شسوي مع مرة حماي والغدأ اللي ماتخلص سالفته

[اميره1980]

قولي لها ان الخدامة تقول ودوني المكتب انا اشتغل في بيتيتن ما ابيكم و بيني لها انها بتنحاش لهالسبب

 

[الورد99]

الخدامة مااظمن انها ماتعلم خدامتها لانهم من نفس الجنسية ومسوين صداقة ماياكلون الا مع بعض وكله اتسولف معاها اخاف اتعلمها

 

[white haert]

وي وي وي حلوه شنو تقط نغزات وتقووول زوجي مالقى غدا اهوا زوجها ولا زوجج قوليلها حبيبتي انا خدامتي مضغوطه واحنا نظطر ناكل برا او نييب اكل اشلون تبينها تطبخ لريلج قوليلها تجهز اكلها بليل واذا صارت حزه الغدا تجهزه وبسسسسسسس

 

[white haert]

بصراحه لا تزعلين مني انه رايي يختلف عن راي البنات مع احترامي لكل الردووود...

ترى الناس للناس والكل بالله اشدعوه يا حافظ انتي وياها في بيت واحد ويوم تحتاجج ويوم تحتاجينها المفروض تصيرون نفس

الخوات والله العظيم لو ان اختج صاحبه المشكله جان عسل على قلبج وكل يوم ثلاث وجبات تحت امرها بعد..

حبيبتي صفي النيه انتو في بيت واحد والخدامه اهي اللي تطبخ الله يعين لو انتي بعد واهي تتطلب منج..

تشاركوا بالماجله ومو مشكله اذا طبخت خدامتها ولا خدامتج على حسب الظروووووف وبعدين يعني حلوه اغلب اكلكم بالمطاعم

ترى مو حلوه ولا سنع ريال متزوج ويصرف على بيت وماجله وخدامه مسكين وفوق هذا اكله بالمطاعم

بشطارتج تقدرين تنظمين جدول حياتكم اكثر وترتبون وجباتكم وتخلون المطاعم شغله استثنائيه للتغيير بس مو تعتمدون كل اكلم على المطاعم

مادري وايد تضايقت السالفه ما تسوى الخير وايد والأكل الله ما كثره والتعب على الخدامه وانتو في بيت واحد واهي محتاجه تساعدينها

في بعض الأيام شصاير؟؟ترى الدنيا ما تسوى والاحد يعمل بأصله وطيبه واخلاقه

قريييت ردج بس اهيا تقول ان زوجها شفتات واذا يا تبي خدامت مرت حماتها اتجهز له الاكل وبعدين دام البيت في ناس ليش تودي خدامتها ببيت اهلها ليش ما تقعد وتجهز الغدا يعني مو تقولين تمر بظرووف صعبه وما تقدر بس اهيا طايحه فيها تبي تريح نفسها ولو انهم ياكلون مع بعض جان زين بس اوقات دوامهم تختلف لو وقتهم واحد قلنا يمكن دامها طابخه طابخه بس مو لي هالدرجه توصل فيها الاستغلاليه تودي خادمتها وتزعج غيرها واهيا موظفه ومرت حماها موظفه يعني كلهم بالهوا سوااا وسوووري بس هالنوعبه من الناس كلش ما تعجبني تصرفاتهم
ومشكوووره حبيبتي على النصيحه اللي قلتيها ان اليمعه حلوه وااكيييد ماكو احلى من اليمعه بس هالسالفه ما فيها سالفه يمعه

 

[*بسبوسه*]

الحين مو عندها خدامه ليش ما تطبخ لها
انتي قولي لخدامتج ما تنزل تحت وتقول عندي غسيل ملاببس
وانتي قولي لمرت حماج بخلي خدامتي تعلم خدامتج الطباخ لان خدامتي ابيها تمسك ولدي
واذا زعلت بالطقاق شنو لا حيا ولا مستحا
خدامتها رجل على رجل وخدامتج تطبخ لها والله حاله

 

[wafa82]

رد : شسوي مع مرة حماي والغدأ اللي ماتخلص سالفته

حبيبتي صارحيها مافيها شي قوليلها خدامتي قامت تلمح انها تعبانه ونا مابي اضغطها علشان البيبي ووبس

 

[Elizabeth]

ممكن اسالج سؤال اهي زينة معاج؟ تستاهل؟؟؟ اذا خوش بنت ولها مواقف طيبة معاج ميخالف سوي نظام شيلني واشيلك لا تنحرجين من شي اما اذا كانت العكس شحادج !! عندها خادمتها

 

[روعة الأمومة]

رد : رد: رد : شسوي مع مرة حماي والغدأ اللي ماتخلص سالفته

قطيت عليها شكثر بس هي اتسوي نفسها مافهمت المقصد عشان مصلحتها

انا استحي اتهاوش معاها عشان اشياء سخيفة مردي انا واياها كل وحده بتطلع فبيت بروحها

ما دامج قطيتي عليها شكثر نغزات و اهي سوت روحها ما فهمت عيل قطيها بويهها أشكرة، انتي حاولتي تفهمينها بس ماكو فايدة و الانسان بعد لازم ما يصير دعلة

و المثل يقول : كلمة تستحي منها بدها

 

[English.Teacher]

رد : شسوي مع مرة حماي والغدأ اللي ماتخلص سالفته

شكل حماتك طيبة

وعلاقتكم حلوة

لاتخسرينها عشان سبب سخيف

الخدامة ماجات الا عشان تشتغل

وعندها الليل كله تنامه

 

[a7la_7b]

خلي خدامتها تطبخ غداهم ابيت اهلها وهي راده تاخذ الخدامه والغدا

 

[حصوص الكويتية]

خلي خدامتهااا تطبخ غداهم بيت اهلها يعنى اهلها يطبخون لها الغدااااا

ولما ترجع من الدوام وتاخذ خدامتهاااااا تاخذ غداهم وانتهت السالفه

لا تتهاوشين ومعاها ولا شي اخرتهاا خدم يقعدون سنتين ويسافرووون واحنا اهل نتهاوش على خدم

او تطبخ غداها من الليل اذا مرق تطبخه ولما يبرد تدخلة الثلاجه والصبح بدري تغسل العيش وتخلية لما ترجع وتسوية 5 دقايق خالص

والله انا هذي طريقتى سنه كامله من غير خدامه والله انه الاكل حلوووو والدنيااااااااا سهالات والله والغداااااا ما ياخر ولا يعطل بسرعه
كله على الغاز

 

[علايه]

رد : شسوي مع مرة حماي والغدأ اللي ماتخلص سالفته

الله اعينج

شوفي حبيبتي .. كلميها بهدوء و قوليلها ان خدامتج مشغوله بالبيبي مو فاضيه تطبخ كل يوم

و انتو راح تتغدون برا

 

[المدينه]

قولي خدامتي مطنقره وتهددني بلمكتب علشان عليها ضغط

 

[واحد على واحد]

رد : شسوي مع مرة حماي والغدأ اللي ماتخلص سالفته

انتي كبره الموضوع كلوحده عنده خدامه تطبخلهم ونكانة تودي خدامتها عند اهلها خليهم هم يطبخولهم قولى خدامتى رافضه

 

[noynoy]

لا تستحين منها خلج دايركت
قوليلها خدامتي تتعب لما تطبخلكم كل يوم
خلي خدامتج اب بيت اهلج تطبخ حق ريلج
قطيها اب ويها الصراحه انتي مو ملزومه فيها ابدا

 

[sharshora80]

رد : شسوي مع مرة حماي والغدأ اللي ماتخلص سالفته

انتي بعد ودي البيبي مع الخدامه بيت ابوج
وييبيهم لما تردين لخد ما تحس

 

[sweet december]

رد : شسوي مع مرة حماي والغدأ اللي ماتخلص سالفته

يوم خدامتج تطبخ ويوم خدامتهاااا واكلو مع بعض وحتى لو ماتبون ماكو مشكله انتو ببيت واحد يعني كلها غدا ترا

وبس لا تسوين مشاكل حمدي ربج انها بس هالسالفه الي بينكم اكو غيرهم يحشون ويقطون حجي ويسوون مشاكل يبا عدي الامور وخلي الدنيا تمشي

 

[نوره في وسط صوره]

قوليلها خدامتي قالتلي ماما انا مابي اشتغل وانتي سالتيها ليش قالتلج انا اشتغل واجد عاد انا والله بخليها ادير بالها على عيالي وماراح اخليها تطبخ
واذا دقت عليج وقالتلج
قوليلها اسحيلي ياقلبي خدامتي مطنقره واخاف تروح المكتب ولا تنحاش واتوهق اسفه والله بس

 

[≈ ω ђ ṃ]

رد : شسوي مع مرة حماي والغدأ اللي ماتخلص سالفته

^^

يمكن هي عندهآ آنه عآدي لا تفهمينهـآ غلط



بس عـآد آنتي الله يهدآج لا تخلينهـآ تآخذ عليج

قولي لهـآ زوجي مآيتغدآ بالبيت وآنآ دآيت والخدآمه يالله ملحقه على البيبي وآخآف تهده وتروح المطبخ يصير له شي ~


آهي تدبر امورهـآ كلن مسؤول عن نفسه


مو ضروري اتعذرين لهـآ


قولي الصج

 

[جمالي ايطالي]

ماشاءالله خدامتها في بيت اهلها مع البيبي


وانتي خدامتج تطبخلهم ومهمله البيبي


خووووش صراحه