شنو تسوييين لمن تتغير عليج اعز صديقاتج ؟؟

[لهفة المشتاقه]

عادي عادي انساها لانه في اعز منها خلوني وانصدمت حيل كانت مو بس صديقه اخت
ماتهمني
حتى انا اسحب نفسي منها بسهوله ماابي اواجها ولاتواجهني
دامها هي اللي خلتني وماقالت لي عن الاسباب وراحت بدون سبب
وصدقة كلام الناس سهله عندها كلمة الصداقه والعشره الطويله
من باعني برخيص ابيعه بتراب
الله يعطيج العافيه على الموووووووضوع

 

[cherry67]

بصراحة وايد اللي تغيرو علي بدون أسباب هم صدوا عني ولما شفتهم بهالحالة ما تعبت نفسي ولا قلت لهم اشفيكم ولا شيئ وبعدها انا صديت وسكرت بابي لان عندي عزة نفس وحتى لما يشوفوني بره ما يسلمون علي فقلت ما يشوفون شر حتى انا ما اسلم واسوي روحي ما اشوفها والانسان له أحاسيس ومشاعر ولا بس هما لهم احاسيس ومشاعر .والمعاملة بالمثل وهذا رائي تقبلي مروري

 

[حنطاويه دلوعه]

والله انا وايد من رفيجاتي تغيرو علي واصدموني انطعنت طعنه محترمه !
اللي تنقل بمعهد ثاني وتنساني .. واللي تتزوج وتتكبر مع اني تزوجت وماشفت نفسي متكبره عادي اصلا الزواج اول الايام تلهين عقبها عادي ادق واواصل بس اهما مادري اشفيهم.. واللي تتوظف وتقطع.. واللي اتهاوش معاها بموضوع يكبر وكل وحده اطلع خياس الثاني وهالمجره...
طبعا" من عقبها خذيت قرار انطوي وبلا صداقات بلا خرابيط اشحقه نفسيتي تتعب على ناس ماتسوى وحمدالله انا مرتاحه وايد الحين احسنلي ارافج خواتي وبـس اطلع معاهم ونتزاور ع الاقل الاخت حتى لو تهاوشتي معاها تظل تحبج وبيوم تردلج وتتأسف

 

[coralia]

في البداية اتضايق شوية مو علشانها عشان نفسي ووقتي اللي ضيعته معاها بس ميخالف اعتبرها تجربة من تجارب الحياة بعدين اردلها الصاع صاعين من باعني برخيص ابيعه بارخص وحياتي مو واقفة عليها ​

 

[ترانيم القصيم]

وكانت هالانسانه الي دايما تشكيلها همومج

حبايب قلبي ,, نصيحة ,, نصيييييييييييييحة

لا تتعلمون و لا تتعوّدون إنكم تشكون همومهم لأي أحد ( غير الله )

عشان الناس ما تذلكم بعدين !

و حتّى لو ما ذلّوكم ,, ترى كثرة التشكي و أنـا مهمومة و أنا صار لي و قالوا لي و افعلوا بي

يخليك تطيحين من عيون الناس ! ,, صدز والله يا بنات ,, هذا شي ..

الشي الثاني :

الناس مثلها مثلك ما تملك لأنفسها ضرًا و لا نفعًا ,, وش تحتاجين إنك تشكين لهم و إلا تفضفضين لهم ؟

الشكوى لغير الله مذلة ,,

راعي نفسية الشخص آللي قدامك ,, يمكن مهموم و متضايق و تروحين تتشكين له كل شوي ؟

أنـا ما أتكلّم عن آللي تشكي ( بغرض الإستشارة ) ,, لأنها تبي حل لمشكلتها ,,

أنـا أتكلم عن آللي تكثر من الشكوى للناس ( بغرض الفضفضة ) و هي تدري إن حل مشكلتها مهوب في إيد الناس !

يعني تشكي للشخص و هي تدري إن هالشخص ما عندهـ أدنى فكرة عن الحل الخاص بمشكلتها ,,

أجل وشوله تشكين لهم دامهم ما يقدرون يساعدونك في حل مشكلتك و تشغلينهم معك ؟ ..

أنتِ كذا تخلين الناس تفهم إنك تدورين عاطفة

أحيانًا تكون نفسية آللي قدامك سيئة و متضايق و آللي فيه يكفيه ,, ثم يجيه آللي يتشكى له و يفضفض عندهـ

>> ناقصك هو ؟



//


بخصوص الصديقة الغاليـة علي , فإن كانت هي غاليـة علي ( راح أصارحها ) و أتفاهم معها ,,

و إن ما كانت بذيك الغلاوة ,, فـ بكيفها مانيب أصارحها و لا شي ,,

لكن إن كلّمتني راح أرد عليها و أتجاوب معها زي أول يعني مانيب أتغيّر عليها

بس لو قطعت بي و تركتني , بـ راحتها ,, مانيب أركض وراها

 

[عن النسآ أفرق ~]

-



عادي عندي خواتي
بالطقاق خخخخخ
لا صج اشوف السبب
اذا مافيه الله يسمح دربهم​

 

[~✿ ارتـِوآآآء روح !]

حبايب قلبي ,, نصيحة ,, نصيييييييييييييحة

لا تتعلمون و لا تتعوّدون إنكم تشكون همومهم لأي أحد ( غير الله )

عشان الناس ما تذلكم بعدين !

و حتّى لو ما ذلّوكم ,, ترى كثرة التشكي و أنـا مهمومة و أنا صار لي و قالوا لي و افعلوا بي

يخليك تطيحين من عيون الناس ! ,, صدز والله يا بنات ,, هذا شي ..

الشي الثاني :

الناس مثلها مثلك ما تملك لأنفسها ضرًا و لا نفعًا ,, وش تحتاجين إنك تشكين لهم و إلا تفضفضين لهم ؟

الشكوى لغير الله مذلة ,,

راعي نفسية الشخص آللي قدامك ,, يمكن مهموم و متضايق و تروحين تتشكين له كل شوي ؟

أنـا ما أتكلّم عن آللي تشكي ( بغرض الإستشارة ) ,, لأنها تبي حل لمشكلتها ,,

أنـا أتكلم عن آللي تكثر من الشكوى للناس ( بغرض الفضفضة ) و هي تدري إن حل مشكلتها مهوب في إيد الناس !

يعني تشكي للشخص و هي تدري إن هالشخص ما عندهـ أدنى فكرة عن الحل الخاص بمشكلتها ,,

أجل وشوله تشكين لهم دامهم ما يقدرون يساعدونك في حل مشكلتك و تشغلينهم معك ؟ ..

أنتِ كذا تخلين الناس تفهم إنك تدورين عاطفة

أحيانًا تكون نفسية آللي قدامك سيئة و متضايق و آللي فيه يكفيه ,, ثم يجيه آللي يتشكى له و يفضفض عندهـ

>> ناقصك هو ؟



//


بخصوص الصديقة الغاليـة علي , فإن كانت هي غاليـة علي ( راح أصارحها ) و أتفاهم معها ,,

و إن ما كانت بذيك الغلاوة ,, فـ بكيفها مانيب أصارحها و لا شي ,,

لكن إن كلّمتني راح أرد عليها و أتجاوب معها زي أول يعني مانيب أتغيّر عليها

بس لو قطعت بي و تركتني , بـ راحتها ,, مانيب أركض وراها

صآدقة حبيبة قلبي :eh_s(7):
ربي يحفظج :eh_s(17):

 

[روج لاميعي]

بكلمها فيس تو فيس

بتوقع فيه شي اول نفسيتها تعبانه

بس اذا ما عندها سبب

بخليها على راحتها اذا بغت تتصل لي اوكيه

بس ما بتهون علي صداقتنا بخليها على راحتها لي بنفسها ترجع

 

[فلنتينو]

اسألها ليش صار جذي ؟؟
اذا السبب سخييف لاومااكو شي راح تكوون علاقه جداا سطحيه

اما اذا في شي جااايد اكييد راح اتفاهم معاها
لان مابي اخسرها

 

[Unusual]

بصراحة بشوف وش اللي مغيرها وقالب الجو ..
وووبعدين اقرر ..
ومن باعنا بعنااااه لو كان غاااالي ..

شكراا ^_^

 

[8yoona]

انا صارت معاي بس ما واجهت ولا تكلمت حسيت انها تغيرت ابتعدت مو نفس يوم كنا صغار اطباعها تختلف عن اطباعي بس حاولت على قد ما اقدر اسولف واتغشمر لي شفتها وكنت بنزل موضوع بس مانزلت تكييسلت p:

 

[عادت ذكرياتي]

الله يصلح الحال يااارب

 

[مريوومه12]

ما ادري ماتوقع هذي تنسمى صديقه

 

[~ بنت الهدى ~]

اذا مافي سبب دفعة مردي و الهوا شرجي

 

[PuPa^^SWeeT]

صارت فيني


مرة كنا اول سنة بالجامعة
يقولوون يو توتا و بوبا

وراحو توتا و بوبا

بس مرة دقيت عليها جان اتقولي لاتدقين علي خلاص انا بنهي صداقتنا و حذفي رقمي


زعلت والله شنوو يعني بهالسهوولة


بعديين عرفت فيه وحدة سوسة اتدخلت بينا

واهيا ماصدقت سيدة شالت بخاطرها

للحين مادري شلوونها


والله

 

[Melazlaza]

رفيجة عمري واقرب قريبة سحبت نفسها خليتها مدة طويلة عشان تاخذ راحتها اذا عندها ظرف او بتقعد مع نفسها

عقب دقيت و عرفت انها فجأة حست ان شخصيتي مو عاجبتها عقب ثمان سنوات!!!

سبب اتفه من التفاهة سمعتها كلمتين بالعظم لان طول عمري متحملتها واهيا كل يوم ترافج بنات وتهدهم وانا اقول لا الرفيجة الصجية تتحمل رفيجتها،،اخرتها طلعت اهيا الي مالة مني!!!

لما فهمت انها غلط قامت تتعذر وتدور رضاي بس انا قررت ان هالعلاقة لازم لها حد مو كل يوم الانسان ينجرح قلوبنا ماهي محل لتفريغ شحنات الغير

ماقطعتها
لكن من لحظتها وانا حاقرة مو تعمد لكن خلاص عافها الخاطر..

نصيحتي وعقب تجارب الصديق ربنا والحبيب ربنا واقرب قريب لقلوبنا ربنا
(سطح علاقاتك مع الناس تسلم)

 

[manoooram]

بدايتا أكلمها وأسألها سبب صدها لي

اذا شفته سبب مقنع ومزعلتها بشي

أحاول ان ألطف الجو والوضع اللي بيننا

أما ...

اذا السبب مني والطريج أو انها عطت اذنها لأحد وصدقته

أقولها : الله وياج

 

[loloالحلوة]

بالاول اصااارحها
و اشووف الاسباب

 

[Ruwaishdawya]

بيوم و ليله !!

مآ تششووف شرر

صح رفيجتي الروح بالروح و اعز رفيجاتي . . .

بس جذي بيوم و ليله كيفهاا ، ؟

مشكوره على الموضوع :*

 

[يابختي في علاوي]

يمكن اتضايق ويمكن افرح
لانه صارت فيني وتغيرت اعز صديقه لي لاكن ابنفس الوقت كانت هم وانزاح
سبحان الله يعني راحه كانت بس في نااس لا بيعرفون السبب انا والله ولا ابي اعرف ليش وشنو السبب اريح لي مثل مايقولون هم وانزاح
وتحياتي للجميع