحرام بتخسروون بعض ! شتسوى الدنيا عشان غدا ومادري ايش والله انا مب قصدي انزل من كلام البنات بس احسن تفاهمي

 

[غرور وايل]

الله يعينج

بسس دام خدامتها عند اهلها خل خدامتها تطبخ بيت اهلها

 

[وهج الخير]

رد : شسوي مع مرة حماي والغدأ اللي ماتخلص سالفته

بس حبيت اقول لك والنعم بتربيتك والله ونعم التربيه
تراعين الناس حتي لو قاثينك وذوق
لو اتزوج وانتي تكونين مرت حماي لي تزوجت اشيلك بعيوني والله

 

[Tom ♥ Jerry]

.


انزين ليش خدآمتهآ مآ تطبخ لها ؟
اذا مآ تعرف خل خدآمتج تعلم خدآمتهآ

 

[ام سويرة]

عادي سهالات قولي خدامتي تتحلطم من الشغل ومابي اضغطها
عشان ولدي وان قامت تعطيج من نصايح التعامل مع الخدم قولي لها كلن اسلوبه مريحه

 

[۩۩ الجـــــود ۩۩]

انتى مسكينه

قولى لها كل وحده مسؤله عن زوجها وغداه لا تطبخين لنا ولا نطبخ لكم

 

[BeautyMark]

ليش تودي خدامتها بيت أهلها؟ عشان جذي تتأخر على ما تييب الخدامة والبيبي وعلى ما يطلعون وعلى ما تسوق وتوصل البيت... خل تخلي الياهل بالبيت ما له لزمة توديه بيت أهلها. إذا صممت توديه بيت أهلها خل خدامتها تطبخ هناك أو أهلها يطبخون لها.

 

[ام متلق]

رد : شسوي مع مرة حماي والغدأ اللي ماتخلص سالفته

في خطه حلوه وبتفكج من الاحراج اتفقي مع خدامتج تصك هوشه معاج عشان سالفة الغدا انها ماتبي تشتغل لاحد وانتي دافعي عنهم وخل تعلي صوتها واهي راح تهدي الوضع بينكم طبعا وعشان ماتكبر السالفه راح تسحب نفسها اهي وزوجها بس خوفج الخدامه تخون فيج وتعلم خدامتها بالخطه وتصير السالفه مجبوس سمج هههههههههههه

 

[احب المنتدى]

رد : شسوي مع مرة حماي والغدأ اللي ماتخلص سالفته

قوليلها ان خدامتج ماتقدر تطبخ
و خدامتها مو موجوده في بيت اهلها خلاص ياتجيب الغدا من بيت اهلها او خدامتها تطبخ لهم و اهيا في بيت اهلها و تجيبه معاها الظهر و بسسسسسسسسسسسسسسسسسسسسسسسسسسسسسسس

 

[FeShinGoOo]

رد : شسوي مع مرة حماي والغدأ اللي ماتخلص سالفته

مو فاهمه ليش تقولج خلي خدامتج تطبخ وخدامتها موجوده ? قوليلها خدانتج مطتقره وماتبي تطبخ وتمسم البيبي بوقت واحد او سوي نعاها مثل ماتسوي معاج كليوم قوليلها خل خدامتج تطبخلنا راح اتحس وتفهم بروحها

 

[صمت المرافئ]

رد : رد: شسوي مع مرة حماي والغدأ اللي ماتخلص سالفته

انتى مسكينه

قولى لها كل وحده مسؤله عن زوجها وغداه لا تطبخين لنا ولا نطبخ لكم

معاها :rerrerek:
وإذا سألتج قولي
احنا ما عندنا وقت محدد للأكل
يا سلام خدامتها تحرص على ولدها
وخدامتج ما تدري تطبخ والا تشوف الياهل
عجبي
لما كنت في بيت الحموله أطبخ لنفسي وريلي
ومرت حماي تطبخ لها ولريلها
ومستريحين
لا اطبخلج ... لا تطبخيلي​

 

[قوية الباس]

رد : شسوي مع مرة حماي والغدأ اللي ماتخلص سالفته

انتي ليش حرقه دمج منها

اللي مايستحي منك لاتستحي منه


وقوليلها عشان ما تخسرون بعض خدامتي مريضه طايحه حراره ووتعبانه وحتى لو صج تطلعين مع خدامتج على بو موديتها المستوصف لان مبين عليج تستحين منها

وخلاص ريحي راسج بس مسكي عليها ان خدامتج مريضه وطايحه ختى البيبي ماتمسكه وطاااااااااااااااااااااااااف

 

[ابدا يالغالي مانساك]

رد : شسوي مع مرة حماي والغدأ اللي ماتخلص سالفته

مادري والله
الافضل انها تطبخ بليل حق ثاني يوم
او تيبون طباخه لكم انتوا الاثنتين

هههههههههههههههههههههههههههه مو لدرجه هذي عاد تطبخ باليل
وانتي عاد خل عندج ياحياتي شجاعه وقوليله لو انا بوضعج الصراحه اقوله شنو ماعتمده علي وازعاج وتتصل ومسويه فيج شي شنو هذا لا وعنده خدامه لا يحبيبتي كلميها وقوليلهاانا وزوجي متفقين علي كل شي

 

[الورد99]

والله حيرتوني اللي تقول عطيها كاش واللي تقول تفاهمي معاها بالطيب

 

[عيش و مرق]

اكو مثل يقول لاصار صاحبك حلووووووو لاتاكله كله

ترا هذه خبيثه وقلبها عود كنه عندها خادمتين مالتها ماسكه ولدها وحاطتها فى بيت اهلها ومالتج تطبخ حقها بلعتها والله حبيبتى منتى ملزومه فيها

كلمه تستحى منها بدها قولى خدامتى معصبه تقول ما اطبخ حق بيتين خلى خدامه ثانيه مالت ماما تسوى غدا انا تعبانه بشوف بيبي

 

[عيون القرناس]

رد : شسوي مع مرة حماي والغدأ اللي ماتخلص سالفته

شكووووووووووووووووووووووووووووو ياعمري هذي طايحه فيج والله ان الطيب ماينفع مع الناس خلي خدامتج لج ومالكم شغل تخدمينها وتخدمين زوجها خوش والله لو انتي مو موظفه وقاعده بالبيت والغدا ينبطبخ فيها وبلياها اي احطلها غدا بس حالها من حالج ونفس الوضع وفوق هذا كله تبي خدامتج تطبخ لها عطيها طااااف وعادي قولي لها انا خدامتي ماترضى تطبخ واحنا اصلاا مو دايم ناكل بالبيت

 

[خذاني الشوق]

عطيتيها وجه زياده عن اللزوم حبيبتى باجر لانحاشت خدامتج ماراح تنفعج بتقولج خدامتى عند اهلى

 

[Hello_kitty]

بصراحه لا تزعلين مني انه رايي يختلف عن راي البنات مع احترامي لكل الردووود...

ترى الناس للناس والكل بالله اشدعوه يا حافظ انتي وياها في بيت واحد ويوم تحتاجج ويوم تحتاجينها المفروض تصيرون نفس

الخوات والله العظيم لو ان اختج صاحبه المشكله جان عسل على قلبج وكل يوم ثلاث وجبات تحت امرها بعد..

حبيبتي صفي النيه انتو في بيت واحد والخدامه اهي اللي تطبخ الله يعين لو انتي بعد واهي تتطلب منج..

تشاركوا بالماجله ومو مشكله اذا طبخت خدامتها ولا خدامتج على حسب الظروووووف وبعدين يعني حلوه اغلب اكلكم بالمطاعم

ترى مو حلوه ولا سنع ريال متزوج ويصرف على بيت وماجله وخدامه مسكين وفوق هذا اكله بالمطاعم

بشطارتج تقدرين تنظمين جدول حياتكم اكثر وترتبون وجباتكم وتخلون المطاعم شغله استثنائيه للتغيير بس مو تعتمدون كل اكلم على المطاعم

مادري وايد تضايقت السالفه ما تسوى الخير وايد والأكل الله ما كثره والتعب على الخدامه وانتو في بيت واحد واهي محتاجه تساعدينها

في بعض الأيام شصاير؟؟ترى الدنيا ما تسوى والاحد يعمل بأصله وطيبه واخلاقه

 

[تم مشاري]

رد : شسوي مع مرة حماي والغدأ اللي ماتخلص سالفته

السلاام عليكم حبيبتي انا بقول لج رايي واتمنى تاخذين فيه

ما شاء الله على البنات اشوه انهم ولا وحدةمرت حماج جان شفتي اشكال وارناق

حمدي ربج الله عطاج مرت حما نفس طبعج وعلى نياتها

ما اعتقد فيها اي شي ان شلتيها اليوم بتشيلج باجر مو سالفة غدا وخدامة السالفة اكبر من جذيه خليكم على قلب واحد

لو انا والله العظيم انا الي ادق عليها تلفون واسالها تامرين شي والا بترجعين مبجر

انا الحمد الله والفضل بيت اشكبره وبيت جيرانه (خال زوجي) والله كل يوم اطبخ لهم الغدا ويتغدون معاي على السفرة

واليوم الي ما يتغدون عندي والله اشيل لهم من راس مرفوع الغدا واوديه لبيتهم

مع انه عندهم خدم ما عمري قلت لهم ليش ما تخلون خدمكم يطبخون والله انه بيتي شغله اشكثر

ولو حصل انه وحده من خدمي تكلمت مع انه ما يصير لاني اول ما توصل افهمها انه بيتنا وبيت جيرانا (خال زوجي ) واحد
عشان ما تتعنفق والله لو تتعنفق ازفها شكو بالله

والله ورمضان كله علي بالعكس عسل على قلبي لواطلب شنو بسرعه يسوونه لي ما عمري حسيت بفرق اهم يطبخون انا اطبخ ساعات يسوون اطباق يقولون لي لا تسوين شي بس عيش واحنا بنسوي اطبااق وناسة بالعكس

ادري طولت عليج بس والله ابي لج الزين لو انتي بنتي والله ما ارضى تسوي جذيه بالعكس


اقول لج شي شنو يصير فيج لا قدر الله لوما عندج خدامه و انج ساعات تعتازين خدامتها

صدقيني حبيبتي كبري راسج ولا تاخذين براي هالبنات الي يقولون لج قطي نقزات وخلي خدامتج تتهاوش معاج

لا والله لا تكلمت خدامتج قولي لها بيتي وبيتها وااااحد

اتمنى انج تفهمتي كلامي​

 

[حلوة وجذابة]

رد : شسوي مع مرة حماي والغدأ اللي ماتخلص سالفته

هيلو كيتي معاج 100/100