صدمة .... !! ليش هالاسلوب

[Vdieta]

اذا قطت النغزه وتقصدني انا احقرها واضحك جني ما ادري انها تقصدني انا وبجذي تنقهر وبأي طريقه تبي تستفزني

 

[أم توتو]

الحمد الله مامر علي هالموقف لاني من النوع اللي يستوعب بعدين هههههههه واقول يمكن تقصدني بس الله يسامحهم كلمن ونيته

 

[PuPa^^SWeeT]

الحقران هممممممممممممممممممممم


يعني طريقتي ليلحين صحح

بس احسهم جنهم قامو يستانسون ؟؟؟ اني ساكتة عنهم


اتهقين بيملون بعدين


عاد انا نوعي طناااااااااااااااااااااااااااااش


استوعب اللي يصير مو غبية


بس ساعات نوع الانسان اللي جدامي مايخليني او ما يستهويني اني ارد علييه ولا التفت له بنظرة



واهم من هالنوعية


ياااااي اكرهههه ذوو القلووب السوودة

 

[نونه العنونه_H]

والله في ناس يبطون الجبد ويستاهلون النغزات
انا عن نفسي ما اقط نغزات على احد ولا اخلي احد
يسوويها فيني
بس اذا غشمره شي ثاني

 

[دلع العتبان]

ماينغز على احد الا لانه محتر منه حييل ومنغث من وجودج او وجوده

احلى حل اما تردين عليه برد يبرد وجهه او تتركينه والله يحسن اخلاقنا

 

[PuPa^^SWeeT]

ماينغز على احد الا لانه محتر منه حييل ومنغث من وجودج او وجوده

احلى حل اما تردين عليه برد يبرد وجهه او تتركينه والله يحسن اخلاقنا

عليييييج نوووور



ياربي كلمتج ريحتني



بس سؤال صريح


اذا صاحبة الموقف اتقول اتغار مني و الثانية اتقول اهي اتغار مني


منو اللي يغار من الثاني ؟؟؟؟؟؟؟؟؟؟؟؟؟؟؟؟؟؟؟؟؟؟

 

[طموح لايتوقف]

يأخوات أفضل طريقة في التعامل مع النغزات جربوها وراح تنفع ويحتر اللي رمى النغزه مثل ماقالت الأخت ريهام سويت كوبي مأقدرت أقتبس( عندي قاعدة

اذا الانسان ما كلمني بشكل مباشر بطريقة سلبية فهو ما يقصدني.....

حتى لو كنت ادري ان يقصدني ... بس ما ابين نفسي اني فاهمة


عادة من طبعي اني استغبى ..... حيل

خصوصا لما احاور بشر من هالنوع ....

اسوي روحي ما فهمت او امشي معاها واقولها اي صج معاج حق وطبعا وانا ابتسم ولا كأني فهمت شي

جذي تتبلعم عدل

 

[PuPa^^SWeeT]

^^^^

معاج حق

 

[دلوعة أبوهآ]

فيه ناس يكون هالشي فيهم مرض ..
انهم يحشوآ او يرموا كلآم ونغزات ع غيرهم ..

بس كل واحد صحيفته لحال ف كل واحد يمليها مثل مايحب ..

 

[*الهنوف*]

امي وااااااااااي ونغزاتها ماتخلص
اكره اقعد معاها من كثر النغزات والتحلطم اللي تقطهم

بس غير امي ماصادفت ناس تقط نغزات

 

[PuPa^^SWeeT]

يا حلوو امهاتنا والله

كل كلمة منهم عسل



يسلموو مروورج

 

[زوجي توأم روحي]

شوفى

اسلوب التنقز تلجأ له وحده من الاثنين

يا انسانه جبانة يا ضعيفة

لان الانسان الواثق من نفسه ومن رايه وعنده الشجاعة يطقها بالويه

وعموما هذا اسلوب الحية الرقطة واللى تنقط خباثة

 

[PuPa^^SWeeT]

تدرين عاد

قررت اسكر اذني


طاااف

واكبر ignore

للمنافقين والمنقزين

 

[انثى بحق]

صح كلامج وكثير من هالناس موجودين بينا لا وساعات يكونون من الأهل .. اهو طبع بالشخصية صعب انه يتركه ..
لكن دايما هالنوعية من الناس لازم تتعاملين معاهم بالآتي :
1. اول شي تسوين روحج مو فاهمة اللي قاعد يصير حواليج .
2. لا تحرين عمرج ولا تفكرين بهالشغلة لأن الواحد اذا ترك مجال للتفكير راح يدش الشيطان وراح تكبر المسألة .
3. عيشي حياتج كما هي ومثل ما انتي تبين مو مثل ما الناس تبي .
4. احسني الظن اياج وسوء الظن ودايما استغفري والله الاستغفار سبحان الله يهدي من النفس حيل .
ولا تنسين حسبنا الله ونعم الوكيل ردديها اذا حسيتي انج متضايقة .
سلامتج وربي يبعد الهم والضيقة عن الجميع ​

 

[PuPa^^SWeeT]

^^^ \\\وهذا اللي قاعدة اسوييه

 

[Patcholli]

كثيراً ماتمر علي مواقف مشابهه واجمل ردة فعل ان اتجاهل واتصنع عدم فهمي او ملاحظتي للكلام ..

 

[نور مغليها]

ماحب هالحركآت واحآول اتفادى الاشخاص الي جذي
يعني لو صادفت انسان من هالنوع خلاص بيصيرر × وع طول ابتعد عنه ولا احاول احتك فيه
حتى لو كآن بـ العمل

 

[عمرى شقا]

العلاج لهذه الوسيله هو ليس التطويف أو الحقران وترك الامور تكبر

وتتدنس القلوب وتكبر الحواجز لا

اللى تقط علي نغزه على قولتنا بالعامي يعني ترمي كلمه غير

مباشره وليست موجه ضدي ولكنها فى الحقيقه لي. معناها

في شئ فى نفسها تجاهي أيً كان غيره .. حقد .. حسد .. كره

فالحل ليس ترك الأمور تسير على حالها لا بالعكس.

المواجهه !!!!!

يعني بالامكان إني أواجهها وأعرف منها السبب اللي يخليها

تتبع الاسلوب بحضوري وليش. والمبررر. ومن هنا ربما نضع النقاط على الحروف

ومعرفة. الاسباب واصلاحها وبالتالي ربما. كسب ذلك الشخص. ؟؟؟؟؟؟؟

 

[PuPa^^SWeeT]

^^^


صاجة عمري شقاا

 

[divaness Q8]

مو جذي ساعات اذا طالعة الأڤنيوز او اي مكان بنات يقطون نقزة يعني مثلاً يشوفون وحدة لابسة مثلاً بلوزة على ترتر او فيه لامعة شوية يقولون شدعوة عليها لابستلي هالبس ليش رايحة ديسكو