شنو الاشياء اللي زوجج مانعج منها وتحسين انها عاديه ...

[شــــــــــــــوقــــه]

ساعات احس انهم من العصر الحجري ^_^

 

[مزيونة اهلها]

امممم شقول و شخلي ؟؟؟ هههههههه
وايد ممنوعات اكثر من المباحات هههههه
عدي و خربطي لو بختصر السالفه بقول كل شي ممنوع ههههههههههههههه
لا صج بقول الاشياء الغريبه بس استغربت ان في بنات نفسي يعني اشوا في منه وايد لوول
مثلا
النقش نقشت ايدي و كرهت نفسي عقبها من اللي صاار و حرمت
صبغ الاضافر او تركيب اضافر اي لوون ما يصيير
النضاره الشمسيه يقول شكلج ملفت فيها
العروس ممنوع الا اذا اختج او اخوج و حتى عايلتنا ما تروحين لعروسهم
الزوارات ممنوع مو كل من عزم رحتي
الميك اب
اطلع اي مكان من غير ما اقوله لازم استاذن
ممنوع يدق اكثر من دقه يعني مثلا طوط طوط طوط ثلاث مرات و ما رديت يقوم قيامتي لازم ارد ع التلفون بسرعه
اذا جا ياخذني من بيت اهلي وطولت ما طلعت اكثر من دقيقتين يا ويلي يا سواد ليلي بسسرعه طلعي
ممنوع ادق عليج و معاج خط ثاني ادق تقطعين مكالمتج و تكلميني
هذااا شي بسيط من الباجي

 

[بنات حواء2]

تصدقون انا ريلي مو حارمني من ولا شي بخاطري
بالعكس
بس قص الشعر قبل ماكان يرضا بس انا حطيته امام امر الواقع و استسلم
لانه صج طويل وايد و غسيله و تنشيفه لووووووويه
اي تذكرت مايحب البس الوان فاتحه وايد يقول تلفت النظر
لمن امشي وياه بمكان عام مايرضا اشيل الاغراض ولازم امسك ايده واذا مامسكت ايده تصير مشكله
اذا طالعه لازم كل خمس دقايق ادق عليه او يدق علي وهذي من الاشياء الي تنرفزني خاصه ايام الكليه كنت انقهر و تصير مشاكل بسبه هسالفه لانه صج شي ينرفز
اوكي خلاص وصلت ماله داعي كثرت الاتصالات
بس
ويسلمووووووو

 

[بنات حواء2]

انا فيني طبع مادري فيكم انتوا و لا بس انا
انا ما احب احد يتحكم فيني خاصه لمن يكون بخصوص شي مومنطقي او مو معقول
لاتفهموني غلط
مو قصدي ان اروح و ارد على كيفي لالالا او اني اسوي شغلات من غير علمه
بس ما احب التحكم المبالغ فيه خاصه لمن يكون من غير سبب انا اهم شي عندي السبب و بشرط يكون منطقي
من باب اني انا كبيره و ادرى بمصلحتي مااحب يي يقولي هذا غلط و لا صح و اتجنب هلمواقف ماسوي الغلط عشان لايي يقولي هذا غلط
فاهميني مادري انا غريبه من هناحيه شوي
مثلن ما البس قصير لاني ادري هذا غلط و مايرضيني قبل لا مايرضيه فما اسويه و لا اخليه ييني يقولي هذا غلط لاني حزتها بحس اني ياهل و لازم افهم الغلط و الصح و الفرق بينهم

 

[بنات حواء2]

لوووووووول


ترا احب الريال يمنعني


شنو الحياة بدون المداحر خخخخخخ .. انا اخواني عندهم عقده غريبه


لاتمسكين جنطه وانتي نازله المستوصف او الطبي ماله داعي@@ طيب شحارك؟؟؟ مادري شالحكمة

حتا لو انها خيشة مايرضون !!



وووو واحد منهم مايرضا البس نظارات

طبعا هالاخ كل شي عنده ممنوع اخاف احسب الف حساب لي طلعت معاه اكثر من ابوي

ايدج لاتأشرين لا اسمع حسج

راسج لاترفعينه اذا مجبله علينا سيارة شباب


واذا دشينا فريجنا .. نزلي شيلتج علا ويهج او لفي ويهج او نزلي راسج المهم تختفيييييين خخخخخخخ


طبعا لي طلعت معاه حتا لو بليل لازم يكون مركب بافات السياره كلها


وووو شنو بعد


اخواتي وابوي لازم اذا طلعت معاهم امشي يمينهم @@ لا وراهم ولا جدامهم ولا يسارهم !!!

:bbbiu:

امبي و الله و الله مت من الضحك على الي بلاحمر
:krkrkr: :krkrkr: :krkrkr:
و الله قاعده اضحك و عضلا بطني شاده من النادي ماقدر اضحك
حسبي الله على عدوج
اشوى انه ريلي مو مثل اخوانج
الف الحمدلله توني ادري اني في نعمه
الله يخليهم لج يارب

 

[ام اريج 22]

لبس العدسات الملونه يحس اني من اياهم

 

[Loca]

ممـو ممانع بسس مما يحب كريممات التـان ( التسسممير )

 

[شريفه الشريفه]

انا زوجي مايحبني انام عند أهلي
الا بالضرورات القصوى

 

[فاطمة البحرينية]

رد: رد : رد: شنو الاشياء اللي زوجج مانعج منها وتحسين انها عاديه ...

البس دراعة فيها فتحات عالجنب
كان عندي جلابية مصرية ومن البسها يحوسني ردي بدليها
يكره الفتحات الي عالسيقان عشتوووو
احط اي شدو يكره شي اسمه شدو و يسميه اسم يقلب الجبد
العزايم الزيارات اي شي يتعلق بالطلعه من البيت يطلع روحي
لدرجة لو ازور اهلي الساعه 10 الصبح مثلا الساعة ست المغرب يدق يقول وينكم تأخرتم :/
التلفونات يكره لما اقرق بالتلفون ويفتر فوق راسي الين افصله
يكره لما اتابع بالتلفزيون شي ما يحبه
يحب اذا تابع شي اقعد وانطم واتابع اما اذا انا عاجبني برنامج اجنبي ياربي شنو راح اسمع العجب العجاب
يكره شخص اسمه جورج قرداحي لأني مرة قلت ياربي احسه رجولة وشهامة خلاص صار بلاك لست
يكره اذا شافني ماسكة كتاب بايدي يويلي و ياويل الكتاب
زوجي باختصار مزعج بشكل
و انا للحين صامدة

:eh_s(4):

وايد صعب ريلج الله يعيينج صراحه

 

[فاطمة البحرينية]

رد: رد : شنو الاشياء اللي زوجج مانعج منها وتحسين انها عاديه ...

1

إني ما ألعب كررره مع عيال الفريج بالشاارع


2

إني ما أقحص بالسياااره


3

إني ماا أررقص جدام أهله لما يكوونون أبوه وأخواانه موجودين

من حقه يمنعج يعني الرقص حلال قدام اهله :eh_s(1):

 

[زوزو قلب حمادة]

1.ممنوع البيبي (البلاك بيري)
2.الواتس اب
3.يرضي مكياج خفيف
4.الطلعة مع صديقاتي وبنات خالتي واختي الا معاي امي
5.تطويل الاظافر
6.ممنوع اتعلج
وايد اشياء من كثرها مو متذكرة بس بقوله عزيزي زوجي بخصوص انك كله مانعني بتدفني بالحيا مثلا؟؟؟؟؟؟؟؟؟؟؟

 

[أميره بلا قصور]

الطلعه لازم معاه
السواقه
عباه الكتف
التلفزون بشكل عام( مسلسلات تركيه بشكل خاص)
السوق بالشهر مره

 

[فاطمة البحرينية]

يـــــاربي من صدق ازواجكم جذي !!!!

الله يهديهم ويصبركم في شغلات وايد صعبه

انا ابوي يمنع عنا الميكب والتعلج و الكعب بصوت قوي

وو النظاره الشمسيه يقول تلفت الانظار بس عقب ما خذنا

رخصه السواقه قلت لهم ماقدر الشمس تعمي عيني هههههههههههه

بس زوجي مانع عني العدسات شريتهم ولبستهم بس مره يقولي

انتى بدونهم احلى مايصير حتى داخل البيت خخخ

وقص الشعر لازم نتناقش كان متزوج شعري هههههههههههههه

وباجي الشغلات عادي ما يخالف الحمدلله وطبعي من كنت في بيت

اهلي ماحب احد يتحكم فيني وياما تصير نقاشات على شغلات وايد

كنت اعاني منها والحين اختي الصغيره تحصلها بسهوله زمن تغير خخخ

احنا الى تغيرنا وطبعا الميكب انا قبل احط خفيف والحين نادرا لين احط بره

البيت بس داخل البيت شي حلوو للزينه وتغير النفسيه

 

[شذى الحب]

ان شاءالله زوجي مو معقد ويكون فري عنده بس سمعت انه مارينا عنده ممنوع بس ان شاءالله مايمنع اللي في خاطري فيه ولا يتشدد علي يارب

 

[حلوه الأطباع]

بالنسبه لريلي

1- مانعني من صبغ الاظافر .. يقول مايحب يشوف اظافر البنت ملونه

2- مانعني ألبس عدسات << بس اذا حنيت يرضى بالغضب

3- مانعني احط حمره لونها بارز بالطلعات .. بس درجات الوردي الفاتح و الغلوسات عادي عنده

 

[غلآ نوآف]

هههههههههههههه بنات الله يعينكم

مخطوبة وملجتي بعد شهر

بس حاليا مانعني من قص شعري

لاني قصيت شعري اخر مرة لتحت اذوني وزعل حيييييييييييل مني وخلاص توبت منها
وقاعدة احاول اهتم فيه اطوله حتى ارضيه

امممم

بقية الاشياء انا من الاساس مانعة نفسي عنها
ف ماتركت له المجال يتحكم فيني
مثل تغطية الوجه العطر المكياج امام الرجال
وغيرهم

ولقيت من ردودكم اشياء كثير استفدت منها
بالاجماع يعني مايحبون البنت تقص شعرها
او تلبس نظارة شمسية لان تلفت
والخزام
والعباية الضيقة والعطور والمكياج

 

[بقــآيآ جـروح]

مآآنعنــــــــــــــــــــي













اتنفس هههههههههههههههه
ومآآنعني من السوالف
ومآآنعني من النوم لووووووووووول بعد مآبقى شي اظن

 

[BaiTotia]

لوووووووووووووووووووووووووووووول مت من الضحك عاللي مانعها من فوزية الدريع لووووووووووووووووووووووووووول

 

[بحرينية@ماركة]

اي شي يخط.ر في بالج مانعتي منه
الميكب حتى كحل
الكعب
طلعه مع الرفييجات
التكشخ
صبغ اظافر
اقص شعري
صبغ شعر
واذا تذكرت باقول

 

[يرخصلك كل غالي]

انا ملجه وصراحه تصرقعت من الموضوع