صــــدفه

[A7BEE5 TOOFE]

آب

آب

آب

آب

 

[A7BEE5 TOOFE]

آب

آب

آب

آب

 

[أشواق الكويت]

Part 7

" من الدنيا وش المطلوب
سوى راحة فكر وقلوب
و خلن في هواه تذوب
و هو مثلك في حبك ذاب

"

هذي كلمات اغنيه عبدالمجيد عبدالله مخصصتها دلال رنه عبدالله

بس سمعتها راحت تركض ترد عالموبايل

دلال : الو

عبدالله : فديت الصوت وراعيته

دلال : هلا عبود

عبدالله : هلا بروحه ، شلونج دلوله

دلال : تمام الحمد لله مشتاقت لك

عبدالله : اي مبين اشوفج مانطرتيني بعد ماخلصتي محاضراتج امس

دلال : عبود شسوي امس محاضراتي متاخره وماقدرت انطرك بعد ماخلصت امي بعدين اتباطاني

عبدالله : يالله سماح هالمره المهم بشوفج باجر اكيد صح

دلال : اممممم والله مادري انا مواعده بنت خالتي بطلع معاها

عبدالله : من وين طلعت لي بنت خالتج هذي بعد

دلال : هههههههههههههه شسوي فشله واعدتها

عبدالله : خلاص نخليها مره ثانيه عيل ، بس موتقولين ليش اتلفت وتطالع غيري

دلال : اوكيييي جرب اتلفت وشوف شسوي فيك

عبدالله : ههههههههههه عسل على قلبي
---------------------------------------------------------------
" طيري عطر فواح طيب وكــــــادي
طيري أنا يا حمد ليتك تشوفــــــــه
طيري أنا بين الغنادير نوفـــــــــــه"

طبعا هذي رنه حمد بموبايل ساره

ساره : الو

حمد: صباح الخير

ساره : صباح النور

حمد : يسعد لي هالصباح ، شلونج ياحلوه

ساره : تمام الحمدلله انت شلونك

حمد: بخير الله يسلمج

ساره : شلون اسيل وبوسوسو

حمد : بوسوسو شكله هابد على ويها

ساره : وي شلووون

حمد: ههههههه مادري عنه يمشي ويدندن وكله طالع شكله طاح باللي طحت فيه

ساره باستهبال : وشاللي طحت فيه؟؟

حمد : انقردت وحبيت

ساره : ومن المقروده اللي حبيتها

حمد: ههههههههههه وحده بوحده يعني

ساره : هههههههههههه شدراني عنك تقول انقردت

حمد : لا يبا الا امي داعيت لي اني حبيت وحده مثلها

ساره: ومني هذي؟

حمد : اول شي قولي لي لين الحين مقروده؟

ساره : هههههههههههه ماراح اجاوب

حمد : عيل حتى انا ماني مجاوب

ساره : المهم يالله انا بقوم ابدل مابقى شي على محاضرتي

حمد : اوكي يالله بابا لاتستعيلين بالطريج
-----------------------------------------------------------
دلال: الووو ساروووووووووووووووون

ساره : يالله صباح خير ، الناس تسلم شهالصراخ من الصبح

دلال: يعني مستعيله شفيج

ساره : خلصي شعندج

دلال : قبل ماقول شعندي شلون روميو

ساره : زين هههههههه وشلون قيس بن الملوح

دلال : فديته تماااااام

ساره : عشتو هههههههه

دلال : خلصيني اليوم عالوعد ؟

ساره : اي ان شاء الله

دلال : عفيه موتكسرين فيني عيد ميلاده عقب باجر لازم اليوم اروح اشتري له هديه

ساره: زييييييين عن الحنه اخلص محاضراتي وادق عليج

دلال : اوكي خلاص يالله باي

ساره : باي​

 

[أشواق الكويت]

Part8

"بعد ماخلصت ساره محاضراتها على الساعه 12 ونص"

ساره : خلصينا يالله شهالبرود اللي انتي فيه

دلال : سارون والله محتاره مادري شختار

ساره : قلت لج خلصي اخذي عطر

دلال : شنو عشان يقول شامه ريحتي خايسه ، مابي فشله

ساره : شهالتخلف ، انتي شلون تفكرين

دلال : مابي عطر ماااابي قولي شي ثاني

ساره : يالله امشي اخذي له مداليه مع بوكها من كارتيير بعد قولي فشله

دلال : لا مو فشله خوش فكره يالله

"طبعا اتجهو دلال وساره للصالحيه"

ساره : حمد @@

دلال : وينه @@

ساره : كاهو قاعد اهناك ابيه عسا مايشوفني انا ماقلت له اني بطلع

حمد يأشر حق ساره من بعيد عشان تروح له

ساره : امشي نروح له قاعد يأشر

دلال : ابيه فشله انا ماعرفه روحي انتي انا انطرج

ساره : شنو فشله امشي خلصيني

حمد : هلا وغلا

ساره : اهلين

دلال : مساء الخير

حمد : مساء الانوار ، ساره ماعرفتينا

ساره : دلال بنت خالتي

حمد : تشرفنا

دلال :تسلم

حمد : ماقلتي لي ان عندج بنت خاله حلوه جذي

دلال ابتسمت بخجل بس ساره كان ودها تقطعه

ساره بعصبيه : كاك عرفت

حمد كان متعمد يغيضها لانها ماقالت له انها بتطلع

حمد : المهم شعندكم اهني

ساره : ماكو يايين ناخذ شغله ونمشي

حمد : خوش عيل انا بعدها عازمكم عالغدا

دلال: انا عن نفسي ماقدر عندي شغل والله لازم ارجع اخلصه

حمد : وانتي سارون ؟

ساره : انا ماعندي شي بس ...

حمد : لابس ولا شي خلاص انا انطرج دقي علي لم تخلصين

ساره : اوكي
--------------------------------------------------------------
دلال : هاي عبود

عبدالله وصوته نايم: هلا دلول

دلال : وينك

عبدالله : العب كره ، شرايج يعني ماتسمعين صوتي

دلال : واي ياشينك ، انزين قوم يالله ابي اشوفك

عبدالله "صحى فجأه ": شنو ، الحين ، ليش شصاير؟

دلال : وي وي و ي ههههههههه موصاير شي ابي اشوفك مايصير

عبدالله : الا يصير ونص عطيني 10 دقايق اكون جاهز

دلال : خلاص عيل اجهز ودق علي
--------------------------------------------------------
سمر: يماااااااا

ام بدر :هلا سمر

سمر : انا بطلع مع رفيجاتي بعد شوي

ام بدر : وين ان شا ء الله

سمر :بنروح نتمشى عالبحر

ام بدر : اوكي بس لاتتاخرين

سمر : اوكي يما ثييييينكس
-----------------------------------------------------------
حمد: عسى اعجبج المطعم

ساره : حده عجيب

حمد: خلاص عيل شرايج كل اسبوع نطلع نتغدى

ساره : لا صعبه حمد الحين انا قاعده افكر شقول حق امي وايد تاخرت عالبيت

حمد: انتي تعرفين ادبرين عمرج عن العياره

ساره : خلاص خلها عالظروف يصير خير
--------------------------------------------------------
عبدالله : ها دلول وينج

دلال : انا عند مرينا كرسنت

عبدالله: خوش يالله انا ياييج

وصل عبدالله ولقى دلال ناطرته بستار بكس وكانت خاشه الهديه طبعا بجنطتها

عبدالله : مساء العسل

دلال : اهلين مساء النور

عبدالله : ماطلبتي شي

دلال : لاكنت انطرك

عبدالله : يالله شنو تبين اطلب لج ..؟ ولا لالا عارف شتبين موكا صح

عبدالله ، دلال : ههههههههههههه

دش عبدالله يطلب لهم وشوي سمع صوت وحده تناديه.....@@

قربت البنت منه وقامت تسولف معاه وكان حديثهم جدا حميمي والضحك شاق ويهم

التفتت دلال عشان تشوف عبدالله لان تاخر وانصعقت انه واقف مع.....

.

.

.

.

.

من اللي كانت واقفه مع عبدالله ؟؟
نعرف بالبارت الياي ​

 

[sweet.sanfoora]

ناطرتج

 

[أشواق الكويت]

part 9


دش عبدالله يطلب لهم وشوي سمع صوت وحده تناديه.....@@

قربت البنت منه وقامت تسولف معاه وكان حديثهم جدا حميمي والضحك شاق ويهم

التفتت دلال عشان تشوف عبدالله لان تاخر وانصعقت انه واقف مع.....

.

.

.

.

.



سمر : واي والله يابوسوسو ولهت عليك وايد

عبدالله : ههههه توله عليج العافيه بابا ماقصرتي

سمر : انت ياي بروحك ؟؟ ، ممكن اقعد معاك ؟

عبدالله : اممممم لا والله موبروحي مره ثانيه ان شاء الله

سلم عليها عبدالله وخذا الطلب وراح عند دلال

عبدالله : يالله ياعسل هذا الطلب وصل

دلال : ..........

عبدالله : دلول شفيج

دلال: ........

عبدالله : من احاجي انا شفيج اطالعيني جذي

دلال: لا ابد بس كنت يايبتك اهني اليوم عشان اقولك كل عام وانت بخير وتفضل هذي هديتك

عبدالله: واللي يقول كل عام وانت بخير يقولها جذي؟؟

دلال : عن اذنك

قامت دلال وقطت عيونها بنظارتها لانها كانت راح تبجي

وظل عبدالله منسطل مايدري شالسالفه
----------------------------------------------------------
فهد: الو

خالد: هلا فهدان

فهد : هلا فيك ، شخبارك

خالد : تمام انتش لونك من زمان ماشفناك؟

فهد: والله لاهين بهالدنيا

خالد : وينك الحين؟

فهد : بالقهوه

خالد: خوش يالله انا قريب منك ياييك الحين

فهد: يالله حياك
--------------------------------------------------------------
ساره: يمااا

ام بدر: هلا ساره ، انتي وينج اليوم شهالتاخير

ساره : يما عندنا برزنتيشن باجر وكنت قاعده اضبطه مع البنات

ام بدر: وماتعرفين تقولين يعني

ساره : اسفه يالغاليه مره ثانيه اقولج ، وباست امها على راسها

ام بدر : بس وانا هذا اللي ماخذته منكم

ساره: عيل وين سمور؟

ام بدر : هايته مع رفيجاتها

سمر : هاااااااي

ام بدر : كاهي شرفت انا جم مره قايله سلمي مثل الاوادم شنو هاي

سمر : وي يما عادي

ساره: وينج وين كنتي هايته

سمر: واي ساروه سكتي ، وتغمز لها عشان امها ماتشوف

ساره : امممم سمر تعالي شوي بوريج بلوزه عندي تبينها ولا اقطها لانها طلعت صغيره علي

سمر : يالله ، عن اذنج يما

صعدو دار ساره..

ساره : شعندج

سمر :سكتي سكتي قولي من شفت

ساره : منو؟؟

سمر : بوسوسوووووو

ساره : حلفي ، وين شفتيه

سمر : شفته بستار بكس وسلمت عليه

ساره:وبعدين عسى مافشلتينا

سمر: لا وويعه ، ييت ابي اقعد معاه بس قالي معاه احد ضاق خلقي

ساره: ويعه يالمطفوقه

سمر: بس ورويسج الغالي ماني سمر ان مايبت راسه

ساره: شنو بالغصب!! خلاص مالج شغل بالولد لو يبيج جان عطاج ويه من لندن

سمر: بنشوف
---------------------------------------------------------
بدر:يما ودي اكلمج بموضوع

ام بدر : هلا وليدي قول

بدر : يما انا ودي اخطب

ام بدر : وي هذي الساعه المباركه

عينك على وحده ولا ادور لك من معارفنا

بدر : لا والله يما انا عيني على وحده

ام بدر : ومن هاللي امها دايعت لها

بدر: دلال بنت خالتي

ام بدر : وي ياحلوها زين ماخترت ياوليدي

سمر: شعليها دلول اثريها اهي اللي ماخذه قلبك

ام بدر: ولي يالساحره انتي من وين دشيتي

بدر : سمر امانه مابي احد يدري الحين خلي الموضوع بينا

سمر : اوكيييييك حتى سويره ماني قايلت لها
------------------------------------------------------------------
فهد:قوه

خالد: هلا والله ، وين اللي بيينا ذاك اليوم القهوه

فهد : اسكت دقو علي الدوام ورحت ونسيت لادق عليك

خالد : هههههههه عادي

فهد: احاجيك ، عرفت سالفتها

خالد: مني؟

فهد: هذيك البنت

خالد: يا الاهي عليك انت لين الحين ذاكرها ياخي صج كونان

فهد : خلود ورب الكعبه ان ماتحجيت عدل ماني قايلك السالفه

خالد : لا يالله قول خل نعرف تاليتها مع هالسالفه

فهد: هذي طلع اخوها سكير وراعي خرابيط

وكان قايلها ان بيوديها حق اهلهم كانو رايحيين فيلجا ولم شافته شرب خافت منه وصكته على راسه عشان يغشي

خالد: يعني طاقه اخوها لان سكران@@

فهد : لان سكران ولانها كانت خايفه منه

خالد: عيل شلون شفتها ذاك اليوم معاه بالافينيوز؟؟

فهد : دش مصحه علاج الادمان واهي دايما الحين معاه عشان مايصير بروحه ويرد حق الادمان مره ثانيه

خالد : انزين بالله وانت شستفدت الحين؟

فهد: ياخي تصدق انا كنت احس عندي فضول اعرف السالفه بس لم عرفتها احس لين الحين ابي اعرف اخبارها مادري ليش

خالد: ايواااااا اي قولي جذي من الاوووول والله وجفيت على ويهك يافهيد

فهد: الشرها على الدبش اللي يسولف معاك والله ياخويلد

خالد : ههههههههههه
----------------------------------------------------------
حمد: قوه سارون

ساره : هلا والله

حمد : هاوينج

ساره : بالبيت

حمد: انزين ابي اشوفج شرايج

ساره: هو ليش شصاير؟

حمد: بصراحه اخوي مقلق مادري شفيه وودي نطلع نتمشى انا واهو و اسيل

ساره : امممم خل اشوف الوضع وارد عليك

حمد : لاطولين حبي

ساره : اوكي
-------------------------------------------------
ساره : يما

ام بدر : هلا

ساره : انا بطلع شوي

ام بدر : وين على الله الساعه 8 وين رايحه هالحزه

ساره :يما بتعشى مع رفيجاتي

ام بدر : ماكو يكفي هياتج عقب الجامعه

ساره : يماااااااا شدعوه

سمر: يما شرايج اروح معاها وبجذي تطمنين

ساره: شكو رازه ويهج

ام بدر :خلاص اذا اختج معاج اوكي ومافي تاخير

سمر : شفتي شلون انقذتج

ساره : جبح ويه ، يالله قومي لبسي بسرعه لاتاخريني

واهم صاعدين يبدلون ساسرت سمر ساره

سمر : ادري وين بتروحين عشان جذي رزيت ويهي

ساره : وانتي شدراج @@

سمر : سمعتج ياحلوه هههههه

ساره : ويعه ان شاء الله ،يالله خلصيني لانتاخر
----------------------------------------------------

ساره : الو ، هلا حمد احنا جاهزين وينكم؟

حمد : احنا جاهزين ؟؟ منو انتو

ساره : انا وهالملقوفه اختي

حمد : ههههههههه اي زين انج بتييبينها خل تسوي لنا جو ، احنا بفرايديز البحر

ساره: اوكي
----------------------------------------------------------
دلال دزت مسج حق ساره " ساره دقي علي اذا فاضيه الدنيا مسوده بعيني"

ساره : الو دلوووول شفيج

دلال : سارون احس اني بموت ماني قادره اتكلم

ساره : حياتي شفيج

دلال : ابي اشوفج ماني قادره اتكلم

ساره : انا رايحه فرايديز البحر حمد ينطرني اهناك تعالي

دلال: مالي خلق احد انا ابي اتكلم

ساره : خلاص تعالي وانا اطلع معاج بره

دلال : اوكي

-----------------------------------------------------
وصلو ساره وسمر للمطعم

سمر : هاااااااااااي

حمد : اهلين

كانت سمر طايره من الفرحه انها بتقعد مع بوسوسو (عبدالله) ونقت الكرسي اللي يمه وقعدت فيه

سلمو ساره وسمر على الموجودين بعد ماقعدو وتبادلو السؤال عن الحال

سمر: بوسوسو شلونك

عبدالله : هلا سمر (بنفسيه)

اتصلت دلال على ساره وقالت لها انها وصلت وتبيها تطلع لها بره

سمع حمد ساره واهي تتكلم ولم سكرت الخط...

حمد: ساره شفيها بنت خالتج؟

ساره: مادري بس الظاهر عندها مشكله وتبي تكلمني

حمد: واهي وينها

ساره: بره

حمد: اوكي خل تيي تقعد معانا

ساره : لالا اهي تبي تكلمني بروحي خل اطلع لها شوي وراده عن اذنكم

طلعت ساره ولقت دلال بالسياره تنطرها

ساره : ها دلول

دلال والدموع مغرقه عينها : ساره عبدالله يخوني

ساره : شنو @@ شلوون

وقالت دلال السالفه اللي صارت حق ساره

ساره: يمكن وحده من اهله وحده من معارفه انتي ليش ماسألتيه

دلال: ----------

ماقدرت دلال تقولها ان اللي شافتها مع حبيبها اهي اختها سمر

ساره: دلال حبيبتي هدي نفسج والامور ماتنحل جذي انتي ستعيلتي بالحكم ولازم تقعدين معاه وتسمعين منه قبل ماتقومين وتخلينه

دلال : بس ....

قطع حديثهم صوت حمد اللي كان يكلمهم واهو واقف عند السياره

حمد : دلال شلونج

دلال : هلا حمد

حمد : شدعوه احنا موقد المقام

دلال : لا والله بالعكس بس ماكنت ابي اخرب عليكم طلعتكم

حمد : لاتخربينها ولا شي كلنا متضايقين ويايين نغير جو يالله تعالي نزلي معانا ومنها اعرفج على اخواني

دلال : ماعليه حمد خلها مره ثانيه والله انا ...

حمد : لا انا ولا شي نزلي يالله بالطيب احسن لج ، يالله سارون نزلي بنت خالتج لا افضحكم بالشارع

ساره : سمعتي شقال يالله نزلي موناقصين فضايح ههههه

دلال بابتسامه صفره: اوكي​

 

[بنكوووو]

وييي لا تشوف عبدالله
حدي اندمجت ناطرين الياي
لاتطولين

 

[أشواق الكويت]

part10

ام بدر : هلا ام فهد شلونج
ام فهد: هلا فيج هلا بوخيتي شخبارج من زمان عنكم
ام بدر: اي والله من زمان ، عاد انا قلت خل اشوفج اذا فاضيه هاليومين نمركم ونتشاوف
ام فهد: هذي الساعه المباركه البيت بيتج مايحتاج تدقين علي اصلا
ام بدر : بعد قلبي ساعتج ابرك خلاص عيل انا باجر المغرب ان شاء الله عندكم
ام فهد : حياكم الله

-----------------------------------------------------------

فهد: مساء الخير
عنود: مساء النور
فهد: اسف على الازعاج بس شكلج مو ذاكرتني
عنود : اسمح لي ماذكرتك
فهد: انا اللي ....
عنود: اي اي امبله ذكرتك ، انت اللي وقفت لي مع ربعك بالبحر
فهد : عدل
عنود: اسمح لي انا ماكانت عندي فرصه اشكرك ذاك الوقت ، وارجو انك تقبل شكري على وقفتك معاي الحين
فهد: لا ابد ماسويت شي تشرفني مساعدتج
عنود: تسلم
فهد: بس اذا ماعندج مانع انا ابي شكرج يكون مادي شوي
عنود: عفوا؟؟
فهد: لالا لاتفهميني غلط ههههههههه اقصد ان مابي مشكور بالحجي ، ابي اقعد اشرب معاج قهوه باي مكان تختارينه اذا ماعندج مانع
عنود : ههههههه اذا جذي اوكي
فهد: يالله عيل حياج
---------------------------------------------------------------------
دخلو ساره ودلال وحمد المطعم
طاحت عين دلال من اول مادشت على عبدالله وكانت سمر لازقه فيه واتضحك
اوقفت دلال منصدمه

كسر جو الصمت حمد : اعرفكم ياحلوين دلال بنت خاله ساره
قامت سمر تهلي بدلال : اهليييييين دلول ماكان ناقص القعده غيرج حياااج
اسيل: حياج الله دلال تشرفنا
الكل رحب في دلال واهي ما التفتت على احد فيهم كانت عينها على عبدالله وغرقانه بدموعها وظل عبدالله بنفس الوقت ساكت ويطالع دلال
تركت الطاوله واتجهت لباب المطعم بدون ماتقول ولا كلمه للموجودين
ساره : دلال دلااااااال وين رايحه شفيج
حاولت ساره تلحقها بس دلال كانت اسرع منها ركبت سيارتها وراحت مسرعه
ماسكت تلفون دلال من طلعت من المطعم لين اوصلت البيت من اتصالات عبدالله وساره بس بدون جواب
حست دلال انها كانت في كابوس وان الكل كان يمثل عليها حتى بنت خالتها
ساره
وطبعا لين الحين ساره ماتدري ان هذا عبدالله اللي تحبه دلال ولا الباجي يدرون ان دلال اهي حبيبه عبدالله بس كانت سمر شاكه

-------------------------------------------------------------------
ماقدرت تداوم دلال بالجامعه من باجر وكانت حيل منهاره ، شافت اتصالات من عبدالله وساره وكانت متوقعه هالشي بس اللي ماكانت متوقعته اتصالات سمر؟؟؟
واخر شي سمر دازت له رساله انها تبي تكلمها بشي ظروري
اتصلت دلال بسمر
دلال : الو هلا سمر
سمر: هلا دلال شلونج ، انا اسفه ضايقتج من الصبح بس كنت حابه اكلمج بموضوع مهم
دلال: خير ان شا ءالله
سمر : الموضوع بخصوص عبدالله
دلال انصدمت من جرئت سمر: شفيه عبدالله؟
سمر: انا لاحظت ان في شي بينكم امس بس اهو مارضى يقولي
دلال @ شنو يعني في شي بينا ومارضى يقولج؟؟
سمر: دلال بيني وبينج انا وعبدالله على علاقه من لندن ، ساره عرفتني عليه عن طريق اخوه حمد ومن يومها واحنا حيل مع بعض
سمر والعبره خانقتها : يعني انتو من رديتو من لندن وانتي على علاقه فيه؟
سمر : اي حتى الحين بدز لج صوري انا معاه بلندن عشان تصدقين بس قبل هالشي ابي اتاكد انتي في شي بينج وبيه ؟ اهو قاعد يخوني ؟؟
دلال حست ان الدنيا تفتر فيها : لالا مابيني وبينه شي اهو مجرد زميل معاي بالجامعه ، ويالله سمر انا اخليج لاني تعبانه شوي باي
سمر: باي ، والحين راح اطرش لج الصور شوفي شحلاتي فيهم
بعد دقايق وصل على موبايل دلال صور سمر وعبدالله بلندن لم كانو بالترفيهيه مع بعض وكانت الصور جدا حميميه بينهم ، انهارت دلال من البجي

يتها امها الصبح
ام فهد: دلال
دلال : هلا يما
ام فهد: شنو ما عندج محاضرات اليوم؟
دلال : امبله يما بس تعبانه شوي ماراح اروح
ام فهد: انزين ساره عيزت تدق على البيت تسال عنج ليش ماتردين عليها فيكم شي؟
دلال : لا يما ماكو شي بس قلت لج تعبانه شوي ومالي خلق اكلم احد
ام فهد: براحتج يما عيل ارتاحي الحين لان بيت خالتج بيونا العصر
دلال : شالطاري؟؟
ام فهد: والله مادري بس خالتج داقه علي امس وتقول انها ولهانه علينا وبتسير اليوم
دلال : يصير خير من الحين لي العصر
---------------------------------------------------------------------------------
فهد: خلووووووووود
خالد: هلا الفهدي ، الله عالمزاج فرحنا ياخوي
فهد: اسكت مو شفتها
خالد : مني؟؟
فهد: عنووود
خالد: مني عنود؟
فهد: اوووووه شفيك ركز اللي كنت اتابع اخبارها طول الفتره اللي فاتت
خالد: ههههههههه طلع اسمها عنود ، والمفروض اني اعرفه مثلا
فهد: خلود مو وقت استهبالك
خالد: انزين واذا شفتها شصار يعني
فهد: قعدت معاها بكافيه وسولفنا وخذيت رقمها وخذت رقمي ويعني تقدر تقول بوادر علاقه
خالد: اقعد،، والله طلعت منت هين مسرع ماشبكتها
فهد: استح على ويهك انا قصدي شريف والبنت صج داشه خاطري
خالد: ههههههههه انزين نشوف اخرتها وياك
---------------------------------------------------------------
ام فهد: حي الله من يانا
ام بدر: الله يحييج
ام فهد: هذي الساعه المباركه جان زين كل ماتميتي تدزين الباب وتدشين البيت بيتج بعد منتي غريبه
ام بدر : بعد قلبي ادري والله بس مايصير كل ماتميت ادز الباب واطلب مثل الطلب اللي بطلبه منج اليوم
ام فهد: خير ان شاء الله شهالطلب
ام بدر : ماكو الا الخير ان شاء الله ، والله ماني مصففه بالحجي ولا ني قادره اصبر عشان افتح الموضوع
ام فهد: قولي خير شوقتيني
ام بدر: والله بدر البارحه كلمني وقالي وده ان اطلب له ايد ابنيتنا دلال وبصراحه شكله يحبها وخاطره فيها ، وانا والله فرحت وقلت له ماراح تلاقي احسن من بنت خالتك
ام فهد: وي هذي ابرك الساعات يوم ان بدر ياخذ دلال والله ان محنا ملاقين احسن ولا اسنع منه ،،، بس تدرين ياوخيتي لازم نشاور ابونا وناخذ براي البنت بعد
ام بدر : هو اكيد مايبيلها حجي عاد انتي شوفي شيصير معاج وبلغيني بس عاد موتبطين علي ماني مستحيه منج انا اختج بذبل جبدج بالتلفونات هههههههه
ام فهد: ههههههههههه لاتحاتين انا اشتطيت اكثر منج
-------------------------------------------------------------------
بدر: هايما بشري
ام بدر: لا اله الا الله عليك خل ابلع ريجي توني داشه
بدر: يما بلعي ريجج بعدين قولي لي الحين شصار اول
ام بدر : ههههههههههههه ياربي على عيال هالوقت انزين انزين بقولك ، خالتك افرحت وهلت ورحبت بس قالت بتشاور البنت وابوها
بدر : وبعدين شصار؟؟
ام بدر : سحر اهو سحررر اهيع خل تسأل وتشاور بعدين ترد لي خبر
بدر : يعني متى
ام بدر : تدري عاد الشرها على اللي رايحه خاطبت لك ، اثقل شوي الطياره مي زينه
بدر : اففففففففف الله يصبرني
----------------------------------------------------------------------
حمد: سارون شفيها بنت خالتج امس؟
ساره: والله مادري عيزت ادق عليها من امس ماترد علي لا عالبيت ولا الموبايل مادري شصار لها
حمد: تصدقين احس ان في شي موطبيعي بس مادري شنو
احس الجو تكهرب من دشت المطعم
ساره: ياني نفس الاحساس بس مادري شاللي صار ؟؟؟ انا باجر العصر بعد ما اخلص محاضراتي بمر عليها واشوف شفيها

-------------------------------------------------------------------------------
ام فهد: دلال
دلال : هلا يما
ام فهد: تعالي الصاله شوي ابي اكلمج بموضوع
دلال: خير يما؟
ام فهد: تدرين ليش خالتج اليوم مارتنا؟
دلال :لا خير؟
ام فهد: خالتج تبيج حق ولدها بدر قالها ان يحبج ويبيج
دلال منصدمه: شنو يعني؟؟؟؟؟؟؟؟؟
ام فهد: يعني تبي تخطبج حق بدر ، شرايج؟؟
دلال : يما انتي من صجج تتكلمين؟
ام فهد: ليش يا يما هالموضوع فيه غشمره؟
دلال : بس يما ..
ام فهد: لا بس ولا شي لاتردين علي بشي الحين فكري على راحتج وردي لي خبر
قامت ام فهد وظلت دلال منصدمه ومتنحه بمكانها مو مستوعبه اللي قالته لها امها ،،، قامت تكلم نفسها :بدر ؟؟؟ يحبني انا ؟؟؟؟ وعبدالله !!! شلون؟؟ بس عبدالله مع سمر يعني يقص علي ، وبدر خطبني رسمي من اهلي ، ،،؟؟ بس انا احب عبدالله ماحب بدر ؟؟؟؟؟؟
قامت دلال دارها وقامت تصيح من دوامه الافكار اللي كانت فيها
واخيرا استسلمت للنوم
----------------------------------------------------------------------
فهد: صباح الخير
عنود : صباح النوور
فهد : شلونج
عنود : تمام
فهد: عسى ماكون ازعجتج؟
عنود : لا ابد اسعدني اتصالك
فهد : صج؟؟؟؟
عنود : هههههههه شنو اللي صج
فهد: استانستي اني دقيت عليج؟
عنود : ههههههه فهد بغيت تقول شي
فهد: هااا،، اي ودي اشوفج اليوم شرايج عندج شي؟
عنود: اممم لاوالله العصر انا فاضيه
فهد: خوش عيل انتشاوف بالكافيه نفسه ؟
عنود: اوكي
فهد: انطرج العصر على نار
عنود : ههههههههههههه اوكي باي
فهد: بايات

------------------------------------------------------------------------
صحت دلال على مسج من عبدالله :
يا بعد هالدنيا ليه صاحبك تقسى عليــــــــــــــه
اللي اهدى لك حياته وانت مستكثر تجيـــــــــه
ارخص الدنيا لغلاتك واشترى فرحة حياتــــك
لو طلبته عيونه جاتك وانت تتغلى عليــــــــــه
لك حبيب يموت فيك حس به الله يهديـــــــــــك
هو منشغل باله عليك وانت ما فكرت فيـــــــه
كنك الماي لضماه وفرحته ولمسة شفــــــــاه
وانت حلمه في الحياة وانت كل اللي يبيـــــــه
حست بهالوقت ان ودها تدق عليه وتسمع صوته بس لم تذكرت صورته اهو مع سمر كرهت حتى المسج اللي قرته قبل لحظات
لانها حسته تمثيل ردت عليه بمسج بالنسبه لها كان الرد النهائي : على كثر السنين اللي عرفتك ماعرفتك زين تمنيت اني ماشفتك ولا لحظه ولا شويه حسبت انت وانا نبقى حبايب نبقى احلى اثنين حسبتك تبقى لي طول العمر مخلص وفي ليا واثاري حبنا كذبه نسيت العشره في يومين زرعت الشوك انا بنفسي غرست الهم بيديا انا ماكنت اظن اللي يحب يحب له شخصين على بالي انا لحالي حبيبي يموت بس فيا على النيا مشيت وماعرفت امشي معاه لوين الين الوقت بين لي نوايا غدر مخفيه!!!
قامت غسلت وبدلت ثيابها وراحت حق امها
دلال : صباح الخير يما
ام فهد : هلا امي شلونج اليوم
دلال : الحمدلله تمام
ام فهد: بتروحين الجامعه اليوم؟
دلال: اي يما بروح ان شاء الله بس قلت بقولج شي قبل ماطلع
ام فهد: خير ؟
دلال : يما انا موافقه على بدر​

 

[بنكوووو]

اي زين رضت على بدر لان احس راح يعيشها حياة حلوه
بس عبداللله حرام مظلووم

تسلمين على البارت ناطره الياي

 

[A7BEE5 TOOFE]

يعطيــج العاآإفيه حبيبتي

كــملــي نــآإطــرينــج..~

 

[أشواق الكويت]

part 11



"بالجامعه"



عبدالله: صباح الخير

دلال: --------

عبدالله : دلال انا قاعد اكلمج ردي علي ابي افهم ليش كل هذا شصار انا شسويت؟؟؟ فهميني انزين!!!

دلال: عبدالله لو سمحت لاتمشي وراي ولاتكلمني واتمنى ماشوف رقمك بتلفوني مره ثانيه

عبدالله :نعم ؟؟؟؟ ممكن افهم شصاير شنو ياهل انا عندج فجأه ماتبين تكلميني؟

دلال:عبدالله انا انخطبت والرياييل راح ايون هالاسبوع يخطبوني رسمي واعتبر كل شي بيني وبينك انتهى

عبدالله @ شلون ومتى وليش ومنو ؟؟؟ وانا وين رحت ، بعدين شنو هالمسج اللي دازته لي متى انا حبيت غيرج ولا خنتج ، دلال شفيج الله يخليج فهميني شصاير انا قربت اين

دلال :انا قلت اللي عندي وماعندي كلام غيره وارجوك لاتعترض طريجي مره ثانيه

خلته دلال وراحت محاضرتها اللي ماكانت مستوعبه ولا حرف انقال فيها ياترى ظلمته ياترى قسيت عليه؟؟ بس اهو قص علي وانا شفت صوره بعيني...

------------------------------------------------------------------

ام فهد: حي الله بو العروس

ابو فهد: ها وافقت دلال؟

ام فهد: اي والله يتني الصبح قبل ماتروح الجامعه وقالت لي انها موافقه

ابو فهد: يعني اكيد موافقه فكرت عدل هذا زواج مولعبه

ام فهد: هو بوفهد جنك ماتبيها تعرس ولا موعاجبك بدر؟

ابو فهد: لا والله بالعكس عاجبني ونص وماراح الاقي حق بنتي واحد احسن من بدر بس بصراحه انا اخاف من زواج الاهل ومابي تصير بينا مشاكل بعدين الله لايقدر

ام فهد: لا ان شاء الله ماكو الا العافيه بس انت حدد وقت ايونك فيه الرياييل

بو فهد: خلاص عيل خل ايونا على يوم الخميس الياي ان شاء الله

ام فهد: خوش اليوم الاثنين يعني بعد يومين

بو فهد: اذا الله راد

------------------------------------------------------------------

فهد: هلا وغلا

عنود: مساء الخير سامحني تاخرت عليك

فهد: تدرين اني من الظهر انطرج

عنود : هههههههههه شدعوه

فهد: ليش عبالج انتي شويه

عنود : تسلم ، بس ماقلت لي ليش طلبت تشوفني؟

فهد: بصراحه عنود انا من شفتج وانا معجب فيج وكنت الاحق اخبارج واسال عنج لين عرفت سالفتج كلها وكبرتي بعيني وايد

عنود : يعني كنت تراقبني

فهد: مو بالمعنى المفهوم بس كان في شي شادني لج وكنت حابه اتقرب منج واعرفج اكثر

عنود: ولم تقربت مني؟

فهد: بصراحه حبيتج

عنود بحيا : ههههههه

فهد: انا ماحب الف وادور وانا مو صغير وبصراحه مابي هالعلاقه تستمر من غير هدف انا ودي اتقدم لج رسمي عنود شرايج؟؟

عنود: صراحه انت فاجئتني

فهد: اخذي وقتج وفكري وانا انطر منج رد

عنود : اوكي عن اذنك

----------------------------------------------



بدر : مساكم الله بالخير

ام بدر : هلا يما مساك الله بالنور ، عطني البشاره

بدر : البشاره ، يما لاتقولين ردو

ام بدر: هههههههههههههه

بدر حذف بوكه ومفاتيحه عالطاوله وراح يركض عند امه وقعد عند ريلها

بدر: يما تكفين قولي شقالو يمااا قلبي بيوقف شقاااالو

ام بدر : سلامت قلبك موافقين يما وخطبه الرياييل الخميس ان شاء الله

نقز بدر ولم امه وحبها على راسها

بدر : والله يا يما ما دري شنو اسوي من الوناسه بروح اصلي ركعتين شكر وبعدين بروح اشتري هديه حق دلول

ام بدر وعيونها تدمع: عسى الله يوفقك ياوليدي

ساره: مساء الخير ، شصاير شهاللويه؟

بدر : ساروون باركييي لييييي

ساره : عالبركه بس شعليه

بدر : خطبت دلال ووافقت وخطبه الرياييل الخميس الياي

ساره : شنو ؟؟ لحظه لحظه اي دلال؟ دلال بنت خالتي؟

بدر : اي عندنا دلال غيرها يعني ، ادري من الفرحه مو قادره تستوعبين

سمر واهيا نازله من فوق: هيااااااااااااااااااا عالبركه بدووور واخيرا بتاخذ اللي تبيها

ساره @ وانتي تدرين؟

سمر: اي سمعتهم ذاك اليوم اهو وامي وقالو لي ماقولج هههه

ساره : انتو متاكدين ان دلال موافقه ولا هذا كلام خالتي؟

ام بدر: هو اي اكيد يعني خالتج بتوافق من غير ماتقولها؟

سمر بخبث: وليش ماتوافق يعني وين بتلاقي احسن من اخوي ولا في شي احنا مانعرفه

بدر : شقصدج شي مانعرفه؟

سمر : لا قلت يمكن واحد من عيال عمها حاط عينه عليها ولا شي

ام بدر : لو في شي جان قالت لي خالتج وبسكم لاتخربون فرحه اخوكم عن الحجي اللي ماله معنى

---------------------------------------------------

ام فهد:حي الله عروستنا

دلال بابتسامه باهته: هلا يما

ام فهد: والعروس جذي تصير مبوزه

دلال : لايما بس تدرين توني راده من الجامعه وتعبانه شوي

ام فهد : الله يعطيج العافيه حبيبتي ، ترى رديت على خالتج وخطبه الرياييل الخميس ان شاء الله

دلال حست ان الدم تيمد بعروقها حست ان الموضوع صار صج وان وقت الجد قرب

دلال : الله يسهل يما انا بروح اريح بداري عن اذنج

-------------------------------------------------------------

ساره: قوه حمد

حمد: هلا سارون مريتي بنت خالتج؟

ساره : لا مارحت لها بصراحه انصدمت من شغله

حمد: خير ؟؟ شصاير

ساره: اخوي خطب دلال وتوها امي قالت لي

حمد: وانتي توج تدرين؟

ساره: تخيل ... هذا اللي انا مستغربه منه واللي مستغربه منه اكثر انها وافقت

حمد: وليش ماتوافق ؟

ساره: لان دلال تحب واحد وماعتقد انها بهالسهوله تتخلى عنه

حمد: يمكن فلو ؟

ساره : قبل جم يوم شاريت له هديه عيد ميلاده بس صار شي ماقالته لي انا ماني قادره استوعبه

حمد : شناطره روحيلها وفهمي السالفه

ساره: هذا اللي بيصير يالله انا اخليك الحين بقوم البس واروح لها​

​

 

[sweet.sanfoora]

اي شي سمر هاذي ماال طق

شدعوا بوسوسو بياخذها

 

[بنكوووو]

يسلمو عالبارت
ناطرين الياي

 

[A7BEE5 TOOFE]

حرآأإأأم ليش وافقت دلال

آمـــا سسمر مــال طراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااق غاثتني

كملي قلــب نــاطرييــنج ..~

 

[أشواق الكويت]

يسلموووووو حبيباتي عالتفاعل

وان شاء الله اذا قدرت بعد شوي او باجر انزل لكم بارت 12

 

[bent.gaga]

رد : صــــدفه

Waaitinngg nice rwaya;*

 

[أشواق الكويت]

part12

ساره: السلام عليكم
ام فهد: هلا سارونه
ساره: شلونج خالتي
ام فهد: بخير الله يسلمج ، ها يايه تباركين حق رفيجتج ههههه
ساره : ههههه اي تتغلى علينا قلنا نيي بكبرنا لها تستاهل دلول
ام فهد: بعد قلبي الله لايفرقكم صعدي لها فوق اهي بدارها
ساره : اوكي خالتي مشكوره
صعدت ساره فوق وطقت على دلال الباب بس محد رد عليها فتحت الباب ودشت لقت دلال دافنه راسها بالمخده وتبجي
ساره : دلووووول حبيبتي شفيج
دلال:----------
ساره: دلاااااااال ترى عيزت وانا ادق وادز لج مسجات والحين ياييتج لي مكانج فهميني انا شسويت لج ليش تسوين جذي
هبت دلال بويها فجأه بصراخ : انتي اخر وحده تتكلم انا حسبتج اختي ورفيجتي وطلعتي اول وحده تطعني بظهري وتخش علي
ساره : انا @@ ليش انا شسويت؟؟
دلال : روحي حق اختج خليها تفهمج
طلعت دلال من الدار وخلت ساره حايره ومستغربه من الكلام اللي قالته
---------------------------------------------------
صار يوم الثلاثاء وبدا العد التنازلي لخطبه دلال
ساره: يما وين سمر من امس ماني محصلتها
ام بدر: والله مادري عنها ردت بالليل وسيده نامت واليوم راحت المدرسه
ساره : خير ان شاء الله
ام بدر: ليش شعندج تسالين عنها؟
ساره : سلامتج يما بس كنت بسألها عن شغله
بدر: صباح الخيييير
ام بدر : هلا بمعرسنا صباح الورد والنوير
ساره : هلا بدر
بدر: هلا سارون امي تقول انج امس رحتي عند دلوله ، شلونها
ساره: صارت دلوله بعد، تمام زينه
بدر: اي خطيبتي بعد
ساره: خل تصير خطبتكم رسمي اول
بدر: بل بل بل محد محبطني غيرج
ام بدر: الا بتم خطبته ان شاء الله وبنفرح فيهم
بدر : اميييييييييين
------------------------------------------------------
راحت دلال الجامعه
عبدالله: دلال سمعيني شوي انا صار لي جم يوم ماني عارف لا انام ولا اكل اذا انا مضايقج بشي قولي لي لاتخليني جذي
دلال : عبدالله انا قلت لك كل اللي عندي امس واتمنى تقدر اني انخطبت وتنسى كل اللي كان بينا
عبدالله: لو تعطيني سبب بس استاهل عليه انج تسوين فيني كل هذا
دلال :خلاص عبدالله اوعدني انك تنساني وتخليني بحالي الله يخليك انا خطبتي يوم الخميس وماظن في شي ممكن يستمر بينا اكثر من جذي، عن اذنك
ظل عبدالله ساكت بمكانه موعارف شالذنب اللي ارتكبه وشلون ضحت دلال فيه بهالطريقه
-------------------------------------------------------
سمر: هااااااااااي شلونكم
ساره: سمر تعالي ابيج
ام بدر: ذكري الله اختج توها داشه قعدو خل نتغدى اول
ساره: شوي يما محنا مطولين على ماتبدل سمر وننزل
صعدو غرفه سمر
سمر: شفيج تالتني على اولي فوق شصاير؟
ساره: شفيها دلال؟
سمر: دلال .؟ شفيها ؟
ساره: لاتستهبلين علي انتي تدرين شصاير فيها بتقولين لي ولا شلون؟
سمر: انا اللي اعرفه انها انخطبت في شي ثاني انا ماعرفه؟
ساره: سمروووو حركاتج هذي مو علي انا
سمر: اي حركات انتي شتبين توصلين له بالضبط
ساره: انا كنت عند دلال اليوم وسمعتني كلام وايد واخر شي قالت لي سألي اختج سمر
سمر: شعنه تسأليني انتي وبنت خالتج مينن وبتيننوني معاكم طلعي بس خليني ابدل
----------------------------------------------------------
صار يوم الاربعا وظل عبدالله ينطر دلال تيي الجامعه على امل انه يفهم منها شي ويقدر يرد خطبتها اللي المفروض انها باجر تتم
ظل ينطرها طوول اليوم ولا دخل ولا محاضره بعد ما يأس من انها تيي طرش لها رساله
رن تلفون دلال بان رساله وصلتها وكانت طبعا من عبدالله
:ما اوعدك الا بـ وفاء
وقلبٍ مراده يسعدك
ما اوهبك الا حياتي
وروحها اللي بيدك
مهما الليالي احرمتنا ودها
وايامك لغيري تناهى شهدها
انتي المحبة كلها لا قبلها لا بعدها
ما يقدر النسيان عني يبعدك
صاحت دلال بعد ماقرت هالكلمات وحست ان قلبها تقطع بس ماكان بيدها الا انها تدوس على قلبها وتعطي الماضي ظهرها وماتلتفت له
------------------------------------------------------------
حمد: الو هلا سارون
ساره: هلا حمد
حمد: شفتي دلال
ساره: اي وماعرفت منها شي اتهمتني بالخيانه والغدر وقالت لي سألي سمر وانا مادري شالسالفه ماخذيت منها لا حق ولا باطل لا منها ولا من سمرو
حمد: انا اعرف شالسالفه
ساره: صج ، شنو قولي
حمد: تدرين منو حبيب دلال؟
ساره: اي اسمه عبدالله
حمد: وتدرين منو هالعبدالله؟
ساره:؟؟؟
حمد: اخوي بوسوسو
ساره@ شلون
حمد: اليوم عبدالله كان منهار وقالي ان حبيبته راح تتزوج وهدته من غير مبرر واخر شي قالي انها دلال بنت خالتج
ساره: لحظه لحظه ، بس دلال ليش قالت لي ان سمر لها علاقه بالموضوع؟
حمد: مادري في شي اختج مسويته
ساره: معقوله لم دلال شافت سمر مع عبدالله بالمطعم افهمت ان سمر على علاقه فيه وانا كنت ادري وساكته @@ابيه لا مستحييييل تكون تفكر جذي انا لازم اروح وافهمها السالفه
بس طبعا ماكان الوقت يسمح لان كان بالليل متاخر وضطرت تنطر لين الصبح لان دلال اساسا ماترد على اتصالاتها واخر شي سكرت جهازها
------------------------------------------------------------
اليوم الخميس يوم خطبه بدر على دلال

بدر واهو نازل من الدور الاول : يامعيريس عين الله تراك والقمر والنجوم تمشي وراك
ام بدر: هههههههههه هلا بمعرسنا
بدر: هلا بام بدر الغاليه والله انا الدينا مو شايلتني اليوم من الفرحه
ام بدر : عسى ايامك كلها فرح يا وليدي
بدر: يما ماقال ابوي متى بنمر الجماعه اليوم؟
ام بدر: امبله يما قال قبل المغرب ان شا ءالله
بدر : يالله متى يصير العصر
ام بدر: ههههههههههه
-------------------------------------------------------------
فهد: الو ، صباح الخير
عنود: هلا والله صباح النور
فهد: شلونج عنود
عنود: الحمد لله بخير
فهد: طولتي علي بالرد خليتيني على نار
عنود: هههههههه
فهد: ها اييب اهلي واييكم؟
عنود: حياكم الله
فهد: صج ، يعني موافقه؟؟؟
عنود: ههههههه فهد لاتحرجني
فهد: فديت اللي ينحرجون والله ، خلاص انا اليوم ولا باجر اقول حق امي واخليها تتصل بامج وتاخذ منها موعد لان اليوم موعد خطبت اختي
عنود: بالمبارك ان شاء الله وعسى الله يوفقها
فهد: تسلمين والفال لنا )
عنود: هههههههه
-------------------------------------------------------------
ساره: صباح الخير خالتي
ام فهد: هلا يما ساره شلونج
ساره: الحمدلله بخير خالتي ، دلال قاعده؟؟
ام فهد: اي قاعده من زمان بس طلعت مو موجوده انتي ماكلمتيها؟
ساره: لاجهازها مسكر توقعتها نايمه ، ليش ماتدرين وين راحت خالتي؟
ام فهد: لا والله قالت عندها جم شغله تبي تخلصها
ساره: خير ان شاء الله مشكوره خالتي مع السلامه
----------------------------------------------------------------
ساره: الو حمد
حمد: هابشري شصار
ساره: ماترد على تلفونها ورحت لها البيت طالعه مادري شلون الاقي هالبنيه
سحب عبدالله التلفون من حمد
عبدالله : الو ساره
ساره:----هلا عبدالله
عبدالله: تكفين وين دلال ابي اكلمها
ساره: والله مادري ياعبدالله ماني قادره احصلها
عبدالله : بس ابي اعرف ليش تركتني ، بس ابي افهم انا شسويت
ساره: عبدالله حتى انا ودي اعرف بس ماني قادره اصيدها كل اللي قالته لي سألي سمر
عبدالله :سمر؟؟؟؟ شياب طاري سمر؟
ساره: مادري ؟
تذكر عبدالله لم شاف سمر بالكافيه بيوم ميلاده وتذكر ويه دلال لم شافته بالمطعم قاعد معاها حس ان سمر لها ايد بالموضوع
عبدالله : اوكي ساره مشكوره يالله باي
----------------------------------------------------------------
سمر: هااااي مامي
ام بدر: هلا سمر
سمر: تغديتو ولا بعد حدي حددددي ميته من اليوع
ام بدر: يالله الحين اقولها تحط لج الغدا
رن تلفون سمر وطلعت عينها لم شافت رقم عبدالله
سمر: يما مابي مابي غدا الحين انا بروح اسبح بعدين اتغدى وراحت تركض تبي ترد على التلفون
ام بدر: مادري هالبنت متى تعقل
------------------------------------------------------------------
عبدالله :الو
سمر: هلا وغلا نور التلفون
عبدالله: سمر وينج فيه؟
سمر : انا بالبيت توني داشه
عبدالله : اقدر اشوفج
سمر استانست انها بتشوفه وبنفس الوقت خافت لانه كان صوته عصبي
سمر: اوكي متى ووين؟
عبدالله : الحين باي مكان تبينه
سمر: اوكي البس واطلع اشوفك بمرينا كرسنت
عبدالله : صار ، يالله باي
سمر : باي

------------------------------------------------------------------​

 

[bent.gaga]

رد : صــــدفه

Waaitinggg

 

[بنكوووو]

Yislamoo weede ya36eha 6raa8

 

[بقايا همس]

رد : صــــدفه

مرحبـــــــــــااا اخـتي اشـــــــــــوواااااق شلونج؟؟

وانا وحده من متــــابعينج..

بصـــــــــــرااااحه قصتج روعـــــــــــــــــــة كملي فديتج ناطرينج...........