شكثر رضعتي البيبي؟ وشنو اللي فعلا يزيد الحليب؟؟

[om MaRyooM]

شلونكم




بنات كل وحده تقول جم اامدة اللي رضعت فيها عيالها
ولش
وصج حسيتي ان مناعة الطفل تقوى كثر ماترضعين؟؟؟

عن نفسي رضعت بنتي تقريبا شهرين للاسف

السبب
توظفت عقب هالشهرين وصارت الرضاعه صعبة
وكنت اخذ حبوب ياسمين فنشف شوي الحليب


وشغلة ثانية

شنو اللي جربتيه وصج زاد كمية الحليب
لاتقوليييين سمعت،،، ابي من واقع تجربة

انا جربت عالريج التمر وشوي تحسن الوضع




يلاااا شاركو
نبي نستفيد

 

[بربيره]

بنتي رضعتها اقل من شهرين شهر و نص و تحسفت حرام بس كنت اداوم و اروح الجامعه و الحليب يقل الرضاعه متعبه بصراحه و اجهاد خاصة لما يقعد البيبي بليل عشان جذي خذيت شفاطة حليب تشفط الحليب بروحها بدون ما تعصرين نفسج و تشتغل عالشحن روووعه بس غاليه بميتين  يارب اذا ولدت اقدر ارضع بضمير شعور حلو وانا شخصيا كنت اشرب حليب و يطلع من صدري حليب ولما ما اشرب يقل حيل *

 

[نور الدنيا 88]

للرفع
فيديونا بنات
انا برصع و ناوية اخذ حبوب يصير و الا لا ؟

 

[أمل المنصوري]

اكثر مدة رضعت فيها كانت 3 شهور نص لاني كنت اروح الجامعة
والرش صج صج يدر الحليب
شوربة العدس ما شاء الله ما تلحقين على الحليب

 

[عضـــــوه]

عن نفسي اكثر مدة رضعت فيها 6 شهور

وحيل وحيل يفرق والله العظيم

اول شي مناعه طبيعيه لي لانه الرضاعه رفعتلي الدوره وما اخذ مانع

وثاني شي الطفل تحسيت بصحته وعافيته

وقبل لا يتم السنه الا مرتاحه من سالفة الاسنان وتطلع ورا بعض ويمشي بسرعه وتحسين بقوة عظامه ومناعته من الامراض وحساسية الصدر والربو بالذات واذا تسبح وحاشه السنترال مو كل شوي منشول ولا مصخن ولا بلاعيم وكمام وعفسه

وشلون حسيت بالفرق لاني بولدي اللاخير ما رضعته بس شهرين مو نفس اخوانه وحسيت بالفرق حيييييييييييييييييييل

وعرفت شغله ان من وجبات الام رضاعة الطفل ومن حقوقه لانه تفيده حيل من الصغر الي الكبر وتفيدج انتي وماتخلي الحليب يتجمد بصدرج ويتحول لأشياء مو زينه

والي حسيت انه تزيد الحليب الاكل الصح وتجنب البيبسي وهالمشروبات الي مانها غير المضره وحييييييل التمر والكازووووووو والفواكه تزيده عن تجربه



وسوري على الاطاله بس حبيت افيدكم بتجربتي وانصحكم 

 

[حرمه المصون]

انا رضعت ولدي شهرين والرهش مو طبيعي والحليب

 

[f6oma 1991]

انا بجر و الصراحه ابي ارضع فتره طويله بس احاتي دوام الجامعه امي تقول الرهش و السمسميه و البقل امي كانت تاكلهم تقول الحليب من كثر نا اهوا وايد يبقع علي ملابسها و ما تلحق ما شالله

 

[dana1986]

انا مارضعت ولدي وكل يوم مستشفى من حليب الصناعي
والله نصيحه رضعيه انا مشكلتي ماعندي حلمه كبيرة " اسفه" هي هي هي
جنها بنكه مايقدر يمسكها ويستعسر ويبجي لي من نشف حليبي وماقدرت اشفطه

اكلي سمسميه مع حليب كل يوم
وخضروات " بقل" مفيد

 

[كتالونيه]

بصراحه انا رضعته اربع اشهر
لاني خفت من الاكياس الصدر
بنت عمي رضعت ولدها شهرين
والحليب ضل بصدرها وصار عندها
خمس اكياس
بعد سنه بينت الاكياس
وانصحج انج تاكلين اهم شي بالنفاس
اي شي تكثرين منه يزيد الحليب

 

[الهيــام]

موضوع وايد مفيد واستفدت منه
لاني مارضعت الا في النفاس ونشف الحليب
كان فيني اكتئاب حاد ما آكل ولا اشرب بس اصيح وقمته بقلبي
لكن ناويه باذن الله للبيبي الثاني ارضعه واعطيه حقه
والله يكون بالعون

 

[om MaRyooM]

الله يعطيكم العافية



خوش معلومات
ونبي تجارب بعد

 

[ورد وردي]

للأسف مارضعت لاني ماعرف وماعندي حلمة ومافيني حليب والرضاعة تعور ........ يارب اذا الله رزقني بعد ينعم علي بنعمة الرضاعة لان والله ودددددددددييييييييييي........... ولان كنت استخدم الشفاطة بعدين عرفت انها تنشف الحليب زيادة

 

[om MaRyooM]

الشفاطة تنشف؟؟؟؟؟؟؟!!!!!!!




ومشكورة

 

[(أم نونو)]

انا كنت اتمنى ارضع بنتي بس بنتي ماتبي صدري بالمره حاول بكل الطرق بس ما كانت تبي بالمره ( عووووووبه)

وان شالله هالمره مارح اعطيه صناعي بالمره برضع من صدري على طول

 

[yasmeen_q8]

انا للحين حامل فبجري مادري شالوضع قلت ادش استفيد وان شاء الله البنات يفيدونا ويعطونا طرق تدر الحليب
انا قبل لا احمل ما
كان عندي حلمه بس الحين طلعتلي صغيروونه قبل كان عبالي لاني عنونه توني مكمله ٢٠ بس ماشالله في بنات صغار وعندهم والدكتور قالي اعطيج شي يطلعلج بس انا طنشت والحين طلعتلي حلمه عنونه مادري تنفع ولا لا

 

[AVE.NJ]

انه الحمدالله رضعت ولدي لمدة 8شهور
كان ولدي وايد متعلق بصدري حتى الماي مايبي متعه الله يرزق الكل
انه عندي اللي يدر الحليب تمر مع هرده وسوائل سوائل سوائل اصلا اذا رضعتو راح تحسون كله عطشانين وبحروره

 

[خشه تهبل]

بنات انا ودي ارضع بس استحي فاخليه لما ينشف الحليب صعبه قدام الناس

 

[coralia]

اب اب

 

[om MaRyooM]

مشكوريييين



* خشة تهبل*


انصدمت اهتي بصراحه من ردج
وليش حسبالج احنا نرضع جدام الناس!!!!
وحرام تحرمين الطفل هالفايده عشان سبب غير موجود اصلا


انا كنت ادش الغرفه واقفل الباب بعد
واذا عندنا ظيوف اكون شلفطة من قبل للبيبي

 

[كويتيه سمره]

انا توني حامل في بجري ان شالله البنات يفيدونج