شوفو شقالي الدكتور عن ابرة الظهر اللي حنيت عليها شكثر !

[ليالى الحنين]

الله يهون

 

[!الجادل الصعب!]

آختي جربتهآ بالقيصريه .. لآنهآ ماتتحمل البنج الكآمل ..
وللحين كآرهه التجربه تقول يآ حلو البنج انام واقعد آلآقيه ..
بس مو اكون صآحيه ومتوتره واحس بنغزآتهم ..!

يعني اذا القيصريه فيج فيج وتقدرين عالبنج احمدي ربج واخذيه ..
بس ولآده عآديه انصح فيهآ وبشده .. لآني جربتهآ تهبل ومريحه جدآ

 

[بخـــارى]

ام مريوم يبا هالدكتور اشكره حاط على دكتور التخدير لاتقول ماتصير الا تصير ونص

اذا بتسوين بحث عن الابره اخذيها من المصادر الاجنبيه مو العربيه

والحين الدول الكتقدمه مايعطون كمام كله هالابره يعني مو معقوله احنا بنفهم اكثر منهم ودكتور عصام متخصص بالقيصيريه

وانتي حالتج حساسيه حمل اتوقع ابرة الظهر احسن والله ا علم انتي استخيري ربج

والله يقومج بسلامه

وللعلم انا من كثر مااخذت علاج حمل وطقيت بهالابر مااقدر انام يت على هالابره
والي تقول فيها صداع اوعوار ظهر هذا من اول فيها اومن تعب الحمل طلع فيها

 

[خفايا الروح]

انا ما حبيتها بولادتي فبجري ..

ما كانت مضبوطه يمكن ..!

لأني كنت اتألم الظاهر ما كنت متخدره عدل او الجرعه مو مضبطينها ..!

وبولادتي بولدي ما اخذتها لأني فبجري ذبحني عوار الظهر والركب بسببها..

الله يسهل عليج وع الجميع ..

 

[om MaRyooM]

مشكورين بنات فديتكم ماقصرتو

 

[FOZQ8]

من واقع تجربه شفتها جدامي اختي طقتها وتقول مستحيل اولد من غيرها وللعلم اهي ولدت قبل طبيعي بس اخر ولاده ذبحتها عوار
ولما ذاقت طعم الراحه بالابره تقول اللي ما تاخذ ابرة ظهر ماعندها سالفه
واللي تاخذها بعدين يقولون لها بنج عام احسن من لما تذووق الطلق ولما يوصلون لنتيجه ان لازم فتح بطن فتكون ماتت عوار من الطلوووق ومن جرح العمليه بعد ما تصحى
وبراحتج يا ام مريووم بس انا كنت اسولف مع اختي واهي طاقه الابره وعادي ولا جنه قاعده تطلق
والحين اختي الثانيه حامل وكان ولادتها ببجرها تخرع وفلم رعب وولاده متعسره مسكينه حست بكل شي حتى الخياط التجميلي حست فيه ... وقالت والله لو مافي ابره ظهر ما احمل مره ثانيه هههه مسكينه تعقدت

 

[هدفي الفردوس]

تقصدون عصام ابو الفتوح والا غيرة

 

[atc666]

طبعا اذا قيصريه بنج عام احسن لج بس اذا طبيعي عادي ابرة ظهر

 

[q8tyah]

شوفي ام مريوم تبين نصيحتي اخذي ابره الظهر وخليهم يغزونج ابره منوم عشان ماتخترعين انا رفيجتي تسوي جذي بعملياتها ، واذا علي اخطار ابره الظهر بكل حمالاتي اخذها ومن سنين والحمدالله مافيني الا العافيه لاصداع ولا مشاكل بالظهر ولا بالعظام كله حجي ولو تشوفين الحين بمستشفي الصباح شالوا الكمام وحطوا مكانه بديل ابره الظهر بيطبقون نفس نظام الدول الاجنبيه ومع تطور الطب عندنا راح تشوفين حتي بالخاص بيطبقونها

 

[السولعيه]

لانه دكتور فاشل قال هالكلام


اي استشاري ينصح بابرة الظهر بدل البنج العام ومن غير تفكير


بس اذا تبين ابرة ظهر السلام وغيره انسي


والله يقومج بالسلامه

 

[om MaRyooM]

*هدفي

اي عصام ابو الفتوح

 

[om MaRyooM]

مشكورين فديتكم


والله قمتو تشككوووني محتارة الحين

 

[QYtiya.com]

اعرف وحده اخذتها اطلعت من العمليه ترججججف تقووول انا احس لما يفتحوون بطني واحس بالمشرط لما يحطووونه على واحس باللي يصير فيني بس بدووون عوااار يعني صراااحه رعععععب
انا شفت فيلم عن تركيبها بالظهر مت خوووف صراحه عندي العام ابرررك بالف مرررره

 

[jooosy]

انا هذي اول ولاده لي
اول ما اهي طلبتها ابصراحه
انا فتح بطن وخذيتها
وما عطوني بنج عام
وابصراحه لحظة الي البيبي يطلع ما تتعوض وخصوصا اتكونين صاحيه
انا حتى كمام ماخذيت
ما احب شي يدوخني
ولو يرد فيني الزمن هم باخذها
صج انها راحه ورحمه هالابره
حتى عقب الولاده تقعدين صاحيه لادايخه ولا شي احسن من البنج العام والكمام دوخه وفرة راس عالفاضي
والحمدالله ماكان في صداع
الا اني كنت احس ساعات عقب شهرين من الولاده غزه مكان الابره اذا جندست وبس الحين لي سنه ونص والده وراح هالشعور
والله يخليلي ولدي حبيبي

 

[om MaRyooM]

واي صج حيرة


مع اني كنت مقتنعة بكلام الدكتور .. بس لما اقرى التجارب أتنح لوول



مشكورين حبايبي

 

[Violetta]

مشكوره ام مريوم انا كنت مترددده اخذها او لا
بس تصدقين مستشفي الولاده الحين كله علي ابره الظهر شالو الكمام
فالله يعينهاالي بتولد عندهم

 

[Violetta]

انا اقول ليش ماتستخيرين ؟؟
انا كل اهلي ياخذونها بس انا خوافه ماجازف

 

[العفاسيه]

ابرة الظهر ماتقارن بالبنج العام
ابرة الظهر اذا راح مفعولها بتحسين بالعمليه لمى يشقون بطنج يمكن عشان جذي مانصحج الدكتور فيها والا مالها مضار بالعكس
البنج العام يبيلج كم شهر تستعيدين ذاكرتج وتصحصحين منه

 

[الـــذربـــة]

بنت خالتي خذتهاا فولادتها فبنتها قبل 4 سنين وللحين
تعاني من اثرهاا عواار بالظهر للحين معاهااا

 

[om MaRyooM]

مشكورين عالتفاعل