شقة بروحج .. وموظفة وماعندج خدامة .. تعالي شوي

[سوق الجمعة]

السلام عليكم يابنات الديرة ... شاخباركم..

انا كان ودي استفيد من البنات اللي كانوا بشقة ويطبخون خصوصا الموظفة .. اذا كنتي بتسوين غدا .. متى وشلون طريقة تحضيرج :eh_s(10): لانه الصراحة مافي وقت :eh_s(2): .. في بنات كانت عندهم طرق معينة اللي تقول انزل الدجاجة واطلعها من الصبح .. واللي تقول اطبخها بالليل نص طبخة ومايضر بس بدون لا زوجج يدري :eh_s(20): .. واللي تقول اطبخ ومااخلص الا العصر :eh_s(12): .. هذه افشل طريقة بالنسبة لي لاني وحدة اموووووووت اذا ماقيلت :eh_s(16): وحدي الساعة 2 وانا بالفراش ..

طبعا اكثرهم يقولون مانسوي عشا لانه خفايف او مطاعم .. بس انا ذابحني الغدا هذا .. ودي انه مطوع ويصوم ..

أبي كل وحدة تقول تجربتها خصوصا الموظفة لانها الله يعينها تجي مهدودة الحيل ويادوب تلحق تسوي طبيخة ..


ناطرة ردودكم

 

[أسمى حب]

السلام عليكم يابنات الديرة ... شاخباركم..

انا كان ودي استفيد من البنات اللي كانوا بشقة ويطبخون خصوصا الموظفة .. اذا كنتي بتسوين غدا .. متى وشلون طريقة تحضيرج :eh_s(10): لانه الصراحة مافي وقت :eh_s(2): .. في بنات كانت عندهم طرق معينة اللي تقول انزل الدجاجة واطلعها من الصبح .. واللي تقول اطبخها بالليل نص طبخة ومايضر بس بدون لا زوجج يدري :eh_s(20): .. واللي تقول اطبخ ومااخلص الا العصر :eh_s(12): .. هذه افشل طريقة بالنسبة لي لاني وحدة اموووووووت اذا ماقيلت :eh_s(16): وحدي الساعة 2 وانا بالفراش ..

طبعا اكثرهم يقولون مانسوي عشا لانه خفايف او مطاعم .. بس انا ذابحني الغدا هذا .. ودي انه مطوع ويصوم ..
ههههههههههههههه

أبي كل وحدة تقول تجربتها خصوصا الموظفة لانها الله يعينها تجي مهدودة الحيل ويادوب تلحق تسوي طبيخة ..


ناطرة ردودكم

شوفي يالغالية
طريقتي اني اقطع الدجاج او اللحم واحطة بأكياس حسب حاجتي له وقبل انام انزلة تحت والصبح اتبلة او قبل طلعتي للدوام انزله تحت ولما ارد يكون جاهز للتتبيل واستخدم جدر الضغط سريع يخلص معاج الغدا بنص ساعة .

هذا بالنسبة لي وخل نشوف باجي الخوات شنو طريقتهم .

 

[سوق الجمعة]

مشكووووووووووووورة ياقلبي فيض الايمان.. ماقصرتي ياعمري .. طريقتج حلوة بسبغيت اسأل شنو جدر الضغط .. من وين وبجم اخذتيه ؟؟

ماقصرتي يالغالية ..

 

[النور الهادي]

قدر الضغط روعه وماأستغني عنه أبداااااااااااااا

مع أني مو موظفه ولا شي

هذا ياطويلة العمر تحصلينه بسوق الميره وبأماكن ثانيه لكن أنا خذيته من الميره

فيه أحجام وسعره والله ناسيه بس فوق 20 أعتقد

أنصحج فيه بس ديري بالج لازم تعلمين عليه وماتبطلينه إلا لما يخلص الهواء أو الصوت

علشان ماينكب الماي الحار عليج أسم الله عليج ياقلبي

إن شاء الله اكون افدتج

 

[أسمى حب]

ما قصرت اختي النور الهادي كفت ووفت
وتقدرين تحصلينه بعد في السوق الايراني والاسواق الشعبية ومركز سلطان ويجي معاه كتيب وصفات .

 

[أسمى حب]

نسيت تختلف الاسعار حسب الحجم من 4 دنانير الي 30 دينار
افضل تاخذين اللي يجي معاة كتيب وصفات وتعليمات

 

[مواســم]

من رايي تطلبين خدامه

لانه اذا لحقتي سويتي الغدا شلون عالعشا والغسيل والخمام و و و و

انا بصراحه ابيت اهلي نادر ما ادش المطبخ اللهم برمضان وبالعزايم ومرات جذي عرات والغسيل بس هدومي الداخلية والباجي عالخدامة من خمام وغسيل واوتي

ودي اطلب خدامه ومستحيه وخصوصا اني موظفه وارد مهدود حيلي يدوب ارتاح شوي والا العصر صاير .. وشقتي بروحي ومو صغيره 3 غرف وحمامين وصاله واسعه ومطبخ

مادري متردده مع انه راح اطلبها عاجل او آجلاً

 

[النور الهادي]

ما قصرت اختي النور الهادي كفت ووفت
وتقدرين تحصلينه بعد في السوق الايراني والاسواق الشعبية ومركز سلطان ويجي معاه كتيب وصفات .

حاضرين للطيبين ولا يهمج:eh_s(6):

 

[رفرف]

انا كنت ارجع من الدوام واطبخ يمديني عادي لأن ريلي يرد من دوامه العصر ومرات عالمغرب ..
واسوي اشياء سهلة صواني بالفرن وجذي شغلات ماتطول ..

 

[Harmony]

مالج الا الصوانى بالفرن و المكرونات يتسوون ثلاث ارباع سوى و لا سوى كامل و ينحطون بالفرن للتحمير ثانى يوم و العيوش و غيره خليها بالويكاند و العطل

 

[طال السكوت]

اشتركوا انتى وريلج بالدايت سنتر ههههههههه

وافتكوووووا من الطبخ وغسل المواعين

 

[Berlant]

نوعي بالسلطات و سويها من الليل بس التتبيلة على جنب و حطيها بالثلاجه
سهله و سريعه و تبات لثاني يوم عادي
الشوربات هم من الليل او عليج بالجاهز ماي مغلي و انقز
و بالنسبة للاكله الرئيسية مره صواني بالفرن مثلا ذوبي الدجاج من الليل و تبليه و جهزيه و حطيه بالصينية البايركس و قصصي معاه الخضرة من بطاط و طماط و بصل و فلفل رومي اخضر وخلافه وخلطي معاها معجون طماط و ماجي مكعبات و هذي ما تنطبخ بالليل ز مجرد تجهزينها و تخلينها لثاني يوم تحطينها بالفرن و طبعا التتبيله تكون فيها بهاراتج كلها و غطي الصينية بالثلاجة و لما ترجعين بس حطيها بالفرن ساعه و شوي الا وهي ناضية و حتى طاوله الاكل جهزيها من الليل و الصحون اجفيهم و غطيهم
و انصحج باطباق الباشاميل و المعكرونيه الفوتوتشيني العريضه ( خيوط طويله) فوحيها و خلطيها مع كريمه و جبن قلاص و بروكلي مطبوخ شوي على البخار و اذا تبين حطي معاها دجاج شورما امريكانا مطبوخ و محموس مع بصل و نكهيه بالوريغانو او الزعتر البري حطيها بصينية و رشي فوقها جبن مبشور النوع المتوفر عندج و غطيها بالثلاجه و من ثاني يوم بس دخليها الفرن لين يذوب الجبن
و عندج مجبوس التونه سهل سويه مره بنص الاسبوع عشان مايقول ريلج انج ماتسوين عيش , حمسي التونه مه بصل و طمام و فلفل اخضر مقصص شرايح من الليل و بهارات و جبسي عليه العيش و خليه لين يتسكر وحتى هذي تقدرين تسوينها من الليل ( اخصد الحمسه مالت التونه و الخضره ) و من ثاني يوم بس جبسي العيش
و عندج قطع الفيليه الجاهزة و البطاط المقلي
انشالله اكون قدرت افيدج و للامانه ترى انا اسوي جذي مامنه ضرر
بالثلاجه لمده 12 ساعه ما يضره الاكل لان مو مطبوخ
بس حيلج بالسلطات اذا يحبها نوعيله منها من الليل

 

[^^ ريان^^]

بالعكس بنات العيوش اسهل من الصواني

 

[الذوووق]

الصواني توفر الوقت


العيش تقعدين على اعصابج وانتي تطبخينه

 

[طماشه]

الموضووع رووعه

لا يوقف كملواا بناات

 

[الأمل الأبيض]

أنا اقولج طريقة أختي هي موظفه بس زوجها ما يرضي الا بطباخها
الطريقه :
طلعي الدجاج من الليل وغسليه ونظفيه ونقعيه يا بطحين أو روب و قصي بصل او ثوم وحطيه بالثلاجه
الصبح أطبخي الدجاجه نص طبخه وطفي عليه
بس تجين أغلي ماي حار حيل واذا كان عندج قلايه الماي اسرع بعد ونقعي العيش فيه
بعد ربع ساعه راح تلقين العيش مستوي شوي
شخليه وطبخيه وحطيه علي مي الدجاج
10 دقايق ويكون مستوي

>> وبالهناء والشفاء

 

[سوق الجمعة]

مشكوورين وجزاكم الله خير.. ونبي تجارب اكثر بعد.. خصوصا اذا طلب زوجج تطبخين لحم واللحم يبيله وقت.. شتسوين؟

 

[ورد البحرين]

آنا بعد موظفة وعندي خدامة بس آطبخ من الليل حق يوم ثاني أحس أريح لأن عندي ياهل صغير آخليه مع الخدامة وآخاف عليه :eh_s(9):​

 

[**Jumana**]

سوق الجمعة حبيبتي ....... اذا زوجج يبي لحم ترا مو صعبة.. نفس الشي ترا.

طبخي اللحمة سواء بالفوح والا القلي نص طبخة و تالي دخليها الثلاجة شرط تكونين مغطيتها عدل عن الهوا... واذا رديتي من الدوام طلعيها و كملي الفوح و تالي كبي عليها العيش... واذا مستعجلة طبخيها عدل من الليل و بس تكبين عليها العيش عقب كافي ترا.. و الدقوس سوي كمية تكفي ل3 والا 4 ايام و حطيه بالثلاجة ترا هم ما يضره..

 

[**Jumana**]

ونسيت اقول... ممكن تسوين شورما لحم ولا اسهل منها ... قصصي اللحم على شكل عواد طول الاصبع من الليل و نقعيه بالخلطية اللي تبينها وبس تردين من الدوام حمسيها مع شوية دهن بالمقلى.. وخليج مجهزة الطحينة و الخبز و البصل الشرايح من الطماط من الليل... كل واحد بماعون لحاله.. علشان يصير شكلهم جنه طابخة وايد اشياء .... <---- غشاشة هههههههههههه

وسوي يمه بطاط بالفرن والا حمسة خضار... والسلطة و حطي بيبسي و مشروبات تكثر الطاولة .. ترا هي مسألة نفسيه عند الزوج.. كل ما شاف اشياء على الطاوله كل ما حس انه واااااو هذي وايد تعبت بالمطبخ...