شنو تسوييين لمن تتغير عليج اعز صديقاتج ؟؟

[ميس المشاعر]

شوفي انا مريت بهالموقف
اول شي اعاتبها لأني ادري مومقصرة معاهاااا واحااول اعرف شالسبب
مرة ومرتين وبعدين اذا شفت مافي فايدة لا تتصل ولا تدز مسج اعاملها بالحسنى يعني سطحي
مثل ما تعاملني ....وبعدين اهي بتحتاجني بيوم من الايام
واسمحيلي اقولج اكثر صداقات الايام هذي مصااااااالح وما يفكرون بشي ثاني

 

[EleGanZa]

اوخر عنها لان ماحب اقط عمري على احد ..!
واللي يابها اييب غيرها

 

[بنت الأجوااد]

صارت معاى

قللت اتصالاتى لحد مانسحبت بدون اى مقدمات

وانتهى الموضوع

لا اسال ليش ولماذا وهالاسئلة ؟ خلاص اللى مايبينى ما ابيه

 

[أم الفارسة]

الى يتغير علي وما يصارحني ما ارد عليه ولا أصارحه وما في أحلى من راحة البال

 

[اوراق متساقطه]

اول اسئليها يمكن سامعه عنك شي او احد يبي يفرق بينكم
واذا قالت لا مافيه شي اسحبي عليها مثل ماسحبت عليك والله يعوضك باالصديقه اللي احسن منها
صح عوار قلب بس ايش تسوين الزمن هاذا قليل فيه الصديق

 

[عروووب99]

رد: رد : شنو تسوييين لمن تتغير عليج اعز صديقاتج ؟؟

:rerrerek:

اسالها بصراحه شفيج متغيره علي ان عطتنى سبب مقنع على راسى اعذرها
وان شفت سببها هروب منى الله معاها وما تشوف وما اقط نفسى عليها
والي يبيعنى ابيعه برخيص

 

[بنت العقربيه]

اذا الغلطة مو مني الله معاها والله يستر عليها

 

[»βαzεя«]

اشوف اذا انا قايله شي بالغلط مسويه حركه بالغلط .. اذا قالت ماكو شي ومافيها شي (( تصريفه )) --> بحفظ الله ومع السلامه متى ما تعدلت تعرف وين تلقاني !!

 

[lovely~Noora]

حبيبتي انتي مريت بهالموقف وقريب بعد!!
بس تدرين شسويت؟!
عطيتها اكبر طاف واللي ساعدني ع هالشي بنت الله يوفقها واهي الحين تمشي وياي
وهذيك الي تغيرت خل تحتر ليما يكفيها ولي بغت ترجع لي اقولها طبعي لا ضيعت جزمتي رميتها ما ادور عالثانية!!
وربي عوضني خير عنها لانها هدتني من دوووووون اي سبب!