شلون دريتي انج حامل ومنو اللي بشر ومنو اول شخص عرف انتي ولا زوجج

[لازوردي]

السلام عليكم شلونكم يابنات .........

اليوم يايبه لكم خوش موضوع شلون عرفتوا انكم حوامل شنو طريقة الأختبار اللي سويتوها علشان تعرفون وبعد جم يوم من تأخرة الدورة عليج دريتي او قالوا لج ومنو اللي شاف النتيجه اول شي انتي ولا زوجج

 

[لازوردي]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

بالنسبه لي انا عرفت اني حامل بعد ما تأخرت علي الدوره 5 ايام وطريقة الأختبار اهي فحص الدم والنتيجه قالها لي زوجي الله لايخليني منه

وانشالله ياربي تثبت لي حملي وحمل البنات وترزقنا بالذريه الصالحه ويكونون بخير صحه بأذنك ياربي امين

وانشالله ياربي ترزق كل محرومه بالذريه الصالحه

 

[أوشال]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

أهلين لازوردي
أنا تأخرت الدورة أكثر من 20 يوم
وهذا لأني أجهضت وقالوو اللي تجهض
الدورة تتأخر عندها
وما تدرين شنو كنا منتظرين هالحمل وخابت أمالنا
المهم بعد العشرين يوم+أيام النزيف صار أكثر من 40 يوم
رحت المستوصف بنزل الدورة قالت الدكتورة مايصير
لازم نسووي أختبار حمل وكان نوعه "البول" وأنتو بكرامة
وبعد ساعتين قلت لزوجي أنزل بروحك يب النتيجة
ونزل ياب النتيجة ويوم رد كان متكدر
قال النتيجة أيجابي ضعيف ؟؟؟
يعني نفس نتيجة يوم الأجهاض
وكلمت الدكتورة قالت يمكن الحمل بأوله نطري اسبوع
وسوي تحليل بول ودم
المهم بعد أقل من أسبوع سويت تحليل دم
وأنا وريلي غاسلين ايدنا من هالسالفة
ولا تيي الممرضة وتقوول مبرووك " u r pragnant "
أهني الدنيا ما شالتنا خخخخخخ
ووووووووواي كل ما أتذكر هاليوم
اقعد أأبجي

مو جني قلت قصة حياتي

السموووووووحة

 

[لازوردي]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

هايييييييييييييييي اوشال

الله يثبت لج حملج وحملي وحمل البنات انشالله

انا نفسج كنت خايفه اروح اييب النتيجه بس الحمد الله الله جبر بخاطري ورزقني والحمد الله

انا وانتي سهرانين وطايحين له قرقه بالمنتدى بس شسوي مافيني نوم واشوه ماعندي دوام على كيف كيفي اسهر وعقب واصلي الفجر وانام

 

[أوشال]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

أنا عندي دووام من الصبح
بس شسووي قعدت من النوم الساعه
6 ونص المغرب وموو قادرة أأنام
وأنا بعد بصلي الفير وأنام

 

[bnt q8 in usa]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

انا بما اني قعدت سنتين ونص ماحملت


ماتاخرت علي الدوره بس حسيت صدري شوي وارم مو بالعاده وقمت اشتهي اكل وانا بالاساس ضعيفه بس الاكل الي اكله مو طبيعي وهم كنت احس باليوع

قبل لاتيني الدوره بيومين شريت تحليل حمل جربته بالبيت اذكر المغرب وكان مطر والنتيجه حامل ماصدقت

ديت علي حبيبتي الدكتوره معصومه قالت الحين تيين واروح والا تسويلي سونار وتقولي انتي حامل بتووووووووووووووووووم

اول شي سويته دقيت علي ريلي وانا عندها وهو كان عنده مبارات دوليه عقب ماخلص قتله ماصدق

وثاني شي صليت ركعتين شكر لله لانه رحمة واسعه ومايخب دعاء المضطر

 

[Fouz]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

انا كنت مارة يم مختبر و كان المفروض تييني الدورة اليوم او باجر بس مادري حسيت اني بسوي تحليل و فعلا طلعت حامل و لما رديت البيت ما كان موجود و اول ما رد عطيته ورقة التحليل بدون ما اتكلم و تالي هو اللي نشر الخبر

 

[xxx]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

ذكرتينا بالذي مضىىىىىىى

انا مو حاطه ابالي اني أحمل بدون علاج ((تميت 5 سنين والله ماكتب لي أحمل))

كنت مشتركة بنادي رياضي وتأخرت علي الدوة وهالشي طبيعي لان دورتي مو منتظمه

الدكتورة قالتلي انا بسافر حزتها بالصيف نزلي بعد 10 كيلو واذا رديت من السفر نبدي علاج

عاد شاده حيلي بالرياضة والرجيم أبي أنزل بأي طريقة

سألت المدربه قالتلي سوي تحليل حمل احتياط عاد يومها رايحه عزى مع رفيجتي جان تقولي امشي خل نمر المختبر قتله وييييييي مالي خلق انصدم ملييييييت من كلمة نجيتف

المهم اقنعتني رحنا وسويت التحليل قالتلي نطري كلها ربع ساعه وتطلع النتيجه

قتلها ماني ناطره وراي دوام أدق عليج من هناك >>> مو ابالي حااامل كلش ملش

دقيت من الدوام عطيتها اسمي جان تقول

(((( مبرووك حاااااااااااامل ))))



انا قمت ارجق ارجف وخنقتني العبره قتلها انتي متأكده وعطيتها اسمي مره ثانيه قالت اي أكيييييد

قلبي بغى يوقف عاد رحت حق بنت عمي معاي بنفس الدوام لمينا بعض وقعدنا نبجي >>> فيلم هندي


يعني بنت عمي وصديقة عمري واختي اهيا أول وحده اقولها الخبر

عقبها دقيت على امي وقتلها وحيل بجي انا وياهاااا

وخالتي ام ريلي الثالثه هم بجي انا وياها

وريلي اخر واحد مسكين كان طالع من دوام ليل وعيزت ادق عليه مايرد رحت قعدته وللحين ماانسى ردة فعله

بعد عمري صبر علي وااااايد وعلى حنتي

صلينا ركعتين شكر لله



>>>> جني قرقت وايد

 

[لازوردي]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

شلونكم يابنات والله ردودكم حلوه وتخليني اتذكر واحس بفرحتي لما دريت اني حامل ونااسه هالأحساس ياربي صج نعمة من رب العالمين الحمد الله ..........


والى العزيزه بنت الكويت عظم الله اجركم بوفاة جدتك وانشالله ياربي يجعل قبرها روضة من رياض الجنه ويسكنها فسيح جناته ياربي اميين.....

عاد تدرين يابنت الكويت انا خليت زوجي يروح اييب لي النتيجه لأني مليت من كثر ما اسوي الأختبار ويطلع لي نيجتيف هالكلمه ملييييييييييييت منها ما احبها ما ابي اشوفها ويييييييييييييييييع قلت حق زوجي روح انت شوف النتيجه والحمد الله الله اكرمني وانشالله ياربي تمم علي حملي وعلى باقي البنات انشالله وانشالله ياربي ترزق كل محرومه وتقر عينها بالذريه الصالحه امين يارب .............

 

[xxx]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

والى العزيزه بنت الكويت عظم الله اجركم بوفاة جدتك وانشالله ياربي يجعل قبرها روضة من رياض الجنه ويسكنها فسيح جناته ياربي اميين.....

أجرنا وأجرج حبيبتي يزااج الله خير ماتقصرين

عاد تدرين يابنت الكويت انا خليت زوجي يروح اييب لي النتيجه لأني مليت من كثر ما اسوي الأختبار ويطلع لي نيجتيف هالكلمه ملييييييييييييت منها ما احبها ما ابي اشوفها ويييييييييييييييييع قلت حق زوجي روح انت شوف النتيجه والحمد الله الله اكرمني وانشالله ياربي تمم علي حملي وعلى باقي البنات انشالله وانشالله ياربي ترزق كل محرومه وتقر عينها بالذريه الصالحه امين يارب .............

صاجه انا مقدره شعورج قمة الاحباااااااااااط

 

[أنا وين ؟؟]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

اما انا فتميت 9 شهور ... ما حملت ... وكنت توني متخرجه من الجامعه ... يعني لا وظيفه ولا حمل ...


عقب 9 شهور اشتغلت ... ويومها رحت اسوي الفحص الطبي ... وسويت تحليل حمل عشان يتأكدون قبل لا يسوون لي اشعه الصدر ... وهم مو حامل ... سويت الأشعه ...


وعقب اسبوع سويت تحليل والا انا حامل !!!!!!!!!!


يومها كان يوم يمعه ... وكل المختبرات مسكره ... كان عقب صلاة اليمعه بالضبط طالعين انا وريلي بنروح الزواره ... ولزم الا تسوين تحليل ... وقام يدقدق تليفونات ومو محصل احد ... اخر شي ولا مستشفى الراشد فاتحين ...



رحنا .... والحمدلله طلعت حامل ... بجينا انا معاه بالمستشفى ههههههههههههههههه


جان انروح بيتنا اول قلت بابشر امي ... دخلت عليهم والا قاعدين يتغدون اهي واخوي وزوجته ... استحيت من اخوي اني ابجي لأني حامل جني مسويه شي غلط ههههههههههه .... عاد امي اختبصت ... اتقولي انتي مو رايحه الزواره!!!! اشفيكم ؟؟؟


وبس بشرتها ورحنا بيت حمولتي ... بشرنا خالتي (الله يرحمها)


بنوته .... قرقت اكثر منج ... من يزيد ههههههههههههههههههههههه

 

[bnt q8 in usa]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

هههههههههههههههههههههههههههه حلوه هذي من يزيد ياجماعه والله شعور يبجي خاصه للي طولوا حلاتي انا وبنت الكويت صج يعني تحسين بشعور غريب وخاصه الاسئله الي قبلها يسالونج ياها كل شهر ها مافي شي ها مافي شي قطيعه يخلون الي مايفكر يفكر غصب

 

[Miss-Cosmetics]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

الله يهنيكم و يتمم عليكم و عقباااااالنا يااااااااااارب عقبال ما نتزوج اول و انحمل ثانيا يااااااااارب

و من كثر ماودي احمل اي والله ودي ودي اشوووف اعيالي احس ولهانه عليهم قبل لا اشووفهم لو يصير اقووول انحمل اولا و نتزوج ثانيا هههههههههههه بس ما اتصير اسمالله عليناا يارب يفرح قلبنا مثلكم اميييييييين يارب احمل من اول ليله زواااااااج

 

[al-3azeza]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

هي هي اي والله ذكرتوني بالذي مضى انا تميت 6 شهور ما حملت وكانت بالاساس ملجتي 6 شهور بعد وخو الحريم خبركم عبالههم اول ما الوحده تملج خلاص يعني لازم يسالون ما يدرون ان العرس بعدين يبتدون يسالون المهم تميت والحنه والتنقز اسمعه وانا ميته لدرجه انا قلت حق ريلي بس انا ما فيني عيال تزوج وهوا بعد عمري يصبر فيني وكل ما اسوي تحاليل يطلع ماكو سبب جذي من الله وبالشهر نفسه اللي كنت حامل فيه كنت قاعده انطر الدورة اتيلي علشان ابتدي علاج الكلوميد وانطرها ما يت انا استغربت لانها منتظمه عندي وانطر وانطر وكان حزتها احنا بالشاليه وكنت وايد اشم ريحه سمج وكانت مرت اخوي وخواتي يقولون اتنسين وانا اقولهم وين يا حظي المهم رابع يوم من تاخر الدورة قلت حق ريلي ابي تحدر وتشتريلي تحليل وفعلا حدر من الشاليه ويابه ثاني يوم الصبح سويت التحليل والا حامل اصلن ينيت قومت ريلي اوريه هيهي هي قام جان يشوف جان يقول مبروك ورد نام لول مو مصدق رحت طقيت الباب على اختي واقومها من النوم واوريها وتبجي وانا ابجي واااااااااااااااااااااااااااااي ايام لين الحين محفورة ابالي الحمدلله يارب على النعمه وانشاء الله ياربي ترزق كل محرومه يا رب

 

[جكورة]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

الله يرزقكم بالذريــه الصالحه ويهون على كل أم اللهم أمييييييين.......

أنا تأخرت على الدورة يوم وثاني يوم رحت أناوزوجي الراشد وسويت تحليل دم وبعد نص ساعه رحت أنا وياه وشفنا النتيجه وقالولي مبروك مدام أنت حامل طبعا كان شعوري أنا وزوجي لايوصف ..... وبعد المختبر عزمني على العشا من الوناســــــــه.....

 

[brownness]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

انا ماكنت حاطة في بالي اني احمل لاني ادرس وحسيت توني صغيرة وقررت قبل لا يسافر ريلي اني ابي بيبي انشالله مادري شنو الاحساس الي يالي ورارح وبعد اسبوع رد وكان موعد دورتي بعد يومين مادري حسيت اني حامل جان اسوي تحليل واهو ناطر بالدار بس التحليل ضعيف قلت لا يخورة جان اروح معاه واسوي تحليل دم واطلع حامل بس حدة الشعور حلو الله يتمم علينة الحمل انشالله ونييب الذرية الصالحة ادعولي اولد انا اليوم دشيت التاسع

 

[نشـــامي]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

واي بنات سوالفكم حلوه الله يتمم عليكم ويرزق الجميع بالذريه الصالحه واللي مو متزوجين كحالاتي أنا وmiss-cosmetics الله يرزقهم الزوج الصالح والذريه الصالحه عاجلا غير اجلا يارب

 

[دكتوراة بالذوق]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

بنات انا دورتي عقب ثلاث ايام


تكفون ادعولي احمل


يارب ما تزورني الدورة الا عقب 9 شهووور يارب




يارب

 

[ناني سيكرتس]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

الله يسمع منكم ويعطي كل محروم عيال.
عيل انا من ثالث شهر زواج حملت , كنت انطر تييني الدوره وكان موعدها عاد ذاك اليوم ياني عوار الدوره ورحت تكرمون الحمام ولا اشوف نقطة دم وعبالي شرفت الحلوه, عاد سويت الازم وبعد فتره دخلت الحمام عشان اغير ولا ماكو شي استغربت وسكت عل الموضوع. بعد يومين قلت خل اشتري تحليل حمل من الصيدليه من غير ما يدري زوجي واسويه, ويوم سويته جان يطلع اني حامل بس انا ماعرفت حق التحليل جان اقول حق ريلي ييبلي واحد ثاني ( طبعا هالحجي كانت الساعه 2,30 الفجر) وراح وشرالي واحد وسويته وطلعت حامل عاد ريلي استانس بس انا كنت مستحيه اشلون اقول حق اهلي واهله اني حامل , فقام مشكورا باخبار اهله اما اهلي فجكوني اني حامل من غير ما اتحجى.
واي هالكلام طبعا كان في بجري والحين انا حامل بثالث ياهل, بس ما ادري ليش بالثلاث حملات ملوتي كله استحي اقول حق اهلي اني حامل احس جني امسويه شي غلط.
وسامحوني عالقرقه.

 

[أوشال]

مشاركة: شلون دريتي انج حامل ومنو اللي بشر ومنو اول شخص عرف انتي ولا زوجج

الله يثبت حمل الجميع
ويرزقنا الذرية الصالحة المعافاه
ويرزق كل من يابي
ويرزق عزيزتي بنت الأحمدي الذرية الصالحة بالقريب العااااااجل

أمين يارب العالمين