شنو سويتى بالليله اللى قبل عرسج ؟؟؟

[Doodoo.star]

رحت الصالون احلى حمام ملكي وجاكوزي وتحوففت ورديت اهلي راحو يودون اغراضي وظليت بروحي بالبيت مع ولد اخوي طلع عيني ورحت انام على بس كل شوي افز

 

[A7la-SmiLe]

موضوعج يوونس

الله يسلمج اذكر يومها كنت بالصالون اسوي حمام مغربي و مساج ريلاكسيشن ورديت البيت بدلت وقعدت بغرفتي اكلم صديقة عمري وبعدها قعدت مع اهلي بالصاله وسوالف وومن الخرعه ماتعشيت رحت نمت عال 11 والصبح يات بنت عمتي اتقعدني وخلتني اكل 7تمرات وانا اتغصب فيهم واخذتلي شاور ورحنا الصالون وطول الطريج بس ابجي لاني خلاص بروح عن اهلي
وبعدها طلعنا رحنا الفندق كان بريجنسي والطريج زحمه ومع السوالف جان ابجي --- ام دميعه

وخلص العرس


عسى الله يرزق كل بنوووته بالزوج الصالح يارب​

​

 

[كسوووووف]

الله يهنيكم ....
انا على الساعه 8الصبح جانا خبر حادث وفاة خوالي خالي وعياله:denya::denya:
وانغثييييييييت حييل
ماعشت هالفرحه
وزوجي مايقربلي
بس بعدين عوضتها
بس مستحيل طعمها مثل ليلة العمر ؟؟!!!!!!!!!

 

[غلاوي النادر]

بصراحه طبيعي الامر هههههه عادي نمت 12 وانت كنت معتاده 8 خامده لاني تزوجت عمري 18 وبالثانويه صغيره وتعشيت مع رفيجاتي 10 عشانا كان مجبوس دجاج وقمت صبحيت العرس اخذت حمام ملكي الساعه8 الصبح 10 رحت الصالون ساس بيو جانيه حاليه اعتقد جذي اسمه

 

[Madmoiselle]

ونآسه
> آنسه :tongue22:
أب​

 

[الدلوعة أمون]

الله يرزقني واقولكم وش صار معي

 

[kuwaitya_zoGaa]

يالله بنات نبي بعد سوالف يالله
والبنات اللى ردو سوالفكم تونس وايد

 

[kuwaitya_zoGaa]

الله يهنيكم ....
انا على الساعه 8الصبح جانا خبر حادث وفاة خوالي خالي وعياله:denya::denya:
وانغثييييييييت حييل
ماعشت هالفرحه
وزوجي مايقربلي
بس بعدين عوضتها
بس مستحيل طعمها مثل ليلة العمر ؟؟!!!!!!!!!

الله يرحمهم برحمتة يارب
صج عورتي قلبى

 

[نور النـور]

^
^
الله يرحمهم

والموضووع يجنن
كملوو بنااااااااااااااااااااات
عشت معاكم الجوو
وناااسة
لووول

 

[قلبي ابيض]

كنت مررررررررتبكة :080402ask_prv:

اشلون حياتي اليديدة :080402ask_prv: وماااااااانمت سهر ليييي ال3 وثاني يوم سلمت على امي وابوي وطيرااااااان للصالون >> توج مرتبكة

وكنت وااااااايد ادعي الله يوفقني معاه لأني مااااااااأعرفه وبالفندق ( الصالون ) شفت اخته وااااايد استانست مادري ليش :eh_s(6):



والحمدالله اعتبر نفسي بمستوى السعادة اللي اتمنى

 

[وجدان الكويت]

انا كنت قاعدة أتألم من عوااار الدورة حددددددددة مووووووووووووو وقتتتة

نمت 9 بالليل وقعدت 3 الفجر من الخرعة والتعب

الله يعين العرايس على الليلة الاخيرة للعزوبية خوف وتفكير

 

[الماسه_26]

امبيـــــــــــــــــــــــــــه احلى موووضووووع وربي

أب أب لعنونج

اذا تزوجت برد على هالموضوووع ان شاءالله بعد 5 سنين ارد يعني ارد تلقيني بصباحيه العرس ماسكه الاب توب واعطيج نشره عن اللي صاااار

 

[درة أهل الطولات]

اهلي نايمين وانا افتر من دار لدار

اطالع اخواني وخواتي

وقعدت على سريري اطالع الغرفة


كنت مينونه
ههههههههههههههههههههههههههههههه


ومسجات مع رفيجاتي نمت س3


وقعدوني س9

امي اطلبت من ابوي انه يروح بعيد عن عيني

لاني متعلقة فيه

وخافوا ابجي وما ارضى اروح الصالون

بس لمحته من بعيد والدموع اترست عيوني






امبيه





رايحه جهاد مو زواج




هههههههههههههههههههههههههه

 

[هيبة ملك]

ههههههههههه

كانت أحلا ليلللللللللللة

 

[نـس ـونئ غ ـلآهـم]

لوووووول

وناسسه سوالفكم تهبل

الله يتمم عليكم

أب أب

>حزب الطماششة

:$ انشالله يرزقني بالزوج الصالح وكل البنات

 

[أجراس الرحيل]

شغل الصالون ونقش الحنا مخلصته قبل بيومين

صحيت الصبح وجلست افطر مع امي وابوي واخوي الكبير فديتهم وبعدين صعدت الدار لان الحريم بدوا يجوون عند امي وبعد الغدا جاو بنات

عمي وخالاتي نسولف ونضحك بس كنت مفهيه ماادري شسالفه وبعدين قريب المغرب طلعت مع خواتي ناخذ الفستان ونشيك عالمسكه

وبعدين ردينا البيت طبعا ماتعشيت خااااااااااااايفه حدي واحس بطني يعورني وشيكت على جناطي كلهم وبعدين اهلي اخذوا الاغراض يودونهم

ببيت عمي وضليت بغرفتي للحالي افكر وابجي اقول مدري زوجي بيطلع نفس اللي بالصوره ولا غيره لاني ماشفته بس مكالمات وصوره بس

بعدين دزلي مسج (بكره ياعمري لقانا وحدنا محد معانا اشتقت لصوتج) بعد عمري شهر ماكلمته بوقتها بعدين ردو اخواتي وجلسنا نسولف

مع اخواني للساعه 4 الفجر واخرشي اخواني يضحكون معي يغنون لي شيلي قشش طلعي عن بيتنا ضليت ابجي ابجي وهم يراضوون لين

بجو هم وبعدها نمت ساعه بس والساعه 10 الصباح رحت الصالون مع اخواتي ورديت البيت العصر للمصوره وكل مااطل بوجه اهلي

تخنقني العبره

والله ايااااااام حلووه ذكرتينا فيهم زوجي للحين يقولي قبل العرس بليله كنت احن على راس امي واخواتي ابي اجي اشووفج مو صابر يقول نمت وصحين وانا على الحال بس ابي اشوفج وامي مو معطتني وييه مشغوله مع الحريم

تسلمين حبيبتي عالموضوع

 

[كراميلا مرة]

حزب الطماشه

 

[احلى الورود]

والله ذكرتيني باحلى ايام حياتي ياليت اقدر اعيشها مره ثانيه
طبعا من الساعه 11 الصبح لي 6 المغرب بالصالون مغربي وشيره وووووالخ
وبعدين جو خالاتي وخواتي عندي بغرفتي وقعدنا نسولف شوي وابجي شوي وراحت امي وخواتي يودون الدزه وانا مسويه منااااحه ومانمت الا يمكن ساعتين بس
وقعدت الصبح ورحت الصالون كونتيننتال وكانت احلى ليله لايمكن انسااااااها

 

[مملوحة_الوصايف]

رد : شنو سويتى بالليله اللى قبل عرسج ؟؟؟

والله اقرا سوالفكم او قلبي يرقع او خايفه مادري شكووووووووو
اتخيل نفسي مكان وحده فيكم وااااي صج لازم تخافين شعوور غريب

 

[kuwaitya_zoGaa]

الله يوفقكم يابنات
يالله ابي ردود حلوه والا ترا بزعل
اللى تحب كويتية زوغة بتكتب لي رد حلو مثلها يالله :hjy5jewf:
وعلى راسي كل اللى ردوا كلكم ذووق :blueSmCLR: