شسوي مع مرة حماي والغدأ اللي ماتخلص سالفته

[جوري الكويت]

رد : رد: شسوي مع مرة حماي والغدأ اللي ماتخلص سالفته

ماشاءالله خدامتها في بيت اهلها مع البيبي


وانتي خدامتج تطبخلهم ومهمله البيبي


خووووش صراحه

دام انها ساكنه في بيت حموله و ماتدفع ايجار

خل تييب خدامه ثانيه تطبخ لها



طلبي اسبوع كامل من المطاعم


و كل ما تدق .. قولي لها ب ناكل من برا

 

[نكهةالبرتقال]

أنا أقول : صارحيها


مو تدزين مسج كأنك خايفة !


لأ ،،، أشكرا قوليلها


كل وحدة تتحمل مسؤولية غداها : لا طالب و لامطلوب


بس قوليلها


ماحب أضغط على خدامتي ،،، مع الضغط راح تحط حرته على البيبي


و شكلها مرت حماج متفهمة

 

[دلع الكون]

انا اشوف مافيها شي اذا كلمتيها

قوليلها خدامتي تشتكي تقول عليها ضغط وايد وتبي تسافر وقتلها خلاص انتي عليج البيبي وانا اذا رجعت اطبخ

وقوليلها الطبخ مايبيله شي اذا بطبخ يومين بالاسبوع حقي وحق ريلي ومرات مايبي فمايحتاج اطبخ

قوليلها والحين لازم تتعود خدامتج على الطبخ

وبجذيه عطيتيها سالفه من غير ماتحرجينها

 

[برد ابو الذهب]

اب لعيونج

 

[زيف الابتسامه]

حبيبتي ترى مايجوز تكلفين الشغاله شغل مو لها تراها بذمتك وقولي لزوجة حماك هالكلام قولي اخاف من ذنبها والله لو تبي تدبر امورها تطبخ اوتجهز من الليل واذا رجعت من الدوام تكمل طبختها وخلصنا لاتضغطين على نفسك وعلى الضعيفه الشغاله ماهي مكلفه فيهم
وانتي عطيها حلول علشان تفهم انه خلاص قرفتي والي يحب مصلحته على الناس لاتراعينه انتي ماقصرتي لكن كل شي له حدود

 

[عــود كمــبودي]

الله يعيييييييييييييييييييييينج

 

[رحيل المرافيء]

رد : شسوي مع مرة حماي والغدأ اللي ماتخلص سالفته

خل تزهب شغلها من الليل وتطبخ
انتي قوليلها بصريح العبارة خدامتي عليها ضغط
وانا يالله اشيل بيتي وعيالي
ماني مسئولة عن احد
دبري اموورج
ها ريلي هو ولا ريلج

 

[الورد99]

بنات من خلال بعض الردود حبيت اوضح ان خدامتي تروح الصبح مع البيبي لبيت اهل ريلي لانه في نفس المنطقة واهي اتودي البيبي والخدامة لبيت اهلها لانها تقول امي تنتبه للبيبي وخدامتي تشتغل بيت ابوي وتطبخ لهم بدال امها لان بيت اهلها ماعندهم خدامة والخدامتين الثنتين يطلعون كل صبح من البيت وكلنا موظفات بس هي دوامها مو ثابت دايم تتاخر وانا العكس وارد البيت في نفس الوقت المحدد واذا زوجي موجود ويبي غدا اخليها تطبخ لنا ولهم ولكن مرات نجيب من برى ومرات زوجي يطلع معزوم او دوام وانا دايت ويكون عندي شغل العصر فمرات اقول للخدامة تغدي ورقدي عشان اطول العصر بطلع عندي شغل فما يكون عندها وقت الحين تعودت لما تجي تلقى غدا واذا كانت متاخره وريلها مابقى له شي ويوصل تتصل سويتوا غدا ومره اتصلت قلت ماسوينا ريلي دوام وانا دايت قالت خدامتج قاعده خليها تطبخ بسرعه الحين ريلي شوي وبيوصل مايحصل غدا قلت لها راقده الخدامة وبعدين قالت للخدامة فيه ايام بتاخر فيها طبخي لنا الغدأ وصارت تطبخ لهم تعودت اذا احنا وصلنا قبلها والحين تعودوا بس خدامتي مو ملزومة فيهم اذا ماكنا راح نطبخ فامصخت السالفة لايوم ولايومين

 

[%مرايم%]

رد : شسوي مع مرة حماي والغدأ اللي ماتخلص سالفته

قوليلها خدامتي تعبانه او قولي عندها شغل فوق راسها عطيها خبر قبلها بيوم

 

[أسرار المحيط]

رد : شسوي مع مرة حماي والغدأ اللي ماتخلص سالفته

الله يعيينج عليهاا

 

[الغلاااااا]

قوليلها مابي الخدامه تنشغل بالطباخ وتخلي تالبيبي بروحه انتي خدامتج ابيت اهلج يعني البيبي ماعليه خوف خل تطبخ هناك وجيبوه معاكم لان خدامتي العصر بعد عليها ضغط


ودام خدامتها تطبخ لبيت اهلها خل تزيد لها ولزوجها شوي ماراح يتغير شي

حبيبتي اهي وعندها خدامه معتمده على خدامتج شلون لو خدامتج تطنقر ولا تنحاش من هالضغط اللي عليها بتسحب عمرها وتقولج خدامتي ماتلحق علي شي

قوليلها خدامتي امس قالت لي انا ماراح اطبخ لهم اهم عندهم خدامه انا بس انتبه للبيبي واطبخ لج انتي وبابا<<<على لسان الخدامه يعني

وبجذي تطلعين نفسج من الاحراج مع ان هالنوعيه ماينفع معاها الطيب

 

[الورد99]

اليوم انا اجازة بس قلت لخدامتي لاتطبخ لهم لانهم مايستاهلون ومستغليني انا وزوجي انواع الاستغلال

امس قالي زوجي اخر الليل ابي سندوتش نزلت يابنات المطبخ انصدمت طبعا هالشهر ماجله واغراض الجمعيه على زوجي شهر عليهم وشهر علينا لقيتها اجياس التوست من كل جيس ماخذين كم حبه وتاركة الباقي بعدين تيبس واخترب سالت خدامتي وهاوشتها قالت هذي مدام ثاني تقصد مرة حماي عاد مابي اظلمها يمكن الخدامات وسكت وقلت معليه الظليمة شينه فتحت الكبت حق المنظفات لقيت اشياء اتكفي هالشهر والشهر اللي يجي لان انا كنت ببيت اهلي قبل جم يوم واتصلت عليها قلت اذا فيه اغراض ناقصه طرشيها بمسج طرشت لي لسته طويله عريضه في حين انا سالت خدامتي وقالت لي بس نبي خيار وطماط وبصل وتايد وداوني واهي طرشت لي ليف واسفنج للتنظيف وللجدور وفيري وديتول وكريم كراميل ولازانيا وقهوة وتمر وعيش وكرتون دياي يوم فتشت بالاغراض والله لقيت فيري الحجم الكبير توه مفتوح ويكفي الشهر كله وزيادة ليش هالعباطة اطرشين لي اشياء موجودة اليوم مارحت الدوام وقلت للخدامة ليش جذي فيه اشياء موجودة قالت لي ان مرة حماي تطلب اشياء زيادة عشان اتم الشهر اللي بعده لاياهم الدور الا كل شي موجود تخيلوا بنات على شهرنا كل شي مخلص نجيب اخياش قهوة واخياش عيش و حماي حتى الديتول ماايب الاصلي يشتري نوع رخيص وبس خضرة وجبن وخبز وانا ملاحظة من زمان هالطبع فيهم مايجيبون شي يقولون اذا تبون شي طرشوا مسج ولا مرة مره حماي راحت الجمعية وانا على شهرنا اروح الجمعية واجيب كل شي اغراض الحلو ولبهارات والمنظفات وحتى الفواكة انجيبها:eh_s(16):


يعلها في ذمتهم حسبي الله ونعم الوكيل


بنات من زمان متحملة وساكته بس احس صايرة مااقدر اتحمل زيادة

 

[الورد99]

متضايقة استغفر الله العلي العظيم

 

[حلوى ورهش]

الله يعينج
انتي طيبه واهي شكلها معتمده عليج واايد

 

[alhabibah]

رد : شسوي مع مرة حماي والغدأ اللي ماتخلص سالفته

حبيبتي الصراحه راحه، خلي شغلكم كله بروح، من ماجله وطباخ وكل شي، التعاون حلو مع الناس إللي تقدر، بس إذا الموضوع فيه استغلال، روووح إبعيد وتعال سالم.

 

[الورد99]

صعبة سالفة الماجله شلون نحط على الاغراض اللي نجيبها ممنوع هذا لنا واحنا في بيت واحد

 

[تبطي عظم!]

مافهمت وليش خدامتها ماتطبخ لها وخدامتج تطبخ لكم !!

!!!!

 

[مس كرز]

رد : شسوي مع مرة حماي والغدأ اللي ماتخلص سالفته

مافي احلي من الصراحه خلك صريحه وجدي معا ويبي الموضوعه من اخر وقولي انتي عندج خدامه وان مو مسئوله عن ريلج فهمتي ولا لا غداء ريوق مو اختصاصي انا مو زوجته انتي زوجته اوكيه ياماما وانتهت السالفه

 

[الورد99]

مافهمت وليش خدامتها ماتطبخ لها وخدامتج تطبخ لكم !!

!!!!

خدامتها تروح مع البيبي لبيت ابوها لان ماعندهم خدامة وتشتغل لهم وتطبخ الغدأ بدال امها وامها تدير بالها عالبيبي متى ماخلصت من الدوام مرت خذت البيبي والخدامة وارجعت البيت:eh_s(10):

 

[مس كرز]

رد : شسوي مع مرة حماي والغدأ اللي ماتخلص سالفته

والله ياقلبي اذا فكرتي عدل ان هالشي مو من اختصاصك ومالك شغل فيها بيتهم خدامه ولا عشره ما ينفعونك وهي تطلعه اذكي منج وانتي المسكينه اللي تستغل خدامتك واليوم تاخذ بالطيب بكر غصبن عليج تجي وتاخذ