شوفو شقالي الدكتور عن ابرة الظهر اللي حنيت عليها شكثر !

[غنوة ستايل]

انا ارتحت لابره الظهر اكثر
الحمد الله ولادتين قيصريه وكله ابره ظهر
شوفي هي متعبه اليوم اللي عقب الولاده
لازم تنامين يوم كامل منغير مخده يكون جسمج مستوا واحد
وكل يوم ابره سيوله والله ما اذكر ابره او ثنتين
واليوم الثالث يشيلون البربيش حق الشسمه
ويخلونج تمشين عشان رجولج
ترا هذه صعوبتها
غير الخرعه
لاني اخاف منها بس ماتعور لا تخافين بس سبحان الله تخوف
انا اخذها وانا رافعه صبعي اتشهد

 

[غنوة ستايل]

علي فكره انا ماصار فيني صدااع

 

[xxx]

كلامه عدل

انا عيزت اقنع روحي فيها مع ان ولادتي طبيعية حمدالله

بس اقول اخذ الكمام احسن وآمن

 

[أ م حور]

الله يهون عليج حبيبتي

 

[Hello_kitty]

الله يهون عليج ام مريومه ويقومج بالسلمه بس استغربت كلام دكتورج حيل لان الحين الغالببه هونوا عن البنج العام والكمام

والكل يدري ان البنج العام ياثر بالام والبيبي يطلع دايخ ومخدر مسكين وبعدين يخليج تكحين ومع الم الجرح تتاذين وايد

عن تجربه قيصريه وخذيت ابره ظهر ماشالله الحمدلله ولاده ولا اروع ومتعه وانتي تشوفين البيبي وتسولفين بدون تعب لحظه عجيبه لا تطوفينها

ولاافكر اخذ غيرها وانه سالت وايد قبل لا اخذها كل الدكاتره انصحوني فيها الحمدلله

 

[lady like]

أنا صارلي20يوم من ولدت وخذيت بوالدتي إبرة الظهر بمستشفى السلام
الحمدالله واااايد عجبتني و ما شفت لها اي اثار سلبيه
أنا ولدت طبيعي و الفضل لالله ولابرة الظهر الي ما حسستني باي الم و اي تعب

 

[om al ghaleen]

الابره مو لهدرجه خطره بالعكس البنج العام سلبياته اكثر
واهو ع حسب الجسم "

ابره الظهر تخليج تشوفين كل شي لحظه بلحظه
وشعور حلو يكفي لا حطوا البيبي ع صدرج وتشوفينه اول نظره
ووبعد ترضعينه بنفس اللحظه
الله لايحرم كل وحده تتمنى الضنى :yaaaaaarb:
بس صج صج ابره الظهر رحمممممه

\\

 

[zntoosha]

حبووبه الله يسهل عليج ويقومج بالسلامه بس انا اشوف ان ابره الظهر تنفع حق الي بتولد طبيعي اكثر بوايد من القيصريه
وصاج الدكتور اختي خذتها حق القيصريه ومانفعت عطوها بنج عاام
واحسها تشيل هم من الام واايد مريحه مع سلبياتها انا اايدها بس مو حق القيصريه لان عمليه احسن تنامين تقومين تشوفينهم خالصين

 

[wafa82]

انا خديتها بولاده طبيعية والصراحه ماراح اولد انشالله بدوووونها عجيييييبه

 

[زينانه]

انا اتخيل لو ماضبطت ابرة الظهر. يعني ماقامت بدورها عدل
واللي اعرفه ان مايصير تنشال وتتركب مره ثانيه
شنة بيكون موقفج وانتي بالعمليه وصاحيه
لا لا نامي احسن لج ولا تحسين ولا تشوفين

اما اللي بتولد طبيعي والله الكمام ةالابر المسكنه كافي

 

[ناادرة]

انا خذيتها بس كنت طبيعي
وانا معاج ان القيصريه الي مالها قلب ماله داعي تاخذها

اما بخصوص الصداع كان جدا خفيف
والم الظهر اول يومين وخفيف مع المسكنات تنحل المشكله

وحبيتها صراحه

وانصح فيها بعد

​

 

[مظلومه ياناس]

الله يهون عليج يارب ويكتب لج اللي فيه الخير

 

[فاقده ابوهاااا]

انا من زمان اسمع من البنات انها زينه وما تأثر بس ما اقتنع بتجاربهم لان بالمقابل اسمع ان في بنات حتى بعد مرور ست اشهر للحين يعانون من الصداع والعوار بالظهر والريل وكنت ناويه اقزها بس بعد ما قريت مجلات طبيه عن ابره الظهر الصراحه اخترعت يعني فوق 4 صفحات ما شفت شي مفيد او ايجابي للابره غير انج ما تحسين بالعوار بس بالمقابل احتمال يصير انتكاسه وحتى بمستشفى هادي في مجله خاصه بالمستشفى ذاكرين بصفحتين عن ابره الظهر واذا قريتوها راح تهونون عنها بالمره

 

[انجبر قلبي]

انا مجربة ابره الظهر مافيني الا العافيه

ظليت يوم كامل منسدحة صح بس هذا شي عادي

و الصداع ما اتذكر لان انا من الله فيني صداع يروح و ايي فما لاحظت الصداع

بس كان فيني عوار ظهر مكان الابره فترة مؤقته وراح

و حزة اللي يغزون الابره لازم اتكونين بوضعيه معينه و اتجندسين وما تتحركين لمه يخلصون

بس بعدين عادي تنسدحين عادي ويرفعون ريولج و بس ماتحسين بولا شي وتكونين صاحيه و عادي ماكو الام

بعد العمليه تنطرين جم ساعه عشان يفج البنج

 

[om MaRyooM]

مشكورين فديتكم على مشاركاتكم وتجاربكم



ماقصرتو

 

[الأماكن]

أخاف من ابرة الظهر ... لان اعراضها ما تبين الا بالمستقبل ... و انا صحتي خررررطي

و ظهري مو صاحي ....

ما يخالف اتحمل البنج الكمام العادي بس ابرة الظهر"no way"

و يارب تقومين بالسلامة انتي والبيبي و يسهل عليج الولادة

 

[ScarletteO'Hara]

سبحان الله اول مرة اسمع هالحجي
و من دكتور بعد
لان إبرة الظهر تعتبر أأمن بوايد من البنج العام
الأمريكان يعتمدون عليها ١٠٠٪ بالولادات الطبيعية و القيصرية
غريبة ما ادري ليش هني وايد مهولين فيها
و أعراضها الجانبية مو شرط تصيب معاج
انا الحمدلله صج ان ولادتي طبيعية
بس ما حسيت بعوار ظهر و لا صداع ١٠ ايام و لا غيره الحمدلله
بس عموما أكيد دكتورج ابخص لازم تمشين على كلامه
و ترى الوضع حده يخرع انج تكونين صاحية و اهم يشقون بطنج
بس أحلى شي انج تكونين واعية لما البيبي يطلع من بطنج و يحطونة بحضنج
عموما الله يسهل ولادتج يا رب

 

[nadoo]

ان شاء الله يا ام مريوم تقومين بالسلامه وتفرحين بالبيبي

 

[^^yasmina^^]

ام مريوووم
خل اقوولج شغله حبيبتي اعراض الصداع ما تحوش الكل
انا اختي ما حااشها كلش الصداع
انا ولد عمتي مستشار جراحة دارس في كندا يقول بكندا يوم كنا انروح المستشفي غرفة الولادة هدوووء لان الكل يستخدم ابرة الظهر
و وحدة بالمنتدي اهني قالت انها اولدت في امريكا تقووول يوم قالتلهم ابي كمام قالولها شخباري ما نعطي كمام من اثمانينات
والي يمشي عندهم ابرة الظهر


انا سألت دكلترة وبحثت وااايد
وقريت كتب اجنبيه عن ابرة الظهررر
الكمام والبنج الكاامل اعراضها اخس
يعتي عالاقل ابرة الظهر صداع ويروووح
لكن الكمام تدرين شيسوي مثلا ؟! يأثررر عالجهاااز العصبي عشان جذي لما نشفطه نقعد نخرف
وونسي ويأثر عالذااكرة عالمدي القريب والبعيد معروف ذاكرة الوحدة الي ما عندها عيال وما خذت كمام مو نفس ذاكرة الوحدة الي يابت يهال عالكمام وشفطت الكمام شفط
وفوق هذا يضر الي فيهم ربو

وبالنسبه للبنج العام مابي اخرعج بس اسم الله علينا اجمعييين ممكن ممكن ان يأدي ان الواحد الي ياخذها يدش بغيبوبه او يأدي للقتل
نفس الممثلة المصرية المعروفه نسيت اسمها الي سوت عملية تجميل وخذت بنج عام ودشت بغيبوبه وما قعدت منها وماتت
وانا قريت بكتاب ان لازم بعد ما يحطون البنج للي تبي تولد لازم بسرعه يطلعون الياهل ما يتأخروون لان راح يأثرر عالياهل
يعني هذا يا حياتي كلها مجازفه
فالصداع الي يحوش والبرد اهون عندي من هالمجازفات كلها

 

[الخزامه]

انا اصلا مااحبها البنج الكامل حيل احسن