شفيه الكويتي ؟؟؟؟

[القرآن ربيع قلبي]

السلام عليكم ورحمه الله وبركاته
:68_asmilies-com:

بنات بطرح عليكم اليوم قضيه محيرتني ومضيقه خلقي

اهو موضوع ملاك العقار بالكويت وعارضينها للايجار غالبا مايكتبون عبارة

((للاجانب والمقيمين فقط)))

شسالفه شالقصد الكويتي انفع وارحم

بنات صار لنا مده ندور دور راقي وزين او بيت للايجار وكل مانلقى المواصفات اللي نبيها ننصدم

_______________________________
_________________________________

(((للاجانب والمقيمين)))

شسالفه ترى الكويتي يدفع اول باول وحنا الحمد لله ديرة قانون
واذا اخترب بيلر والا حنفيه نركض نصلحها من حسابنا
ونصبغ كل سنه ولله الحمد نظااااااف ونفرك هالطوف ليل ونهار وريحه البخور صاعده للسطح

الا عاد المقيمين مايهتمون بالنظافه نفسنا وكله عزايم وحفلات وتجمعات

يعني يرضيكم الحين الكويتي لا سكن حكومي مثل العالم والناس ولا ايجار بحلاله وفلوسه

غصب يبون المقيم مرتز و يختار المكان اللي يعجبه بالمنطقه اللي تعجبه وبعضهم مايدفع ولا فلس الشركه تدفع له (( وهذا اللي يبونه التجار))

والله يابنات انه واحد عارض دور عنده للايجار للاجانب ومحد اجرها اربع شهور والكويتيين يبونها ويقولون اجرها لنا بس

مو راضي ونزل 50 دينار من سعر الدور بس عشان يلقى اجنبي مايبي كويتي وفعلا اجرها لاجنبي

انا بعرف الكويتيين شنو فيهم شنهي الفكرة اللي ماخذينها عنهم
مايدفع؟؟ يسكن بلاش؟؟
والا يطول بالايجار ؟؟
والا شنو ؟؟
:flower:

واذا الكويتي ماعز اخوه الكويتي بالله منو ينفعنا :0bee2e8d89:

لا والسؤال الاكبر كم عدد الاطفال ؟؟؟:ioljnmlk:

ياعمي انت شكو الاطفال بحضنك والا فوق راسك والا بالبيت اللي ساكن فيه:krkrkr: ((( اقصد اللي عارضين بيت كامل للايجار يعني مو ساكن فيه)))

الحمد لله رب العالمين على كل حال


بس تكفوووووووووووووووون محتاااااااارة

الكويتي شفييييييه؟؟

يمكن تعرفون شي ماعرفه خلونا نتناقش بهالموضوع واتمنى ارى ملاك العقار يكتبون لو مرة




((((للكويتي فقط ))))))

:hearting::hearting::q8:

 

[روح الدنيا]

مادري والله


شدعوااا ماكو للكويتي .. مالي علم بهالسوالف ..


بس حاصله عاد يسكن عنده كويتي ..


حلاته يكسرون بيته هالوافدين عشان لا يعودها ..

 

[القرآن ربيع قلبي]

مادري والله


شدعوااا ماكو للكويتي .. مالي علم بهالسوالف ..


بس حاصله عاد يسكن عنده كويتي ..


حلاته يكسرون بيته هالوافدين عشان لا يعودها ..

حياج حبيبتي :eh_s(6):
الله لا يعوزج لهالسوالف ان شاء الله
ايه حبيبتي الحين البيت لي صار كشخه وفخم قالو للاجانب والمقيمين فقط ومرات يكسر خاطرهم الكويتي يقولون

للمعاريس فقط (( مادري هالمعاريس ما يعيلون واذا عيلو اطردوهم يعني يسوونها والله

اي والله الكويتي ارحم
بس والله العالم عندهم فكرة الكويتي مايدفع

 

[القرآن ربيع قلبي]

شفيه الكويتي؟؟

 

[ناعم العود305]

مافيه شي الكويتي بس هذولا يبون يستفدون من الايجارات الغاليه لهم وان الاجانب مستعدين يدفعون


وسلامتج هذا الي يتوقعه يصير

 

[[[ عيون جابر ]]]

مادري ماعندي خبره بالموضوع
يعطيج العافيه

 

[أميره بلا قصور]

اتوقـع القصــد انـه بعض الكويتـيـين مايدفــع اول بأول يعني يمـاطل ويتحجج وطلبتك خله الشهــر الجاي وهكذا

عشان جذي التاجر مايبي يحرج نفسه ومايبي اسم عايلته يهتز يعني عشان هالمؤجر مايقول جدام الناس ولد العايله الفلانيه (التاجر) فيه كذا وكذا ومايقدر الظروف وغيره من الحجي..

احنا كانو عندنا مؤجرين كويتين ..6 شهورمادفعووو ..وطبعا اول شهر طلبناهم وثاني شهر نفس الشي ..الثالث استحينا ما طلبنا...لين السادس عاد خلاااص عيب...كل شهر عنده حجه ..بعدين بس اخذنا منهم شهرين وقلنا مع السلامه

 

[روحها لكويت]

اي صج الكويتي ما يدفع كم مره رحت لشقق يسألون كويتي أقولهم اي يقولون ماكو شقق فاضيه لأنهم فعلن ما يدفعون الآجار وفوقها بعد يسبون الحراس أنا شايفه كذا شخص يسوون هالحركات مع ان الله منعم عليهم لا وفوق هذا اذا طالبوهم بالآجار غير الشقق على طول وكذا الحال عشان جذي ما يأجرون لهم خو السيئه تعم والأجانب يضطرون يدفعون لأنهم مالهم سكن غير هذا ومو ديرتهم هم يايين يشتغلون ويكدون على أنفسهم وعوايلهم .

شكرن على طرح الموضوع

 

[توت عنكبوت]

الحمد لله انا ساكنة بملك وما مرت علي نفس هالسوالف

بس بعض الفلل تأجر عقارها كسفارة فيكوووون الايجار غالي جدا ما يقدر الكويتي على دفعه لأنه يكون بالآلاف .

واسم الله عليهم عيالنا الصغار حرجين بزيادة .

ويمكن بعض الناس ذمتهم وسيعه ويماطلووووووون بالايجار

صدقيني ما منعو هالشي الآ انهم ذايقين الويل من الكويتي .....

 

[سياسية]

شوفي اختي

انا مالي خبرة بسوالف الأجار.. بس اللي أعرفه من تجارب اللي حولي من الناس اللي مأجرين.. بلخص لج نقاط :

1. الاجنبي يدفع أجار غالي بدون نقاش في سبيل راحته..في حين الكويتي يساوم صاحب العقار (نزل لي شوي، الشقة اجارها غالي، شدعوة طالب فيها هالكثر..الخ).

2. بعض العوائل الكويتية (بعضهم) مو الكل.. ما يحافظون على عقار صاحب البيت.. يعني اعرف ناس يقولون ان العايلة اللي مستأجرة الشقة في بيتهم قبل لا يمشون مشخبطين على كل الطوف و بلاكات الكهرباء شالعينها من مكانها والإضاءة كلها محترقة ناهيج عن الحمامات عزج الله الحنفيات كلها خربانة.. ما يحطون في بالهم إن راعي البيت محتاج للشقة مستقبلاً لعياله..فيضطر يصبغ و يرمم ويعيد ديكوراته من بعد شاكلة هالعوايل..فيقول صاحب البيت انا شلي بالطلايب؟ أأجر على أجنبي يحافظ على العقار ولا كويتي يخربه لي!

3. مسائل المواقف.. بعض العوايل يحددون للشقق او الادوار في بيوتهم موقفين..و تيي عايلة فيها ام و ابو و اطفال صغار و شباب من 18 سنة و طالع.. يبون اكثر من مواقف راعي البيت نفسه.. ما عنده مكان الا حق موقفين للمؤجرين شنو يسوي بهالحالة؟ اما الأجنبي يلتزم باللي يحددونه له.

4. الكويتي يبي اجار رخيص والدور او الشقة تكون شاملة كل شي، مطبخ مجهز..كهرباء و ماي ..والتصليحات على صاحب العقار سواء للصحية او التكييف! لكن الأجنبي ما عنده مشكلة اجار عالي ويدفع على التصليحات من جيبه (فهالناحية مريحة لصاحب العقار)..

5.الكويتي عنده ازعاج اليهال و صراخهم اذا كانوا مأجرين شقة في بيت..وما تسمعين الا مدابج على السقف فوقج..واحتمال تصير نقاشات حادة يصير فيها صراخ بين الكبار..ما يحترمون الخصوصية او الجيران.. لكن الأجنبي هادي حتى لو عنده عيال ما تسمعين حسهم

6. الكويتي لما يأجر يبي غرفة خادمة وحمامها بروح زيادة على غرف الشقة (مثلا اربع غرف عادية من ضمنها ماستر بدون حسبة غرفة خادمة) يعني من وين يطلع راعي البيت غرفة خادمة؟؟ يطلعها من جيبه؟..لكن الخادمة شي مو اساسي عند الأجنبي..يعني موجودة ولا مو موجودة عادي ما يهم ..

7. المماطلة بالدفع بالنسبة للكويتي.. (يا اخوي اصبر علي، عندي التزامات ، اخر الشهر .. الخ) بس الأجنبي ملتزم بالدفع بالوقت المحدد..

وهذا اللي أتذكره الحين ..

بس حلو موضوعج للنقاش..​

 

[صوت السهارى]

والله الكويتيين اهم اللي عطوا هالفكره عن نفسهم وطبعا مو كلهم بس البعض لكن شتقولين الشين يعم عالزين

يعني بعضهم يتحجج ومايدفع ويقعد يتنحش

ولا البعض اللي عندهم اطفال لامبالاه يعفس ويخرب يعني امخلي عياله هدد

اما الاجنبي الشركه بتدفع وعيالهم ماعندهم شطانة عيالنه

 

[كوارين]

والله مادري


:eh_s(1):

 

[لازوردي]

حبيبتي موضوعج حلو وصج هالسالفه انا مستغربه منها و موحلوه اصلا تطلع عندنا و مادري ياربي هالملاك شنو مخهم او تفكيرهم لما يسووون جذي على الاقل الكويتي سواء التزم بالدفع او ما التزم بالنهايه اهو كويتي و في دولة فيها قوانين و لو شنو مرده بيدفع بيدفع اذا مومن كيفه بالمحكمه يعني المؤجر ماخذ حقه سواء بسرعه او بطلعة الروح عكس الاجنبي يقدر يأخر شهر او يسافر فجأه و بدون ما يعلم صاحب الشقه او البيت و مايدفع المبلغ اللي عليه بالشهر اللي سافر فيه و بعدين اذا مارجع خلاص راحت عليه فلوسه بس المفروض الحكومه تفرض قانون على المؤجرين دام انك بتعرض بيتك او جزء منه للايجار ماتحط شروط منو بيسكن عندك يعني اللي يحط اعلان على بيته انه للاجانب فقط يعطونه مخالفه و هم يفروضون على الاجانب انهم يسكنون في عماره مو بيت او دور منه على الأقل الكويتي اذا اجر بيت او شقه مايقلبه مسخره و تعربد اما الاجانب لا و الله ساعات يأجرون بيت او دور من بيت يكون كل اجارات و يقلبون البيت ديسكو و انا شافيه هالشي و الله مره كنت رايحه عند امي ولا اسمع صوت اغاني و اشوف سيايير وايد يم بيتهم ولا البيت اللي يمهم كله اجارت و مأجرين فيه اجانب و كل خميس هذي حالتهم يقلبون البيت ديسكو و شباب و بنات تسمعين حسهم تالي الليل و المصيبه انه منطقه سكنيه فيها عوايل محافظين و مايرضون بهالمسخره اللي اتصير و هم وايد شفنا بالجرايد مشاكل على الاجانب بخصوص هالسالفه ......​

 

[عهود الحب]

انا اتوقع عشان السفارات عشان التأجير باسعار غالية
بس غريبة للمقيمين فقط
انا توقعت يبون كويتيين اضمن وافضل
مو الكويتي انفع هههههههههههه طلع حجي يعني

اما سالفة المواقف صج صج اوافقكم مشكلة المواقف

 

[ScarletteO'Hara]

الصراحة هذا الموضوع رافع ضغطي, الحمد لله و الشكر تشويه لصورة الكويتيين بصورة مو طبيعية, تعالوا شوفوا محكمة حولي شلون الاجانب لاعبين لعب بالايجار و المؤجرين عسل على قلبهم و هم ما يبون الكويتيين, ترا مو كل الاجانب مقتدرين و يقدرون على الايجار العالي, و ولا كل الكويتيين ملتزمين بالايجار, بس انا الي ما ارضاة ظلم الكويتي, اصابع ايدكم مو سوا, و ترا مثل ما عيال الكويتيين على قولتكم مزعجين, بعد عيال الاجانب مو ملايكة, اكبر حرام الظلم, و الله ياما مطلقات كويتيات تشتتوا و ما لقوا لهم مسكن عشان سالفة الاجانب, الي قاعد يصير مو طبيعي, و الله هذاك اليوم دخلت بمشادة مع احد المراجعين لما قال و بالصوت العالي انا ما ااجر للكويتيين, و انت حضرتك شنو؟ ما سكتت له ما يصير الكويتي مظلوم بديرته, الظاهر لاوم الكويتي ما يخلف عشان المؤجرين يرتاحون

 

[جوري الكويت]

شدعوه عاد كل الفلل بيقلبونها سفارات

بالعكس الكويتيين انظف .. كل بيت فيه خدامه أو ثنتين

يعني الكويتيين يوصخون الطوف !! ما يصير

و الاجانب .. ينيسون الشقه .. بشربهم .. عادي !!

ناس اعرفهم مانوا مأجرين على اجانب و لمن اطلعوا من الشقه

صعدوا ولا يشوفون بطل بالمطبخ

========================

الصراحه حده موضوع يقهر

 

[Om eL-3a9aGeeL]

ناس خربوا على ناس

يعني تلقين اللي يحط للأجانب والمقيمين فقط يمكن مجرب كويتيين وأذوه ولا شايف بمكان ثاني كويتيين وما عجبته تصرفاتهم !

الخير يخص والشر يعم للأسف ..

 

[Spoildish]

في عوايل كويتية يحطون في بالهم انهم قاعدين يدفعون الاجار خلاص المكان مكان ابوهم او باختصار مايحافظون على المكان الي اهما فيه من تكسر و ازعاج اليهال و الحوسه بعض العايلات وليس الكل و انا عمري ما سمعت احد يشتكي من مؤجر اجنبي

 

[جـــواهر]

تدرين انا زوجي لمن كان يدور شقه لنا كذا واحد يقول كويتين مااسكن :eh_s(14):

ليش انشالله ؟؟؟

يقول لان الكويتين مايدفعون الاجار بوقته وعيالهم مزعجين ..!!! :j013:

شدعوه !!!!! يعني الجاهل الكويتي مزعج والغير كويتي ملاك :bbbiu:​

 

[أدووويا]

استفدج من موضوعج