شنو اللي صاير للمسلسلات الكويتيه في رمضان ؟؟؟؟

[sanaya-q8]

بسم الله الرحمن الرحيم



بصراحه المسلسلات اتفشل ماكو قصه دايما مسلسلاتنا بشهر رمضان الفضيل فيها وصاخه من بد كل الدول

الحين رمضان هذا طالعه سالفه جديده ؟؟؟؟؟؟؟؟؟

1- زواره الخميس

عشتوا عاد احسن كاتبه و من بطوله اكبر الممثلين

1- الاب ثنيان يتحرش باخت زوجته ويبوسها بالاصنصير ويقدم لها سلسه {{ مو عيب }}


2- الولد اللي ماله شغل بالدنيا الا الحداق سعود ورا مرت رفيجه لين اخذها


3- المطوع (( المدرس)) مع وليه امر طالب يدرسه


4- زوج بنتهم وهذي الكارثه مع مرت اخو زوجته لمياء طارق ؟؟؟؟

وين التكاتف الاسري والتعاون ونبي شي يربطنا مو يفككنا كافي الحين العوايل اكثرها خزازات الله يرحم الحال

بعد يخلون الشيطان يدخل براس احد يفكر مثلا بوليه امر او احد



في شي زياده بعد

ليله عيد


ولد اخو حياه الفهد يحب اخت زوجته الحمد لله والشكر

اقولكم موضه هالسنه

قبل بويات

بعد شقق وو حده تحمل واختها تولدها(( بدريه احمد))​

 

[الليدي رانيا]

رد : شنو اللي صاير للمسلسلات الكويتيه في رمضان ؟؟؟؟

ايي صح قاعدين يتمادون بشكل سلبي بس في شي عشان مانعمم
يمكن المسلسل زين بس المخرج ما يعرف يوصل الرساله صح
فهاذي النتيجة

الله يهديهم
ومبارك عليكم باجي الشهر

 

[!الجادل الصعب!]

رد : شنو اللي صاير للمسلسلات الكويتيه في رمضان ؟؟؟؟

كل مسلسلات سعآد عبدلله تكرآر .. نفس مسلسل قديم الي كلهم صآرو عاهات ..!

البريجي قطعوا رجوله والثاني انكسرت رجله ومرت الاخو بتموت وبنتها بعد تعبانه بتموت ..!

وبنت يتيمه ..!

والخين كل الي حوآليها خونه لا الزوج ولا عيآله ..!


شوفوا طاش مآطاش وصل للجزء 17 وللحين عنده آفكآر وقصص يتكلم عنها ..!

 

[حناينq8]

كنا متعشمين خير ب هبه مشاري حماده

بس عساها ما تسلك سلك فجر السعيد بالبحث عن الاثاره لمجرد المتابعه

 

[مــ_ــا مــ_ــي]

آهــــــــــــا توني استوعب اللي صار بالاصنصير بين الهام ومحمد المنصور ..!!! والله ما فهمت شصار بينهم... الظاهر متأثرين بمشكلات منتدانا اللي كل يوم وحده زوج اختها متحرش فيها واللي تحب اخو زوجها والله مدري شفيها .. استغفر الله واتوب اليه.. هالكسلسلات يا كل الفلم مرضى بالمستشفيات والا خونه والا مدمنين مخدرات.. يعني ماكو تنويع

 

[sanaya-q8]

كنا متعشمين خير ب هبه مشاري حماده

بس عساها ما تسلك سلك فجر السعيد بالبحث عن الاثاره لمجرد المتابعه

معاج حق العين المفتحه الوحيده هبه حماده وللاسف هذي الحين صارت مسلسلاتها

واميمه فيم طلعوا البنات مع شباب في دار الايتام طلعوا
البنات مع شباب في يخت جذي ياخذون فكرة الناس عن بنات الكويت​

 

[احلى سماء]

من زمان انا غاسله ايدي من المسلسلات الكويتيه

من ايام جرح الزمن

 

[خباري مطر]

رد : شنو اللي صاير للمسلسلات الكويتيه في رمضان ؟؟؟؟

الحمد الله انى مقاطعه المسلسلات الكويتيه من زمان والا مسلسل ليله عيد وينه وين العيد
انا حدى مسلسل عايزة اتجوز يا حلوها هند صبرى تونس ومسلسل زهرة تحسين المؤلف مخه نظيف يعرف يشغله يخليخ تتابعين عدل

 

[نوووور الشمس]

الحمدلله انا ماتابعت ولا مسلسل

بعدين شنو تتوقعووون منهم غير جذيه

 

[ريمية مزيونه]

شفتوا اللقطه اللي يووووم امبيييييه فشللللله ياويلتي ويلتااااااااه

لما كانوا يتكلمون عن السايق والخدامه

لما قال خالد امين\\


يعني مره وريال قافلين باب الغرفه ومسكرين الليت ولما طقينا الباب طولوا على مافتحوا يعني شقاعدين يسووون\


واااااااااااي امبييييييه موووصج


قلةةةةةةةةةةة ادددددددب

 

[النملة نواري]

المسلسلات الكويتية باختصار :
لازم احد يموت اذا مو باول المسلسل يموت بنصه
لازم يكون في واحد مدمن مخدرات
و هم لازم يكون في واحد يخون مرته
لازم يكون في وحده تحاجي واحد و غالبا ما يقص عليها او يطيحون عليها اهلها
لازم يحطون ممثل مزيون ووسيم عشان البنات يبلعون المسلسل لي اخره <<العوض ولا القطيعة
و اهم شي يسوونه انهم لازم يشوهون صورة البنت الكويتية و يطلعونها وصخة و ما تستحي عشان الكل يقعد يتشمت فينا

 

[يمة يادلبي]

بالعكس زوارة خميس وايد حلو وواقعي يمكن فيه شوية مبالغة بس هذي لزوم الدراما عشان اتصير مشوقة وتجذب مشاهدين وتراه مو قاعد ايييب قصص من برا كله من الي صاير بالكويت بس انتو كله حسبالكم انكم عايشين في المدينة الفاضلة وماكو احد يغلللط

 

[*احلام*الدجى*]

معاج حق مسلسل زوارة خميس طاح من عيني كلمن يخون الثاني لاحظتي ثنيان والهام + عز و رفيجته شجون + زوج بثينه الرئيسي و لمياء طارق + خالد امين ومالت الصالون + فاطمه الصفي وفيصل همن الشك يلعب فيهم + البريكي متزوج بالسر <<< كل شي خيانه ماكو ثقه ماااااااكو ثقه ليش عاد والله اميمه في دار الايتام تووووووووووووب قصه سنعه ودراما على كوميديا ولي الحين ماكو سوالف ماصخه معنه الكاتبه نفسها مالت زوارة خميس على ما اعتقد

 

[شمندر]

رد : شنو اللي صاير للمسلسلات الكويتيه في رمضان ؟؟؟؟

8
هههههههههههههههههههههههههههههههه

مسلسل سعاد فيه واقعيـه حيل

ومسلسل حياة الفهد احس بس حشو لان حلقه امس نفس اليوم واليوم نفس بكرآآ


وه بس

 

[ღ ړٱٳٱﯧــﻘــﮧ ღ]

رد : شنو اللي صاير للمسلسلات الكويتيه في رمضان ؟؟؟؟

الله يهداهم

ياحلوو مسلسلات قبل و بس

 

[ToOoTi]

الله يهديهم
المسلسلات تعطي انطباع وصورة سيئة للكويت

 

[غلا ستايل]

ساهر الليل لا تنسونه انا ما اتابعه لكن شفت صورة لهيا عبدالسلام لافه ايدها على رقبة ممثل ما اعرف اسمة وحيل لازقه فيه لدرجة صدرها على صدر الممثل تلاقون الصورة بتواقيع عضوة اهني
يعني تبي تبين انها فري وكوووووول
طيح الله حظج

 

[غلا ستايل]

http://i28.tinypic.com/33ud85s.jpg
كاهي الصورة وصاااخه ودنااااءة مرة واحدة فصخنا الحيا وقمنا نمثل جذي استغفر الله

 

[فطفط نجد]

رد: رد : شنو اللي صاير للمسلسلات الكويتيه في رمضان ؟؟؟؟

مدري احسن استهزاء بعقول المشاهديـــــن ايه ليش كذي؟؟؟؟؟؟؟

 

[fr7ty]

خربوا عيالنا حسبي الله عليهم..والا الاعاده الف مره وكل قناه تعيده عشر مرات..

بنتى حفضت السيناريو اليوم تكلمت قبل البريكى لما كان عند مرته الثانيه وقالت (خلاص اليوم بنام عندج ) وفعلا قالها امبيه انا انصدمت !!

ابوها يطالعنى ويهز راسه مو عاجبه ..حسبي الله ونعم الوكيل