شنو سويتى بالليله اللى قبل عرسج ؟؟؟

[FdeT LmoSa]

رد : شنو سويتى بالليله اللى قبل عرسج ؟؟؟

خووش موضوع

اب اب

 

[تغريد #]

يمه بنات اقرى قصصكم وفيني بجيه اهئ اهئ مابقى على عرسي شي والله احاتي هاليووووووووم
تكفووووون ادعوا لي

 

[حبـ admant ـك]

الله يسلمكم
ليله العرس كانو مسوين عشا ببيتنا تعشيت والساعه 9 رحت يازعم بنام
لكن مانمت الا الساعه 2 من المحاتاه
وقعدت الساعه 8 تسبحت وجيكت على شنطتي
خلاص بعدها بدت لويه الصالون هههههه

 

[مخدوشة الوريد]

>> همن انا حزب الطماشه ..

الله يتمم عليكم ويوفقكم ..

والله يعينا احنا بالمستقبل البعيد جداً >> ماتبي تتزوج الحين

 

[عيون قتاله]

للأسف كنت ببيت أختي لأنه كانت فيه مشاكل بيني وبين أخوي الكبير طبعا كنت خايفه وماقدرت أنام بس نمت 5 ساعات وماقدرت أكل من الخوف طول اليوم ألين جيت بيتي حسيت وقتها بالأمان والحمدلله الله لايحرمني من زوجي الغالي

 

[أو عبوش]

كنت محبوسه بغرفتي كل ما اطلع استلموني اخواني ضغط ايه هذي العروس طلعت العروس دخلت العروس صعدت العروس نزلت وانا استحي ماحب هالكلمه وبذات من اخواني لوووووووووووووووول

فكنت محبوووسه بغرفتي والنوووم ماغمضت عيوني شعور غريب بس حلوو
ولا اكل ولا شرب كله احس طعمه مررر مادري ليش

وارتب جنطتي اول ليله كل شوي حاطه فيها شغله اتذكرها

واختي تقول متى تطلعين واخذ الغرفه لي بروحي عاد انا صدقتها بس مسكينه بالعرس بجت بجي هههههههههههههههههههههههه مبينه بالفيديو

 

[سديم*]

الله ذكرتيني صج بايام يا بخت العرايس الله يوفقهم
انا الله يسلمج رحت اسوي بديكير ومنيكير ورسم علا اظافر وبعدين رديت البيت واهلي يستبلون الناس وخواتي رايحيين يصبغون المهم لما وصل نص الليل الله لا يوريكم مارضى يجيني النوم واتقلب علا الفراش وقمت افتر في بيت اهلي وابجي(الحمدلله والشكر ادور شي عشان تبيجي) المهم قعدت بالسرداب وفي ديرفه للجهال قعدت اتديرف فيها وافكر والا هذي اختي نازلتي حست فيني وتقعد تكلمني وروحي نامي ارتاحي عشان بشرتج وهذي سنه الحياه وانا بالاخير قلت ما ابي اتزوج والا علا نزله اخوي فديته نزل لنا بالسرداب ويقعد يكلمني لين الفجر وانا مصره ما ابي اتزوج المهم يالا نمت بالغصب والساعه 9 الصبح قعدت يعني مانمت عدل والا الاهل متزهبين ومستانسين جان اقعد ابجي واقولهم ما ابي اتزوج مااااااااااااااااااااااااااااااااااااااااااااابي واروح داري مو صاحيه والا امي تعصب وتحلف علي اني اتزوج ههههههههه واني اروح الصالون غصب طبعا رحت وانا حاطه بطاط علا عيوني وماسك علا بشرتي وقعدت اقرا سوره يوسف والحمدلله طلعت صج احلا عروس 2006 بشهادده الكل ولما رحت عند الغالي والا يطلع شي ثاني الضحك والسوالف مو اللي الصبح تبجي والحمدلله طولت ادري

 

[kuwaitya_zoGaa]

واى بنات تعورون القلب
الله يتمم عليكم يارب

 

[om Firas]

تصدقين مااذكر شي لوووووول

مادري لاني سهرانه والا صج نسيت

 

[sweety - Q8]

وناسه سوالفكم .. ان شاءالله انا بعد شهرين اكتب لكم اشصار معاي :wqedqw:

بس بقولكم اشصار ويا خالتي طبعا هي اصغر خالاتي ياحليلهاا

وكانت رايحه الصالون من الظهر وعلى المغرب رحت انا وخالتي الثانيه خذيناها من الصالون

ورحنا ناخذ البدله ونتاكد من الالوان المسكه وشكلها ورجعنا بيت جدتي وكانوا مسوين عيد ميلاد ولد خالتي

وكلينا فطاير وكيك والجهال يلعبون وونحاول ننسى انه خالتي عروس وباجر عرس لاهين بالعيد ميلاد

ومن قامت خالتي العروس بتروح غرفتهاا وانا واختي وخالاتي وراهاا وسوالف وضحك وياها عن العرس

بعدين اطردوني انا واختي من غرفه واقعدوو خالاتي وياها مادري شيقولون لووووووول :dddds:

ولمه صار الصبح مريت عليها انا واختي نرووح صالوون حنان دشتي كانت ساعه 12
وكانت هاااااااااااديه حدهااااا لووول وناسه هاليووم :eh_s(1):

 

[Sama Kuwait]

رد : شنو سويتى بالليله اللى قبل عرسج ؟؟؟





حلوه مواقفكم والله يهينكم

والله يرزقني واقولكم شصار

ادعوووووووووووووولي
اجمعين يارب

 

[blue diamond]

الموضوع ابنن
وانا مو متزوجه ولا جان سردت لكم أحداث اليوم

 

[kuwaitya_zoGaa]

الله يرزق كل الانسات ياااااااااااااااااااااااااارب
ويوفق ويتمم على المتزوجات

 

[وداعيه]

كنت افتر من صيدليه لي صيدليه ادور اقوى دوا حق النشله

 

[الجفول&]

رد : شنو سويتى بالليله اللى قبل عرسج ؟؟؟

انا معروف عني سهيره دايمن اسهر بس قبل عرسي باسبوع عدلت نومي تسع او ثمان بليل انانايمه قبل عرسي بيوم مخلصه كل شي بس الظهر رحت مع مرت اخوي الصالون وطلبتلي مطعم واه من المطعم ياليتني ماكلت الوجبه قضيت ليله عرسي كلها ترجيع العروس ماتنام تخاف من بكره انا مانمت من كثر الترجيع امي تقول خنوديج الطبيب وانا اكابر اقول مافيني شي هذا من الوجبه لان فيها بيض وانا ماحبه وعالساعه8 راحو اهلي يودون الاغراض راحو وانا ارجع وارجعو وانا ارجع هههااااي حاله كسيفه ومعنده مابي اروح الطبيب اقولهم بس انام اصير زينه بليل امي سوتلي عشا ورجعته تقولي مرت اخوي اخبر العرايس ماينامون من الخوف والتفكير انت من الترجيع والله من كثر ماكنت تعبانه ماكنت احاتي العرس ولا شكلي ابي بس الراحه والحمدلله نمت وقعدت الصبح شبعانه نوم وحالتي احسن من امس ورحت عالساعه 11 لحنان دشتي حولي

 

[ملكة الهدوؤوؤوء]

خنقتني العبررررررررره

خاصه اللي تقول اختها تقولها متى تطلعين وبالعرس بجت بجي >>>> شكل اختي الصغيره بتسويها

يمممممه شعور غريب انا من حددوا العرس وقلبي يرقع

 

[$الـــحـــلاوه$]

رد : شنو سويتى بالليله اللى قبل عرسج ؟؟؟

بعد بعد نبي سوالفكم

<<آآآآنسه

 

[املى كبير]

هههههههههههههههههههههههههه


صج ايااام....انا عرسى كان ب2006

قبلها بيوم مرتنى مرت اخوى شايونه فديتها ورحنا الشرقيه خلصت شغلى من منكير وبدكير وحف وقصيتى شعرى وبعدها طلعنا


ورحنا نستلم البدله


عاد بيومها بيت عم زوجى جيرانا وكانوا مسوين عشا لامهم توها جايه من لندن من رحله علاج و واحنا قدام بيتنا


مسافط مسجد وزوجى سافط فيها ويقول لى كل شوى اركب سيارتى ابيج تشوفينى ولااشوفج خخخخخخخخخخخخخخ

واناما كنت موجودة بالبيت للساعه 12 وانا برا وهو ابن االحلال الله مشغله يقول والله الناس استغربت منى كل شوى طالع

وراكب السيارة (طبعا النص حسباله يكلم رفيجاته ويصفى الحساب معهم خخخخخخخخخخخخخخخخخ)


المهم يوم جيت من الصالون على ال12 ولابيت جيرانا هذوله اهل موجيراان ناطرينى البنات ماناموا لانهم قالوا اخر ليله من عزوبيتج

تسهرين عندنا

والله بنات جيتهم على ال1 وماطلعت الاعلى 2 وطبعا كله بجى ومنااااااااااااحه :eh_s(4): ياحلوهم


المهم رديت ونمت وقعدت على ال9 وتسبحت ونزلت لقيت بيت اهلى هدووووووووء موطبيعى وكان برد مووت


ولاامى وابوى يتريقون بصمت وهدوء موعادتهم حياتى منصدمين خخخخخخخخخخخخخ


وتدق على امى عمتى وتقول وين اموله قلت ماابى اكلمها اخاف تخنقنى العبرة



واكلمها ونطقها مناااحه


وقط التفلون واطلع مع اخوى ومرته جايبين لى 2 عصير برتقال فرش وشربته


ورحنا اناومرت اخوى للفندق كونتينتال والباقى ودخلت الصاله كان الكل متراهن على لانى انا حيييييييل جريئه واضحك


وفله انصدموا منى وجهى انصفق ومناحه وبجى والله شئ موطبيعى طلعت خيخه ههههههههههههههههههه::


بس حلوة ايااام رووووووعه لو يحصل لى جان رديت وعدتها من اول


:tongue22:



والله يرزق كل عزبا ويوفق كل متزوجه يااااااااااارب

 

[Daleela]

اذكر كنت بالصالون سويت حمام مغربي وتنظفت لوووول وبالرده البيت بغيت ادعم الله يلوع جبدهم ما يعرفون يسوقون

وهم ريلي اليسار صارت حمره حيييييل والله ما ادري اقول حق امي بغيت اموت وعيني حمر اخاف هذي عين جان تقولي ما ادري منو الليدي

ديانا بتتزوج الملك تشارلز لوووول لازم تكسر فيني ماماتي

والاكل اصلن نفسي كانت مسدوده عالاكل بس افكر واشرب شاي خشا مقاول


والله أيام

 

[abo0osha]

لوول حزب الطمآشه
آب