شـاركـونا: تجاربكم مع عمليات التجميل

[DenTisT]

مشاركة: شـاركـونا: تجاربكم مع عمليات التجميل

هالموضوع توني اشوفه بس صج شفته بوقته
بنات انا حجزت عند دكتور خالد الصبيح من سنه، و صراحه بط جبدي كل شوي يتمطط و يمغط بالسالفه بس علشان الفلوس و اروحله العياده، و انا خشمي في مطبه كبيرهههه اللي كل اللي يشوفني يقولي خشمج مكسور؟!!
المهم بعد ما مليت و تعبت و خلاص وصلت الى حالة الاكتئاب رضيت بأي احد
فقالي ابوي عن رفيجه دكتور خالد العبدالهادي
في احد سامع عنه ؟؟
و الله انا يوم رحتله نفسيته كانت تينن و رحب فيني و كلمني
و كنت على اساس اني بسويها بكريسماس لما رديت من السفر بس قالي 20% ممكن تحتاجين عمليه ثانيه لانه اقل شي ياثر فيه و يمكن ينعوي
فحجزت موعد انشالله على تاريخ 23\7 " قبل عرسي"
عفيه بنات اللي سامعه بالدكتور ممكن تساعدني؟
واللي مسويه نفس العمليه،، ابي اعرف جم يوم ظلت الكدمات بويهج؟ و العوار شلون كان؟ و لي متى استمر؟
و مشكووووووووريييييييين ما قصرتو

 

[FOZQ8]

مشاركة: شـاركـونا: تجاربكم مع عمليات التجميل

امممممممممممممم
رفيجتي خليتها تروح لجمال الحربي
وعمليتها هالخميس انشالله
بتسوي خشمها فيه انحراف
واقولكم آخر الاخبار
طبعا بعدين بتسوي قمازات
والله يستر

 

[سفيرة العشق]

مشاركة: شـاركـونا: تجاربكم مع عمليات التجميل

يحليل سوالفكم
والله موهينين اشدعوه كل بنات الكويت مسويين تجميل؟

والله انا من زمان ودي اسوي خشمي تجميل مرة اقول بروح لبنان ومرة ايران ومرة الكويت وآخر شي شكلي ما راح اسوي اخاف لا يخرب ويصير اخيس من الاول مع ان ريلي كله يعيب على خشمي ولا قلتله بسوي تجميل يقولي لا حرام تغيرين بخلقتج ما دري شسوي مع ان الكل يقولي انتي حلوة بس اللي مخرب عليج خشمج ؟ومادري شسوي؟

 

[كويتية أمورة]

مشاركة: شـاركـونا: تجاربكم مع عمليات التجميل

دينتيست لاتسوين عند الصبيح مو زييييييييييين اخت رفيجة اختي مسوية عنده خرب خشمها
انا مسوية بالمواساة عند الدكتور الفرنسي اللي يزورهم كل شهر اسمه اريك بلو 2000 دينار خشمي كان بوحقب ونازل من جدام كنت حدي متعقدة منه الحين صار سلة سيف يهبل ولا يبين مسوية عملية لانه مو مفقوص من النص ولا مرفوع وايد من جدام نفس اللي يسوون بلبنان وايران وحتى بالكويت
شكله وايد طبيعي وحلو
والعوار 0 ماكو عوار خيييييييير شر ماحسيت بشي كلش كلش حتى قالي يمكن تحسين بصداع لاقعدتي من البنج فبنعطيج بندول
تصدقين حتى الصداع ماحسيت فيه كلش
بس تحسين جنج منشوله وخشمج مسدود هذا اللي تحسين فيه والجبس شالوه عقب 5 ايام يكون الخشم وارم ومع الوقت يروح الورم ويتم الخشم كل شهر تحسينه يتعدل اكثر لي 6 شهور
وماكو كدمات بس سواد تحت عيونج مال العملية تتمين اسبوعين تقريبا ويروح واذا تستعملين كريم للسواد والنفخة وتحطين ثلج يروح اسرع
بس شوفي اذا بتتزوجين سوي العملية الحين ليش حده حده قبل العرس؟ عشان يمديه يتسنع
والله انصحج بهالدكتور يهبل والله لو تشوفين صورتي وخشمي الحين تنصدمين من الفرق انا ماكنت متوقعه ان خشمي كان خايس جذيه خخخخخخخخخخخ

انصحج كنسلي الصبيح وروحي المواساة عن تجربه

 

[بنت البذال]

مشاركة: شـاركـونا: تجاربكم مع عمليات التجميل

fozq8
زين سوت رفيجتج وخير ما اختارت احسن دكتور تجميل بالكويت جمال الحربي صج راح يسنع لها خشمها يا ربي هالريال مخلوق علشان يعدل خشومنا الخايسه الى الاحسن باذن الله والله اللي ناويه تسوي خشمها لاتروح عند غيره يشتغل بضمير ويعطيج نتيجه حللللوه ماتتوقعينها وما اعتقد اكو دكتور اشطر منه وعن تجربه شخصيه وماشالله هالعطله اغلب العايلع مسوين خشومهم عنده من شافو خشمي طبعا مو كلهم عندهم مشاكل بخشومهم لا بعضهم بس يبون يصغرون او يرفعون او يعدلون فتحات خشومهم وكل ما اشوف نتيجة عملية احد منهم يزيد احترامي واعجابي بشغل الدكتور صج ماشالله عليه يتفنن بشغله

 

[FOZQ8]

مشاركة: شـاركـونا: تجاربكم مع عمليات التجميل

الله يسهل عليها
راح اقولكم الاخبار اول بأول
بنت البذال بصراحه انتي اللي شجعتيني انصحها تروحله
بنات تكلموا عن القمازات بعد يالله
امبيه احس السالفه تضحك ههههههههههههههه

 

[كويتية أمورة]

مشاركة: شـاركـونا: تجاربكم مع عمليات التجميل

بنت البذال بقولج شي بس لاتزعلين ترى موقصدي شي
بس ياربي احسج تسويله دعاية موطبيعية مع ان سألت عنه بس قالولي زوين مو خارق مثل ماتقولين!! يعني عادي نمدح دكتور بس انتي يحليلج تكتبين موشحات فيه شدعوه؟
مادري هذا رايي لانه كل مرة اشوف ردج عنه احس ان هالكلام دعاية حقه مو مدح
ومرة ثانية لاتزعلين بس هالكلام لانه ردودج صج تلفت النظر


فوز ان شاء الله رفيجتج تقوم بالسلامة ويصير خشمها سلة سيف

وعلى طاري الغمازات كنت ميته بحطلي غمازتين بس من شفت شيماء علي هونت مالي خلق تطلع غمازتي مستطيله ولا تطلع وحده عند خشمي والثانية يم حنجي خخخخخخخ

 

[السنيورة]

مشاركة: شـاركـونا: تجاربكم مع عمليات التجميل

خووووووووووووووووش موضوووووع


انا ما احتاج الحمدالله احم احم واثقة من نفسها ..
بس فيني فضوووووول و اللي ودي اسويه صج تبيض الأسنان اسناني لونها لبني هذا اللون الأساسي الدكاترة كل ما اروح ما يرضون يسون لي و ينصحوني .. بس انا ودي (((




و على جمال الحربي انا سمعت عنه ان ممتاز وشفت خشووم بنات مسوين عنده..للخشووووووووووووووووم فقط أكثر من ممتاز .. يعني اصدق بنت البذال على المدح .. ويقولون زحمه عنده.. ومواعيده متأخره
_(

 

[DenTisT]

مشاركة: شـاركـونا: تجاربكم مع عمليات التجميل

انا كنسلت الصبيح
و الحين عند خالد العبدالهادي و راح اسويها بالصباح
و الحمدلله في وااااااااااااااايد مجال علشان يتعدل الخشم مو مشكله عندي
بس انا موعدي 23\7 و بسافر 16\8
تعتقدين يمديه يلتئم؟؟
خاصة انا اهني بالغربه كل شي يحوش خشمي
تخيلي اني بالباص و بين شكثثثثثثر ناااااااااااااس و كل واحد يطق بالثاني،،اعتقد من ثاني يوم خشمي راح ينعوي
المهم بنات مو سمع عن دكتور خالد العبدالهادي؟؟

 

[كويتية أمورة]

مشاركة: شـاركـونا: تجاربكم مع عمليات التجميل

اول مرة اسمع عنه
بس انتبهي الخشم لا اخترب صعبة يتعدل
روحي حق دكتور مضمون من اول شي يضبط العملية بدال ماتتحسفين

 

[بنت البذال]

مشاركة: شـاركـونا: تجاربكم مع عمليات التجميل

كويتيه اموره بعد عمري انتي انا ما ازعل من خواتي بس ما اعتقد فيها شي اذا مدحت شخص بالفعل يستاهل ولا سالفة دعايه ولاشي عاد انا اشمستفيده غير اني بفيد اللي ناويه تسوي هالنوع من العمليات مع العلم ان مثل ماقلت لج وايد بعايلتنا سووها عنده وماشالله نحت لهم خشومهم نحت يعني و لاتخافين ماراح اخذ نسبه من فلوس العمليات ملوته وبقولج شغله اذا بتسوين خشمج روحيله وعلى مسؤليتي ههههههههههههاي
وعلشان تتأكدين من كلامي شوفي اللي مسوين اخشومهم عنده وشوفي النتايج وعقبها اظن انتي اللي بتسوينله دعايه مو انا
وشوفي السنيوره و نطري رفيجة fozq8وبنت الاحمدي وروحي بنفسج وشوفي وراح تتأكدين ان كلامي مضبوط وكل اللي حبيته اشاركم يا حبيبات قلبي مو اكثر

 

[حلوه ومزيونه]

مشاركة: شـاركـونا: تجاربكم مع عمليات التجميل

بنات ......... منو سوت عملية تبييض الاسنان بالازون اللى توهم طايحين فيه ؟؟؟؟؟

 

[كويتية أمورة]

مشاركة: شـاركـونا: تجاربكم مع عمليات التجميل

هههههههههههه بنت البذال للاسف انا مسوية خشمي من 3 سنين مادريت عنه جان سويتها عنده خو تدرين الكويتي انفع خخخخخخخخخخ
وعلى فكرة ترى امي تعرف امه عدل وحتى ذاك اليوم اذوني تعورني قالتلي خل اكلم امه يعطيج موعد لانه مواعيده بالمستشفى بعيده بس تعييزت اروح
بس والله دام زين جذيه بروح اشوف اذوني شفيها عشان ادعم المنتج الكويتي
وعلى قولة الرويشد: ليش ناطرين؟؟ خخخخخخخخ

 

[miss cute]

مشاركة: شـاركـونا: تجاربكم مع عمليات التجميل

بنات بارك الله فيكم لا تنسون ان عمليات التجميل تغير لخلق الله
واهيا محرمة اذا كانت لسبب الجمال اما اذا كانت بسبب حدوث تشوه حاد بسبب حادث او غيره
اظن اهنيه تكون جايزة

وهذا من تغيير خلق الله الذي تعهد الشيطان أن يأمر به ابن آدم حيث قال كما حكاه الله عنه : ( ولآمرنهم فليغيرن خلق الله )

miss_math

جزااج الله خير قلتي اللي ودي أقوله ..

 

[FOZQ8]

مشاركة: شـاركـونا: تجاربكم مع عمليات التجميل

رفيجتي بالعمليات الحين
الله يكون بعونها

 

[هيه دنيا]

مشاركة: شـاركـونا: تجاربكم مع عمليات التجميل

الله يقومها بالسلامه انشاءالله

انا اللي حدي تعبانه رحت مراجعتي يوم الثلاثاء جان يقول الدكتور الحين اركب لك التقويم وقلت يالله وخذ مني 600 دينار بس حدي تعبانه حاسة حلجي ثقيل جنهم صابين فيه جبس وموقادرة اكل كله مهروس ولاعارفه انام لان الحديد يعورني بحلجي اختي تقول 3او4 ايام وبعدين عادي الله يعيين اللي يتعبثون بعمارهم علي غير معنى والا عيالي مستانسين كل شوي يما ورينا حلجج

نفسيتى صفرررررررررررررررررررررررررررررررررررررررر
بس من بغى الدح مايقول اح
كل اللي سووا عمليات يقولون لي اصبري اهم شي النتيجه شكلج راح يتغير واسنانج راح تتعدل وهذا وانتي بدون بنج الله يعينا احنا شنقووول خشم وبطن وبلاوووي انا بصبر وبشوف اخرتها.

وامي تقول لي لاتقولين شي جدام اختج خليها علشان تروح تعدل اسنانها وانا كل مااشوفها اقولها عادي مايعور.
الله كريم.

 

[بنت البذال]

مشاركة: شـاركـونا: تجاربكم مع عمليات التجميل

الله يقومها بالسلامه انشالله

 

[بنت البذال]

مشاركة: شـاركـونا: تجاربكم مع عمليات التجميل

حبيبتي fozq8
اهم شي بعد العمليه انها تحط كمادات ثلج على طول لانها وايد مفيده حق ويهها وتخفف الورم اللي بعد العمليه كذلك الحبوب اللي يعطونها لازم تاكلهم بوقتهم وتداوم عليهم لان راح يكون ويها متفوخ وفيه مثل الكدمات تحت عيونها فالثلج يسرع بازالة هالشي ويروح تقريبا بعد اسبوع الى اسبوعين والنتيجه راح تشوفها بعد العمليه بتقريبا 3 شهور لما كل شي وارم يروح وطبعا على حسب طبيعة بشرتها تبين النتيجه وانا بالنسبه لي كان وااايد وارم ويهي بعد العمليه بس الحمدلله مع الثلج اللي دايما احطه هذيك الايام بسرعه راح الورم وبسرعه بينت النتيجه
ولاتنسين تطمنينا عليها

 

[bnt q8 in usa]

مشاركة: شـاركـونا: تجاربكم مع عمليات التجميل

بنت البذال جم كلفتج العمليه وين سويتيها بليز؟

 

[كويتية أمورة]

مشاركة: شـاركـونا: تجاربكم مع عمليات التجميل

هيه دنيا وين حطيتي تقويم؟


فوز الله يقوم رفيجتج بالسلامة وصج خل تحط كمادات ثلج انا من الخبال حسيت ببرودة ليش عقب العملية ومع الثلج استبردت وقلت شيلوا الثلج وهم يحطون وانا اشيل لاعت جبدي
بس لو مخليته احسن حتى مايخر خشمها دم<<<<<لاتخافون مو نزيف بس نفس السنسون شوية بس خخخخخخخ