شلون أشتري بيت ؟؟ واللي يعافيكم شاركواا ؟؟

[@ الرسامة @]

رد : شلون أشتري بيت ؟؟ واللي يعافيكم شاركواا ؟؟

الله يسلمج فلونة وادعيلي 00000000000

 

[**فلونه**]

رد : شلون أشتري بيت ؟؟ واللي يعافيكم شاركواا ؟؟

يارب تحقق احلام الرسامه وتشتري بيت احلامها و توفق الجميع ........قولوا امين


الرسامه ليش ماتشترين البيت و حتى لو طلع قسط البيت اشوي زايد عن اللي بالج تأجرين نص البيت و تسكنين بالنص و جذي راح تسكرين القرض بسرعه ...........خالتي مأجره ملحق فبيتها و الدور الثاني كله والحمد لله أمورهم ماشيه .........ويالله انشاء الله تبشرينا بعد فتره بالبيت

 

[@ الرسامة @]

رد : شلون أشتري بيت ؟؟ واللي يعافيكم شاركواا ؟؟

اي بس انا خايفة انه ما يتاجر واتوهق او حتى لو تاجر اخاف ان المؤجر ينجلني وما يدفع

وبجذيه اخسر

 

[**فلونه**]

رد : شلون أشتري بيت ؟؟ واللي يعافيكم شاركواا ؟؟

لا انشاء الله تفائلوا بالخير تجدوه ..........والله يسلمج الناس طق مطاقق على اجارات القرين مو حاصلهم .........وانا اولهم صارلي اشهر حاطه اعلان محد دق علينا و ليش ينجلونج اغلب المؤجرين يدفعون ماشوف احد أجر بيته وخسر بالعكس ..........واللي اسوي فيج هل حركه اكيد بتكون نادره وفي شي اسمه قانون ..........واذا بتضمنين اخذي اجاراتج مقدم 6 شهور في وايد ناس جذي

 

[@ الرسامة @]

رد : شلون أشتري بيت ؟؟ واللي يعافيكم شاركواا ؟؟

من صجج يا فلونة اي قانون اتحجين عنه ؟؟؟؟



اصلا اذا ما دفع المؤجر ماراح اتسويله المحاكم اي شي لان العقد غير قانوني اصلا ما اقدر اشتكي عليه !!!!



ثاني شغلة منو يقدر يدفع اجار 6 اشهر مقدم ؟؟؟؟؟؟؟؟؟؟؟؟؟

 

[طير الحب]

رد : شلون أشتري بيت ؟؟ واللي يعافيكم شاركواا ؟؟

هذه حالنا كلنا قاعدين نيمع بس ما فى فايده من وين نيمع 200 الف الا بالبوق \\

ابى بيت لى ودى ودى ...............................................

 

[مطفوقه^ملقوفه]

رد : شلون أشتري بيت ؟؟ واللي يعافيكم شاركواا ؟؟

تصدقون أول أمس أمي وأبوي قاعدين يسولفون عن هالسالفه
بيتنا أحنا 750 بس مو زاويه وبمنطقه زينه وغاليه وأذا نبي ناخذ بيت ثاني نبي بنفس المنطقه
أذا بينباع بأيي 320 ألى350 بس أذا بغينا ناخذ بيت غيره أكيد تقريبا بنفس السعر ويمكن أصغر
رفيج أبوي فارز بيته قسيمتين بايع وحده 260 لأنها على زاويه وأهي 375 والثانيه 200 @!@
أبي أي شئ لهالدرجه يعني أذا بنقط هالسعر على القسيمه ونص مساحة بيتنا بجم بنبني؟؟؟
أنا بنت خالي كبيره طبعا بالأربعينات خذت قرض مع ريلها وشرو بيت وأجروه كله ب800 دورين وأهو حلو وايد جنه مساحته 500 دورين وسرداب
وقعدت عند خالتها لين سد الأجار سعر القرض حوالي عشر سنين ولما طلعوا المِجرين نظفو البيت وسنعوه شويه وسكنوا فيه
بس أهم أساسا كان عندهم مبلغ وزادوا عليه القرض
أنشالله تنزل البيوت عيل أنا بوقتي شبيصير البيت مليون؟؟؟
عيل بيوت الضاحيه والمسيله بجم الحيل ؟؟؟
والله نار الدنيا كل شئ غالي
أنزين غليتوا الأسعار زيدوا المعاشات مخلينا جذي نكسر الخاطر خخخخخخخخخ>>>> اللي يسمعها يقول تعاني من قلة معاشها خخخخخخ

 

[@ الرسامة @]

رد : شلون أشتري بيت ؟؟ واللي يعافيكم شاركواا ؟؟

مطفوقة من صجج ؟؟؟


تبين اقعد عند خالتي عشر اسنين ؟؟؟؟؟؟؟



مستحييييييييييييييييييييييييييييل



لاء انشالله

 

[jolie_q8]

رد : شلون أشتري بيت ؟؟ واللي يعافيكم شاركواا ؟؟


@ الرسامة @
عندي بشاره لج

راح يرفعون فوائد البنوك..وانشالله راح تنزل اسعار البيوت..بس ترى مو وايد غالبا تثبت
فإذا فعلا مقرره تشترين بيت نطري هالسنتين
وانشالله بيفرجها

بصراحه انا شريت بيت..مساحته 375
بس مو مقتنعه بالمنطقه...(الرميثيه)بـ185 الف
خاصه انه احنا ساكنين بالديره..يعني هالمناطق ما تنفع لنا..بس على قولتكم الاسعار شابه ضو..امس قريت ارض بالزهراء ب 160 الف ياكافي !!!!!!!!!
بس زوجي يقول خل ناخذ بيت الحين وإلا عمرنا ما نقدر ناخذ
واجرناه ب 750
بصراحه اييب اكثر ..بس استعيلنا علشان يسدد القرض
الله كريم

 

[@ الرسامة @]

رد : شلون أشتري بيت ؟؟ واللي يعافيكم شاركواا ؟؟

اي بس حراااااااااااام

المساحة مو وايد كبيرة على هالسعر ؟؟؟؟؟


بس تعالي قولي لنا اشلون شريتي هالبيت اشلون ؟؟؟؟



هل اهو قرض ويمعتو ؟؟؟؟



والا تسلفتو ؟؟؟؟ والا شنو ؟؟؟؟

 

[jolie_q8]

رد : شلون أشتري بيت ؟؟ واللي يعافيكم شاركواا ؟؟

طبعا قرض
والله حتى انا اشوف السعر غالي
بس شقولج
رحنا اليرموك وقرطبه والمناطق اللي ودج فيها..كلها فوق 200 ألف
والديره..الشاميه-والعديليه والخالديه..مالنا امل..لأن بيت هدام ب200 ألف
وإلا بالشاميه بيت حكومه مهدود حيله 290 متر بـ 160 ألف ؟
حتى اجار ما يتأجر
إذا تبين الصج انا موراضيه عن البيت..بس زوجي مقتنع.. والاجار يسدد القرض
خاصه انه بيت يديد..توهم مشطبينه..وزاويه... جنه اييب اجار اكثر؟
بيني وبينج انا مو حابه ذيج المنطقه..مو ربعنا كلش

 

[أم ضارى]

رد : شلون أشتري بيت ؟؟ واللي يعافيكم شاركواا ؟؟

جولى واللى يعافيج اذا تعطينا تفاصيل اكثر يعنى اشكثر اخذتوا قرض وشكثر يمعتوا فلوس حق المقدم علشان نفهم اكثر ........ لان احنا كلنا بهالهوا سوا ... وشكثر قرضكم وشكثر خذوا عليكم فايده؟؟

 

[@ الرسامة @]

رد : شلون أشتري بيت ؟؟ واللي يعافيكم شاركواا ؟؟

اي والله انا مو فاهمة الطريقة بعد



بلييييييييييييييييز





نبيج اتفهمينا خطوة خطوة





ترانا علييييمية





حتى البنك اللي خذيتو منه القرض نبي اسمه

 

[jolie_q8]

رد : شلون أشتري بيت ؟؟ واللي يعافيكم شاركواا ؟؟

خذينا 70 الف مالت التسليف
واحنا عندنا 30 الف
واخذ من البنك الباجي
وقسط البنك 700 دينار
اتأكد من زوجي
وارد لكم خبر

 

[@ الرسامة @]

رد : شلون أشتري بيت ؟؟ واللي يعافيكم شاركواا ؟؟

واحنا بانتظارج



بس سؤال شخصي اشوي



شلون يمعتو 30 الف ؟؟

 

[DooNy]

رد : شلون أشتري بيت ؟؟ واللي يعافيكم شاركواا ؟؟

تدرون بنات شكلنا ما لنا إلا نشتري شقق تمليك بالجابرية ولا السالمية بقرض التسليف
والقسط 100 دينار
ولا حول لنا ولا قوة

 

[@ الرسامة @]

رد : شلون أشتري بيت ؟؟ واللي يعافيكم شاركواا ؟؟

من صجج ؟؟؟؟

لا ان شالله



حلمي بيت اروح واشتري شقة


حرام عليج

 

[DooNy]

رد : شلون أشتري بيت ؟؟ واللي يعافيكم شاركواا ؟؟

من صجج ؟؟؟؟

لا ان شالله



حلمي بيت اروح واشتري شقة


حرام عليج

شنسوي بعد هذي الكويت صل على النبي

 

[أم ضارى]

رد : شلون أشتري بيت ؟؟ واللي يعافيكم شاركواا ؟؟

بنات انا عندى سؤال بالنسبه لقرض الاسكان السبعين الف اشلون يعطونج اياه

يعنى ............

هل يعطونج السبعين الف كلها وانتى تتصرفين فيها والا انتى بمعرفتج تشترين الارض بعدين اهمه يعطونج البنيان والا اهمه يعطونج اياها حق البنيان؟؟؟؟؟

انا سمعت انهم مايعطونج اياها حق الارض المفروض انتى تشترين الارض واهمه يعطونج السبعين الف حق البنيان بسسسسس ويعطونج اياها بالاقساط على حسب الشغل .. صج هالحجى ؟؟؟؟

بليز بنات اللى تعرف اتجاوب ..طبعا انا قاعده اسأل عن الارض وقرض مو بيت جاهز بشتريه

 

[ضحى الكويت]

رد : شلون أشتري بيت ؟؟ واللي يعافيكم شاركواا ؟؟

السلام عليكم ورحمه الله وبركاته
انا مريت بالتجربه هذى والحمد الله ماشى حالى شريت بيت 600 متر بس قديم بطن وظهر بمنطقه عاديه بس هذا الحجى من خمس سنوات شريته 107 الف ومثل ما قتلكم قديم بس الحمد الله خذيته وسنعته وحطيت عليه افلوس اشويه وصار يهبل ماشى حاله واجرت فيه الدور الثانى وانا ساكنه الدور الارضى وملاحق 3 عندى يعنى الاجار عندى زين وكله من بركات الله على الان انا توكلت على الله سبحانه وكنت اصغيره يوم اخذه بدون تفكير ولا حسبه بس كان كل تفكيرى انه بصير لى بيت وكنت افكر لازم اخذلى بيت مادام اعيالى اصغار وقروض على ما يكبرون وتفتح اعيونهم على الدنيا الا انا ماعندى قروض وقادره على مصاريفهم وطلباتهم وهذى اهيا تجربتى
اذا فى اى سؤال انا حاظره ومن اعيونى اثنتين اجاوبكم .
وعسى ربى يوفقكم اجمعين ويطعمكم من نعيمه اللهم آمين .