شـاركـونا: تجاربكم مع عمليات التجميل

[jolie_q8]

مشاركة: شـاركـونا: تجاربكم مع عمليات التجميل

انا اعرف ثنتين مسوين خشومهم بلبنان

عن دكتور/ فران

وايد مضبوط وشكله طبيعي..يعني ما غير شكله كلش..لدرجه اني مالحظت الا لما قالولي

وعدل الانحراف من داخل الخشم بعد... والحمدلله.. ماكان في مضاعات وتنفسهم طبيعي

 

[xxx]

مشاركة: شـاركـونا: تجاربكم مع عمليات التجميل

مشكورين على مشاركتكم ومروركم

منو شافت ذا سوان

السمره الي سوت بطنها

صج صج عملية ناجحه وتشجع

 

[jolie_q8]

مشاركة: شـاركـونا: تجاربكم مع عمليات التجميل

انا شفتها

الحلقه جنها سحر (بعصاه سحريه)

مو عمليه

ابي جذيه

 

[xxx]

مشاركة: شـاركـونا: تجاربكم مع عمليات التجميل

اي والله سحررررررررررر

معقوله البطن يتعدل جذيه

 

[بنت البذال]

مشاركة: شـاركـونا: تجاربكم مع عمليات التجميل

الدكتور جمال الحربي لو اترس صفحات المنتدى ثناء وتقدير وشكر ماتوفي بحقه يستاهل
ولد ديرتنا

 

[xxx]

مشاركة: شـاركـونا: تجاربكم مع عمليات التجميل

الكويتي أنفع

 

[جوري الكويت]

مشاركة: شـاركـونا: تجاربكم مع عمليات التجميل

اعرف وحده خذت قرض و تفخت خدودها (( أيام د . لاري )) يوم كانت أسعاره وايد غاليه تقريبا بألفين من جم سنه هالكلام, أخذ من أردافها و حط في خدودها (( يعني شحم طبيعي )) و بعد فتره سوت ريجيم و خدودها ذابت و ضعفت ,, يعني مسكينه ما سوى عليها القرض

 

[فتون علف]

مشاركة: شـاركـونا: تجاربكم مع عمليات التجميل

جوري ترى الشحم نتيجته مؤقته يعني جم شهر ولازم تعيده مرة ثانية
بس شدعوه الفين هذا صج نصاب

 

[xxx]

مشاركة: شـاركـونا: تجاربكم مع عمليات التجميل

الله الخدود بألفين

عيل البطن بجم ؟؟؟؟؟؟؟

 

[جوري الكويت]

مشاركة: شـاركـونا: تجاربكم مع عمليات التجميل

هلا بنات ...

هالكلام مو من الحين من زمااااان أول ما هبوا بعمليات التجميل كان واااايد غالي ,,,,

مع اني سمعت ان الحين د . لاري وااايد صار أغلى من أول ,,, لأن الناس الحين صارت أقل خوف من عمليات

التجميل و صارت تقبل عليها أكثر

 

[دكتوراة بالذوق]

مشاركة: شـاركـونا: تجاربكم مع عمليات التجميل

منو جرب نفخ الوجة ؟؟؟ وين تجاربكم ؟

 

[BlUe SkY GuRl]

مشاركة: شـاركـونا: تجاربكم مع عمليات التجميل

خوش تجارب

 

[xxx]

مشاركة: شـاركـونا: تجاربكم مع عمليات التجميل

انا للحين ماجربت ولا عمليه

ان شاءالله الي مجربه التفخ تحط لنا تجربتها

 

[كويتية أمورة]

مشاركة: شـاركـونا: تجاربكم مع عمليات التجميل

والله ماعندي فكرة عن الخدود بس احس شكلهم يصير موحلو يبين شي غلط بالويه
يمكن لانه يتفخون وايد

 

[Daffodil]

مشاركة: شـاركـونا: تجاربكم مع عمليات التجميل

السلام

بنات انا خشمي كان في انحراف في الحاجز وااااااااااااضح وسويت العمليه عند الدكتور نيشو بانترناشنل كلينك وسواها لي بمستشفى السلام ب1300 تقريبا ... الصراحه للحين خشمي في انحراف بسيط واحس شكله صار اعرض !!!!! الصراحه ما راجعت الدكتور مره ثانيه

الله كريم ...

 

[هيه دنيا]

مشاركة: شـاركـونا: تجاربكم مع عمليات التجميل

مرحبا والله انا مسمية عائلتنا عايلة عمليات التجميل
بقولكم عنهم كلهم ..
رقم واحد ... عملية جيوب انفية + تجميل الانف بمستشفى العدان عادية جدا لان الخشم مو مشوه حيل
رقم اثنين ... عملية تجميل انف عند عبدالمحسن الجعفر مجزرة واثار التعب بعد العمليه موطبيعية
رقم ثلاثه ... عملية شفط البطن بالمواساة التكلفه من 800 الى 1000 بس روعه والكل يقوول انه راح يرجع والله اعلم .
رقم اربعه ... عمليه تفخ الخدود + الشفايف وهي لصاحبة الرقم اثنين عند الدكتورة هليين بمجمع دنتيل كيير لللانصاري اظن انها حقن بوتكس مدتها تدوم ست سنوات اول يوميين جنها ويه سمجه بس بعديين روووعه ( تحذير البوتكس يسبب السرطان ) جنها طبيعي بصراحه خووش دكتورة.
رقم خمسه ... تقشيير عند اوباجي اول شي روووووووووعه بعدين حلو العادي يعني مو نفس اول شى.
رقم سته... عملية تجميل بلبنان وهي نفسها صاحبة الرقم ثلاثه تقول البنج موضعي وعمليه مدتها ثلاث ساعات والفنانات طحيحه عنده وسوت بعد اسنانها روعه.
اما رقم سبعه ... انا شاكه انها مسويه حواجبها مرفوعين بشكل حلو بس ليما الحين مادشييت باخلاقها علشان اعرف وين لاني جني بسويها بس مستحرمتها ودي ااستفسر بالاول رفع الجفن حرام ولا لا للعلم اني مااحف حواجبي بس الجفن طايح شوي ولاانا بعد اخاف من البنج العام اذا موضعي عادي لاني جربت القيصرية بولادتي بغييت اموت.
رقم ثمانية ... تجميل الاسنان بسوريا خربوطه
رقم تسعه ... تعديل الاسنان بتركيب تقويم عند دكتور ابراج في مستشفي الهادي رووووووووعة
+ تقشير وجه عند الدكتورة براءة بمستشفي لندن كلينك اول شي قمه بعدين رجع نفس اول .
اما رقم عشرة فهذا انا عندي موعد لتجميل الاسنان بس بالتقويم بمشتشقى الهادي بكرة انا تحمست لما شفت رقم تسعه الحلج رووعة والله انها تغيرت 180 درجه ودي ودي اسوي غمزات بس اخاف من عقوبة رب العالميين والواحد يقول حمدالله علي العافية انا حدي تقشير تقويم جلسات تخسيس يعني شغلات بسيطه.
ابييييية احولت عيني وانا اكتب بس هذا اللي اتذكره

 

[دكتوراة بالذوق]

مشاركة: شـاركـونا: تجاربكم مع عمليات التجميل

فديتج هيه دنيااا ماقصرتي

 

[كويتية أمورة]

مشاركة: شـاركـونا: تجاربكم مع عمليات التجميل

هيه دنيا مسوية شفط بالمواساة عند الدكتور الفرنسي؟
ودي اسوي عنده حق بطني وفخوذي وخصري وشويونه من ظهري المصفط

انا سويت عنده خشمي روعه لامجزرة على قولتج ولا شي يهبل
كان عندي انحراف بالحاجز الانفي وعظمة ناطة وسواه يهبل حتى مايبين اني مسوية شي مو نفس اللي يصير خشمهم مفقوص يبين انهم مسوين هذا لا شغله مضبوط ولا عوار ولا شي

عشان جذي تشجعت ابي اسوي عنده شفط

 

[هيه دنيا]

مشاركة: شـاركـونا: تجاربكم مع عمليات التجميل

يابنات ابي اكمل لكم السالفة توها فريش

رقم الحادي عشر ... غمزات بجهة وحدة من الخد في مستشفى طيبه كلينك ب100 دينار

اما انا تاجل التقويم ليوم الاثنين القادم

وسلامتكم

 

[مووونيك]

مشاركة: شـاركـونا: تجاربكم مع عمليات التجميل

هيه دنيا.... مااااااشاءاللله العايلة كلها تجميل.... شنو يسوون خصومات للعايلة؟؟
خليج حبيبتي على طبيعتج.... شالله حادج اتحطين غمازات ولا اتفخين وبعدين يطلع مو حلو؟؟ ولا اكيد فيها اثار سلبية!

خالتي اتسولف عن وحدة امسويه خشمها وشد وما ادري شنو... تقول صايرة تخرررررع والبنت حرام حلوة بس لقافة!

رفيجتي امسوبة خشمها بالكويت بس ما ادري شنو اسم دكتورها... ماشاءالله خشمها مضبوط مو مثل لبنانيات اللي اتحسين جنهم مايكل جاكسون!