صج الي سمعته عن مدينة صباح الأحمد !!!!

[ناتشوو]

رد: رد : صج الي سمعته عن مدينة صباح الأحمد !!!!

احنا طلبنا 97 وطلعلنا صباح الاحمد ونزل اسمنااا بالجرايد من جم شهر بس رفضناا الطلب

الظااااهر محد يبيهااااا فبمشونهاا حق طلباات 2000 وفوق

ايه صح
لأن كثير رفضوها
يمكن يطلع لطلبات 2000

بخصوص الي تقول تبيعه << قايلين ان يوقعونهم تعهد ما يبيعون البيت وجنه بعد ما يأجرونه
لن مميزاته 600 متر وكل البيوت زاويه يعني نفس منطقه جبد كل اربع بيوت مع بعض

لا مو صحيح كل بيت زاوية اعرف ناس طلعت قسايمهم لا زاوية ولا موقع سنع هناك

كثير يقولون مانبيها بس الواقع كثير بيضطرون ياخذونها الناس ملت من الايجارات والادوار الضيقة​

 

[الباسمه]

والله انا عني ماراح ارفضها لو شنو
على الاقل الواحد يمسك شي بيدينه؟؟
يمكن عقب جم سنه يوزعون شقق نظام ادوار ما يندرى
احسن لي بيت 600 ولا شقه
واساسا ماكو مساحات قريبه صباح الاحمد ابرك من غيرها

 

[كويتيه وافتخر]

رد : صج الي سمعته عن مدينة صباح الأحمد !!!!

فيه توزيع بابوحليفه وبالقيراون وغرب هديه بس لمنو مدري ؟؟؟؟؟؟

 

[للحين ناطره]

جاااااااااااااان زين الله يسمع منكم
انا راضيه
شنو يعني ابعيد من كبر الكويت
جني رايحه الشاليه
بيبطلون الدائري الثامن
وبتصير مدينه متكامله
انا راضيه راضيه راضيه
بس متى؟؟؟؟

 

[همسات ليالي]

رد : صج الي سمعته عن مدينة صباح الأحمد !!!!

الله يرزقكم ويرزقني معاكم

انا بعد طلبي 96 بس ما افكر لا صباح الاحمد ولا سعد العبدالله ولاجابر الاحمد

ادعو ان يطلع لنا ابو حليفه او غرب هديه او القيروان

 

[am_kshaa]

احم احم
ياحلوكم وانتو تسمعون من فلان وعلان وتقولون هنى
اول شى صباح الاحمد التوقيع على قرار فى بنود معينه واول شى انه مايرجع القسيمه حق الاسكان بتبادل او تنازل الا بعد مايستلم القسيمه فعلى مواستلام على المخطط. وانه لو كان يمه محول او فرع او مدرسه مايعترض ويقول شيلوهم مضايقيني ....... يعنى اذا عطته الاسكان اذن بناء يقدر يبدل او يتنازل واذا يبى يبيع لازم يكون مطلع وثيقه البيت وشروط الوثقيه حق القسيمه يكون مر سنتين على تاريخ الاستلام الفعلى ........ ومساحتها 600 متر بس موكلهم زوايا هذا كان اقتراح بس ماطبقوة
ومكان صباح الاحمد بالضبط اول دخله حق خط الورفرة 10 كيلو لى داخل
وتم توزيع قطاع سى كله وفى الف قسيمه والحين الطلبات واصله لى شهر 12 سنه 2000 وراح توصل لى 2005 على اخر السنه او السنه الياي والاستلام بكون لهم كلهم على المخطط يعنى اول ناس راح يعطونهم اذن بناء مواقل من سنه واخر ناس لى 2014

وادرى هم ناس راح تسئلنى على الخاص عن القيروان اهما كلهم 280 او 290 قسيمه مساحتهم 400 متر بوزعونهم بعد العيد ويبلشون فيهم البنيان على طول نفس شمال غرب صليبيخات وحق طلبات 30\4\1994 وومااقبل
والناس الى ماتبى صباح الاحمد واغلب رفض الريايل لها ينطرون منطقه هديه لان فيها 3 الاف قسيمه حق الاسكان والف حق النفط بس النفط رافضه تسليمها حق البنياء لان تحتها كلها بايبات نفط وهم سالفه بيوت خيطان موقفه شوى التخصيص على صباح لان الناس ناطرتها ولانها مزاد علنى ابتداء من 70 الف مالت بنك التسليف واقتراحهم انها حق طلبات 97 ونازل يعنى للحين ماكو شى رسمي عليها لانها باللجنه العليا للتخطيط بمجلس الوزراء

ودتمتم سالمين



موظفه بالاسكان :::::::::::::::: بس حاليا باجازة واى استفسار على الخاص

 

[:: Diva ::]

امبيه يعني شكثر بعيده عن الخفجي ؟!

 

[nana loly]

للرفع

 

[فديته]

اهم شي عندي الجـــــــــــــــــــوو ان شاء الله جوها مو مثل ام الهيمان !!!!!!!!!!!!!!!!!


لان جوها اذا نفس ام الهيمان مستحيل اسكنهااا اجار غالي ولا يصير بعيالي شي فديتهم

 

[أم التباشير]

احنا اسمنا طلع فيها بس بعيدة من الفحيحيل لغاية مدينة صباح 50 كيلو سفر والله
جنا رايحين للسعودية

 

[عيش و مرق]

هذه لازم ناخذ جوزاتنا معانه رايحن سفر بللللللل ديره ثانيه مومنطقه اللللللللله يعين الى ماعنده مليون دينار عشان يشترى بيت بلكويت وياثثه

 

[للحين ناطره]

وااااااااااااي الحين بااعلان الاسكان لي طلب 2001
ماباقي شي
ان شالله ايحوشنا 2005

 

[shadona]

رد : صج الي سمعته عن مدينة صباح الأحمد !!!!

سؤاااااال الحين احنا طلبنا من 2000 و لا احد نادانه و لا ندري شسسالفة !! و بعدييين ظايعة الصقلة !!

ووييين نراجع اي ادارة ! والا يطلع اسمنا بالجريييدة ؟

 

[للحين ناطره]

رد: رد : صج الي سمعته عن مدينة صباح الأحمد !!!!

سؤاااااال الحين احنا طلبنا من 2000 و لا احد نادانه و لا ندري شسسالفة !! و بعدييين ظايعة الصقلة !!

ووييين نراجع اي ادارة ! والا يطلع اسمنا بالجريييدة ؟

حبيبتي ايحوشكم ان شالله
انا قريت بالجريده
ان اللي يدشون قرعه صباح الاحمد الى 2001
روحوا الاسكان اتوقع بجنوب السره وسالوا

 

[ورديـــه]

لا موصحيح الخير احنا 98 وللحين ما وصلنا الدور

 

[للحين ناطره]

ورديه
راجعتوا ولا ناطرين اسمكم بالجريده؟؟؟؟

 

[فديت قلبه]

ودي بالطلعه في بيت بروحي والاستقلالية بس مابي البعد <<< تتشرط الاخت

 

[فوشيه عجيبه]

والله ما عندي فكره

 

[ورديـــه]

لا والله ناطرين ينزلون اسمنا بالجرايد

 

[am_kshaa]

ورديه على اى اساس تنطرين اسمج بالجريدة وانتى ماخصصتى حق صباح الاحمد؟
اذا كنتى تقصدين ابداء الرغبه الى كان بال2006 هذا موتخصيص هذا كان كلام فاضى بس بشوفون رغبه المواطنين على المناطق
الحين الاسامى الى نازله بالجريدة اصاحبها يكونون مراجعين الاسكان ومخصصين على المنطقه لان يطلبون منهم مستندات رسميه وايد ويقدمون وينزل اسمه بالريدة
الدفعه الى نزلت بعد العيد طلبات 98
جيكى مع ريلج لان الحين وصلو 2001