شنو الاشياء اللي زوجج مانعج منها وتحسين انها عاديه ...

[مشتطـه]

اييييي وبعد نقش الحنة ما يرضى لان يكره شكلها

 

[مـ ع ـزوفة حز*ن]

،،


بعرررف الي متزوجه ليش عيييب ترقص بعررررس ؟؟

ليكوون خآيف يخطبوونج منه هههههههه


الله يهديهم والله

في شغلآت مآلهآ دآعي //

بس طآعة الزووج وآجبه


والله يوفقكم


................
........
..

 

[سونالي]

في شغلات معققوله مثلا يمنعني البس ضيج مكياج قوي شغلات الغلط الي نعرفها
بس انه يمنعني من اهلي ورفيجاتي ويمنعني من تلفونات ومادري شنو وعروس شنو ماكو ثقه لهدرجه يعني ويمنعني من لسواقه ليش شنو فيها لسواقه عشان يمنعني منها انا من قبل لا اخذه اسوق بس لازم يكون في ثقه مو كل شي يمنعني منه اتقبله اذا منعني عن هالاشياء معناته مو واثق فيني هذا يسمونه تحكم موحلو جذي

 

[katkoota90]

امبي خرعتوني ..


الله يستر من اللي عندي !!@@

 

[منوله العسوله]

وييييه ليش جذيه كرهتوني بالزواج وع وع اشهالممنوعات غريبه عجيبه يعني في منهم معقولين بس يمنعني من السواقه ولا اي فون ولا بلاك بيري ليش؟؟؟ يمعني البس جناط ملونه ليش؟ ولا عاد نظاره شمسيه واااي قهر بالعكس يعني النظاره الشمسيه تخفي الملامح اذا اهم على بالهم تلفت ولا اللي مانعها تزور اهلها او تنام عندهم عنبووو هذول اهل زوجتك قبل لا تاخذها ولا اللي يمنعها ترقص بعرس اخوها ليش ابفهم؟؟ واااي منهم الرياييل اهم حلال عليهم مجربين كل شي والممنوعات هذي كلها ردة فعل لبلاويهم السابقع خخخخخ تنرفزت بصراحه هههههههههه لانه كل هالاشياء تدل انه ماكو ثقه طيب قلنا المكياج واللبس الضيج معقوول بس في اشياء سخيفه ممنوعه وييييه الافضل اعيش عزابيه مرتاحه بلا زوج بلا بطيخ خخخخخخخخخ

 

[Freakya]

جد جد الرياييل عقد طبعا إلا من رحم ربي !

 

[chole_84]

1 الافنيوز مستحيل ادشه
2قص الشعر
3لبس قمصان نوم قصيره لاتضحكون
4 نقاب سير ياويلي عليه لازم كامل وعبايه راس مع انه موهذي لبسه اهلي
5 احط الوتس اب بتلفونييييييي

 

[ياعين ابـوي]

صح في شغلات معقوله ادش العقل

وحلاتها اذا منع عنج الشغله يعطيج مبرر وسبب .

وشحلاتها الغيره بس بحدود ,:

انا للحين مابين شي /​

 

[سوسو الحلوه 1]

قاثني بالنقاب

 

[hooryah q8]

قص الشعر بس حاولت اقنعه وقصيت بعد الولاده
اني اغير طريقة شيلتي ببجي من هالسالفه

 

[leeny]

توني سالته قتله انته شنو مانعني منه وضحكت لان ولاشي
جان يخزني ويقولي ريد بول صج متيحب اشرب ريد بول وانا قاطعته من٦ شهور بس من يومين ميته عليه وشربته مساع وحضرته منغث هههههههههههه
بعد عمري يقول مضر مايبي اشربه كلش

 

[بنت التمايمة]

برنامج الدكتورة فوزية الدريع ممنوع يقولي تخرب اخلاقك
الخزام كنت مسويته قبل الزواج ومنعني منه يقولى وععع اتقرف منه
اطلع لحالي السوق او اي مكان بس مع امي لحالي ممنوع
صديقاتي ممنوع ازورهم او اطلع معهم بس هم يجوني البيت
طلعات مجمعات ممنوع بس اطلع مع امي
بلاك بيري ممنوع
احط مكياج واكشخ يقولى لا بس اتزيني والبسي لي انا
اكسسوارات كبيرة ممنوع لانه مايحبها
​

 

[عششق القهوه]

امممممممممممممممممممممممممممممممممممممممم الممنوع كان عنده خليته عادي من كثر ماناقش واجادل هع

 

[ماني من الناس]

الله يعينكم خخ

 

[حورية الدنيا]

انا عني في اشياء كثييييييييييييييييرة ممنوعة بس مقتنعة لان كلنا ملتزمين اللي مالها دخل في الدين (البيبسي واني اسافر عند اهلي بدونه ..اهلي في مدينه ثانية ..واني اركب السيارة مع ازواج خواتي او عيال عمي او عيال خالاتي او اسافر مع اختي بدونه او اروح مشي لبيت جاراتي )هذا اللي اذكره الحين .................زبس حبيت اعرف وش هو الخزام ؟؟؟؟؟؟

 

[لسووعه]

يممممممممممما خرعتووني ,,,, بس كل شي عادي اسويه الا اني مارسم حواجبي اوو اني مامسك بلاك بيري

 

[فروح]

يوووووه

ممنوع اشرب ماي قبله .. ممنوع انام قبله .. ممنوع اتكلم من غير اذن .. ممنوع ارفع عيني بعينه ... مستحيل البس الوان .. ممنوع امشط شعري .. ممنوع اناديه بــــأأسمه







خفتوا صح لوووول حسستكم بأيام الجاهليه مو ههههههههههههههههه



صراحه ..... ممنوع الحمره الورديه او الحمرا برا البيت ... ممنوع اسوق اماكن بعيده حيل الى يكون معاي وبسسسسس

 

[أوركيدااا]

امممممممممممممممم

هو مايمنعني من شي .. بس اذا ماعجبه الشي يمد بوزه ويقول ماله داعي >> فديته مو حارمني من شي

 

[رووح ابووها]

مانعني من اي عبايه عندي
لو البس جاينيز يقولي جسمج يبين فيها يعني شسوي !! تحت العبايه اكيد في جسم مو هوا !!

وممنوع المكياج << بس انا احط خفيف
وممنوع تحطين كبه حتى لو كان شعري يقول نزليه

وولانه دكتور يقولي ممنوع المستشفيات الخاصه لانهم جذابين وكلهم شاريين شهداتهم هههههههههه

وممنوع الوظيفه

والحين السالفه اليديده >>>>>>>>>>>>>>>>>>>>>>>>>>>>>>>>>> تنقبي

 

[ملكه 2012]

يمنعني اروح السوق بروحي لازم معاي احد اي احد لو جاهل او خدامه المهم مو بروحي