((شيخة ...والي رفع سابع سما اني احبج اكثر من امي)))<<<قصة واقعية * مميز*

[shai5at al3arab]

رد: ((شيخة ...والي رفع سابع سما اني احبج اكثر من امي)))<<<قصة واقعية

حلو

يالله ناطرين التكملة ..

بس غريبة .. يعني لازم تشوفه بالخطبة ..ماكو بين الحضر ملجة وزواج على طول ..
يالله ناطرين .

 

[الديما85]

رد: ((شيخة ...والي رفع سابع سما اني احبج اكثر من امي)))<<<قصة واقعية

وااااااااااااااااااااااااااااااااااااااااااااااااااااو
عجييييييييييييييييبة ألله يعين شييخة ياارب ماتندقر مرره الثاانية
هالرياييل مالهم أمااااااااااااان
متى تكملين ؟ حددي تشوقت بعررف شيصير
ويعطيج العاافية

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

حلو

يالله ناطرين التكملة ..

بس غريبة .. يعني لازم تشوفه بالخطبة ..ماكو بين الحضر ملجة وزواج على طول ..
يالله ناطرين .

ايه صح....احنا ماعندنا ملجة وزواج على طول.....بس جرااح يوم خطبها كان شايفها ..اهي الي ماشافته....

ويوم شافت طليقها ضاري....حست بالغيرة ....واتخذت قرارها بسرعة ومن دون تفكير.....لو تلاحظين ان امها قالتلها .... (شوفيه)....قالتلها لا مابي اشوفه..ريال مايضره....مو اهوا شايفني عند باب المدرسة....يعني اكيد عاجبته...
يعني اهي زواجها كان بسرعة بسرعة ومن غير تفكير......والريال مستعيل....

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

وااااااااااااااااااااااااااااااااااااااااااااااااااااو
عجييييييييييييييييبة ألله يعين شييخة ياارب ماتندقر مرره الثاانية
هالرياييل مالهم أمااااااااااااان
متى تكملين ؟ حددي تشوقت بعررف شيصير
ويعطيج العاافية

ايه والله ...الله يعينها....كاني قاعدة اكتب الباجي

 

[على الدنيا سلام]

رد: ((شيخة ...والي رفع سابع سما اني احبج اكثر من امي)))<<<قصة واقعية

يالله ناطرينج


@@

 

[العين الكحيله]

رد: ((شيخة ...والي رفع سابع سما اني احبج اكثر من امي)))<<<قصة واقعية

وااااااااااااااو:ggdw:

القصه رووووووووعه

بس ليش جذى جرااح

:ggdw::ggdw:
يلا يااقلبي كمــــ:ada:ـــــلى

:ada:

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

انكمل.....
جرااح حط الجناط على الطاولة...جان يقط نفسه عالقنفة الي يم الفراش حييييل...ويفصخ قترته.. واهي بعد افصخت الفرير واللفه مالتها....وكانت قاعدة على طرف الفراش من جدام ومعطته جنبها اليمين ....وقاعدة اتهز ريلها اليمين حيييل ...لانها كانت وايد متوترة.....

جان يقولها: اشفيج اتهزين ريلج جذي...متوترة من شي <<<يستعبط الاخ
شيخة: لا مافيني شي....<<<قالتها مع ابتسامة مصطنعة وقاعدة ترفع قذلتها
جرااح ...انزين يالله بدلي اهدومج.........

شيخة اهني صبت عظامها ..وحدها ميته خوووف....لأ لأ مو الحين<<اتقول بقلبها
جان يكمل جراااح: ...عشان نتعشى ....بهالفندق في مطعم تايلندي اسمه blue elephant... اتحبين السي فووود؟؟؟

شيخة: أي احبه....
جراااح : عيل يالله بدلي....
شيخة : اوكي....

راحت بطلت جنطتها وطلعت اهدومها الي بتلبسهم.....كانت شارية بدلة من لاكروا حدها حلوة وستايل وملونه ...مع جوتي وجنطة من jimmy choo... خذت الهدوم وحطتهم عالفراش...الحين تبي اتبدل اشلون...توهقت ...ومستحية اتقوله...جان إتطالعه بطرف عينها ....جان يطالعها ويقول...
جراح: اشفيج ....
شيخة ويها صار احمر: ابـ..ـي ابــ..ـدل....اهدومي
جراااح حده منقص ويها : اووه سوري...انا عيل بوقف بره عالبلكونه وادخن زقارة على ماتخلصين....
بدلت شيخة بس بقا تسريحتها....قالتله :جراح خلصت....
دخل جراح وشافها ...جان يقولها: بتروحين وشعرج جذي؟!!!
شيخة : لا طبعا ...الحين بفل التسريحة ....

وقعدت شيخة اتشيل الماشات ...اشوي اشوي...ماتبي شعرها ينتفش ويخترب...طوّلت اشوي ....وطبعا جرااح قاعد يطالعها....
جان يقول جراااح : انتو يالحريم مايعوركم راسكم لما اتسوون تسريحات.؟؟!! احس الراس يصير ثقيل....!!!!!

شيخة مو مصدقة ان سولف ونطق: هيهيهيهي... لا عادي...الي يبي الزين مايقول أح...

جراااح ...لاتعليييق......

خلصت شيخة ولبست احجابها...جان اتقول : يالله نمشي
جراح: يالله خل البس قترتي.....

لبس غترته ...بطلها باب الغرفة ...اطلعوا من الغرفة.....يمشون بالممر...وصل الاصنصير انزلوا....

طبعا جراح كانت خطواته اسرع من شيخة بس شيخة كانت اتسَرِّع اكثر عشان يمشون يم بعض...طبعا ...ما مسك ايدها...واهي اتقول بقلبها<<<يعني هذا يا غبي يا مدمغ ..او ماعنده احساس....وحده من هالثلاث.....

وصلوا المطعم:
الويترس:hello sir, can I help you?
جراح:
yeah,i have a Reservation
الويترس: what's your name, sir
جراح: JARAAH

ادخلوا المطعم...اقعدواا ...عطاهم الويترس المنيو.....قعدواا يطالعونها.....
جراااح: ها شرااايج ...شنو رسيتي عليه...<<<يتكلم وعينه عالمنيو..
شيخة: مادري جني ضعت....انا ولا مرة رحت مطعم تايلندي كلا يا تشاينييز او ياباني....
جراح :انتي شنو اتحبين اكثر شي...دياي ..لحم...سمج...ربيان
شيخة:مادري أي شي ....عادي
جراح: لازم اتنقين شي.....عشان اختارلج...
شيخة: امممممم....احب الربيان اكثر شي...

جان يقرب جراح منها وقاعد يوريها المنيو....لصق فيها شوي حتى ايده حاشت صدرها على جنب.....اهي انقص ويها ...بس اهو ولا حط باله....
جراح : شوفي هذا المين دش شكله عجيب....جان يقراه Prawn Curry
A hot yellow curry of prawns in coconut milk
شيخة: شكله حلو....اوكي ابيه
جراح: لاتستحين طلبي الي تبينه....انا بس اقترح...
شيخة:هيهيهي.. لا خلاص ابيه.....
جرااح : ماتبين شوربة....
شيخة :لأ....
جراح : يالله يبا لاتستحين....تدرين شنو ....انا بطلبلج شوربة والمقبلات على ذوقي.....

واهم قاعدين ياكلون..كانت الساعة 12 ونص..دق جراااح على اخته نورة:الووو...هلا نورة اشلونج...
نورة: هاااا اشفييييك..اشصاير..<<<مخترعة عبالها صاير شي...
جراااح: انتي الي اشفيج...ماكو شي....
نورة : وين شيخة فيها شي....
جراح: نورة وبعدين وياج..يايبا ماكو شي...انا داق اسأل عن ديومه....
نورة : اشواااا...واي خرعتني....ديمه نايمة بغرفة دلال ...ومافيها الا العافية...لادق كل ساع ...اقعد مع العروس جابلها ابرك لك....
جراح: ماشي ماشي....يالله <<<<<< قالها بنفسية...

صك الخط من اخته نورة ...وبعدين صك الجهاز بكبرة وحطه ابمخبات دشداشته.....
جنا يقول خلاص بدامي تطمنت على بنتي...مالي خلق احد

شيخة: والله حلو المطعم ....ماتوقعته جذي....
جرااح من غير مبالاة : ايه زوين.....
يكمل كلامه: خلصتي...
شيخة: ايه خلصت....
جرااح : ماتبين اتحلين...
شيخة: لا لا ...مشكور حدي شبعت...
جراح: يالله عيل مشينا.....

دفع جراااح الحساب ....واطلعوا......

جرااح: تبين نصعد الغرفة....ويلا نتمشى عالبحر...
شيخة حتى مانطرته يخلص كلامه : ايه ايه نتمشى عالبحر......
ابتسم....حس فيها انها خايفه....قالها : ماشي نتمشى ....اشورانا.....<<<وهويتبسم

قعدوا عالبحر ....يم بعض ...بس مو لاصقين يم بعض.وطبعا سكوت وكل واحد يطالع البحر وسرحان ...راحت شيخة بعيييييييييييييييييد ...تذكرت ضاري....هالحجي من 3 اسنين .....كانو رايحين البحر الساعة 2 بليل ...قاعدين عاليال ....وضاري منسدح على ريلها واهي تلعب بشعره.....

ضاري واهو يبتسم ويطالع شيخة: شيخوووه...يالكلبة احبج....امووووووت فيج
شيخه: انزين ليش يا الكلبه ياحافظ<<<<اتقولها واهي تضحك ومستانسة
...ويقولها: كلبة وحمارة بعد.... جان يقوم و يعضها على زندها اليمين عضه خفيفة..
شيخة ميته من الضحك: حبيبي في ناس ....اشفيك
ضاري: بلعنه...مرتي وكيفي....

الله كانت ايام حلوة....من اول يوم حبيت ضاري... كل شي فيه ينحب ... دمه خفيف ومرح ويدخل القلب...من اول يوم حببني فيه...معاملته ...رقته....رومانسيته....اسلوبه....
لفيت ويهي على جراح....طبعا كان قاعد يدخن....طالعني وقال :
جرااح: اشفيج....<<<<وشيخة اتقول بقلبها فرق عن هذا....
شيخة: سولف ...كلمني عن نفسك....ابي اعرفك اكثر....ترا انا قرقه..بس انت مو معطيني مجال....
جراااح ضحك:عاااد انا ماحب القرقة الزايدة....
شيخة اتقول بقلبها :امبيه شالدقره....
جراح يكمل: انا هادي حييل ...وقليل الكلام...اذا عندي شي اقوله واذا ماعندي اسكت....
شيخة: انزين كلمني عن دوامك
جراااح: تبين اكلمج عن الاحداثيات ويلا الاسلحة ويلا دبابات.....
قاطعته شيخة: كلمني عن شي اتحبه...اي شي...
جراااح :عندي فكره انتي تكلمي ...وانا اسمع ....
شيخة : خلاص اوكي......

وقعدت شيخة تتكلم وتتكلم....عن الجامعة وعن تخصصها وعن شغلها وعن اخوانها.....لين اسمعوا اذان الفير....

شيخة: ماشاء الله اذن الفير...
جراح: أخ مشى الوقت....يالله خنروح الغرفة.....
شيخة : او..او..كـ...ي .......

 

[الديما85]

رد: ((شيخة ...والي رفع سابع سما اني احبج اكثر من امي)))<<<قصة واقعية

واااااااااااااااي عجييييييييييييبة حدددي اندمجت ..
أبي أعرف وبعدهاا شصير معااهم ..
متى تنزلين الباارت اللي بعده أدري حننه بس شسوي..ههههه

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

اصعدوا الغرفة.....اقعدت شيخة على الفراش....بطل جراح جنطته...طلع اهدومه الي يبي يلبسها...دخل الحمام.....

اما شيخة....قلبها يدق ...وخايفة وقاعدة على نار...واتقول:
يالله اتعدي هالليليه على خير...يالله
...طلع جراااح من الحمااام ...ويلا لابس بجامه حلوة شكلها جنها تريننق....بس خامتها اخف اشوي من التريننق....لونها رمادي وعلى جنب بنطرونه خطين سود..مخصرة اشوي ومخليه جسمه تحطيييييييييييييييم....وتوه متيدد فكان رافع شعره بالماي ليفوق شوي...وشعره اسود كثيف ....دوّر مكان الجبله...جان يصلي ....حيل استانست شيخة انه يصلي...وكبر بعينها...
جراح يسلم عقب الصلاة: السلام عليكم ورحمة الله ...السلام عليكم ورحمة الله
التفت على شيخة.....وقال :
شنو ماتبين اتصلين....
شيخة: ها..أيه ...امبلا ....
ادخلت الحمام تيددت....وصلت....جان تقعد عالقنفة....
جراح: شنو بتنامين بهدومج....
شيخة: ها ...لا ...لا ...الحين ببدل.....

راحت افتحت جنطتها ....طلعت القميص الي بتلبسه....وادخلت الحمام.....
صارت 5 دقايق ...7 دقايق ...10 دقايق.....ربع ساعة....ثلث ساعة...وليلحين ماطلعت...قام جراح وطق الباب عليها شوي شوي....
جراح: شيخة ...شيخة
شيخة: هلا ....كاني ...اشوي وطالعه....

كان جراح منسدح عالفراش ومشغل الاضاءة الخفيفة و قاعد يفرفر بالقنوات....تك << سمع صوت الباب انفتح.....
اطلعت شيخة...كلها كان حدة يعقد شعرها من عقب التسريحة صار ويفي وخففت من مكياجها اشوي وامسحت الحمرة الحمرااا وحطت حمرة وردية فاتحة مع قلووس يلمع حيل.وقميصها كان طويل ...ماكسي يعني لونه وردي فاتح على بيج...حدها ميته خوف...ماخافت جذي يوم كانت بنية ومتزوجه ضاري....ماتنلام ماتعرفه....
طالعها جرااح واهي يايه...اقعدت يمه بالفراش....طالعها وقالها:
اشفيج طولتي جذي...انا قلت هذي اشفيها...
شيخة بدلع: شنو خفت علي....
جراح: لا ...شنو بيصير فيج يعني<<<<دقره

اسكتت شيخة...واهي اصلا منقهره منه...طبعا ماقالها ولا شي....طول اليوم مامدحها ولا بنص كلمة...لاقالها مثلا : يابختي فيج...ولا : ماشاء عليج حلوة....ويلا :يازين مااخترت...ولا ولا شي.....
حتى يوم اطلعت من الحمام...شافها متزينة وكاشخة...المفروض يقولها شي حلو...يلطف الجو...يمهدلها الطريج....ولكن ياجبل مايهزك ريح....ولا نطق بكلمة......

قرب منها... باسها و(..........................................................)

عقب هالشي شيخة ماقدرت اتنام.....اهو نام بسابع نوووومه....اما اهيا لا...ظلت اتفكر بكل شي صار اليوم...ليش جرااح جذي جامد...فيه غموووض..هل اهو مغصوب عالزواج.؟؟؟ انزين اهوا الي كان مستعيل وكان يبي نملج عقب اسبوع ...بس امي مددت لين اسبوعين ومارضى يمدد اكثر....يعني اهو مومغصوب.....احس انه كله بوادي ثاني.....ليش علاقته بأهله جذي...اسم مرته الاوليه شيخة...هل كانت صدفة؟؟؟ وليش ديمه عايشة عنده مو عند امها...الحضانه للام ....بس يمكن الام متزوجة...تساؤلات وايد اخطرت ابال شيخة....بس الشي الوحيد الي تأكدت منه..و من كل شي صارلها اليوم وحطوا تحت كل شي عشر اخطوط...إن جراح قلبه مو خالي...

 

[^ليلاس^]

رد: ((شيخة ...والي رفع سابع سما اني احبج اكثر من امي)))<<<قصة واقعية

مسكينة شيخه شفيه حظها

كملي حبيبتي

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

واااااااااااااااي عجييييييييييييبة حدددي اندمجت ..
أبي أعرف وبعدهاا شصير معااهم ..
متى تنزلين الباارت اللي بعده أدري حننه بس شسوي..ههههه

ان شاء الله ...احاول انزل اكبر قدر ممكن....شكرا عالمتابعة

 

[SOFTY^LADY]

رد: ((شيخة ...والي رفع سابع سما اني احبج اكثر من امي)))<<<قصة واقعية

بليييييييييز كملي متابعتج حيل تشوق القصة

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

مسكينة شيخه شفيه حظها

كملي حبيبتي

شفتي اشلون...الي الله كاتبله الشقى شقيان.....خليج متابعة القصة ..

 

[jojo1234]

رد: ((شيخة ...والي رفع سابع سما اني احبج اكثر من امي)))<<<قصة واقعية

وااي لا تكفين كملي حدي اندمجت لوول

 

[miss 3yara]

رد: ((شيخة ...والي رفع سابع سما اني احبج اكثر من امي)))<<<قصة واقعية

الروايه شكلها عجيييييبه بليييييز كملي

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

بليييييييييز كملي متابعتج حيل تشوق القصة

مشكورة...خلج متابعتني

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

وااي لا تكفين كملي حدي اندمجت لوول

هلا فيج مرة ثانية....كاني قاعدة اكتب الباجي..خلج متابعتني

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

الروايه شكلها عجيييييبه بليييييز كملي

كاني الحين بنزل بااارت يديد...خليج امتابعتني

 

[zqertya]

رد: ((شيخة ...والي رفع سابع سما اني احبج اكثر من امي)))<<<قصة واقعية

روووووووووووعه

كملي حبوبه القصه حدها تشووووووووووق

 

[*caramel macchiato*]

رد: ((شيخة ...والي رفع سابع سما اني احبج اكثر من امي)))<<<قصة واقعية

روووووووووووعه

كملي حبوبه القصه حدها تشووووووووووق

مشكورة...الحين بنزل البارت اليديد