صــــدفه

[A7BEE5 TOOFE]

كمليييييـ حبوبهـ ...~

 

[A7BEE5 TOOFE]

ويييييييييييينجـ قلبيـ ؟!

 

[A7BEE5 TOOFE]

آب

آب

آب

.

.

~

 

[A7BEE5 TOOFE]

حبيبتي وييييييييييينج طولتي ؟!!

 

[ريماس21]

رد : صــــدفه

يعطيج العاافيهه


روعه القصة ياقلبي ناطرينج

 

[A7BEE5 TOOFE]

آب

آب

آب

آب

.
.
~

 

[A7BEE5 TOOFE]

طولتي عليناا حبيبتي

عسسى الماآأإنع خييييير ..~

 

[A7BEE5 TOOFE]

ويييييييييييينج طولتيييي عليناآأإ ؟؟؟

 

[A7BEE5 TOOFE]

؟؟؟

 

[A7BEE5 TOOFE]

حبيبتي اذاا مااتبين اتكمليييين قولي ..~

 

[A7BEE5 TOOFE]

؟؟؟؟؟؟؟؟؟؟

 

[A7BEE5 TOOFE]

 

[أشواق الكويت]

حبيباتي سامحوني ادري تاخرت وايد عليكم بس كانت عندي ظروف
بس ان شاء الله بحاول اني كل يوم انزل لكم بارت
وعشان اراضيكم بنزل لكم اليوم بارتين وان شاء الله يعجبونكم ​

 

[أشواق الكويت]

Part4

بعد مرور اسبوعين بلندن

كانو سمر وساره قاعدين بكافيه

سمر : ساره هذا مو جنه زميلج حمد اللي شفناه باللوبي هذيك المره؟

ساره : وين ؟؟

سمر: هناك شوفيه مع اخوه وجنه معاهم وحده

ساره: اي امبله اهم

سمر: خل نروح نسلم عليهم

ساره : استحي على ويهج شكو نروح نسلم

سمر: تهقين منو هذي اللي معاهم؟؟

ساره: ما ادري ولا ابي ادري وبسج من هاللقافه وخلينا بحالنا

بدر لمحهم من بعيد وخلا نفسه بيقوم يطلب

بدر : شهالصدفه الحلوه ، شلونكم يابنات

ساره وسمر : اهلين

بدر : انا اقول هالنور هذا كله من وين ياي

ساره : تسلم
سمر استغربت اسلوبه مع اختها بالكلام وحست ان في بينهم شي

بدر : حياكم قعدو معانا

ساره : لا ماعليه مانبي نثقل عليكم

بدر: لاثقل ولا شي واسمي اعرفكم على اختي بعد

سمر ماصدقت يقولهم تعالو قعدو معانا تبي تروح بسرعه عشان تتعرف على اخوه

سمر : اي والله نتشرف فيكم

ساره عصبت من حركت سمر بس اضطرت توافق لانها انحطت في موقف محرج

قامو ساره وسمر ورافقهم بدر حق طاولته

ساره : مرحبا بو سوسو

بوسوسو : هههههههههههههه صرتي وحده منا وفينا دامج تقولين لي بوسوسو ترى محد يناديني بهالاسم الا الاهل

ساره: انا اسفه اذا ضايقتك بس انا ماعرفت اسمك ههههه

سمر كانت تتمنى يقول اسمه

بوسوسو: لاعيل ماني قايله عشان اخليج دايم تناديني بوسوسو

سمر وبوسوسو : هههههه

حمد : ساره ، سمر اعرفكم على اختي اسيل ، اسيل هذي زميلتي ساره الـ ... واختها سمر

ساره ، سمر : تشرفنا

اسيل : تسلمون انا اللي تشرفت فيكم ، تفضلو استريحو

"كانت اسيل بنت حنطاويه عيونها سوده ووسيعه ، ستايلها سبور ، شعرها بني فيه خصل هايلايت وممشوقه القوام "

كانت طول الوقت سمر تتامل في بوسوسو لكن بوسوسو ماكان صوبها وهمه الضحك والغشمره حاولت تلفت انتباهه بكل الطرق بس ماكان في فايده الى مايت في بالها هالفكره ....

سمر : ساره ممكن موبايلج بليز ابي اتصل ضروري

ساره باستغراب شهالمكالمه الضروريه : اوكي

خذت سمر الموبايل وخربطت بالارقام وقالت لهم ان الشبكه مو راضيه تشبك معها

وخلت نفسها تحاول جدامهم وتتذمر ان الشبكه مو لاقطه

الى ان عطاها بوسوسو موبايله لانه كان الاقرب لها بالطاوله وقالها جربي من خطي يمكن يلقط

طبعا سمر ماصدقت خبر وعلى طول خذت الموبايل بس مادقت على المكالمه الضروريه اللي عندها ،،،، دقت على خطها اهي عشان تحفظ رقمه عندها ...
-------------------------------------------------------------------------------
فهد: انزين ممكن تقولين اللي عندج لان صكتنا الشمس واحنا مو قادرين نفهم منج شي

البنت : انا عندي محل الكترونيات ومره هالولد يا محلي وخذا منه اكثر من قطعه وما رضى يعطي الهندي ولا فلس وقاله خل مدام تتصل فيني وانا اعطيها الفلوس

وفعلا اتصلت فيه عشان اعرف ليش ماحاسب الهندي قالي ان ماكان عنده و يبي يعطيني اياهم الحين

وتواعدنا عند مرسى المرينا على اساس يعطيني اياهم

ولم رحنا اهناك قالي ان توه راد من البحر ونسى بوكه بالطراد وطلب مني ارافقه الى طراده عشان يعطيني الفلوس وفعلا انا صدقته وبس وصلت هناك قمتني ونمت وماحسيت بنفسي الا وانا بنص البحر

فهد ، خالد ، يوسف :----------------

فهد: والحين فيج شي

البنت : لا مافيني شي انا بطلت عيني واهو كان قاعد يمشي بالطراد والظاهر ان كان يبي يروح جزيره بس انا قعدت قبل مايوصل وطقيته على راسه بهالحديده والحين اهو طايح وانا مو عارفه ارجع

فهد: خلاص ولا يهمج انا الحين اتصل في خفر السواحل وماراح نمشي الين اييون

اتصل فهد بخفر السواحل وخذوها وخذو الولد اللي بالطراد الى المخفر

وردو فهد وربعه للشاليه


-----------------------------------------------------------------------------

بدر: الو هلا خالتي ام فهد شلونج

ام فهد: هلا بدر شخبارك حبيبي وينك ماتبين من زمان ماشفناك

بدر: والله ياخالتي لاهي بهالامتحانات بس قلت خل اسمع صوتج ولهت عليج

ام فهد: بعد قلبي ولهت عليك العافيه ، مالي شغل غداك باجر عندنا بالشاليه لاتقولي امتحان ودراسه تعال غير مكان وريح شوي من هالدراسه وونسنا انا ودلول قاعدين بروحنا وماعندنا احد

بدر(افرح ياقليبي وانت ساكت): والله ياخالتي ماقدر اردج وطلباتج اومار ، حاضر خلاص باجر بعد صلاه الظهر ان شا ءالله انا عندكم
------------------------------------------------------------------------------------------
بوسوسو : الو؟

سمر: مساء الخير

بوسوسو: مساء النور ، من معاي؟؟

سمر : شدعوه امداك تنسى صوتي

بوسوسو: انا ماذكر اني عطيت احد رقمي عشان انسى صوته؟؟؟

سمر : اهاااا ولا لو معطي احد جان ذاكر يعني

بوسوسو: اذا ماقلتي انتي منو راح اسكر الخط

سمر : لالالا لاتسكره ولا شي ، اصلا انا ماصدقت اكلمك

بوسوسو@ منو انتي ؟

سمر : انا سمر

بوسوسو: اي سمر؟

سمر: شدعوه جم سمر تعرف

بوسوسو: ماعرف ولا وحده

سمر: شدعوه L

بوسوسو:بتكلمين عدل ولا شلون

سمر: ابيه ليش انت جذي عصبي، انا سمر ال... اخت ساره زميلت اخوك حمد بالجامعه

بوسوسو: ايييييي ذكرتج ، من وين لج رقمي؟؟

سمر : ها ....اي ، ذاك اليوم لم استخدمت تلفونك ، بعدها دقت علي رفيجتي وقالت لي ان اتصلت علي ومحد رد عليها ، وقلت لها مستحيل وعطتني الرقم فذكرت ان رقمك وحبيت اسلم عليك

بوسوسو : اها ،، ولا اهي عطتج الرقم هااا

سمر بارتباك : ...اي

بوسوسو:عموما الله يسلمج وسلامج واصل تصبحين على خير انا عندي شغل باجر

سمر : اها اسفه على ازعاجك ، تصبح على خير​

 

[أشواق الكويت]

Part5

فهد: تهقون هالبنت صاجه ولا جاذبه

خالد:والله لو اكبر جذابه بالعالم بصدقها انت شفتها بس كيكه كييييييكه

يوسف: خلود انت ماتعرف تتكلم جد كلش تفكيرك كله عوي ذاك الصوب يبيلك ضربه شمس تعدل مخك ، حلاته الحديده اللي يت براس هذا الصبي ياييه براسك عشان اتأدب

خالد: بل بل بل ، انت ليش حقود عشان انت جيكر يعني وماكو بنت اطل بويهك حاسدني

فهد: انتو الاثنين مامنكم فايده انا وين وانتو وين

خالد: وانت وين بالله لايكون دشت خاطرك وقمت تفكر فيها

يوسف : وانت عبالك كل الناس مثلك فهود مو من هالنوع

فهد: والله انا احس ان في شي ورا هالبنت وسالفتها مو داشه مخي

خالد: عدل يا كونان ، بدينا شغل التحري ، وشعليك منها سالفتها صج ولا جذب بالطقاق ليش معور راسك

فهد : وانت صاج ، المهم انا بحدر الديره الحين نشوفكم على خير ياشباب

خالد، فهد: تلاقي الخير ، عزيز
----------------------------------------------------------
ام فهد : حيالله من يانا ، هلا بدر شهالساعه المباركه

بدر: هلا خالتي شلونج سامحوني تأخرت عليكم

ام فهد: المهم انك وصلت بالسلامه شخبارك حبيبي وشلونك مع قعده البيت بريحاتك

بدر: والله قازره مو حاس اني بروحي الكتب مسليني ههههههه

ام فهد: عسى الله يوفقك وتفرح قليب اميمتك وابيك فيك ياربي

بدر: آمين

ام فهد : ونبلغ فيك معرس ان شاء الله

بدر : آآآآآآآآآآآآآآآمين خالتي الله يسمع منج

ام فهد : ههههههههههههههههههه بدور توني ادري انك مشفوح عالزواج لايكون في وحده بخاطرك

بدر : ههههههههههه

ام فهد : اشوفك مارديت يعني كلامي عدل

بدر: والله ياخالتي كل شي بوقته حلو وماباقي شي على تخرجي ان شا ءالله وبعدها كل شي بيبين

ام فهد: عسى الله يسهل ان شا ءالله

دلال: هاااااااااي

ام فهد: مادري شهالطبع البايخ سلمي مثل خلق الله شنو هاي داشه على فلبن انتي

بدر : هلا وغلى هاياات

ام فهد: وي اثريك على نفس الموجه وياها بدر

بدر : هههههههه لازم خالتي

دلال : بدر شلونك عاش من شافك

بدر : عاشت روحج انا بخير الله يسلمج انتي شلونج شخبارج

دلال: لوني كويحه من التنقع من البحر واخباري اني بنتحر عن قريب من هالحكره المزمنه

بدر : اسم الله عليج ، الا قولي لي وين قدمتي؟

دلال : والله خبرك النسبه تفشل ، فقدمت على جامعه الخليج

بدر : هم زين واي تخصص تبين ؟

دلال: مادري لين الحين

بدر : الله يوفقج يارب

دلال : اجمعين
------------------------------------------------------------


بوبدر: ساره يبا انا وامج باجر بنروح رحله مع ربعنا اللي كل سنه نطلع معاهم رحلات بتروحون معانا

ساره :و الله انا يبا مالي خلق رحلات وطريج شوفو سمر اذا بتروح

سمر: لالالالا ماني رايحه بقعد اهني مع ساره وبنمشى بالسوق مابقى شي على الرده بغسل جبدي من السوق

بوبدر: خلاص يبا على راحتكم
----------------------------------------------------
صار الصبح وتوكلو بوبدر وام بدر على الله وراحو رحلتهم الساعه 8

انزلو ساره وسمر يتريقون تحت

سمر : هاااااااي بوسوسو

ساره : سمر وويعه انتي ماتعرفين تسكين شكو تسلمين عليه واحنا باول الممر واهو باخره

سمر : عشان يشوفنا ويقولنا حياكم معانا عالطاوله

ساره :ياعلج العله ياسمر الشرها على اللي نازله معاج

سمر : بس سكتي كاهو قرب

بوسوسو: صباح الخير

ساره وسمر : صباح النور

بوسوسو: ها توكم نازلين ؟

سمر : اي تونا نازلين انتريق

بوسوسو : حسافه كان ودي اقعد معاكم بس انا توني خالص وبصعد ابدل بدر واسيل قاعدين اهناك يالله عن اذنكم

سمر ، ساره : اذنك معاك

سمر : يافرحه ماتمت

ساره : قلعتج ليته مفشلج اكثر يالرقله

راحو يقعدون ولا الطاولات كانت فل

شافهم حمد واشر لهم وطبعا سمر ماصدقت خبر وراحت لهم بسرعه قعدو معاهم وتريقو مع بعض ، لم خلصو ريوق سألهم حمد

حمد: وين بتروحون اليوم ؟

ساره : والله ....

قاطعتها سمر : والله ماعندنا شي امي وابوي رايحين رحله واحنا بروحنا اليوم

حمد: افا بروحكم واحنا موجودين عاد احنا اليوم ناوين نروح الملاهي بعد الريوق ونقضي اليوم كله هناك خلاص تعالو معانا

اسيل : اي والله تونسوني بدال ماكون مع الشباب بروحي

ساره : بس ...

سمر : صج وناااااااسه ولا قعدتنا هني بروحنا اهني ساره كان ودها تقتل سمر على هبلها وخفتها

وكان حمد حاس بهالشي بس كان مستانس لان هالشي من صالحه

حمد: خلاص عيل قومو الحين نبدل والوعد بعد نص ساعه باللوبي

ساره : ...........

سمر: اوكيييي
----------------------------------------------------------------
بدر: دلال

دلال : هلا

بدر : شرايج نتمشى شوي عالبحر نهضم اللي كليناه

دلال : شتهضم الناس ليل وانت متغدي من الوحده ههههههههه

بدر : ها ،، اي كله واحد بس كثرنا واحس الاكل واصل لي خشمي

دلال : هههههههه اوكي يالله

واهم يتمشون عالبحر

بدر: اسألج سؤال

دلال : اكيد تفضل

بدر : من تحبين من الممثلين

دلال : هذا سؤالك ههههههههه

بدر : اي انتي جاوبي

دلال : احب

david boreanaz

بدر : بس موحلو ؟؟؟

دلال : ادري

بدر : عيل شتحبين فيه

دلال : مادري احس فيه رجوله عضلاته ادواره

بدر : اها يعني انتي تحبين العضلات

دلال : أكييييد
-------------------------------------------------------------------
فهد ماقدر يمنع نفسه من التفكير في هذيك البنت واتجه الى ربعه بالمخفر عشان يستشف اخبار عن هالبنت

فهد: السلام عليكم

الضابط : هلااااااااا حي الله فهد

فهد : يحييك ، شخباركم

الضابط : والله اخبار الخير الحمدلله انت شخبارك

فهد : والله بخير ونعمه الحمدلله

وبعد مناقشات وحوارات طويله

فهد: الا بسألك في وحده قبل يومين لقوها خفر السواحل مع واحد بطراد وقالت انه خاطفها

الضابط : اي شفيها

فهد : شصار عليها

الضابط : والله مادري ماتابعت قضيتها بس اذا تهمك اسالك عنها

فهد : لا اهي ماتهمني تهمني بس ودي اعرف شصار

الضابط : خلاص ابشر الحين اسالك
----------------------------------------------------------------
حمد: ها جاهزين

سمر : اي

حمد : يالله عيل

ساره : بنروح بشنو ؟

حمد : مع السايق

ساره : اخاف السياره ماتكفينا

حمد ، اسيل : هههههههههههههه

حمد:لا لا تحاتين راح تكفي يالله توكلنا على الله

طلعو لموقف السيارات ، انبهرو ساره وسمر بالسياره اللي تنطرهم ، كانت لوموزين مرسيدس اسود معاها سايقها نزل وفتح لهم الباب

سمر : هذي سيارتكم ؟؟

اسيل : اي

سمر : ياي تينن

ساره قرصت سمر على ايدها لانها قطعت واويوهم

اركبو السياره وكانو ناطرين

ساره : ناطرين احد؟؟

اسيل : اي بوسوسو

سمر : بوسوسو بييي

اسيل : اي

ساره : دزت مسج على تلفون سمر"ان ماثقلتي والله لانزلج الفندق الحين "

بوسوسو : مرحبااااااا سامحوني تأخرت عليكم

سمر : لاعادي اخذ راحتك ننطرك العمر كله ان بغيت

اسيل وحمد: ههههههههه

ساره كان راح يغمى عليها من اختها

وصلو الالعاب وكانت سمر لازقه في بوسوسو بكل لعبه يركبها

وصورت معاه بكل الالعاب وعالغدا واهم يمشون

سوت كتلوج كامل لها معاه من كثر الصور

اما ساره فكانت جدا متحفظه بتصرفاتها وكانت جدا هاديه

ردو الفندق بالليل تعابه وبدو يزهبون اغراضهم حق الرده لانها بعد جم يوم​

 

[miss 3yara]

خوووش رواية تسلم ايدج حبيبتي
ناطرينج

 

[معاناة قلبي]

رد : صــــدفه

توني أصيد الرواية
روعه وناطرينج مو تطولين << طراره وتتشرط

 

[أشواق الكويت]

يسلمو على مروركم اصايل ومعاناة
وان شاء الله معاناة ماراح اطول عليكم

 

[أشواق الكويت]

Part6

بالطياره

سمر : اففف بنرد حق الحكره والحر

ساره : يالله الحمدلله اسمنا غيرنا جو شوي

سمر : راح افقده

ساره : منو .؟؟

سمر : بوسوسو

ساره : انتي ماتستحين @@ الولد عيز واهو يدقر فيج وماكو فايده

سمر : مالج شغل اهو بس داق الثقل ولا بالصج ميت علي

ساره : اي ونسي عمرج
---------------------------------------------------------------
دلال : يمااا بروح السوق مع رفيجاتي

ام فهد: شهالسوق اللي مايخلص

دلال : يما شفيج بروح اشتري ثياب وجناط وساعات حق الجامعه تدرين بعد الدوام الاسبوع الياي

ام فهد: وانتي مفصخه ماعندج هدوم

دلال : امبله يما بس شفيج لازم اصير شووو بالجامعه

ام فهد : يالله العافيه ، روحي يما بس لاتتأخرين

دلال : ان شاء الله
------------------------------------------------------------
فهد: خلود شخبارك

خالد: هلا هلا فهيدان تمام انت شلونك

فهد: بخير ، خلود تذكر البنت اللي بالبحر

خالد: ولييييييه انت لين الحين بطاريها ، لالا شكلها اشكره ساحرتك

فهد: بتترك عنك الغشمره وتتكلم جد ولا شلون

خالد: زين زين ، قول شفيها

فهد: شفتها ذاك اليوم بالأفينيوز

خالد: انزين وشنو يعني

فهد: ماقلت لي مع منو

خالد: وانا اعرفها عشان اعرف اللي معاها بالله @@
فهد: خلود ويهد ، كانت مع الولد اللي بالطراد

خالد : ايهو اللي كافخته @@
فهد : اي اهو

خالد : شلون ؟؟ اهم مو صادوه وقطوه بالمخفر

فهد : تدري هالولد طلع منو

خالد: من...؟؟
فهد: اخوها

خالد : اي شي اي شي ،،، شوي شوي علي ترى فريت راسي

فهد: انا مفتر راسي قبلك

خالد : اذا اخوها ليش سوت جذي

فهد: مادري ، انا كل اللي عرفته من المخفر ان طلع اخوها وبرئوه وطلعو ، بس ليش سوت كل هذا ماني عارف ؟؟؟
خالد : بس يافهد والله انك معور راسك بهالسالفه خلها تولي

فهد: تصدق ماني قادر ودي اعرف ليش سوت جذي
------------------------------------------------------------------
بدر : الحمدلله عالسلاااااااامه

بوبدر، ام بدر، ساره ، سمر : الله يسلمك

سمر : بدوووووووور حدي حدي ولهاااااانه عليك

ساره : ليش كل هالتأخير صار لنا 10 دقايق ننطر

بدر : عدال يا ديانا ماتتحملين تنطرين 10 دقايق

سمر : اي صج ليش متاخر علينا

بدر : والله حاشتني زحمه عند النادي وانا طالع

ساره ، سمر: نادي @@

ام بدر : من متى تروح نوادي ، لايكون قمت تلعب كره

بوبدر : اي والله مالنا خلق تكسر

بدر : ههههههههههه لا لا نادي صحي

سمر :اسمممممممع اخوي يبي يجسم مو قلت لكم حاط عينه على وحده يبي يضبط عمره عشانها J

ساره : استحي على ويهج يالبازع

ام بدر ، بوبدر : هههههههههههههه
------------------------------------------------------------------

دلال : هاااااااي سارون شلونج

ساره: اهلييين هلا بالقاطعه وينج ماتبينين

دلال: والله لاهيه بهالجامعه خبرج صرنا جامعيات محد يحاجينا لووووول

ساره : اي عشتو اللي عمره ماتبخر تبخر واحترق ، الا قولي لي شلون الاشكال اللي عندكم عسى تفتح النفس ولا نفس اللي عندنا

دلال: ابيييييه لاتذكريني عذاااااااب اما في واحد منسيني النوم ياسويره

ساره : وويعه كل هذا ولا اتحجين ................

((رجعنا للمكان اللي كنه واقفين عنده ،، نكمل باجي الاحداث))​

 

[A7BEE5 TOOFE]

يعطييج العاافيه حبيبتي

كمليي نااطريينج ..~