شلون اتصرف مع ولدي والله تعبت بنات منو عنده حل

[بنت عز وما تنهز]

,,
,,
ترا توه صغير 13
لا تحبطون فيه ترا بهالعمر كل شي ياثر فيه
وعسي الله يصلحه ويبلغج فيه
ولاتنسين تدعيله
,,
,,

 

[دمعه ندم]

حبيبتي عمره 13 يعني كبير ويفهم انتي ليش ماتقعدين معاه وتكلمينه بهداوه بعدين انتي اتقولين اتروفه منكم انتو اللي دلعتوه حبيبتي الولد مايتدلع وبعدين شوفي شنو الشغله اللي يحبها ومنعيه منها لين يتعلم وقولي للخدامه ماتسمع كلامه اذا يبي شي اهو يقوم يسويه والا يقعد عوديه عالمسؤليه لو بشغلات لصغيره

 

[الحورية الصغيرة]

أول شي شيلي عنه البي أس بي و البلاي ستيشن

منعي المطاعم

قولي حق الخدم لا يسوون له هالسوالف ناجيتس و شبس


و قولي له كل ما تسوي شي زين راح أردلك شي

و كلمي الأخصائي النفسي في مدرسته يساعدج

جبروه يتحمل مسؤولية خفيفة بالبيت

مثلا اهوا ينظف غرفته

جبريه كل يوم انتي و اهوا او اهوا خواته المهم يروحون الممشى

كلش كلش اذا مانفع وديه أخصائي سبشل للمراهقين

 

[%ورد طايفي%]

اسمحيلي اختي محد خرب الولد الا انتي وابوه وفرتوله كل شي يجيب الرباده والكسل والحين تبين تغرينه؟؟
حاولي والله يعينج ولازم ابوه ياخذه معاه وصدقيني عن تجربه هذي مساوء المدارس الاجنبيه تعلم عيالنا الخراب ولوتنقلينه مدرسه حكومه احسن عشان يطلع قلبه

 

[نبض انثى]

الله يهدييه يآآآآآآآآآآآرب

 

[ايمان 24]

الله يهديه ويصلحه ,,

 

[روز!!!]

رد : شلون اتصرف مع ولدي والله تعبت بنات منو عنده حل

انا مع الاخت ( مي ) بكل كلمه قالتها :rerrerek:.................. الله يصلحه

 

[منورة الكويتية]

رد : شلون اتصرف مع ولدي والله تعبت بنات منو عنده حل

تبين الصج الي يسمعج شلون تتكلمين عنه
بعذره الولد لو سوا جذي
حيل حيل مكسرين فيه انتي والابو والخوات
تترى وايد صغير خاصه بهالزمن يعتبر صغير انج تحملينه هالمسؤوليه وتطلبين منه يصير بيرفكت وماكو منه
وانتي بنفس الوقت تكسرين فيه وخواته يكسرون فيه والابو مفتشل منه
اذا اهو مايعرف انتو علموه وسنعوه
البنات خلاص كبرو
الحين حطو حيلكم بالولد واهتمو فيه
وخلو الدلع الزايد
دخليه دورات ونشاطات دينيه
مو عن طريق الغصب لاا خليه يروح بطريقه يحب فيها الروحه كترفيه مو واجب
والابو لازم يتحمل جزءة من المسوؤليه وياخذه ويوديه وياه
ويعلمه الصح من الغلط
مسكوه من الحين لي كبر ماراح تقدرون تغيرون شيئ

 

[هنـــــد]

رد : شلون اتصرف مع ولدي والله تعبت بنات منو عنده حل




حبيبتي الدلع الزايد يخرب : الولد !
هذا شي كلنا نعرفه وأكيد في بيت أهلج تشوفين أبوج وأمج شلون يعاملون اخوانج ،
وأما الاكل الزايد هذي مشكلتنا كلنا ، صاروا الجهال مجابلين اعلانات المطاعم
وكل ما انزلت وجبه جديده ركضضض عليها واطلبوها .. الين أشكالهم وشخصياتهم تغيرت ..
مو زين عليه يالغاليه انتي أمه تصرفي معاه .. قربيه من أبوه .. افتحي مواضيع بينه وبين أبوه
خليهم يسولفون مع بعض / قولي لأبوه ياخذه معاه يتمشون أو يزورون قرايبهم مع بعض
حاولي وتقربي لربج وادعي لولدج ترى دعاء الام مستجاب ..،
وربي يعينج يا غلا

 

[شمس الشموسة]

الولد مايربيه الا ابوه

وهالشي معروف

طبعا شيلي عنه امتيازاته. بي اس بي وغيره

وخل ابوه ياخذ دوره الحقيقي لان الأبو اهو اللي يصنع ريال مثله مب الام

قولي له هالكلام قولي حق ريلج ترى الابو اهو الي يربي الولد.. شنو يتفشل منه؟ خل يتفشل مرده بيتسنع

 

[نور78]

انا بعرف ليش الريااايل يشيلون مسؤليتهم بتربيه العيال والضغط علي الام تري تربيه الصبيان من اختصاص الابو مو الام وانتي عليج اول شي انج تدعيله والصبر ولاتتنرفزين جدامه شيلي كل شي من الالعاب وحاولي تشوفين اكله منعي عنه الدهون وانصحج انج ادخلينه عند محمد ثويني صج ماشاللله يعدل الولد ويصير رياااال ومالج شغل باحد من الناس هذا ابتلاء من ربج وصبري وان شالله بيطلع ولد صالح بس لازم تتعبين معاه اشوي وكلمي ابوه بالهداوه وقوليله ان يساعدج بالتربيه وعسي ربي يعينك ويوفقج ان شالله

 

[nezgha.85]

مثل ما قالو البنات انتو مدللينه واييييد وبنت ولا ولد مو كل شي يبونه ياخذونه جذي ما راح يهمهم شي وما يهمه إذا حرمتيه من اللعبه او اي شي بس إن شاء الله بالتفاهم معاه والدعاء لرب العالمين والاستغفار راح يتغير واعتقد انج لو نقلتيه مدرسة حكومه احسن من الخاص الحكومه الصبيان ما عندهم مياعه وتحسينهم رياييل من صغرتهم والله سمعي سوالف صبيان الابتدائي يمكن إذا شاف الصبيان جذي يتغير وعسى اللــــه يهــــــــــــديه ويصلحه ويسخره لطاعته وثم يسخره لج

 

[kookiz]

حبيبتي لييش كل هالدلع ليش مخليته مترف بحياته اكيد ما بيهمه شي مالج شغل فيه يتبجبج اللحين احسن من لا يتبجبج باجر عوديه اكل ماكو الا اللي انا اعطيك ياه وروحي اخصائي تغذية مو شرط تودينه روحي حق طالب الشمري وقوليله عن اكل ولدج وقولي حق ولدج غصب طيب بتمشي على الاكل اللي انا احطلك ياه بس ماتاكل شي حرميه شوي وجابليه يعني لا تكون حياته تلفزون وستلايت لا بالعكس شوي شوي طلعي هالاشياء من داره خليه يكون جدام عينج لا تستخدمين الطق كلش لان مرح يصير غير انه بيعاندج

 

[اميره1980]

لازم زوجج يتحمل جزء من المسئولية وياج
لازم ياخذه معاه الدواوين اللي يروحلها و يختلط بالرياييل
لبسيه دشاديش و عن الجنزات و الخرابيط الثانية
شركيه بنادي لازم تكون عنده هواية بدنية أيا كانت شوفي ميوله مثلا كرة قدم اوطائرة او سلة او سباحة
كل يوم روحو للممشى ولدج و زوجج و انتي هم رياضة لكم كلكم و هم علشان تسولفون مع بعض
شيلي عنه الالعاب و اللابتوب مو بس علشان حالته بعد علشان دراسته كل الامهات يسوون جذي
اكبر غلط ان اي شي يبيه تلبونه حقه بعدين ما راح تقدرون تتحكمون بتصرفاته و رغباته
اعتمدي عليه بشغلات حتى لو صغيرة مثلا طرشيه كل يوم مكان مثلا للجمعية او السوق خليحس ان كبير و قد المسئوليه

 

[حبـ admant ـك]

رد : شلون اتصرف مع ولدي والله تعبت بنات منو عنده حل

الله يهديه ويصلح حاله
ان شاءالله فتره وتعدي
والبنات ماقصرو

 

[اشتقت للكويت]

والله بصراحه حزنت على الولد
مو مصدقه ان فيه ام تتكلم عن ولدها بالطريقه هذي
ولدج عنده مشكله وتوه يعتبر طفل 13 سنه صغير
حرام والله لازم تروحون طبيب نفسي مو بس الولد انتي والاب معاه
لان المشكله مو بس فيه هو ... الله يعينكم

 

[لعيونك اصير مجنونك]

رد : شلون اتصرف مع ولدي والله تعبت بنات منو عنده حل

مثل ما قالوا البناات
طلعيه من مدرسة ودخليييه حكووومه خلي يختلط مع النااس

وخلي يدخل مجالس الرياجيل
والله اغلب عيالنا ما يقعلون ويعرفون يتكلمون الا من الدواويين
وطلعيه من عزلة خليه يقعد معااكم امنعييه من التلفزون والبلاستيشن <<تري والله هذا اللي يعدم شخصييييييته
جنااحه ما يدخله الا لنووم او الدرااسه وبس
شيلي كل الاجهز من جنااحه

انتي وابوو اللي هدمتوا شخصيته عاازلييينه عنكم

بعد جم شهر بتبتدي طلعاات البر اغصبيييه على الطلعاات
وخليه يقعد مع الرياجييييييييل غصب عنه

 

[ولهااااانه]

دكتور محمد الثويني يودي الطلبه قروب رحلات السنه اللي فاتت موديهم دبي ,سجليه معاهم وترى ولدج في أمل لاتيئسين وقولي ألف الحمد لله انه ماعنده ربع وسكه عليج بالدعاء والله يصلحه ويبلغج فيه.

v
v
v
معاهـــا

 

[miss-chocolate]

وااااااااااااي

الله يعينج

انا خالتي ولدها نفس حالت ولدج تقريبا

عمره 17 سنه ومتين امتن من شعبان يخرع

وحاولت فيه برجيم ومشي ماكو فايده

يقول يبي يسوي عمليه احسن واسرع

الله يعينج ويصبر قلبج ويخليلج بناتج ويحفظهم

ويهدي ولدج وزوجك اللي بس يتحلطم

 

[روعة الأمومة]

رد : شلون اتصرف مع ولدي والله تعبت بنات منو عنده حل

الغلطة غلطة ابوج - لا تحملين نفسج فوق طاقتها

المفروض ابوه يطلعه معاه دواوين ، نادي ، مسيد - و المفروض ابوه يسنعه و يمشيه عالصراط المستقيم بدال لا يناجرج كل يوم عالفاضي.

حاولو بالفترة الياية ما تاخذوله و لا شي يديد