شلون اسوي هذا الدياي والحلو؟؟؟؟؟

[شريت ديني ونفسي]

صباح الخير ومساء الخير على كل اللي في المنتدى
خواتي ابي مساعدتكم,,,, اختي لما كانت نفاس جارتنا يابتلها ديايه محشية وكانت داخل شوربة ثقيله أبي أعرف شلون أسويها لأنها كانت عجيبة :rerrerek::rerrerek: وخاااااااااااطري فيها ومستحية أسألها.

السؤال الثاني في حلو منجا أعرف مكوناته بس مو عارفة المقادير والطريقة اللي تعرفه تفيدني جزاها الله خير
مقادير الحلو,,, ( كيس منجا مثلجة - 2علبة جلي مشمش - حليب)
السؤال شكثر الحليب؟؟ والجلي اذوبة في ماي ولا لأ واذا اذوبة شكثر أحط ماي؟؟؟؟؟
مشكورين مقدما على المساعده

 

[شريت ديني ونفسي]

شدعوه 20 مشاهدة ولا رد!!!!!!؟؟؟؟؟؟؟

 

[Mjnont '3lay]

ابب

 

[جمر العيون]

ما اعرف ،،،
سبحان الله وبحمده سبحان الله العظيم

 

[دولنغا]

شريت ديني ونفسي اول ما قريت ديايه محشيه وفيها شوربه استغربت !!! شلون ديايه فيها شوربه :eh_s(10): قلت اخاف البنت قصدها الصوص مال الحشوه

قلت يمكن فيه ديايه محشيه وفيها شوربه قمت ودورت بقوقل وطلع لي أبشرج هيييييييييي وناسه :eh_s(9):

(( دجاج محشي بشوربة ماجي )) <=== من منتديات ططو :krkrkr: مطبخ شلة العراق ترى ططو مني انا

وبالنسبه للحلو والله انا شايفه ناس تسوي بالفراوله مثل ما تقولين يطلع جيلي كريمي

اعتقد انج لازم تسوين جيلي المشمش مثل ماهو بس تقللين الماي لانه لا تنسين المنجا المثلجه فيها سائل والحليب سائل

وعادة علبة الجيلي يضاف كلاص ماي حار وكلاص ماي بارد وحق علبتين 2 كلاص ماي حار و2 كلاص ماي بارد انتي جربي تضيفين 2 كلاص ماي حار وكلاص منجا ونص كلاص ماي بارد ونص كلاص حليب

يارب اكون ساعدتج

 

[أحلى همبه كويتية]

بالنسبة للدياية او مرة اسمع ان داخلها شوربة ؟؟؟



حلو المانجا بالحليب
انا اسويه بالنظر



الطبقة الثالثة :

3/4 (ثلاثة ارباع ) كيس مانجا مثلج قطعيه الى مكعبات عشان يسهل خلطه بالخلاط
3 علب جلي مانجا حجمها كبير شوي ( انا أستخدم ماركة دريم المصري واااااايد حلو )
3 ملاعق سكر ( ممكن تزيدينه حسب رغبتك )
كوب ونص ماء حار ( عشان تذوبين فيه الجلي )
3/4 (ثلاثة ارباع ) كوب حليب سائل

كللللهم بالخلاط


وصبي في بايركس وزينيه بقطع مانجا او فواكه مشكلة حسب رغبتك
وبالثلاجة لما يمسك


وبالعافية



















وهذا مع الكيك

http://www.q8yat.com/t634859.html

 

[أحلى همبه كويتية]

هذا طبق مشابه له
بس مكونته غير شوي


http://www.q8yat.com/t910644.html

 

[أحلى همبه كويتية]

حلو المانجا

للعضوه: بوب كورن

هذا الرابط

http://q8yat.net/showthread.php?t=100281

 

[ام الدرر]

حبوبة قصدج الدياية محشية
ومحطوطة بشوربه
اذا جذيه
حشي الدياية باللي تبين عيش نص مستوي مع خضار مثلجة جزر وبزاليا
او حشوة بصل مع مكعبات بطاط ومشروم
الحشوة كثري فيها البهارات وخاصة الفلفل الاسود
وخيطي الدياية واربطي الافخاذ مع بعض عشان ما تتشقق مع الطبخ
واطبخيها مثل ما تطبخينها للمجبوس
ارفعي الدياية بعد ما تستوي
واشخلي ماي السلق من البهارات وغيره
وعقب تقدرين تثقلين الشوربة
تاخذين شوي من ماي السلق وتضيفين عليه طحين (قفشتين كبار )
وتخلطينه وعقب تضيفينه للجدروتخلينه لما يوصل للقوام اللي تبين
ممكن يحتاج طجين طبعا حسب كمية ماي السلق
وعقب ردي الدياية فيه وقدميه مع بعض ​

 

[شريت ديني ونفسي]

دولنغادولنغادولنغا
أحلى همبة كويتية
ام الدرر
مشكورين وما قصرتو حبيباتي
أنا بعد أول مره أشوف دياية محشية داخل الشوربة بس اعجبتني وطعمها كان حلو علشان جذي حبيت أعرف الطريقة ومستحية أسال جارتنا قلت أسال خواتي في المنتدى

 

[أحلى همبه كويتية]

دولنغادولنغادولنغا
أحلى همبة كويتية
ام الدرر
مشكورين وما قصرتو حبيباتي
أنا بعد أول مره أشوف دياية محشية داخل الشوربة بس اعجبتني وطعمها كان حلو علشان جذي حبيت أعرف الطريقة ومستحية أسال جارتنا قلت أسال خواتي في المنتدى

لا شكر على واجب
اهم شي طلعت الوصفة اللي حطيناها هي اللي تبينها


ام الدرر
حبيبتي ما قصرت
عرفت هالشوربة امي تسويها لي بالنفاس بس ما أحبها
وصج ريحتها حلوة ولذيذة للغير مو لي:eh_s(1):

 

[جارة القمر]

مشكوووورين

 

[تبيني آرضى عليك]

آآآآآآب